tag:blogger.com,1999:blog-70998140047830640252024-02-19T14:46:55.332+08:00財經茄哩啡金融世界,人人想搵Bank Cheque,個個都係演員,如果有「財經演員」,又點少得「財經茄哩啡」?順叔http://www.blogger.com/profile/06016399556550555412noreply@blogger.comBlogger544125tag:blogger.com,1999:blog-7099814004783064025.post-52581885283633008532015-01-09T23:40:00.000+08:002015-01-11T21:20:05.928+08:00我的好友李嘉誠<div style="text-align: right;">(部份內容刊於《<b><a href="http://www.books.com.tw/products/0010598261" target="_blank">本土論述2012:官商勾結</a></b>》)</div><br />
<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEiVBiqgAs0NAtdW9jP2Zh98C8zThpO_5tRMKjrfhkghojTGT2I5eTjqL8YwRUiY6nDv9H85mPni0DJkeC3Aid_AO0yzI_9GJBDxHP56qoGReqT61XrGnJ5K4_0ME690In2qpqYwIUND0Q-5/s1600/%E6%88%91%E7%9A%84%E5%A5%BD%E5%8F%8B%E6%9D%8E%E5%98%89%E8%AA%A0.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEiVBiqgAs0NAtdW9jP2Zh98C8zThpO_5tRMKjrfhkghojTGT2I5eTjqL8YwRUiY6nDv9H85mPni0DJkeC3Aid_AO0yzI_9GJBDxHP56qoGReqT61XrGnJ5K4_0ME690In2qpqYwIUND0Q-5/s1600/%E6%88%91%E7%9A%84%E5%A5%BD%E5%8F%8B%E6%9D%8E%E5%98%89%E8%AA%A0.jpg" height="400" width="367" /></a></div><br />
誠伯都要變相冊遷走佬,財經茄哩啡趁熱鬧,摷篇舊文應節。呢篇嘢,2012年年底寫的,而家再寫一次的話,題目會改做「<b><span style="font-size: large;">香港最後一個買辦</span></b>」...<br />
<br />
回帶:<br />
<br />
<br />
<b>「歷」過的「史」vs「Hi」的「Story」</b><br />
<br />
歷史有好多種,重構的、建構的、解構的、虛構的,乜構都有。<br />
<br />
名人回憶錄或富豪傳記,好多時都係尋找歷史軌跡的重要資料,不過大腦的記憶是信唔過的,記憶本身更加有選擇性,所以透過知情人士筆錄口爆的歷史,只是幫助了解歷史真相的工具,本身未必係無妄事實。<br />
<br />
香港首席大孖沙李嘉誠,從未搵人幫自己著書立傳,不過乜差差超人發達秘笈及成功之道,在是但一間書局都可以放滿半個書櫃。咁多《李嘉誠XYZ》或者《XYZ李嘉誠》,最精采的一本,當數春田花花幼稚園的麥嘜同學的巨著,書名叫做《我的好友李嘉誠》,內容只有以下幾句:「我和李嘉誠是朋友。我們,很熟。有一天,我親眼看見他,發達!」<a href="https://www.blogger.com/blogger.g?blogID=7099814004783064025#1" name="top1"><sup>1</sup></a><br />
<br />
珠玉在前,這篇A貨版的《我的好友李嘉誠》,冇乜可能超越麥嘜同學的水平,只是將多本名人回憶錄及富豪傳記,炒埋一碟,嘗試襯托出誠伯能人所不能的發達秘訣。<br />
<br />
文中引述的資料,主要集中在1978年至1982年期間、絕大部分人對香港前途問題仲係懵盛盛的時候,已經發生在香港的政商互動瓜葛,未能掌握的空白地帶,只能以今日的目光思維,穿越時空無限想像,甚或偏向陰謀論的分析,既「論」且「述」,談不上什麼學術研究。<br />
<br />
大時代的大茶飯,造就了「李氏力場」的無遠弗屆,唔少香港人「親眼看見他,發達」,希望這篇《我的好友李嘉誠》,可以為這段大家親身「歷」過的「史」,提供一些更「Hi」<a href="https://www.blogger.com/blogger.g?blogID=7099814004783064025#2" name="top2"><sup>2</sup></a>的「Story」。<br />
<br />
<b>長實 vs 置地</b><br />
<br />
1978年是很多歷史轉折的起點。<br />
<br />
用1978年做分水嶺,大致上將中共成為中國坐館後的一甲子功過切開兩半,兩次大型阿公分餅,前30年鬥地主大鑊飯;後半截改革開放一部分人先富起來,白貓黑貓各走極端。<br />
<br />
政治變天,隨之而來必定是經濟利益的再分配,百廢待興的神州大地如是,面對「九七大限」的香港更加如是。1978年發生唔少事,對決定1997年後邊個做主宰香港經濟的辦事人,不過當時大部分地球人對廿年後香港主權問題仲係懵盛盛,冇為意香港巨額商業利益的再分配、搶食大茶飯的大時代,已經揭開序幕。<br />
<br />
1978年10月,當期的《信報月刊》,有兩篇訪問同期出現,一篇叫「李嘉誠先生現身說法」,基本上俾位誠伯講解自己的發達秘笈;另一篇叫「香港物業發展的前鋒」,訪問咗置地的執行董事兼總經理鮑富達(Trevor Bedford)。<br />
<br />
今日將兩篇訪問放埋一齊睇,非常有意思。首先,當日的長實,地位已隱然可以同一線香港英資相提並論,其次,從記者的提問當中,亦可見當時在普通人眼中,並未感覺得「九七大限」的威脅,香港前途問題尚未進入大眾傳媒、甚至專業財經報章的視線範圍。<br />
<br />
當日誠伯講到,點解對香港地產咁有信心的時候,只係講咗啲人口及出口等阿媽係女人的經濟觀點,對「九七大限」呢個女人未必係阿媽的政治風險,隻字冇提,反而鮑富達講到香港前景時,講咗呢段說話:<br />
<br />
<blockquote>「我認為最重要的一點,就是中國政府本身已加強他們在本港的投資,這明顯地反映出中國政府樂意見到香港以現在的方式繼續存在下去,而只要本港繼續為中國提供經濟上的利益,在這種情況下中國看來是不會作收回香港的打算。」<a href="https://www.blogger.com/blogger.g?blogID=7099814004783064025#3" name="top3"><sup>3</sup></a></blockquote><br />
置地是當年香港第一號英資怡和的「不動產」旗艦,亦是中環的商業物業大地主,1978年中,啱啱成立的地鐵(港英政府為全資大股東),將中環及金鐘站上蓋物業招標,置地竟然爆大冷輸咗俾長實,講緊76年置地特登買落隔離的鐵行大廈(今日的歐陸貿易中心),以便同中環站項目一定發展,點知中環鐵桶王國被長實攻破,焗住將鐵行大廈俾長實及馮景禧(新地創辦人之一)的財團,成為置地出讓中區地皮的首例,不過當日鮑富達仍向《信報月刊》的記者強調,賣鐵行大廈只是極個別例子,「要保持置地作為一家地產投資公司,而不是一家地產買賣公司」<a href="https://www.blogger.com/blogger.g?blogID=7099814004783064025#4" name="top4"><sup>4</sup></a>。<br />
<br />
<b>長實拒做包租公</b><br />
<br />
地產公司可以分成兩種,收租或者賣樓,前者講求建立一個不敗的商業物業組合,坐住「不動產」做包租公;後者老土啲講句,最緊要「貨如輪轉」,掌握物業市道的起伏脈絡,賣咗樓俾用家,套現之後過咗海就係神仙,所以做包租公,往往需要對業務根據地更大的信心及更長遠的眼光。<br />
<br />
長實就算得到中環站上蓋的地皮,建成今日的環球大廈之後,不脫當年華資地產商搵快錢的作風,嗱嗱臨分拆出售,創造破記錄的銷售利潤,但亦放棄咗在中環建立皇牌收租物業的機會。(今日的環球大廈,位置黃金地段中心地帶,但係充滿「東南亞風情」,同隔離的置地廣場格格不入,就係咁解。)<br />
<br />
從呢個角度睇,在1978年的置地,堅持公司收入結構以租金為主,對香港的長遠信心,唔會低得過長實,策略眼光,甚至比長實等華資地產商更長遠。<br />
<br />
當時的置地,理論上可以從港英政府身上,索到唔少政治風向,甚至同中資已經開始有合作,今日荃灣的綠楊新邨,就係置地在1978年同僑光置業(「紅色基地」僑冠大廈的發展商)合作發展,從鮑富達一句中國「不會作收回香港的打算」,可以合理推斷,當年的怡和及置地,縱使政治上不乏人脈,但嚴重錯判咗中國收回香港主權的決心。<br />
<br />
同一期的《信報月刊》,李嘉誠被問及點解長實好少保留物業作收租,當時誠伯表示,「增加經常性收入的計劃,我在現時尚不能加以透露」<a href="https://www.blogger.com/blogger.g?blogID=7099814004783064025#5" name="top5"><sup>5</sup></a>,講緊1978年3月的時候,長實曾經購入近10%九倉股權,最後全部賣俾船王包玉剛,坐擁現金近10億計,仍然將環球大廈急急腳拆售套取更多現金,已經俾晒貼士下一個目標係乜(1979年開估,叫做和黃),純粹以現在的眼光分析,在1978年的大時代食大茶飯的起跑線上,香港英資大班,可能慣咗不可一世,低估咗華資挑戰英資的野心及實力。<br />
<br />
<b>最重要的內幕消息</b><br />
<br />
今時今日望返轉頭,將香港地產大孖沙一字排開,最容易得出的一個結論,就係過去幾十年,邊個對香港最有信心,在地產市場人退我進,邊個等如最有目光,今日今日就最發。<br />
<br />
將中英兩國當係兩間大型企業,當香港係一項重要資產嚟睇,當年中國要「併購」香港,邊個可以睇準大勢,等如掌握咗香港金融史上最重要的「內幕消息」,對香港的前途,亦可以有更大的「信心」,更準確的「目光」。<br />
<br />
七十年初中後期,香港地產業發展蓬勃,但住宅按揭通常要做15年,1997減15,等如1982,如果到1982年,香港前途問題仍然未明朗,尤其係在新界發展的項目(界限街以北「租借期」在1997年屆滿),銀行同地產商都唔知點做生意,所以銀行大班及地產大孖沙,必定係最早關注「九七大限」的商界人物。<br />
<br />
如果話1982年9月英國首相戴卓爾夫人,訪問北京並在人民大會堂仆在前階,為香港前途問題在公眾目光拉開序幕,1979年3月港督麥理浩訪問北京之行,就係在社會視線以外的最重要前奏曲,亦係商界人物為「九七大限」收風索料的最重要場口。<br />
<br />
當日麥理浩訪京,其實應1978年12月訪問香港的中國外貿部部長李強的邀請<a href="https://www.blogger.com/blogger.g?blogID=7099814004783064025#6" name="top6"><sup>6</sup></a>,鄧小平見到麥理浩之後,劈頭第一句,就開門見山咁表示,知道有人開始擔心香港將來的前途和地位問題,老鄧講明,「香港是中國的一部份,這個問題本身不能討論」,不過老鄧亦表示,中國會「尊重香港的特殊地位」,「請投資的人放心」<a href="https://www.blogger.com/blogger.g?blogID=7099814004783064025#7" name="top7"><sup>7</sup></a>;麥理浩當日見鄧小平前,外交部部長黃華已經講明,以麥理浩身份,向中國國家領導人提出「土地契約」的具體問題,外交上於禮不合,但麥理浩在見老鄧時仍堅持當面提出,建議將土地契約上有效期限的「1997年」去掉,改為只要新界仍在英國管治下依然有效<a href="https://www.blogger.com/blogger.g?blogID=7099814004783064025#8" name="top8"><sup>8</sup></a>,結果老鄧再講明「沒有回旋餘地」,唔好幻想中國會改變立場,會晤結束前,麥理浩問老鄧返香港點同香港人交待,老鄧用同一句作總結:「請香港的投資者放心」。<br />
<br />
<b>麥理浩吞落肚的重要訊息</b><br />
<br />
麥理浩訪問既是受北京邀請,老鄧又係主動提出香港前途問題,可以推斷,當時老鄧想搵麥理浩做「信差」,將「中國鐵定收回香港主權」,同埋「請投資者放心」兩個重要信息,帶俾英國政府及香港人,有關會晤內容,對當時的香港,可以話係最重要的「內幕消息」,麥理浩返到香港,只係講咗「請投資者放心」一句話,中國鐵定收回香港主權的訊息,吞咗落肚,<br />
<br />
據香港政壇教父鍾士元的回憶,當時佢貴為親英華人政治精英、立法局首席議員,都只係後來政圈商界的傳聞,大約知道麥理浩同埋鄧小平的會晤內容,要到1983年在倫敦同已經退休的麥理浩單獨食飯,先證實到傳聞的真偽<a href="https://www.blogger.com/blogger.g?blogID=7099814004783064025#9" name="top9"><sup>9</sup></a>。<br />
<br />
據鍾士元所講,1980年1月,由財政司夏鼎基夏領導的一個高層次諮詢委員會,包括鍾士元、滙豐大班沈弼、華人精英利國偉等成員,一致認為麥理浩傳達的訊息唔足以令「投資者放心」,聯署一封秘密函件俾港督,提出中英兩國係時候就香港前途展開談判,即係將「九七大限」問題擺上枱公開化,不過麥理浩的回覆不足三句:「多謝1月18日的來信,內容得悉。」<a href="https://www.blogger.com/blogger.g?blogID=7099814004783064025#10" name="top10"><sup>10</sup></a><br />
<br />
可以見到,七八年初尾至八十年代初,英國對中國收回香港主權的立場,已經好有心理準備,不過對解決問題的形式可能仲有「幻想」,更加唔想問題太早公開化,所以有關香港前途問題的最高機密,封鎖在最高層次,連親英高級華人政客被拒於知情範圍。1979年3月陪跟麥理浩訪京的行政會局首席非官守議員、東亞銀行創辦家族之一的簡悅強,返香港後提早半年退休辭職<a href="https://www.blogger.com/blogger.g?blogID=7099814004783064025#11" name="top11"><sup>11</sup></a>,後來連東亞股權都賣晒,可以反映當時親英華人政客的無奈。<br />
<br />
當時香港的英國財團,點都叫做同聲同氣,收風索料能力應該更強,但唔擔保英國政府本身冇誤判形勢,1978年時英國執政工黨在自己屋企搞到一頭煙,次年大選輸咗俾戴卓爾夫人的保守黨,據當時的英國外相歐文(工黨)的回憶錄,佢發現在1979年2月8日發表的中葡建交聯合公報中,隻字冇提及澳門問題,好似承認咗澳門作為葡萄牙「托管」一樣,以為英國人在香港亦可以好似澳門咁,以「續約」方式繼續維持管治<a href="https://www.blogger.com/blogger.g?blogID=7099814004783064025#12" name="top12"><sup>12</sup></a>,結果忽略咗鄧小平在78年底至79年初幾個月內,密集式地多次發表解決台灣問題的講話,主題離不開兩大原則:國家統一及尊重台灣現實,由「武力或和平解放」,轉向「一國兩制」新思維的初型已經隱約可見<a href="https://www.blogger.com/blogger.g?blogID=7099814004783064025#13" name="top13"><sup>13</sup></a>。<br />
<br />
相對未能掌握中國最新政治脈搏的香港英資,如果邊個本身眉精眼企大資本家,被中共納入統戰雷達,可以掌握第一手的「內幕消息」,在之後的政商互動,自然可以展現出更大的「信心」、更準確的「眼光」。<br />
<br />
<b>四叔巨資「義助」培僑</b><br />
<br />
香港唔少地產項目,都留低咗中國共產黨統戰香港大資本家的腳毛,不過大家唔係咁為意咁解。<br />
<br />
跑馬地山腰的比華利山豪宅,就係一個最強力的證據。<br />
<br />
比華利山的在樂活道的舊址,原來係一間古老別墅,業主係簡氏家族(搵唔到邊個「簡」),亦係培僑中學的舊校址,1978年的時候,恒基地產買咗簡氏別墅地皮重新發展,同時向政府投得天后廟道地皮,幫培僑中學重建新校,地價連建築費,恒地拍心口負責70%,等如捐咗二千幾萬港元<a href="https://www.blogger.com/blogger.g?blogID=7099814004783064025#14" name="top14"><sup>14</sup></a>,1978年的時候,講緊長實一年純利都係1.3個億,可以想像,當時重建簡氏別墅就算有巨利可圖,恒地「義助」培僑中學拆遷,有幾大手筆慷慨疏財。<br />
<br />
培僑中學的校長,叫做吳康民,2012年香港特首選舉之前,總理溫家寶突然親自召見康民叔,之後康民叔就發表咗特區政府新班子的「鐵三角論」,可見康民叔在中共的地位。<br />
<br />
據康民叔自己所講,在1978年的時候,佢親自多次同恒地主席李兆基講數,更加多次進言,大陸在中共十一大三中全會(確立老鄧地位及改革開放路線的重要會議)之後,「內地與香港均有美好前景,投資地產肯定有前途」,成功打動四叔。不過,當時的新華社香港分社統戰部部長何銘思,亦即係後來霍英東身邊的紅人,對康民叔大發雷霆,話佢成日纏住四叔,「破壞他們所做的統戰工作」<a href="https://www.blogger.com/blogger.g?blogID=7099814004783064025#15" name="top15"><sup>15</sup></a>。<br />
<br />
從這個比華利山的小故事,可以見到,早在1978年,中共已經向香港華資地產商全面展開統戰工作,而且你有你統,我有我統,好唔得閒,不過重點就係,類似四叔的精明資本家,一眼就可以睇出,未來香港及中國大陸即將出現的「大好形勢」。<br />
<br />
假如香港地產商一眼睇出,中國改革開放,以至推動香港回歸的春秋大業,都要借助香港資本家的經濟力量,有著數,自然唔會介意被「統」,並肩作「戰」,而且更應該將本身的利益,同中國的利益,仲有香港的前途,綑綁埋一嚿,撳住港英政府或英資財團搵著數,天水圍的發展,肯定係最有代表性的經典案例。<br />
<br />
<b>天水圍的中與港</b><br />
<br />
今日香港人睇住悲情城市的夜與霧,斷估無法想像,35年前天水圍呢塊5,200萬平方呎的魚塘,本來可以係北區的重點衛星城市,更一度成為保證香港前途信心的代名詞。<br />
<br />
78年的時候,華資地產商要大展雄圖,優質地皮的供應唔會太多,除咗可一不可再的地鐵項目,只有兩個地方可以打主意,一個係英資財團的資產負債表,例如長實透過收購永高(美資)取得希爾頓酒店(現在長江中心)的地皮,另一個就係界限街以北的新界。<br />
<br />
不過英國「租用」新界的期限,就算在不平等條約內亦白紙黑字寫明,只係去到1997年,所以發展新界土地,其實係搵命博,沙田第一城呢個巨型項目,勞動到四大華資地產商,恒地長實新世界加新地破天荒合作,先有足夠信心去馬。<br />
<br />
香港人口爆炸,港英政府查實亦冇乜得選擇,一定要發展新界,香港土地供應委員會早在77年已經建議,將天水圍發展成為新市鎮。<a href="https://www.blogger.com/blogger.g?blogID=7099814004783064025#16" name="top16"><sup>16</sup></a><br />
<br />
天水圍最獨特之處,在於呢塊近約5,000萬平方呎的新界農地,屬於當時全香港最大的單一業主地段之一,由趙姓族人(聽講係宋太祖趙匡胤的後人)透過「聯德信託」聯合擁有<a href="https://www.blogger.com/blogger.g?blogID=7099814004783064025#17" name="top17"><sup>17</sup></a>,至1978年時,「聯德信託」的股東人數已經開枝散葉到百幾人,一塊咁大型的地皮,由單一公司控制,不過股權又分散,好容易地,會成為「渴地餓地」的華資地產商的目標。<br />
<br />
「聯德信託」最初的股權轉讓,順叔掌握唔到太多一手資料,有心人可以翻查吓1978年8月時,趙氏族人趙不弱,向高院申請禁制長實附屬公司Rostock(應該係同會德豐的聯營公司)收購「聯德信託」51%股權的案件,當時的副案察司楊鐵樑,在78年10月,裁定Rostock收購有效,另外一個比較可靠的一手資料,係長實1978年的年報,披露咗當年以每平方呎1.5元的價錢,購入天水圍約2,500萬平方呎的土地,跟51%「聯德信託」股權可以控制的天水圍面積吻合。<br />
<br />
長實成功在天水圍打釘之後,身邊出現過好多不同的投資拍檔或股東,包括當時仍然未落入包玉剛手中的英資會德豐、加拿大海外發展有限公司的黃振輝、仲有合和胡應湘家族胡應濱的大寶地產等,其後相繼退股或減持,種種原因,或是對香港唔夠「信心」,或是經營不善財力不足,無需深究,最重一點,是長實一直緊緊咬住天水圍呢個特大型項目唔放。<br />
<br />
天水圍項目咁巨型,按當年規劃,可以容納50萬人,相對之下,太古城黃埔花園呢啲大型項目,都只係小兒科。長實在78年的純利首次突破1億港元,賺1.3個億,一炮過掟近4,000萬落唔知幾時完成、幾時回本、兼要承擔九七風險的天水圍,需要超乎常人的「信心」及「眼光」,不過事件好快有突破性發展,長實在天水圍的項目,引入咗一個重量級的拍檔:華潤。<br />
<br />
中共在奪取中國政權之前,成立咗唔少公司或隱蔽機構,至今碩果僅存的,只有華潤,可以話最係「紅」的中資公司,「紅」在唔單止係「國企」,而且係「黨企」,在國共內戰等非常時期,華潤以貿易為掩護,為中共進行軍事、統戰及經貿工作。<br />
<br />
天水圍算係呢間「最紅中資」的第一個地產項目,1979年開始插手,到1980年,已經成為天水圍項目的牽頭股東,持有51%股權,以目前眼光嚟睇,唔會覺得出奇,但回想三十幾年前,其實係一件充滿象徵意義的超級大新聞。<br />
<br />
根據華潤的內部會議紀錄,1980年11月一次經理人會議,有一位副總,講咗以吓呢句說話:<br />
<br />
<blockquote class="tr_bq">「天水圍靠近深圳,所以有人說,華潤有錢投資天水圍,為什麼不投資深圳,是不是唱對台戲?」<a href="https://www.blogger.com/blogger.g?blogID=7099814004783064025#18" name="top18"><sup>18</sup></a></blockquote><br />
大佬,鬥地主出身的中國共產黨,啱啱先玩完文化大革命,轉頭竟然搞地產項目,仲有乜嘢唔搞得,當日華潤點解落搭,同長實及李嘉誠拍住上殺入天水圍,華潤自己有以下答案:<br />
<blockquote class="tr_bq">「投資深圳,這是中央的號召;投資天水圍,這關係到香港的穩定。一個普通的地產投資,却涉及兩個政治性很強的問題,這不能不說是華潤的地位使然。」<a href="https://www.blogger.com/blogger.g?blogID=7099814004783064025#19" name="top19"><sup>19</sup></a></blockquote><br />
<b>香港規劃史最難解的一頁</b><br />
<br />
當日華潤為咗「香港的穩定」投資天水圍,係來自北京的更高指示,定係華潤自己膽粗粗摸佔石頭過河,無從稽考;被動地被長實拉落水做政治安全套,定係主動地按中國政府授意拍住上,亦搵唔到任何資料佐證,不過可以咁講,如果當時有一個以中資為首的財團,在新界西北投資一個必定跨越97的計劃,講緊總投資額幾百個億,又有人有意無意間,在講到天水圍計劃時,同香港前途拉埋一齊,港英政府就算覺得唔對路,都唔可以公開反對。<br />
<br />
結果在1982年7月底,港英政府宣布,用22億港元向華潤及長實的財團回購所有天水圍的農地(可以話係今日新界東北的發展模式的先例),再以8億元代價,向發展商批出當中40公頃的土地,即係話港英政府要掹起長實在78年以不足4,000萬元打落的一口「釘」,要付出14億港元,同時免費附送在規劃上最中心、可容納13萬人口的地段,當時已經引起社會嘩然,做乜港英政府咁傻仔,更神奇的是,根據十幾廿年後的傳媒踢爆,加上立法會議員的質詢,揭露1982年政府買回天水圍土地時,同時簽定一項諒解備忘錄,當中有一條:<br />
<br />
<blockquote class="tr_bq">「協議除了對該169公頃發展區作出土地用途規範外(即38.8公頃由天水圍公司發展作住宅及商業用途,而餘下130.2公頃土地由政府發展公屋、資助房屋、公共設施和一些作鄰里商鋪的商業用途), 亦就鄰里商鋪的商業設施作出限制,訂明這些鄰里商鋪的供應不得導致天水圍公司在其38.8公頃土地上提供的商業設施在商業上不可行。」<a href="https://www.blogger.com/blogger.g?blogID=7099814004783064025#20" name="top20"><sup>20</sup></a></blockquote><br />
今日天水圍搵個街市都難,天水圍居民望住區內高於元朗一截的菜價肉價,有冇可能想像到,悲情城市在35年前奇貨可居的「策略價值」?今日講緊地產黨大戰共產黨,天水圍又突然可以整個臨時墟市,又會咁啱?<br />
<br />
1982年7月28日,林行止在《信報》的「政經短評」講到政府買回天水圍呢單交易,有如此評論:<br />
<br />
<blockquote class="tr_bq">「政府在買賣天水圍上虧了大本,等如將納稅人的錢津貼地產商,當局明白吃虧,必有難言之隱,非三言兩語可交代...我們認為,政府買回天水圍,絕非一項商業行為,而是受內外政治因素影響,此外,政府或許還存有為錯誤決策付出代價的動機。有關與中國協商租約的政治性因素,明眼人一眼看出,這裡不必要重複...」<a href="https://www.blogger.com/blogger.g?blogID=7099814004783064025#21" name="top21"><sup>21</sup></a></blockquote><br />
究竟政府購回天水圍,有乜「難言之隱」,可能永遠都係一個謎,不過,唔夠兩個月之後,戴卓爾夫人就訪問北京,中央雙方正式展開香港前途的談判,仲親口同中國領導人講:「天水圍的問題解決了。」<a href="https://www.blogger.com/blogger.g?blogID=7099814004783064025#22" name="top22"><sup>22</sup></a><br />
<br />
<b>海外關係是個好東西</b><br />
<br />
大家試吓想像,在七十年代尾,李嘉誠在跟華潤集團高層,傾談天水圍點發展時,會講乜嘢。<br />
<br />
斷估大家唔會天真到,以為佢哋會講吓個樓盤叫「嘉湖」定「漿糊」,又或者第二時樓價大跌買家撻訂會唔會追佢哋樓價差額呢啲細微細眼的芝麻綠豆。大人物必定只會著眼大方向,就算係順叔呢類財經茄哩啡,都可以好合理咁推斷,當日誠伯同埋華潤高層坐埋,講得最多的,就係中國對收回香港的立場及策略。<br />
<br />
當然啦,以誠伯的級數,如果只係靠華潤就死得,華潤拍住長實開放天水圍,只係一個最有力的引子,證明在鄧小平推動改革開放之初,誠伯已經積極向中國靠攏,更正確咁講,係中國及香港的大資本家開始行埋,互送秋波,將相互利益綑綁埋一齊,推動香港主權回歸中國呢個春秋大業。<br />
<br />
順叔搵唔到任何一手資料,幫助推論中國共產黨幾時開始將誠伯納入統戰的雷達,中共中央在1978年8月決定成立「中央港澳工作領辦小組」<a href="https://www.blogger.com/blogger.g?blogID=7099814004783064025#23" name="top23"><sup>23</sup></a>,作為政府機構,則在同年10月以港澳辦形式在國務院樓下掛單,可以好肯定咁推斷,中共務實派對海外華僑的統戰工作,就算唔係因為處理香港問題,早在港澳辦成立之前已經開始。<br />
<br />
最簡單一個證據,出現在1977年10月2日,老鄧在接見希慎老闆利銘澤時所講一段說話:<br />
<br />
<blockquote class="tr_bq">「說什麼“海外關係”複雜不能信任,這種說法是反動的,我們現在不是關係(海外關係)太多而是太少,這是個好東西,可以打開各方面的關係。」<a href="https://www.blogger.com/blogger.g?blogID=7099814004783064025#24" name="top24"><sup>24</sup></a></blockquote><br />
<b>共產黨的老朋友</b><br />
<br />
在前新華社社長、中共在香港的「黨委書記」許家屯的回憶錄當中,稱呼利銘澤為「共產黨的老朋友」、「老統戰對象」<a href="https://www.blogger.com/blogger.g?blogID=7099814004783064025#25" name="top25"><sup>25</sup></a>。眾所久之,在中共語言當中,「老朋友」呢個字,唔可以亂用的, 其他被許家屯稱為中共在香港商界的著名「老朋友」,包括霍英東及安子介級數的人物。據利銘澤女兒所寫的家族史,利銘澤是全香港最先知道「一國兩制」及「五十年不變」具體政策內容的人,在八十年代初到北京時,「被召進一個房間,獲告知一些特別消息」<a href="https://www.blogger.com/blogger.g?blogID=7099814004783064025#26" name="top26"><sup>26</sup></a>,就算利銘澤唔係第一個知道消息的香港人,亦肯定在中共眼中擁有超乎尋常的地位。<br />
<br />
利銘澤是共濟會的中堅人物,加埋「共產黨的老朋友」的身份,對普通香港人嚟講,可以話充滿神秘色彩,可以推斷,利銘澤屬於可以遊走於中英之間的重要「中間人」,每年春節在利園舉行春茗,邀請「願意與中國接觸、希望認識中方代表的工商界領袖和政府要員」<a href="https://www.blogger.com/blogger.g?blogID=7099814004783064025#27" name="top27"><sup>27</sup></a>,1977年10利銘澤見完鄧小平之後,當年首席華人大孖沙包玉剛(聲望地位應該高過李嘉誠),嗱嗱聲約利銘澤食飯收料,利銘澤詳細講述咗鄧小平的講話內容,據包玉剛大女包陪慶所講,食完飯之後,包玉剛就罕有地興奮、重覆咁講:「我們終於可以回家了。」<a href="https://www.blogger.com/blogger.g?blogID=7099814004783064025#28" name="top28"><sup>28</sup></a>(順叔懷疑,包玉剛之後「棄舟登陸」的決定,同當日見到中港政經形勢急變,有機會打通北京人脈,好有關係;當時另一位船王董浩雲,唔知係咪同台灣關係太深,以至轉身速度較慢。)<br />
<br />
老鄧接見利銘澤夫婦,兼掟出「海外關係是個好東西」名句的場合,其實係一年一度的國慶,幾乎每年呢個時候(文革時期唔知),都會有個「港澳同胞國慶代表團」訪京(應該同時有唔同組織的代表團,例如「香港出版界參觀團」),唔使問阿桂,呢個係中共統戰海外僑胞的最佳場合,掉轉頭,亦係各種「代表團」觀眾中國政治風向、搭建人脈的最佳場口。<br />
<br />
在1978年國慶的香港觀禮團,第一次出現咗李嘉誠的身影,聽講呢次亦係誠伯有生以來第一次踏足北京,帶隊的,就係香港特區第一屆大紫荊等主、香港南洋銀行創辦人、誠伯的汕頭老鄉莊世平<a href="https://www.blogger.com/blogger.g?blogID=7099814004783064025#29" name="top29"><sup>29</sup></a>,當日亦有份隨團的,包括合和主席胡應湘,據胡應湘日後接受內地傳媒訪問時透露,北京觀禮後,一行人坐飛機坐船坐火車,由西安、成都、重慶、武漢到廣州,花咗20多人參觀,「沿路看到各地對打倒四人幫很興奮」。<a href="https://www.blogger.com/blogger.g?blogID=7099814004783064025#30" name="top30"><sup>30</sup></a><br />
<br />
中國共產黨向香港資本家伸手,攬頭攬頸全國向左走向右走,去到呢啲場面,就係各個大孖沙各自修行,展示自己人際及政治手腕的時候,聽講當日著住中山裝的誠伯,同自己講呢次訪京,有八字真言,「少出風頭,不談政治」,大家可以想像,另外一邊的胡應湘,份人太豪邁太放,把口唔收,會唔會容易得罪人。<br />
<br />
<b>胡飛俠 vs 李超人</b><br />
<br />
時也命也性格也,胡應湘後來都有在香港搞地產,例如在灣仔起楝全港最高的合和中心,對香港充滿信心,不過更有興趣就係佢自己的興趣,學以致用咁衝入大陸搞公路,誠伯呢,改革開放初期,在大陸只係捐錢,冇乜投資,在香港狂咬地皮同埋英資資產,牌面上,胡應湘對中國改革開放後的經濟發展,應該更大貢獻,點解到2012年,連大紫荊水蓋都未撈到一個?<br />
<br />
當年的長實及合和,查實有得揮,都係「華資地產五虎將」,胡應湘後生幾年,老豆胡忠本身已係大富,有錢送佢去美國讀大學,見識更廣,胡應湘更加係最早在中國大量投資的香港大孖沙,更加「愛國」,許家屯就曾經預言,胡應湘可能係1997後香港最有錢的人(搵唔到一手資料佐證),將李嘉誠及胡應湘拍埋一齊睇,大家可以比較容易理解,點解最後跑出的,係李超人,而唔係胡飛俠。<br />
<br />
胡應湘在自己的回憶錄當中,提到80年代初,在中國大搞基建的時候,當時的總理(後來的中共總書記)趙紫陽,提供咗極大的幫助,「胡趙二人一拍即合,他倆在隨後十年建立了緊密的關係」<a href="https://www.blogger.com/blogger.g?blogID=7099814004783064025#31" name="top31"><sup>31</sup></a>,即係話,當年胡飛俠發展中國的政治大碼頭,好可能係趙紫陽條水。<br />
<br />
睇回憶錄,除咗話留意寫吓啲乜,最重要的,其實係留意應該出現,但冇出現的資料。<br />
<br />
在許家屯的回憶錄當中,提到胡應湘,只係蜻蜓點水式的若略帶過,以趙紫陽同許家屯的關係嚟講,有關胡應湘的篇幅,唔係好合理,即係可能知道好多嘢,但冇爆出嚟。<br />
<br />
許家屯提到有關胡應湘的,包括在1986年,胡應湘同李嘉誠一齊提出,比港英政府更龐大的大嶼山開放計劃<a href="https://www.blogger.com/blogger.g?blogID=7099814004783064025#32" name="top32"><sup>32</sup></a>,仲有就係1989年「六四事件」之後,為咗爭取胡應湘恢復廣深高速的工程,恢復香港人信心,許家屯說服胡應湘,去北京公開見李鵬,改善關係,但李鵬拒絕接見<a href="https://www.blogger.com/blogger.g?blogID=7099814004783064025#33" name="top33"><sup>33</sup></a>。<br />
<br />
做生意最叻的大孖沙,尤其係在中港之間的舞台,最緊要就係政治上直通天庭,胡應湘好可能在政治上押錯注,買咗落趙紫陽條水,1989年政治變天,想洗底都嚟唔切。<br />
<br />
當然啦,亦好有可能冇咁複雜,只不過係胡飛俠快人快語,在內地官場得罪人多都唔知,例如八十年代初合和起羅湖中港邊境過關大樓,中方負責同胡應湘談判的,叫做江澤民<a href="https://www.blogger.com/blogger.g?blogID=7099814004783064025#34" name="top34"><sup>34</sup></a>,大家都係工程師出身,本來應該好好傾,當年火氣好猛的胡飛俠,可能得罪咗老江都唔知,如果八十年代已經湊得老江舒舒服服,合和九十年代就唔需要衝去東南亞大搞基建,1997年撞正亞洲金融風暴,此乃後話。<br />
<br />
從李超人及胡飛俠其後的發展,可以睇得出,就算起跑線一樣,同時都係中共中央重點統戰的「好東西」,胡飛俠投資中國甚至更加熱情,但政治手腕的高低,對日後的發展可以好大分別,例如李嘉誠幾次獲鄧小平單獨接見,胡應湘最多同其他人一齊排排企同老鄧握吓手,政治手段,高下立見,分別大成點,如果只係用錢計的話,大約係身家幾千億計,同埋幾百億的分別咁。<br />
<br />
誠伯同內地高官點樣打交道,外人最多睇到成果,好少睇到過程,最八掛的一條線索,亦係來自當年許家屯的回憶錄:<br />
<br />
<blockquote class="tr_bq">「八四年,有人願以九十萬港幣將一輛九成新的勞斯萊司車,指名讓給我,這樣的價格是非常便宜的。他是通過一位副社長向我提出的,指這樣的車“才合社長身分”。我謝謝他的好意,不能接受。李嘉誠更是一年內兩次當面向我建議:“以你的身分往來香港、北京,應有一架小型飛機,這樣便利得多。”這個建議較稱作勞斯萊司更不可能。我推托:“沒有小型號的噴射機吧?”李嘉誠認真地說:“有,性能和大型的一樣平穩。”我理解他的好意,以暫時沒有迫切性,謝謝他的關心。」<a href="https://www.blogger.com/blogger.g?blogID=7099814004783064025#35" name="top35"><sup>35</sup></a></blockquote><br />
<b>誠伯的中資人脈</b><br />
<br />
順叔近年越老,除咗越嚟越唔信自己未考證過的歷史,亦越嚟越明白自己的記憶信唔過,所以老人家的回憶錄,多數唔會信到十足,不過大家可以明白,點解王立軍走入美國領事館,會咁大鑊,你試吓今日中聯辦主任彭清華,走去美國學人寫回憶錄,睇怕香港好多人有得震冇得瞓。<br />
<br />
唔好扯咁遠,另一個顯示到胡飛俠同李超人最大分別的,就係生意上的中資拍檔,合和咁多年嚟,冇乜話同中資機構有乜合作,李超人就唔同,中國有翻咁上吓的國企,或多或少同誠伯都曾經有過一手。<br />
<br />
眾所久知,老鄧在1978年打開國門,只係打開條隙,好多嘢仲係未擺平,搞到1992年仲要南巡吹雞,改革開放初期有兩個最大「窗口」,一個叫中信,一個叫光大,各發一道免死金牌,一道俾榮毅仁,一道俾王光英,叫佢地勇於創新多作貢獻,唔理黑貓白貓搞搞震。<br />
<br />
許家屯去聽徐小鳳演唱會已經叫做勇,王光英更勇,勇到去大富豪剪綵,在夜總會門口親身示範「馬照跑舞照跳」,84年1月,香港地產因為97問題陷入低潮,長實旗下國際城市的樓盤北京城市花園,賣唔出,光大出手接盤,以9.3億元購入1,100個城市花園單位,不過後來光大撻訂,原來在買賣協議中訂明,雙方可在半年內無條件取消協議,國際城市並向光大退還近5,000萬元本息,令市場嘩然,後來誠伯更因為呢單嘢,被內幕交易審裁處公開譴責,成為誠伯最冇臉的一單瘀事。<a href="https://www.blogger.com/blogger.g?blogID=7099814004783064025#36" name="top36"><sup>36</sup></a><br />
<br />
誠伯同光大合作唔係咁啱咀形,同中信就絲絲入扣。<br />
<br />
誠伯除咗自己公司,絕少話做其他公司董事,以順叔有限記憶,其中絕無僅有的一次,就係做中信董事,時間仲要早到1979年10月,「中國國際投資公司」開張大吉之日,誠伯已經係董事之一,其他海外的「好東西」代表,仲有馬萬祺及霍英東<a href="https://www.blogger.com/blogger.g?blogID=7099814004783064025#37" name="top37"><sup>37</sup></a>。其後誠伯幫榮毅仁囝囝榮智健在香港打天下,做成一單又一單的英資染紅大刁(幫榮智健打天下的軍師袁天凡,後來再做太子太傅,幫李澤楷吞併香港電訊),更加不在話下。<br />
<br />
誠伯同中資多合作,未必樣樣有求於人,更大可能,係中資公司想借誠伯過橋,不過好簡單咁講,誠伯早在七十年代尾,已經泊住華潤在天水圍做世界,又係中信集團呢間最個金融重鎮的董事,本身又可以直通天庭,同鄧小平搭通天地線,就算冇人同佢講,97年後中國必定收回香港呢個最重要的「內幕消息」,以誠伯的眼光,冇可能判斷唔到中國對香港問題的政策方向。<br />
<br />
<b>Sir Y.K vs K.S.</b><br />
<br />
無論誠伯幾早睇清楚香港前途問題的必須發展,無論佢在中方建立咗幾深厚的人脈,用嚟解釋誠伯發達秘笈或者李氏力場的科學成因,只係半桶水,所有人「親眼看見他,發達」,但唔係好多人留意、或者仲記得,令誠伯大發特發的最重要關係,唔係來自中國,而係英國。<br />
<br />
1979年9月25日,英國政府宣布,港督麥理浩留任多兩年,不過呢單咁重要的新聞,在第二日的報章頭版,幾乎放唔落,因為被另一單更轟動的新聞完全蓋過,長實宣布作價6.4億元,在香港上海滙豐銀行手上,收購22%的和黃股權。<br />
<br />
講到呢個高潮位,順叔忍唔住要原文引述,當日《信報》頭版頭條頭一段,大家睇睇行文用字,不難見到,當時全港唯一的華文專業財經報章,可能太夜趕稿,收到消息又太興奮,以今日的角度嚟睇,查實唔係太專業中立,甚至有啲「KAI」:<br />
<br />
<blockquote>昨晚十一時四十五分,長江實業董事長李嘉誠先生在華人行辦公室接見記者,宣布了一件震撼香港商界(由於和黃的業務範圍甚廣,因此震撼將很快傳遍海外)的股票交易 ── 長江實業以每股七點一角的低價購取滙豐手上持有的百分之二十二和黃股票共九千萬普通股,昨天深宵,整個中區已一片死寂,但華人行廿一樓的長實總部,燈火通明,五分之三的董事局成員仍在忙碌地工作,各董事的機要秘書、速記員和輔助性職員亦忙成一團;經過整整一天十多小時的工作,今年五十一歲的李嘉誠竟然絲毫不露疲態,他興奮地對記者說:「在不影響長江實業原有業務的基礎上,本公司已有了更大的突破!」<a href="https://www.blogger.com/blogger.g?blogID=7099814004783064025#38" name="top38"><sup>38</sup></a></blockquote><br />
長實在1978年密密收集怡和旗下的九倉股權,後來包王剛棄舟登陸,亦想加入收購九倉控股權,由滙豐大班沈弼出面,「勸退」李嘉誠,將九倉股份讓俾包王剛,後來再將和黃股權,拱手賣俾李嘉誠,呢個經典故事,相信好多香港人聽過唔少次,呢度唔花口水再講。<br />
<br />
今日睇返呢兩場經典商戰,作為財經茄哩啡,順叔印象最深刻的,是李嘉誠同包玉剛的關係,仲有滙豐本身「造王者」的關鍵角色。<br />
<br />
誠伯細過船王10歲,但以當年兩個人的社會地位,尤其係上流社會政商精英眼中,「Sir Y.K.」的地位,仲高過「K.S.」幾班,政治能量上,船王亦猛過誠伯,例如同鄧小平的關係,誠伯雖然曾經獲得老鄧單對單接見,不過包玉剛更激,玩到可以兩家人出齊三代擺家宴<a href="https://www.blogger.com/blogger.g?blogID=7099814004783064025#39" name="top39"><sup>39</sup></a>,「Sir Y.K.」當日在國際政壇的人脈之深之廣,尤甚係英國政府最高層,更加冇得比,包玉剛在1978年保守黨上台之前,已經獲英女皇封做爵士,更加經常同戴卓爾(戴卓爾夫人的老公)打高爾夫球<a href="https://www.blogger.com/blogger.g?blogID=7099814004783064025#40" name="top40"><sup>40</sup></a>,可以想像,船王當年係中英兩國之間最重要的中間人之一。<br />
<br />
當日誠伯晨中吼中九倉,1978年中已經買入10%九倉股權,挑戰英資的眼光及準備功夫,明顯好過船王,理論上,誠伯可以成為第一個入主英資財團的「華人大班」,正式超越船王成為「華人之光」,不過誠伯反而將九倉股權賣俾船王,賣咗個大人情俾包玉剛,後來更做中間人兼墊付定金,幫船王收購埋會德豐,從此誠伯及船王二人,「關係更密切,大家一起去打高爾夫球」<a href="https://www.blogger.com/blogger.g?blogID=7099814004783064025#41" name="top41"><sup>41</sup></a>,據包玉剛長女的記述,包玉剛臨過世之前,「最後和家外面人講話的,就是李嘉誠先生」。<a href="https://www.blogger.com/blogger.g?blogID=7099814004783064025#42" name="top42"><sup>42</sup></a>船王當日同誠伯講乜,誠伯自己唔講,怕且永遠唔會有人知道。<br />
<br />
一時瑜亮,誠伯最厲害的地方,可能係令本來處於競爭關係的包玉剛,都完全信任自己,可以想像,「Sir Y.K.」後來有冇幫誠伯打通在英國政府最高層的任督二脈,將自己的英國波友,變成誠伯的波友?<br />
<br />
誠伯處理同英國佬的關係,同處理北京的關係,應該一樣咁面面俱圓,連滙豐大班沈弼都搞得掂。<br />
<br />
<b>The bank is the bank</b><br />
<br />
據聞當年港督麥理浩講過,真正管治香港者,其實係馬會、滙豐、怡和,排名不分先後(搵唔到正式出處)。呢句帶自嘲的名句,查實同現實都有出入,滙豐在香港越做越大,食埋華資的恒生之後,更加惡晒,既係發鈔銀行亦係中央銀行,最著數係做埋結算銀行,等如掌握晒香港競爭對手盤路及資產狀況,咁又有邊個夠滙豐爭。<br />
<br />
政治上,滙豐大班同時係行政及立法兩局議員,香港英資更加開始走下坡,真正惡晒的、最有影響力,其實係滙豐,當時講英文的人,唔會叫滙豐做「Hongkong Bank」,而係叫「The Bank」。<br />
<br />
七十年代初唔少英資大舉進軍海外失利(可能係面對97問題分散風險的長遠部署),怡和本身已經完氣大傷,和黃前身的和記國際,更衰到要滙豐出手注資,結果埋下滙豐持有最大嚿股份的伏線,滙豐已經講明會在適當的時候,出售和黃股權,避開「銀行兼營企業」的指責及矛盾。<br />
<br />
滙豐在1979年將手上22%和黃股權賣俾長實,被人批評最多的,係「賤價」,有關指責,其實並不成立。79年9月24日長實宣布交易前的取後一個交易日,和黃股價雖然經過不尋常的升幅,收市只係每股5.85元,滙豐的出售價,每股7.1元,仍有超過20%溢價,和黃大班韋理在9月27日向股東發表聲明,聲稱和黃每股股價應該值14.4元<a href="https://www.blogger.com/blogger.g?blogID=7099814004783064025#43" name="top43"><sup>43</sup></a>,唔知韋理點計出嚟,不過可以想像,大概講緊和黃的資產淨值,換句話講,在長實有意併購和黃的消息曝光之前一日,和黃股價(5.85元),相對資產淨值(14.4元),有接近60%的折讓。<br />
<br />
如果股市價格係一個可以有效反映各種資訊的地方,當日和黃股價的大幅折讓,正正係一項最有力的證據,證明就算在1979年的9月,全香港對中國收回香港主權的立場,仍然懵盛盛。<br />
<br />
其時已在麥理浩訪問北京之後半年,英國政府已經大約知道97年中國鐵定收回香港的立場,不過從當時和黃的股價及折讓睇嚟,絕大部分香港人,包括絕大部分的港股投資者,仍然唔相信、或者未知道呢個咁重要的「內幕消息」,否則類似和黃的英資資產,必定被視為吞拼對象,就算唔出現拼購溢價,亦唔會出現咁大的折讓。<br />
<br />
當然,以上推論係利用今日的眼光車馬後炮,有可能在1979年的香港,英國人仍然唔相信中國收回香港的立場會咁強硬。<br />
<br />
當日滙豐賣和黃股權俾長實的交易,真正明益李嘉誠的,其實係付款安排,連貸款都無謂做,長實只需要俾總代價6.4億元的20%,其餘八成分兩年還,長實當年應該冇咁多現金,因為近2億元的首期,其實係誠伯自己私人低息供俾長實的股東貸款,換句話講,滙豐出售和黃股權的交易,應該係閃電進行,冇在市場上向其他有意思的買家兜售問價。<br />
<br />
呢單交易,當日《信報》形容為「長江實業股東的福氣」<a href="https://www.blogger.com/blogger.g?blogID=7099814004783064025#44" name="top44"><sup>44</sup></a>,對交易三方都有利,不過在英國人角度,就唔係咁睇,例如當日港英政府及英資高層經常用嚟放風的《南華早報》,在79年9月28日的財經版,有一份署名「JW」的評論文章,作者好可能係南華早報的記者「Jim Walker」,好唔客氣咁批評滙豐,提到滙豐時,兩度用到「well, the bank is the bank」,暗串滙豐玩晒惡晒,出賣英國自己友的利益,將幾年前仲係穿緊膠化著緊短褲的李嘉誠捧上神枱,可見英國人(和黃高層)對滙豐明益華資誠伯的決定,幾唔順超:<br />
<br />
<blockquote class="tr_bq">「Cheung Kong has scored the bloodless coup to match all coups. And if one is to use some of the suggestions of Mr Bill Wylie, it has done so at the expense not just of HWL but also the Hongkong and Shanghai Banking Corporation. Consider the saga for a moment. Mr Li Ka-shing, not many years ago a modest plastics maker, with ambition. The Hongkong Bank… well the bank is the bank and was when Mr Li was in shorts.」<a href="https://www.blogger.com/blogger.g?blogID=7099814004783064025#45" name="top45"><sup>45</sup></a></blockquote><br />
用2個億的價錢,打一口最大的釘落去香港最重要的英資資產,其餘款項分兩年還,如果滙豐用呢個條件放在市場公開招標,當年斷估大把人排隊入標,包括太古等經營相對穩健的英資,肯定亦會好有興趣,甚至肯出更高的價錢,滙豐偏偏快刀斬亂麻,揀咗長實,呢個正正係當時外界最唔明白的地方,不過經此一役,「超人」的名頭亦不徑而走,而滙豐就係名乎其實的「造王者」。<br />
<br />
<b>滙豐的抉擇</b><br />
<br />
滙豐支持包玉剛吞九倉,又明益李嘉誠食和黃,同香港華資越行越密,似乎唔記得咗自己由英資洋行發起的根本,講得好聽啲,可以好似袁天凡咁講,滙豐「已經脫離英國,與香港一起發展」<a href="https://www.blogger.com/blogger.g?blogID=7099814004783064025#46" name="top46"><sup>46</sup></a>,用古惑仔心態去分析,就係滙豐自己都要搵食,在香港咁大盤生意,唔係好似國泰啲飛機咁,一飛就可以搬走,審時度世,知道英資在香港已經係明日黃花,培養一班新一代的「政治買辦」睇場,就算有乜事,同中國都好啲溝通,當然啦,新一代的「政治買辦」。<br />
<br />
怡和背後有個凱瑟克家族,太古有施懷雅,中電有嘉道理,滙豐銀行跟這批傳統香港英資最大分別,就係冇一個主導公司發展及人脈的家族,許家屯曾經透露,中共一直想了解滙豐董事局的委任大權由邊個決定,但一直摸唔到底,連做過滙豐董事局副主席的包玉剛都唔清楚<a href="https://www.blogger.com/blogger.g?blogID=7099814004783064025#47" name="top47"><sup>47</sup></a>,斷估中共當日都係諗多咗,滙豐只係一間好簡單純追求盈利及持續發展的上市公司,冇咗家族控制,更容易跳出維護英國利益的框框。<br />
<br />
許家屯的回憶錄,提及滙豐時亦曾講到,在1983年底,美國國務卿基辛格訪京,為戴卓爾夫人向中國領導人帶咗一個口訊,話滙豐準備同英國萊斯銀行合拼,擴張歐洲業務並將總部設在倫敦,戴卓爾夫人想北京明白,呢個唔係英國政府的陰謀,而是滙豐商業上的決定,當時的港澳工委即時舉行會議,認為滙豐以合拼為名,行撤離之實,表明反對滙豐同萊斯銀行合拼的計劃,並托基辛格將北京反對意見轉告英國,之後滙豐放棄計劃,只係收購小部分萊斯銀行股權。<a href="https://www.blogger.com/blogger.g?blogID=7099814004783064025#48" name="top48"><sup>48</sup></a><br />
<br />
滙豐當日放棄同萊斯銀行合拼,未必完全出於北京的反對,不過從以上的典故,可以清楚睇到,大型金融機構的一舉一動,好多時要睇政府的面色,七八十年代的滙豐,挾在中國及英國之間在香港搵食,未冊遷正式「淨身」做「英資銀行」,非禽非獸,面對的政治壓力更大,亦有更大誘因,同當時得令的香港華資行得更埋。<br />
<br />
滙豐大班沈弼,1977年嚟香港,出任滙豐主席的十年,亦係中國改革開放,香港風雲變色的十年,聽講誠伯因為同沈弼好熟,有人話因為多得誠伯老婆莊月明,英文夠好,可以幫當年英文唔係咁得的誠伯同沈弼溝通,順叔對呢個講法好有懷疑。最初可能有幫助,但講到尾,誠伯對沈弼的吸引力,多數係中國的人脈,對北京政治和經濟動向的感應能力,滙豐在七八十年代向華資傾斜的策略轉變,對中國收回香港「內幕」消息的掌握,究竟幾多係沈弼的眼光及判斷,幾多因為誠伯及包玉剛的天地線?<br />
<br />
香港地產大孖沙同銀行大班的關係,正正解釋咗,點解所謂乜嘢「地產霸權」之下,地產商乜嘢主要行業都壟斷晒,唯獨銀行,從冇地產商染指,因為大孖沙發大達,好大程度,有賴於同銀行的互惠互利關係,如果財經茄哩啡在2009年1月已經明白呢個道理,當時滙控供股時,就會大手掃入供股權,兩岸猿聲啼不住,笨象已過萬重山。<br />
<br />
1979年9月,右派報章《華僑日報》,講到滙豐及長實的和黃交易,有一段好有意思的評論:<br />
<br />
<blockquote class="tr_bq">「最近幾年來種種事實已證明,本港逐漸趨於「一銀行化」;這是否意味也在逐漸趨於「一地產商化」或「少數豪富集團化」?請問本港未來一切大生意是否可能都在「滙流」,而由那些天皇巨星予以「君臨」或「擁有」?而在這種演變的過程中,本港工商業與小市民又將付出多少更惡劣的通貨膨脹的代價?」<a href="https://www.blogger.com/blogger.g?blogID=7099814004783064025#49" name="top49"><sup>49</sup></a></blockquote><br />
以上觀點,放在今日的香港,有冇似曾相識、歷久常新的感覺?<br />
<br />
<b>英國在香港的長遠利益</b><br />
<br />
在那些年的香港,中國當然要在香港穩住華資,搵幾件辦事人,保持香港繁榮安定;作為管治香港最有影響力的造王者的滙豐,政治上商業上都有實際需要,向香港大孖沙傾斜。<br />
<br />
查實就算係英國,假假地都係「大不列顛」,香港英資個個雞飛狗走,香港搞到一鑊粥,亦有損國威,所以有一批華資財團冒起,繼續在香港投資,亦乎合英國的利益,香港傳統英資的考慮,反屬其次,舉個例,如果滙豐在1983年爆煲,你估出手相救的,會係中國定英國?<br />
<br />
所以作為人類歷史上絕無僅有的主權和平移交的案例,香港主權作為一項「資產」,在中英兩國的「交易」當中,注定有幾件中間人,可以大發特發,不過睇吓係邊個咁解。誠伯既有中國的人脈關係,又有滙豐的祝福,自然可以在呢個時空變身超人。<br />
<br />
講到香港主權移交呢單世紀大刁,唔少人會輕率的假設,英國政府只會以香港英資的利益為最終依歸,查實英國人在香港的管治,仲有同當地英資財團的關係,同其他殖民地好唔同,香港英商未必忠於英國的利益,英國政府亦唔係吓吓照住香港英資,管治上,更寧願以華人精英作為政治拍檔。<a href="https://www.blogger.com/blogger.g?blogID=7099814004783064025#50" name="top50"><sup>50</sup></a><br />
<br />
在香港前途問題的中英角力當中,講到李嘉誠,大部分人著眼於誠伯係中方的紅人,佢老人家和英方的關係,好少被擺上枱,以誠伯政治上面面俱圓的功力,冇可能在經營英國政府關係上交白卷。<br />
<br />
英國人的政治比較制度化,唔似得北京咁講關係,誠伯好多嘢唔需要自己出面,下面大把能人異士做代言人。舉個簡單例子,彭定康1992年嚟,好多親中人物即時被踢出權力核心,當時,歷史的注意力放在肥彭的政改方案,冇乜留意作為政改方案的個重要環節,就係成立一個叫做「總督商務委員會」,唔會同公眾交待會議內容,連議程都唔會講<a href="https://www.blogger.com/blogger.g?blogID=7099814004783064025#51" name="top51"><sup>51</sup></a>,一聽就知道,查實係肥彭用嚟向香港工商界收風放風的場口,而呢個神秘組織的成員,有條友叫李業廣。<br />
<br />
1979年9月長實入主和黃之後,誠伯即時派咗兩個人入和黃董事局,一個係佢老人家自己,另一個就係李業廣,日後港交所主席呢個金融重鎮,先後由李業廣及夏佳理擔任,夏佳理亦係胡關李羅的核心人物,就係咁簡單。(夏佳理當日做立法會議員,所代表的功能組別,正正就係地產商)<br />
<br />
上面提到,1978年10 月《信報月刋》有兩篇訪問,除咗有置地大班講中國冇可能收會香港之外,仲有誠伯的訪問,誠伯講到當年佢仲係痴膠花時,砌低咗一間規模比長江大好多的競爭對手,嗰位廠家唔服氣,搵人偷拍長江廠房實景,相向客戶證明,誠伯唔夠班接超級膠花大單。<a href="https://www.blogger.com/blogger.g?blogID=7099814004783064025#52" name="top52"><sup>52</sup></a><br />
<br />
由天水圍到和黃控股權,港英政府同英資大班,跟誠伯拗手瓜的過程當中,都輸甩底褲,有冇好似當日誠伯問膠花廠的對手咁,輸咗唔服氣出陰招,唔知,之不過,在英國人的管治下的香港,容許李嘉誠這樣一位首席華資大孖沙出現,斷估在誠伯發達過程中,對英國人的制度,一定留下十分深刻的印象。<br />
<br />
英國在香港有個文化協會,以前每年都會送幾十個「志奮領」獎學金,俾香港大學畢業生到英國深造,真係咁有心教育咩,講到尾,就係為咗英國長遠的利益,每年揀班有翻咁上下水準、又可能對英國文化好受落的精英去英國,第二時上咗位,仍然對英國保留良好印象,已經值回票價。<br />
<br />
滙豐在1978年開始的香港大時代,睇得通形勢,知道養肥幾個好似李嘉誠、包玉剛等華資大孖沙,有助本身長遠的發展,甚至唔理英資財團的利益,當年滙豐都睇得通的形勢,英國政府玩政治咁多年,又點會睇唔通,1997年之後,來自香港而又在英國投資最多的,正正係李嘉誠,唔係傳統香港英資。<br />
<br />
近幾年長和系幾單百億級的大交易,都係在歐洲及英國投資,都係唔死得人風險有限的公用監管事業,套用誠伯政治唔係咁正確的講法,投資最緊要揀「法律政治穩定」的地方,去到今日,長和系在香港及中國的資產,佔成個集團已經唔夠20%。<br />
<br />
<b>長和系做大刁的能力</b><br />
<br />
長和系的高峰,在2000年賣「橙」一役,一炮賺過千億港銀,當時中國啱啱入世,開始進入黃金十年,全太陽系都知道中國錢途無限,試吓想像,如果當日長和系的資產配置策略,將一千個億掟去中國是但掃貨,今日回報分分鐘十倍計,試吓想像,如果純粹講商業眼光,以誠伯級數,又點會睇唔到呢個全世界都知道的趨勢,一個最受中共器重的資本家,點解反而留在英國及歐洲搞3G,賣完橙得個桔,十幾年嚟燒咗超過和黃市值的投資?<br />
<br />
一個好合理的推斷就係,和黃在英國在歐洲的投資,唔單止係商業決定,亦有好大政治考慮,講到尾,而家唔係話好似七十年代香港地產公司鬥搵快錢,而係講緊一個可以幾代承傳的全球商業王國。<br />
<br />
在2000年11月,《遠東經濟評論》報道,中國政府認為誠伯在內地碼頭的影響力太大,處理近四份一的全國貨量,交通部已經要求地方政府,限制和黃碼業務的發展<a href="https://www.blogger.com/blogger.g?blogID=7099814004783064025#53" name="top53"><sup>53</sup></a>,誠伯在京中斷線的傳說,開始傳起。<br />
<br />
美國傳媒報道中國及香港的政治新聞,順叔多數先打個5折,不過,從長江基建的業務發展睇嚟,《遠東經濟評論》十幾年前的報道又未必完全捕風捉影,長建以投資中國為核心業務,96年年報,仲自稱「為少數可同時提供發展中國基建項目所需的資金、信譽、經驗與專業知識之機構」;去到99年,長建發展方針,忽然變咗「放眼遼濶世界,投入當地社群」<a href="https://www.blogger.com/blogger.g?blogID=7099814004783064025#54" name="top54"><sup>54</sup></a>,從此長建所有大刁,幾乎全部都在外國,投資中國絕無僅有,又難怪外人會捕風捉影,將胡錦濤溫家寶第四代領導人訪港唔住長和系的酒店,同誠伯在京人脈相提並論。<br />
<br />
舊年順叔在自己網誌,寫過上下兩篇《買褲送褲袋》<a href="https://www.blogger.com/blogger.g?blogID=7099814004783064025#55" name="top55"><sup>55</sup></a>,除咗回應「賣樓贈窗台」的上聯,仲提到長實的收租物業,至2011年底,只係佔集團資產淨值8%,相比之下,新地的比例高達68%,當時的結論係,長實唔識得做商場,冇打造新地標的能力,缺乏類似九倉的海港城時代廣場、新地的國金國貿等王牌物業。<br />
<br />
經過近排的再思考,順叔決定將呢個推論收返,因為睇得長實發展歷史越多,越覺得長實唔做收租物業,可能係一項超長遠的策略,好有政治味道的選擇,誠伯當年睇住搬唔走「不動產」的英資,好似中環大地主置地咁,在政治變天的時候,被華資大孖沙撳住嚟砌,當年的深刻經歷兼最大得益者,自然唔想風水輪流轉,自己成為被人撳住嚟砌的目標,再講白啲,長和系近年的發展,已經同「撤資」分別唔大,潛台辭可能就係,唔係咁信得過共產黨。<br />
<br />
長實和黃都係綜合企業,而且係好綜合嗰隻,試問世上有邊個能人異士,電訊地產能源碼頭酒店零售生命科技,辨辨皆精。長和系並冇好似微軟視窗、蘋果iPhone呢類「殺手產品」,一件嘢無限複製升呢,就風行全球稱霸多年,亦唔似得好似中國國企咁,擁有近乎壟斷的市場地位及政策保護,長和系的策略精髓,離唔開誠伯成日掛在咀邊的「發展不忘穩健,穩健不忘發展」,乜都唔做的話,會好穩健,要發展,就好講管理層做大刁的能力。<br />
<br />
長和系今日的根基,在於當年狂掃香港物業,仲有吞併和黃港燈,都係在香港面對前途問題時所做的重要策略選擇,當年中國有需要在香港經濟上搵代言人中間人,英國撤出香港前亦有需要搵代言人中間人,呢個食大茶飯、巨額財富再分配的神秘三角時空,好難再出現,換句話講,長和系好難複制當年做大刁的條件。<br />
<br />
經過二次世界大戰、國共內戰,當時生存落嚟已經唔係一件容易的事,當年的香港,臥虎藏龍,擁有無比商業眼光及毅力鬥心的資本家,比比皆事,最後跑出的一線大孖沙,最重要的,其實係政治手腕。<br />
<br />
政治上有更大利用價值,商業上影響力梗係越大越好,好似台灣的商家佬咁,個個在大陸好似特別長袖善舞,康師傅的公仔麵、旺旺的米餅、富士康的電子代工、冠捷的電腦屏幕,間間都話做到全地球最大,同統戰台灣商家佬統一中國大業冇關,你又信唔信?今日在內地的台商,同主權過渡期間的香港大孖沙,一樣咁好搵,一樣道理。<br />
<br />
當年長實收購和黃,包玉剛擊退怡和控制九倉,之所以取得英資大行的控股權,其中一個冇乜人留意的因素,就係民族主義情緒,英國人就算出更高價錢,華人小股東,都寧願將股份賣俾李嘉誠或包玉剛。<br />
<br />
今日香港個個呃住地產霸權,如果出現中資併購港資、僑資併購港資的大買賣,市場上恐怕再冇當年同仇敵愾的情緒了。<br />
<br />
<b>參考資料:</b><br />
<span class="Apple-style-span" style="font-size: small;"><a href="https://www.blogger.com/null" name="1"><b>1 </b></a>《麥嘜春田花花》,1994年,嘻嘻,呢本書冇印頁數的<a href="https://www.blogger.com/blogger.g?blogID=7099814004783064025#top1"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="2"><b>2 </b></a>《香港網絡大典》,「HI」,http://evchk.wikia.com/wiki/Hi<a href="https://www.blogger.com/blogger.g?blogID=7099814004783064025#top2"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="3"><b>3 </b></a>《信報月刊》,1978年10月,總第19期第73頁<a href="https://www.blogger.com/blogger.g?blogID=7099814004783064025#top3"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="4"><b>4 </b></a>《信報月刊》,1978年10月,總第19期第71頁<a href="https://www.blogger.com/blogger.g?blogID=7099814004783064025#top4"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="5"><b>5 </b></a>《信報月刊》,1978年10月,總第19期第62頁<a href="https://www.blogger.com/blogger.g?blogID=7099814004783064025#top5"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="6"><b>6 </b></a>《黨史研究與教學》,2007年第3 期,總196期第8頁<a href="https://www.blogger.com/blogger.g?blogID=7099814004783064025#top6"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="7"><b>7 </b></a>《鄧小平年譜(1975-1997)》(上),中央文獻研究室,2004年版,第500-501頁<a href="https://www.blogger.com/blogger.g?blogID=7099814004783064025#top7"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="8"><b>8 </b></a>《香港的終結: 英國撤退的秘密談判》,Robert Cottrell,1993年,第78頁<a href="https://www.blogger.com/blogger.g?blogID=7099814004783064025#top8"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="9"><b>9 </b></a>《香港回歸歷程: 鍾士元回憶錄》,2001年,第20-21頁<a href="https://www.blogger.com/blogger.g?blogID=7099814004783064025#top9"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="10"><b>10 </b></a>《香港回歸歷程: 鍾士元回憶錄》,2001年,第21-22頁<a href="https://www.blogger.com/blogger.g?blogID=7099814004783064025#top10"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="11"><b>11 </b></a>《香港回歸歷程: 鍾士元回憶錄》,2001年,第22頁<a href="https://www.blogger.com/blogger.g?blogID=7099814004783064025#top11"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="12"><b>12 </b></a>《Time to Declare》,David Owen,1991, 第407頁<a href="https://www.blogger.com/blogger.g?blogID=7099814004783064025#top12"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="13"><b>13 </b></a>《黨史研究與教學》,2007年第3 期,總196期第7頁<a href="https://www.blogger.com/blogger.g?blogID=7099814004783064025#top13"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="14"><b>14 </b></a>《李兆基博士傳記》,2008年,第47-48頁<a href="https://www.blogger.com/blogger.g?blogID=7099814004783064025#top14"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="15"><b>15 </b></a>《吳康民口述歷史》,2011年,第100-101頁<a href="https://www.blogger.com/blogger.g?blogID=7099814004783064025#top15"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="16"><b>16 </b></a>《九評地產黨》<a href="https://www.blogger.com/blogger.g?blogID=7099814004783064025#top16"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="17"><b>17 </b></a>《香港地方》,「新 市 鎮 ( 四 ) 天 水 圍」,http://www.hk-place.com/view.php?id=164<a href="https://www.blogger.com/blogger.g?blogID=7099814004783064025#top17"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="18"><b>18 </b></a>《華潤雜誌》,2012年5月號,第14頁<a href="https://www.blogger.com/blogger.g?blogID=7099814004783064025#top18"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="19"><b>19 </b></a>《紅色華潤》,吳學先著,2010年,第430頁<a href="https://www.blogger.com/blogger.g?blogID=7099814004783064025#top19"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="20"><b>20 </b></a>《立法會會議記錄》 ,2011年11月16日,http://www.legco.gov.hk/yr11-12/chinese/counmtg/floor/cm1116-confirm-ec.pdf,第15頁<a href="https://www.blogger.com/blogger.g?blogID=7099814004783064025#top20"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="21"><b>21 </b></a>《信報》,「錯誤決策的代價」,1982年7月28日,第2頁<a href="https://www.blogger.com/blogger.g?blogID=7099814004783064025#top21"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="22"><b>22 </b></a>《紅色華潤》,吳學先著,2010年,第438頁<a href="https://www.blogger.com/blogger.g?blogID=7099814004783064025#top22"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="23"><b>23 </b></a>《中國共產黨大事記(1919.5 – 1987.12》,1989年版,第340頁<a href="https://www.blogger.com/blogger.g?blogID=7099814004783064025#top23"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="24"><b>24 </b></a>《鄧小平論僑務》,廣東省僑辦編,2000年版,第6頁<a href="https://www.blogger.com/blogger.g?blogID=7099814004783064025#top24"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="25"><b>25 </b></a>《許家屯香港回憶錄(上)》,1993年,第43頁<a href="https://www.blogger.com/blogger.g?blogID=7099814004783064025#top25"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="26"><b>26 </b></a>《香港利氏家族史》,2011年,第203頁<a href="https://www.blogger.com/blogger.g?blogID=7099814004783064025#top26"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="27"><b>27 </b></a>《香港利氏家族史》,2011年,第203頁<a href="https://www.blogger.com/blogger.g?blogID=7099814004783064025#top27"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="28"><b>28 </b></a>《包玉剛 – 我的爸爸》,2008年,第167頁<a href="https://www.blogger.com/blogger.g?blogID=7099814004783064025#top28"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="29"><b>29 </b></a>《鳳凰衛視》,「1978年李嘉誠曾到北京參加國慶典禮」,2008年2月22日,http://big5.ifeng.com/gate/big5/v.ifeng.com/his/200802/34f4c525-3c16-4c91-ad13-ba151b234df4.shtml<a href="https://www.blogger.com/blogger.g?blogID=7099814004783064025#top29"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="30"><b>30 </b></a>《21世紀經濟報道》,「北上先鋒的目光和腳步」,2008年12月30日,第41頁<a href="https://www.blogger.com/blogger.g?blogID=7099814004783064025#top30"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="31"><b>31 </b></a>《點燈又點火 – 從香港出發的胡應湘》,2007年,第59頁<a href="https://www.blogger.com/blogger.g?blogID=7099814004783064025#top31"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="32"><b>32 </b></a>《許家屯香港回憶錄(上)》,1993年,第239頁<a href="https://www.blogger.com/blogger.g?blogID=7099814004783064025#top32"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="33"><b>33 </b></a>《許家屯香港回憶錄(下)》,1993年,第426頁<a href="https://www.blogger.com/blogger.g?blogID=7099814004783064025#top33"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="34"><b>34 </b></a>《點燈又點火 – 從香港出發的胡應湘》,2007年,第81頁<a href="https://www.blogger.com/blogger.g?blogID=7099814004783064025#top34"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="35"><b>35 </b></a>《許家屯香港回憶錄(上)》,1993年,第35頁<a href="https://www.blogger.com/blogger.g?blogID=7099814004783064025#top35"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="36"><b>36 </b></a>《壹周刊》,2010年6月24日,A56頁<a href="https://www.blogger.com/blogger.g?blogID=7099814004783064025#top36"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="37"><b>37 </b></a>《大公報》,「中國國際投資公司開張了」,1979年10月5日,第1頁<a href="https://www.blogger.com/blogger.g?blogID=7099814004783064025#top37"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="38"><b>38 </b></a>《信報》,1979年9月26日,第1頁<a href="https://www.blogger.com/blogger.g?blogID=7099814004783064025#top38"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="39"><b>39 </b></a>《包玉剛 – 我的爸爸》,2008年,第221頁<a href="https://www.blogger.com/blogger.g?blogID=7099814004783064025#top39"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="40"><b>40 </b></a>《包玉剛 – 我的爸爸》,2008年,第125頁<a href="https://www.blogger.com/blogger.g?blogID=7099814004783064025#top40"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="41"><b>41 </b></a>《包玉剛 – 我的爸爸》,2008年,第239頁<a href="https://www.blogger.com/blogger.g?blogID=7099814004783064025#top41"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="42"><b>42 </b></a>《包玉剛 – 我的爸爸》,2008年,第242頁<a href="https://www.blogger.com/blogger.g?blogID=7099814004783064025#top42"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="43"><b>43 </b></a>《South China Morning Post》,1979年9月28日,P.1<a href="https://www.blogger.com/blogger.g?blogID=7099814004783064025#top43"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="44"><b>44 </b></a>《信報》,1979年9月26日,第1頁<a href="https://www.blogger.com/blogger.g?blogID=7099814004783064025#top44"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="45"><b>45 </b></a>《South China Morning Post》,「Cheung Kong coup leave Li in front」,1979年9月28日,Business News P.1<a href="https://www.blogger.com/blogger.g?blogID=7099814004783064025#top45"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="46"><b>46 </b></a>《香港股市(1841-1997)》,鄭宏泰、黃紹倫,2007年版,第373頁<a href="https://www.blogger.com/blogger.g?blogID=7099814004783064025#top46"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="47"><b>47 </b></a>《許家屯香港回憶錄(上)》,1993年,第231頁<a href="https://www.blogger.com/blogger.g?blogID=7099814004783064025#top47"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="48"><b>48 </b></a>《許家屯香港回憶錄(上)》,1993年,第232頁<a href="https://www.blogger.com/blogger.g?blogID=7099814004783064025#top48"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="49"><b>49 </b></a>《華僑日報》,「兩岸猿聲啼不住,輕舟己過萬重山」,1979年9月28日,第2頁<a href="https://www.blogger.com/blogger.g?blogID=7099814004783064025#top49"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="50"><b>50 </b></a>《官商同謀》,顧汝德著,2011年版,第270頁<a href="https://www.blogger.com/blogger.g?blogID=7099814004783064025#top50"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="51"><b>51 </b></a>《立法會會議記錄》 ,1994年12月7日,http://www.legco.gov.hk/yr94-95/chinese/lc_sitg/hansard/h941207.pdf,第984頁<a href="https://www.blogger.com/blogger.g?blogID=7099814004783064025#top51"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="52"><b>52 </b></a>《信報月刊》,1978年10月,總第19期第60頁<a href="https://www.blogger.com/blogger.g?blogID=7099814004783064025#top52"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="53"><b>53 </b></a>《遠東經濟評論》,「China -- Deep Water: Beijing moves to curb Li Ka-shing's influence over China's ports in favour of other players」,2000年11月2日<a href="https://www.blogger.com/blogger.g?blogID=7099814004783064025#top53"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="54"><b>54 </b></a>《財經茄哩啡》,「仇富首富(下)」,順叔,2010年8月13日,http://caijingcarefree.blogspot.hk/2010/08/blog-post_12.html<a href="https://www.blogger.com/blogger.g?blogID=7099814004783064025#top54"><sup>↩</sup></a></span><br />
<span class="Apple-style-span" style="font-size: small;"><a href="https://www.blogger.com/null" name="55"><b>55 </b></a>《財經茄哩啡》,「買褲送褲袋(下)」,順叔,2012年8月7日,http://caijingcarefree.blogspot.hk/2012/08/blog-post_7.html<a href="https://www.blogger.com/blogger.g?blogID=7099814004783064025#top55"><sup>↩</sup></a></span><br />
<br />
<b>關連文章:</b><br />
1. <a href="http://caijingcarefree.blogspot.hk/2013/07/blog-post.html">變態超人(上)</a>|<a href="http://caijingcarefree.blogspot.hk/2013/07/blog-post_22.html">(中)</a>|<a href="http://caijingcarefree.blogspot.hk/2013/07/blog-post_25.html">(下)</a><br />
2. <a href="http://caijingcarefree.blogspot.hk/2012/08/blog-post_5.html">買褲送褲袋(上)</a>|<a href="http://caijingcarefree.blogspot.hk/2012/08/blog-post_7.html">(下)</a><br />
<br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" /><br />
<div style="text-align: center;"><u>同場加映:</u></div><br />
<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEjc_Y8Ws1iET6wk2Hd6GsnXZWWzzhCk3FBnmhEuIWllvJ-yNfm0BS5LFObYwJid86Bj17BZG8zfSz8sguCCoRFjac_C_NLWsq3T7DNilgB3Tt6XNZ-iuuvowumcyubH7JrW_EpJv4d8lars/s1600/%E6%88%91%E7%9A%84%E5%A5%BD%E5%8F%8B%E6%9D%8E%E5%98%89%E8%AA%A0.MCMUG1.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEjc_Y8Ws1iET6wk2Hd6GsnXZWWzzhCk3FBnmhEuIWllvJ-yNfm0BS5LFObYwJid86Bj17BZG8zfSz8sguCCoRFjac_C_NLWsq3T7DNilgB3Tt6XNZ-iuuvowumcyubH7JrW_EpJv4d8lars/s320/%E6%88%91%E7%9A%84%E5%A5%BD%E5%8F%8B%E6%9D%8E%E5%98%89%E8%AA%A0.MCMUG1.jpg" /></a></div><br />
<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEjAm9cp6WR-oBCj8QJLLDUbHXBBKQA5kou9FEH9a2zoRAPW6mO6IY7_D0wJ-uFc1uOtrdW1lS4h5DW9GsRLUNjIbZmUwtrhCDqtrdb_J5m_H3ZXZhgCExxlbZYay2IcnG9pjpU8Iv8El5R9/s1600/%E6%88%91%E7%9A%84%E5%A5%BD%E5%8F%8B%E6%9D%8E%E5%98%89%E8%AA%A0.MCMUG2.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEjAm9cp6WR-oBCj8QJLLDUbHXBBKQA5kou9FEH9a2zoRAPW6mO6IY7_D0wJ-uFc1uOtrdW1lS4h5DW9GsRLUNjIbZmUwtrhCDqtrdb_J5m_H3ZXZhgCExxlbZYay2IcnG9pjpU8Iv8El5R9/s320/%E6%88%91%E7%9A%84%E5%A5%BD%E5%8F%8B%E6%9D%8E%E5%98%89%E8%AA%A0.MCMUG2.jpg" /></a></div><br />
<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEhwF4UxQrXmSA229WusJg6gm4KQkdEOJNoR3TVpeyejoN50nVzJhxXzDRH4uHNfxXqTymvDepjZXJFVecuC3vrZzVi6tgNerWNqRok5FIf99uy72MaD0CTcs7_Swvd7sFiqdOfhcAc8wq1h/s1600/%E6%88%91%E7%9A%84%E5%A5%BD%E5%8F%8B%E6%9D%8E%E5%98%89%E8%AA%A0.MCMUG3.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEhwF4UxQrXmSA229WusJg6gm4KQkdEOJNoR3TVpeyejoN50nVzJhxXzDRH4uHNfxXqTymvDepjZXJFVecuC3vrZzVi6tgNerWNqRok5FIf99uy72MaD0CTcs7_Swvd7sFiqdOfhcAc8wq1h/s320/%E6%88%91%E7%9A%84%E5%A5%BD%E5%8F%8B%E6%9D%8E%E5%98%89%E8%AA%A0.MCMUG3.jpg" /></a></div><br />
<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEieCbkAa-ug5SSCy4HcUx8LAQOMdQ6SCNL1TplH0jNPRUbsRaKZ53vuT_gr3G7xdD0xb6NJOjBLk16qNGaCsNAL5IwV1v0OX6-_OdqfHWgNTdYaH5rp1e_s7esCOd8BOTGbm5-JYFjwxHKP/s1600/%E6%88%91%E7%9A%84%E5%A5%BD%E5%8F%8B%E6%9D%8E%E5%98%89%E8%AA%A0.MCMUG4.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEieCbkAa-ug5SSCy4HcUx8LAQOMdQ6SCNL1TplH0jNPRUbsRaKZ53vuT_gr3G7xdD0xb6NJOjBLk16qNGaCsNAL5IwV1v0OX6-_OdqfHWgNTdYaH5rp1e_s7esCOd8BOTGbm5-JYFjwxHKP/s320/%E6%88%91%E7%9A%84%E5%A5%BD%E5%8F%8B%E6%9D%8E%E5%98%89%E8%AA%A0.MCMUG4.jpg" /></a></div><br />
<div style="text-align: center;"><u>同場再加映</u>:</div><div style="text-align: center;"><b><span style="font-size: large;">傑出華人李嘉誠營商之道in 5 seconds</span></b></div><br />
<div style="text-align: center;"><iframe allowfullscreen="" frameborder="0" height="281" src="//www.youtube.com/embed/crgry3kAmAM" width="400"></iframe></div><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com15tag:blogger.com,1999:blog-7099814004783064025.post-6856093314182209352014-09-17T00:01:00.000+08:002016-03-24T23:25:24.068+08:00財經吳剛<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEgBqYMhjn4cCTjapYtUNajN8LYORyNMkV1cjTiBIt7sKLFxl2yeGD4Tpn7nUmrzo5V4P_QfpdEkxAAP97m6slmwnjuZiEronriLBl2ON0zuJBWB8YhK19a2aDUw56PLpr6apB-mon0yG2za/s1600/CHIN_WUGANG.V3.jpg" imageanchor="1" style="margin-left: auto; margin-right: auto;"><img alt="名譽資深大波少婦" border="0" src="https://blogger.googleusercontent.com/img/b/R29vZ2xl/AVvXsEgBqYMhjn4cCTjapYtUNajN8LYORyNMkV1cjTiBIt7sKLFxl2yeGD4Tpn7nUmrzo5V4P_QfpdEkxAAP97m6slmwnjuZiEronriLBl2ON0zuJBWB8YhK19a2aDUw56PLpr6apB-mon0yG2za/s400/CHIN_WUGANG.V3.jpg" /></a></td></tr>
<tr><td class="tr-caption" style="text-align: center;">原圖:<b><a href="http://news.stheadline.com/figure/?page_f_id=9&id=369" target="_blank"><span style="font-size: large;">吳剛師傅淋滾油</span></a></b></td></tr>
</tbody></table><br />
今期唱花敬佛,開傳媒,凸透一位牙斬斬要派報紙的哎吔傳媒人,順便回顧一位報壇老行尊堅持立場幾十年不變的辛酸。<br />
<br />
唔少人講過,想邊條友冚家富貴,最好聳恿佢搞報紙,印印吓好快印出血。呢個傳統智慧,啱一半錯一半,「傳媒老闆」社會地位,奇貨可居,邊份報紙執粒,好快出現大富豪接貨,後面政治價值,唔會死錯人者。<br />
<br />
瘟雞未死一雞又叫,七月底講開「<a href="http://caijingcarefree.blogspot.hk/2014/07/blog-post.html" target="_blank">財經林峯</a>」,主場新聞離奇收皮,爛口未完,「財經吳剛」趕住出場,踩火坑搞財經報紙,勇氣猶勝吳剛師傅吞炭淋滾油,呢位正義朋友,就係以「資深對沖基金經理」之名行走江湖、人稱「錢老牧師傅」的,錢志健叔叔(Edward Chin)。<br />
<br />
<a name='more'></a><br />
<br />
話說錢老牧在信報專欄近日被叫停,按例,捵床輾蓆,哭訴身為「佔中金融組」負責人,慘被政治打壓。節瓜咁大條,眼淚水都標,鏡頭一轉,不得了:錢師傅<a href="http://www.am730.com.hk/article-225471" target="_blank"><span style="font-size: large;">正研究推出「新信報」</span></a>,以「對沖」傳媒低氣壓。錢師傅今個星期會在大小西報登廣告,並在港交所門口獻唱,啟動<a href="https://www.facebook.com/OCLPHK/posts/504644523006079" target="_blank">佔中金融組全球攻勢</a>,好似話仲會有神秘嘉賓,唔知財經林峯會唔會同財經吳剛同枱獻唱,一對掛金融精英之名充佔中之死士的中環孖寶,在置地廣場Chok兩嘢就叫冇走數。<br />
<br />
聽講錢師傅計劃效法南韓的《<a href="http://english.hani.co.kr/arti/ENGLISH/introduction.html" target="_blank">The Hankyoreh</a>》,<b>街坊集資(Crowdfunding),每位散戶募捐助5,000蚊(港元,下同),就可以成為股東</b>,兩萬友落搭,湊夠一個億,就可以起動香港第一份公眾主導的獨立財經傳媒云云。嗱嗱嗱,燒銀紙派報紙,向來只係大亨遊戲,家陣有正義朋友扯旗,帶領老散同蹈火海,攬埋一嚿過吓「傳媒老闆」之癮,財經茄哩啡唯有助慶陪唱,盡職審查,將錢師傅幾個招牌拆解一吓,全方位凸透呢位基金異士的金身,究竟有幾堅。<br />
<br />
<b>「資深對沖基金經理」</b><br />
<br />
「對沖基金經理」呢個朵,拋窒唔少師奶,神神秘秘,唔識嚇死,識少少咩,笑到便秘。對沖基金從來冇一個明確定義,唔想被監管機構定型及限制投資行為的(相對監管甚嚴退休基金等而言),都可以叫自己做對沖基金,攞晒9牌開個雞棚(要熟門路,唔係講咁易),無論管理緊10蚊定係100球資產,有所求者,就可以自稱「對沖基金經理」,只要唔賣廣告吸客,唔算犯法。<br />
<br />
「資深對沖基金經理」嚟講,更加係Oxymoron中的「嘔死Moron」。大波少婦聽得多,有冇見過「資深大波少婦」?對沖基金經理,幾年貨仔,唔掂,炒魷,個朵臭咗,翻身冇望,真正對沖基金出名大起大落,又有幾多個長勝將軍?假如有一個基金經理,操盤廿幾年屹立不倒,勁賺早夠退休之餘,行內行外聲譽必定極隆,好似Bill Gross咁,掛個名Partners已經排隊送上門,唔使日久日拋頭露面扮鹿扮馬,盤都唔使操,資咩深咩基金經理啫。<br />
<br />
錢師傅<a href="https://blogger.googleusercontent.com/img/b/R29vZ2xl/AVvXsEg2k4OnzvGb2yPA_L547zrxzX5iMks5IdccYLudLcjyDXs3dq99Ut9_i9cNn5K2QNssQkFOF8gEkBdPdQ9hUsi5JsiE6f7JpxSaMwR8TcdaDn0sVnLbuqgVht7nISqRvkyM4qHDpC3PkshV/s1600/CHIN_OfficialBio.jpg" target="_blank">自己公諸於世的覆歷</a>,建議所有人揾工跳糟時,都要參考一吓,點樣利用大量如夢似煙的修辭,堆砌住選擇性事實,吹出一個令人覺得好猛的效果,語文運用的藝術,登峯造極。<br />
<br />
一個基金的「Portfolio Manager」,套用錢師傅成日講的術語,工作就係「操盤」,靈魂人物也。上世紀90年代初,錢師傅先後在兩間加拿大商業銀行樓下的證卷部門任職,佢形容自己當時的崗位,叫做「a portfolio manager」,英文的「a」和「the」有冇分別,心照;幫手「manage」客仔「 portfolio accounts」,又唔知算唔算「portfolio manager」呢?<br />
<br />
好喇,錢師傅在2000年回流香港,又同大家講,做過Man Investments的「Country Head」,驟眼聽落,<b><span style="font-size: large;">好似大型沖基金成個香港業務,都係錢師傅打骰操盤</span></b>,能嚇死人。又係文字藝術,究竟錢師傅係「the country head」,還是「a country manager」?順叔特登摷返十幾年前,鬼佬金融機構轉工跳糟的舊聞,還原<a href="http://winnerbank.blogspot.hk/2001/11/blog-post.html" target="_blank">錢志健的「對沖基金人生路」</a>,發現錢師傅在回港頭五年,先後在Man Investments及Refco Alternative Investments任職,但做唔長,一年貨仔左右就要鬆人,而且<b><span style="font-size: large;">主力負責sales及product distribution的工作</span></b>,唔係話「sell屎」冇料到,不過同操盤落鑊,好似大纜扯唔上咁囉。呢段時間,錢師傅轉工頻密,唔係個個檔口都咁光鮮,例如好似冇人識的理財顧問公司Allen Perkins,2005年9月,壹周刊的八卦專欄,話<a href="http://winnerbank.blogspot.hk/2005/09/blog-post_29.html" target="_blank">錢師傅曾經做過澳門匯業財富管理部</a>,中環茶客老蘭酒鬼,有興趣可以證實吓,錢師傅有冇撈過呢間被美國財政部視為眼中釘的馬交行。<br />
<br />
當然啦,敲得老細門多,唔難揾到人打本開檔。據香港<a href="http://www.sfc.hk/publicregWeb/indi/AFY839/licenceRecord" target="_blank">證監會的持牌人記錄</a>,錢師傅在2007年2月至2008年9月,終於有次成為資產管理公司RO(Responsible Officers),基金叫做<a href="http://www.prideinvestmentsgroup.com/upload/fund/589803128127.pdf" target="_blank">Pride Revelation Fund</a>,蚊型,20球美金,老闆係今日大陸背景的<a href="http://www.prideinvestmentsgroup.com/chi/pride_group.php" target="_blank">傲陽集團</a>。雖則2007年係癲雞市,丁魚丁蝦丁蟹都撲到水搞對沖基金,不過總算係正牌「Portfolio Manager 」,一圓操盤之夢,可惜,操唔夠兩嘢,大時代變大春袋,錢師傅用咗雷曼兄弟做sole prime broker,<a href="http://www.bloomberg.com/apps/news?pid=newsarchive&sid=afNVoeGuCr34" target="_blank">鴻圖初展撞上信貸核爆</a>,坎坷。<br />
<br />
錢師傅近年又話自己幫一個「家族基金」操盤,邊個家族操就從來唔講。<a href="http://www.sfc.hk/publicregWeb/indi/AFY839/details" target="_blank">證監會持牌人記錄上</a>,錢師傅目前唯一仍然掛牌的基金公司,叫做<a href="http://www.capitalgm.com/load.php?link_id=83367" target="_blank">Capital Global Management</a>, 2011年2月開始,但間嘢好神,另外仲有5個Responsible Officers,<a href="http://www.sfc.hk/publicregWeb/corp/ALY556/rep" target="_blank">喪搭近40個Representatives</a>,要有誠伯基金會十份一規模的家族基金,可能先會咁疊馬,但係上去間嘢的網頁,乜九乜七都冇,奇奇怪怪。<br />
<br />
要了解呢個現象,就要將錢師傅盤生意,分成「金身」及「皮相」兩部份,攞晒9牌的Capital Global Management,理論上就係錢師傅作為「基金經理」的「金身」,收收埋埋;同時錢師傅亦有檔<a href="http://www.mdehedgecenter.com/about.html" target="_blank">MDE Hedge Center</a>,做好多資產管理以外的垃雜業務,呢檔可以話係錢師傅作為「基金經理」的「皮相」,拎出街見人兜客,無他,在香港想開檔對沖基金,唔係講咁易,錢師傅浸咗咁多年,熟書熟路,幫啲蚊型基金敲吓門,擔擔抬抬,提供辦公室樓面(例如一張枱及電腦),即係錢師傅唔多提及的「<a href="http://www.financeasia.com/News/36429,ex-refco-exec-provides-nest-for-young-hedgies.aspx" target="_blank">hedge fund hotel</a>」的生意,錢師傅的角色其實類似酒店大堂經理,當所有嘢嗱埋一注,久而久之,就難分主業或副業、「金身」或「皮相」矣。<br />
<br />
總括嚟講,將錢師傅「<b><span style="font-size: large;">資深對沖基金經理</span></b>」個朵,斬開三截為「<b><span style="font-size: large;">資深</span></b>」、「<b><span style="font-size: large;">對沖基金</span></b>」及「<b><span style="font-size: large;">經理</span></b>」,三個形容詞分別準確,三截駁埋一齊,嘻嘻,又係中文字的應用藝術,後生仔求職時亦要學學。記者朋友下次幫錢師傅撻朵之前,最好先問問佢老人家,用「資深對沖基金經理」會唔會太爆,如果唔方便,順叔建議,可以改用「<b>在對沖<span style="color: red; font-size: x-large;">基金</span>界打<span style="color: red; font-size: x-large;">滾</span>多年的正義朋<span style="color: red; font-size: x-large;">友</span></b>」,去葉留青,亦為中文字藝術的另一應用也。<br />
<br />
<b>金融傳「道」人</b><br />
<br />
順叔對任何局限於個人行為的信仰,冇任何意見。就拜火教,反而有幾句想講:宗教政治,東西咪撈,神還神,棍是棍,性交就性交,轉運就轉運,拜火教應該中出,拜火教唔應該中出,兩邊都咁柒。<br />
<br />
入返正題,錢師傅熱忱公益,將15%時間行善,聽講過去八年,每月一次,堅持去赤柱向外國囚犯傳福音(赤柱原來咁多鬼佬監躉?),又搞社企、慈善組織,常向金融圈埋手,傳其「對沖心道」,叫人咪掛住拜金,賺咗回饋社會。<br />
<br />
世俗眼光觀之,一個有良心的對沖基金,又係嘔死Moron,去狼心講良心,不如用個基金大包圍買六合彩啦,少理,今日香港,良心有價,慈善喪搭對沖基金,運用得宜,有得諗。話說錢師傅個Pride Revelation Fund未收皮之前,賣點之一正正係良心,講緊將10%的管理費收入,捐獻慈善團體。<br />
<br />
即係咁,一個對沖基金經理,號召力遜於大部分行家,將基金包上一層良心,不失為上佳自我營銷,賣點當堂唔同晒,錢師傅在基金界際遇平平,唔代表佢操盤實力唔得,2008年基金爆煲乃非戰之罪,當年狙擊<a href="http://caijingcarefree.blogspot.hk/search/label/00823%20-%20%E9%A0%98%E5%8C%AF" target="_blank">領匯(0823)</a>的孩童基金TCI,就係著名的「狼心良心」混合體,錢師傅如果運氣好少少,分分鐘今日已經係港版大鐵球也。<br />
<br />
佔據咗「良知投資」的市場定位,講道說德形象夠出,自然有知名道,副業反客為主,就算冇人再打本開檔,亦可大收協同應效,撰寫專欄、出席講座、投資社企,甚至客串基金公司心理輔導顧問,傳其「對沖心道」,教授克服恐懼妙法,不失財路多門矣。<br />
<br />
錢師傅仲有一個招牌,叫做Master Firewalker,乜嬌嘢話?即係將一大堆木燒到千度化炭,輔開十呎八呎,叫人赤腳行過去,聽講可以將恐懼轉化為意志。美國有個教人火上行的組織,叫做「<a href="https://www.facebook.com/SparktheFireWithin" target="_blank">Spark the Fire Within</a>」,錢師傅係香港的拍檔,網頁上甚至有佢老人家踩炭,教人用喉嚨頂斷枝箭的場面(網頁最近已經鏟咗,好在<a href="https://blogger.googleusercontent.com/img/b/R29vZ2xl/AVvXsEid72Q71KctA-amr_LolGsupHAs_avRznSCiSt9g-ZaXteVO8Bv6XJYMXHcyJt05t0UiqPNt08kUMcxhlC82Ex0K51HvylelqCCuATFMG_2pSbLSgleDhahO1KpyYesSw3M2zIaTywF3MB2/s1600/%E8%B2%A1%E7%B6%93%E5%90%B3%E5%89%9B.%E9%BB%9E%E7%87%83%E7%81%AB%E5%BF%83.SCREENGRAB.jpg" target="_blank">順叔有為錢師傅雄風留底</a>),爆。後金融海嘯時期,<a href="http://caijingcarefree.blogspot.hk/2011/11/blog-post_3538.html" target="_blank">債務危機百家樂</a>玩足幾年,基金經理如驚弓之鳥,錢師傅教人踩炭克服恐懼,食腦,但邪開有條路,據報<b><span style="font-size: large;">2010年一次錢師傅做搞手的「點燃心火」活動,<a href="http://hk.apple.nextmedia.com/news/art/20101115/14662853" target="_blank">一班金融及專業人士,燒到成腳起泡</a></span></b>,好在,深喉斷箭暫時未聽過出事。<br />
<br />
<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEjIwuOi2CW9Lz_odgcvrQA9B7iS5Jf6eqVsvue4jBa7hoPeHtxkspujzgyIh2di_78PExPMUjWfgzklDqQ5h2xKqTD4q7wncsrvdo56rD1JbVSOztG5cNQOrlCWg4jamsnimbwBxoL4MNQO/s1600/%E8%B2%A1%E7%B6%93%E5%90%B3%E5%89%9B.%E9%8C%A2%E5%BF%97%E5%81%A5.%E9%BB%9E%E7%87%83%E5%BF%83%E7%81%AB.jpg" imageanchor="1" style="margin-left: auto; margin-right: auto;"><img border="0" height="266" src="https://blogger.googleusercontent.com/img/b/R29vZ2xl/AVvXsEjIwuOi2CW9Lz_odgcvrQA9B7iS5Jf6eqVsvue4jBa7hoPeHtxkspujzgyIh2di_78PExPMUjWfgzklDqQ5h2xKqTD4q7wncsrvdo56rD1JbVSOztG5cNQOrlCWg4jamsnimbwBxoL4MNQO/s1600/%E8%B2%A1%E7%B6%93%E5%90%B3%E5%89%9B.%E9%8C%A2%E5%BF%97%E5%81%A5.%E9%BB%9E%E7%87%83%E5%BF%83%E7%81%AB.jpg" width="400" /></a></td></tr>
<tr><td class="tr-caption" style="text-align: center;"><b><span style="font-size: small;">踩火坑大師 </span></b></td></tr>
</tbody></table><div class="separator" style="clear: both; text-align: center;"></div><div class="separator" style="clear: both; text-align: center;"></div><table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEj0AizEGKObhVgo2678dXafkaH-lYF7wtwIRkOiOVyqwAaSZrZ56Vcnc5R8FodXYa6rAX9UxlFZ_1Yqf7At5psAAQEJZahf387s7Mggwwroh7tk6I27ViZ5n_DiFZA_76cfnNunPJf3jY_E/s1600/%E8%B2%A1%E7%B6%93%E5%90%B3%E5%89%9B_%E6%B7%B1%E5%96%89%E6%96%B7%E7%AE%AD.JPG" imageanchor="1" style="margin-left: auto; margin-right: auto;"><img border="0" height="227" src="https://blogger.googleusercontent.com/img/b/R29vZ2xl/AVvXsEj0AizEGKObhVgo2678dXafkaH-lYF7wtwIRkOiOVyqwAaSZrZ56Vcnc5R8FodXYa6rAX9UxlFZ_1Yqf7At5psAAQEJZahf387s7Mggwwroh7tk6I27ViZ5n_DiFZA_76cfnNunPJf3jY_E/s1600/%E8%B2%A1%E7%B6%93%E5%90%B3%E5%89%9B_%E6%B7%B1%E5%96%89%E6%96%B7%E7%AE%AD.JPG" width="400" /></a></td></tr>
<tr><td class="tr-caption" style="text-align: center;"><b><span style="font-size: small;">深喉斷箭</span></b></td></tr>
</tbody></table>講到玩炭,要請真正的吳剛師傅出場。呢位唔化妝都同王小虎一個餅印的演員,其實威過,78年已經係電影男主角,例如《<a href="https://www.youtube.com/watch?v=67XC8LeJtuU" target="_blank">歡天喜地對親家</a>》,1982年捧紅李連杰的《少林寺》﹐聽講原本吳剛師傅做主角,拍拍吓,制片人唔滿意,燒晒底片由頭拍過,揾咗全國武術冠軍李連杰,造就一代武打巨星。吳剛師傅轉戰電視,在麗的拍咗代表作《醉拳王無忌》,跳糟無線,星運越沉,做完《極度兇靈》主持後,戲路更偏,形象神怪化,後來多數只能夠在籌款大騷偶然出鏡,爆肌搽一身油光,食炭淋滾油,越玩越激,後來搞到要捉鱷魚,無線都頂唔順,將吳剛表演全面叮走。<br />
<br />
財經茄哩啡真心配服娛樂圈好多百折不撓的小人物,吳剛師傅正正有種能屈能伸的毅力,放下小生身段,縱被百度嘲笑,珍惜每個出鏡機會,就算嚿炭係燶芋頭,幕後認真練習台前賣力演出,在慈善大騷搏取知名度,慢慢轉型商界,代理過果汁,做過風水佬幫架仔名星睇相,甚至賣能量健康棒免費教阿婆健康操,世人笑佢越搞越騎呢,但最少在演藝事業以外闖出新天地。<br />
<br />
錢志健的事業軌跡,同吳剛師傅好多雷同之處,都有種打不死的精神,永遠唔係一線紅星,但絕對唔容易淡忘,最少個個都知道有件「資深對沖基金經理」在蘭桂坊行嚟行去,當然,大家亦逐漸淡忘,吳剛師傅亦曾在演藝界百般奮鬥,希望成為李連杰。<br />
<br />
<b>哎吔傳媒工作者</b><br />
<br />
錢師傅廿年前已經做過傳媒人,在加拿大一個山雞中文電視台做主持,呢班回流香港的哎吔傳媒工作者,影響力甚大,除咗財經吳剛,仲有<a href="http://caijingcarefree.blogspot.hk/2014/07/blog-post.html" target="_blank">財經林峯Tony Chok</a>哥哥、香港電視(1137)主席王維基,在香港發光發熱,閒時又返加拿大座談會,唔少思想單純隔洋看花的海外華人,深受呢班加拿大幫意見領袖的串連效應影響。<br />
<br />
錢師傅同外國記者俱樂部(FCC),亦老友鬼鬼,成日在FCC起壇作法,間唔中又在西文傳媒以香港金融界代表賣廣告,阿支阿左,佢在蘭桂坊的辦公室,以前都係FCC的行政部門所在。FCC當年直接同港督爭取平價會址,成為地球上罕見的外國記者會所,香港記者協會聽講都係個工會,唔知可唔可以效法吓FCC,向政府爭取個香港本地記者俱樂部?<br />
<br />
錢師傅2006年開始在信報寫專欄,睇得出好多文佢有俾心機寫。信報的地盤,為佢「對沖基金經理」的「專業」添光加環,地盤被拆,自然扯火,佢話信報因為政治壓力「跪低」,曉,今時今日的長和系的誠伯,早已志不在香港,又使唔使跪低?誠伯細仔捋柒(Richard),2006年已經大叫「真民主」,同某部份泛民聽講好好傾,一個家族兩邊落注(李國寶買唐唐,李國章撐師奶,明未?),政改通過,可以邀功為香港民主進程出過錢出過力;原地踏步咩,繼續「<a href="http://caijingcarefree.blogspot.hk/2011/12/blog-post_3737.html" target="_blank">賤郎三百X4</a>」,最大得益又係地產霸權,早立於不敗之地。唔好忘記,戴耀庭「佔領中環」的意念,正正係在信報專欄吹出來,真要交個古惑仔祭旗,斬十八個都未輪到「資深對沖基金經理」啦。<br />
<br />
近年香港盛產新聞自由烈士,CY Lai有情有義接收唔少,有報道話人稱長舌大嘴成龍鼻的神奇顧問伍老妹,都過咗檔<a href="http://caijingcarefree.blogspot.hk/search/label/00282%20-%20%E5%A3%B9%E5%82%B3%E5%AA%92" target="_blank">壹傳媒(0282)</a>發達,錢師傅冇咗信報專欄,在壹仔多咗兩個地盤,並且開始吹Crowdfunding,吹到係「<a href="http://hk.apple.nextmedia.com/financeestate/art/20140912/18863162" target="_blank">年輕一代的吸錢大法</a>」,為街坊集資搞新報紙造勢吹雞,真係有咁多蘋果迷,唔買iPhone6都要捐錢跟住錢師傅跳火坑,起壇作法後仲多嚿銀俾錢師傅打理,基金經理好夢重圓,快哉;籌唔夠旗,最少可以搞個財經網媒,豬腸新聞借屍還魂,都叫交到功課。<br />
<br />
在香港,辦報失敗例子一大蘿。92年肥彭初到貴境,未開始搞政改,已經出現過一本叫《<a href="http://winnerbank.blogspot.hk/1992/07/window.html" target="_blank">Window</a>》的英文周刊,創辦人叫羅德丞,呢位港英重臣政治貴族,投身親中陣營屢建奇功,一度成為香港第一任特首熱門人選,聽講中銀先後貸款1,400萬美金,俾大羅搞英文雜誌,但未捱到97回歸,已經要執粒,大羅政治行情亦急跌(見「<a href="http://caijingcarefree.blogspot.hk/2013/06/blog-post.html" target="_blank">李氏樓刁</a>」)。<br />
<br />
捋柒早幾年亦曾一擲億計,<a href="http://www.mpfinance.com/htm/finance/20100813/News/ek1_ek1a1.htm" target="_blank">整檔《CAI Business Indepth》</a>,雄心脖脖,想做「中國的Bloomberg」,但捋柒忘記咗西人傳媒重鎮背後邊個做政治睇場,亦冇吸收大羅的教訓,揾班洗腳唔抺腳的老外,成事唔足,《CAI》結果「啋」一聲燒咗兩個億,幾乎未出街已經收皮。<br />
<br />
大羅捋柒,一個政治能量高,一個老豆巴閉,創辦財經傳媒,雙雙玩出火,何解仲咁多人趕住跳火坑?電影《黑社會》都有教,Jimmy仔都只係想做生意,人在江湖,政治經濟又點分得開。有啲嘢阿公做唔到,又或者唔方便做,邊條古惑仔幫阿公搞掂,先可以顯示到自己有利用價值。<br />
<br />
舉個例,今日阿公大把錢,想買邊個西文傳媒都得,但假如由人民日報出手,買份《金融時報》返來,公信力大打折扣,邊位有錢佬出手做得成單刁,又唔同講法,在北京面前當堂身價百倍,做生意分分鐘從此得心應手。<a href="http://caijingcarefree.blogspot.hk/search/label/00151%20-%20%E6%97%BA%E6%97%BA" target="_blank">旺旺(0151)</a>老闆蔡衍明就係最好例,在新加坡上市年代冇發圍,2008年買台灣中時,入股香港福你個佳電視,旺旺大陸業務即時起飛,搬嚟香港上市做埋藍籌,巧合?<br />
<br />
同樣道理,舊年寫「<a href="http://caijingcarefree.blogspot.hk/2013/07/blog-post.html" target="_blank">變態超人</a>」系列時,已經指出,誠伯國際化的第一單刁,在歐洲收購的目標就係金融時報及經濟學人母公司Pearson,人哋深謀遠慮,相對之下,捋柒後來輕彈2億收購信報,小菜一碟矣。<br />
<br />
<b>誠伯 vs 林伯</b><br />
<br />
信報被視為文人辦報最後一面旗幟,捋柒入主,哭喪全城,好似未姓李的信報,完全絕緣於金權遊戲,不落俗套於地產霸權的無遠弗屆。<br />
<br />
信乎?<br />
<br />
誠伯同信報林伯,潮汕同鄉,老友底,<b>信報老巢所在的北角,就係誠伯痴膠花轉戰地產的橋頭堡</b>,以誠伯盡攬天下奇士的用人之道,冇理由會睇漏林伯的鐵骨文膽。79年<a href="http://caijingcarefree.blogspot.hk/search/label/00001%20-%20%E9%95%B7%E5%AF%A6" target="_blank">長實(0001)</a>收購<a href="http://caijingcarefree.blogspot.hk/search/label/00013%20-%20%E5%92%8C%E9%BB%83" target="_blank">和黄(0013)</a>,全港獨家採訪到誠伯的,聽講就係林伯,睇返<a href="https://blogger.googleusercontent.com/img/b/R29vZ2xl/AVvXsEhEpbhivhPAXPNxR_am-OfVdf5amdMbU0V8dYQSwQAtZkb_4C2l3urvu02W9R0dQ9LoZl90RuIElMsjoVPVzV6bY1aHN0xssofOWIh27jfK5VbZNVtfrXA9VuivQ4Eo_lMn64ToSL1AUAcm/s1600/%E8%85%B8%E5%AF%A6%E9%A3%9F%E5%92%8C%E7%B1%B3.19790926.%E4%BF%A1%E5%A0%B1%E9%A0%AD%E7%89%88.jpg" target="_blank">79年9月26日信報頭版</a>,行文用字,可知誠伯林伯關係,非比一般。<br />
<br />
當然,香江第一健筆游走龍蛇幾十年,中環到中南海都有讀者,自有令人折服佩服之道,基本法起草政制部份時,社會分化之激烈不亞於今日,誠伯林伯亦坐唔埋枱,最突兀一章,出現於1989年1月,英國契媽元旦授勳,整咗個荷蘭水蓋誠伯艱,信報投資者日記以曹仁超之名贈慶,串誠伯「<a href="http://winnerbank.blogspot.hk/1989/01/blog-post.html" target="_blank"><span style="font-size: large;">過不了有錢求功名這一關</span></a>」,後來林伯接受傳媒訪問,曾經證實,<b>誠伯一怒之下,抽走所有在信報的廣告</b>(抽廣告呢一招,過去三十幾年用得最多的唔係共產黨,而係地產黨)。多年老友又點會因為幾句閒話反枱,「過不了有錢求功名這一關」背後的政見隙罅,耐人尋味。<br />
<br />
1987香港港出現<a href="http://caijingcarefree.blogspot.hk/search/label/00423%20-%20%E7%B6%93%E6%BF%9F%E6%97%A5%E5%A0%B1" target="_blank">經濟日報(0423)</a>,由馮紹波等國粹派人物創辦,同信報爭飯食。政治兩極化的地方,有作用力就會出現反作用力,有戴耀庭就有周融,有社民連就有愛港力,經濟日報係一份相對中立、立場傾向北京價值的報紙,光譜另一邊的信報開邊辨(或者政治睇場覺得佢開邊辨),就不難理解。當大孖沙同共產黨攬頭攬頸,大量地產廣告轉向經濟日報,信報開始冇啖好食,1997年後經濟日報做到上市,今日都叫做有十億八億市值,信報反而越做越殘,望返轉頭,順叔反而佩服林伯對自己政治立場的堅持。<br />
<br />
林伯當年一句「中國不可信,英國不可靠」,概括八十年代唔少香港人的心態,希望香港保持開放型國際城市地位,生活方式及制度不變,呢個立場,林伯五十年不變。林伯乃香港最具影響力的論政者,亦即係抗拒中港融合扭曲所謂「香港核心價值」的最鮮明大旗,講白啲,就係信唔過你共產黨,誠伯入主信報,最大功德,就係令共產黨及眾多親北京商人想做廿幾年但未達的目標:收編信報,行近一大步(聽講經濟日報波叔亦曾洽購信報)。<br />
<br />
香港主權過渡期間,誠伯變身超人,大發特發之道,絕對唔係買單邊成為北京紅人,而係同時亦代表咗英國在香港的利益(港燈、百佳都係與傳統英資綑綁埋一齊各自半匡市場)。企業併購除咗買賣雙方及投資銀行,好多時仲涉及一班高能量的中間人,呢班人少為公眾所識,但人脈深厚,食呢行飯最講信譽,愈是成功的中間人,愈無「忠奸」之分,接駁各種關係,同時為交易各方提供公平獨立的意見。假如誠伯係香港主權移交呢場世紀大刁最重要的中間人,確保香港唔會過急「去英迎華」,可能就關乎誠伯的信譽,從呢個角度睇,林伯退休賣盤,誠伯成為選擇不多的必然選擇,不足為奇,唔賣俾捋柒,唔通揾于品海咩。<br />
<br />
在香港辦報會辦到冚家富貴的講法,源於80年代,高峯期每日發行的報紙超過70份,包括馬經及龍虎豹的期刊六百幾份,左中右中英美日歐,各種意識形態利益集團搶咪鬥大聲。香港慢慢由一個高度國際化的無掩雞籠,變成中國的一部份,大陸經濟越強,反共空間越細,右派報刊在97前後大量死亡,到今日每日發行的報紙已經得返20份左右,又借用林伯所言,此乃「<a href="http://sparkpost.wordpress.com/2012/03/21/endoftransition/" target="_blank">中國日益強大下香港必然之變</a>」之一。<br />
<br />
<a href="http://forum.hkej.com/node/62833" target="_blank">林伯兩公婆同老曹,早幾年反枱</a>,好多人唔明三個人二百歲點解會搞成咁,有一位高人網友(此君曾為信報長期讀者)早排指出,<b>林曹割蓆,好可能亦只係香港社會面對中港融合洪流下,兩種意識形態的矛盾衝突的寫照縮影</b>,一邊係唔理老七定老八揾銀至上的功利主義,一邊係誓不低頭的文人辦報花崗岩神主牌,共用一個針筒,拗撬難免。順叔睇返2003年廿三條立法時的投資者日記及林行止專欄,發現火藥味早已躍然紙上行間。哈公名言,飯照吃,共照反,唔係好明,點解係都要拗到臉紅臉綠朋友反目家嘈屋閉。<br />
<br />
呢篇嘢長長臭臭,要多謝錢師傅的一句「新信報」,指教吓。唔好搞錯,順叔真心舉腳支持香港出現一份真正獨立的報紙,希望財經吳剛勇善之舉唔係得過講字。不過,講到揾錢的可能,要捐獻5000蚊Crowdfunding搞報紙,財經茄哩啡寧願買一兩手經濟日報股票放幾年,咩嘢滬港通,香港傳媒甚少留意冇在香港上市的A股,反之亦然,通條毛咩,中港財經傳媒互購合拼,遲早成為股市炒作理由。當然,滬港通真係掂,大把嘢買,有排都未輪到傳媒股,前提係直通車開得出,家陣講緊十月「去飲」,有乜豆腐冬瓜,<b>一個唔覺意下個月港股直通車又延誤開出,大吉利是</b>,到時大把籍口大插特插,內地同胞再開開心心上車嚟香港執平貨,唔通又叫人32,000點先嚟接火棒咩。<br />
<br />
家陣香港好多民主鬥士,睇得出真心熱誠,亦有唔少古惑仔嘈嘈閉等收揞口費,臨尾講多句,報紙,幾乎份份都毒,不如睇多啲舊報紙,當年今日人臉桃花,新不如舊。<br />
<br />
<b>關連文章:</b><br />
1. <a href="http://caijingcarefree.blogspot.hk/2014/07/blog-post.html" target="_blank">財經林峯</a><br />
<br />
<b>醒神閱讀:</b><br />
1. <a href="http://winnerbank.blogspot.hk/2001/11/blog-post.html" target="_blank">錢志健的「對沖基金人生路」</a><br />
2. <a href="http://winnerbank.blogspot.hk/2001/09/blog-post.html" target="_blank">吳剛師傅的演藝人生</a><br />
3. 投資者日記: <a href="http://winnerbank.blogspot.hk/1989/01/blog-post.html" target="_blank">過不了有錢求功名這一關</a><br />
<br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" /><br />
<div style="text-align: center;"><u>同場加映:</u></div><br />
<div style="text-align: center;"><b><span style="font-size: large;"><u>一個教你蹈火海的人</u></span></b></div><br />
<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEhyGDUdOMMssIfKWBlqM6Mv1_zTqu48a9strvt2zUxQCi5LqvdjBVjuVWPA5zIQAxskgb2OpFAedJViFTrDBVQ65dh02yrCymqZxV7evdCU_-1291USJ4RHIa1mtjzoJhZTKbfZBYzgBx96/s1600/%E8%B2%A1%E7%B6%93%E5%90%B3%E5%89%9B_%E9%8C%A2%E5%BF%97%E5%81%A5_%E8%B8%A9%E7%82%AD%E7%81%BC%E5%82%B7.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEhyGDUdOMMssIfKWBlqM6Mv1_zTqu48a9strvt2zUxQCi5LqvdjBVjuVWPA5zIQAxskgb2OpFAedJViFTrDBVQ65dh02yrCymqZxV7evdCU_-1291USJ4RHIa1mtjzoJhZTKbfZBYzgBx96/s400/%E8%B2%A1%E7%B6%93%E5%90%B3%E5%89%9B_%E9%8C%A2%E5%BF%97%E5%81%A5_%E8%B8%A9%E7%82%AD%E7%81%BC%E5%82%B7.jpg" /></a></div><br />
<div style="text-align: center;"></div><div style="text-align: center;"><iframe allowfullscreen="" frameborder="0" height="281" src="//www.youtube.com/embed/gV5scPiiyTQ" width="400"></iframe></div><br />
<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEg1bBu_4FeBb4ytGK25zMqFXAj4FZeBIe2La0i2e2bihMs668d3VHoZ9ozC8h6f5VD-en23tj1Sz8_3uI1aFVaeolcl5s3YnS2vwmZlLDtNOvizMh8tx9zbjNwHOUbLv4qRbFwZjKU8XMlX/s1600/XXXXX.jpg" imageanchor="1" style="margin-left: auto; margin-right: auto;"><img alt="名譽資深大波少婦" border="0" src="https://blogger.googleusercontent.com/img/b/R29vZ2xl/AVvXsEg1bBu_4FeBb4ytGK25zMqFXAj4FZeBIe2La0i2e2bihMs668d3VHoZ9ozC8h6f5VD-en23tj1Sz8_3uI1aFVaeolcl5s3YnS2vwmZlLDtNOvizMh8tx9zbjNwHOUbLv4qRbFwZjKU8XMlX/s320/XXXXX.jpg" /></a></td></tr>
<tr><td class="tr-caption" style="text-align: center;">名譽資深大波少婦</td></tr>
</tbody></table><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" /><br />
順叔http://www.blogger.com/profile/06016399556550555412noreply@blogger.com38tag:blogger.com,1999:blog-7099814004783064025.post-45952980686527476112014-07-28T02:08:00.002+08:002014-09-22T13:04:01.253+08:00財經林峯<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEgoO0xVUroWvMFWzRyVi97cF525s49ctRoHxy33O1ChSt_YONzYwBTulOCl7ht_illcX202HUznh9fkEyVRuPNg3nheETdEA-KCjnXMRueEX1Q4-SPCEEwMoo-Za_bCjgg9mAk9fiRrey9F/s1600/TONY+CHOK.jpg" imageanchor="1" style="margin-left: auto; margin-right: auto;"><img border="0" src="https://blogger.googleusercontent.com/img/b/R29vZ2xl/AVvXsEgoO0xVUroWvMFWzRyVi97cF525s49ctRoHxy33O1ChSt_YONzYwBTulOCl7ht_illcX202HUznh9fkEyVRuPNg3nheETdEA-KCjnXMRueEX1Q4-SPCEEwMoo-Za_bCjgg9mAk9fiRrey9F/s1600/TONY+CHOK.jpg" height="400" width="261" /></a></td></tr>
<tr><td class="tr-caption" style="text-align: center;"><b><span style="font-size: large;"><u>Tony Chok</u></span></b></td></tr>
</tbody></table>
<br />
今期湊熱閙,開<a href="http://caijingcarefree.blogspot.hk/search/label/00710%20-%20%E7%B2%BE%E9%9B%BB">精電國際(0710)</a>,講吓呢隻明星工業股的投資價值。<br />
<br />
有一種上市公司,大股東係股壇老雀,炒殼炒股炒風炒電,鑊鑊飛沙走石,路過之地吋草不生,道上風景,卻是唔少底褲都冇著的師奶股東亞婆散戶,個個木口木面。呢類公司,財經茄哩啡永遠唔敢掂,因為坐庄者太犀利,自問冇本事在對家手指罅揾食。<br />
<br />
物以類聚,一個財技超凡的公司主席,炒炒貢十幾年,忽然喪搭個形象包裝一流的行政總裁,Chok住Chok住同你講乜嘢工業革命,順叔戒心會更加大,股壇大龍鳯,來來去去,都係作個故仔揾班財經演員埋位,財演越有型,食水越深,咁大件靚仔扮蛤毑周街仆嚟仆去,咪玩啦。<br />
<br />
精電行政總裁蔡東豪哥哥,無需多介紹,簡直係財經茄哩啡的偶像,如果呢個世界有「財經演員」,咁叫Tony Tsoi哥哥做「財經林峯」可謂當之無愧,周身刀張張利,踎屎塔都出哲學,戴上邊張臉具都咁靚仔,雖然有時略嫌有少少形象潔癖,一大堆乜能嘢「最後一代知識份子」、「以為自己係文化人的企管人」、「温布頓精神」,唔係個個明,冇所謂,最緊要型,重點係冇人會講得膠覺得佢Chok,星級財演與財茄之分,此之謂也。<br />
<br />
順叔觀察到幾有趣一點,蔡東豪哥哥(下稱「Tony Chok」或「Chok生」)作為上市公司管理層的一面,似乎唔係咁多人了解(好多當「Chok生」係偶像的,唔少係從不炒股的正義師奶,或者世界觀未染銅臭的少男少女),對<a href="http://realforum.zkiz.com/thread.php?tid=16526" target="_blank">「Chok生」的老闆高振順</a>,認識更少。<br />
<br />
<a name='more'></a><br /><br />
咁「Chok生」老闆係乜人呢?如果有興趣知道,留意吓過去十幾年圍繞佢老闆在股壇的人和事,例如一度入主亞視的吳征、在大陸影壇關係千絲萬縷的「文化商人」董平(見順叔舊作「<a href="http://caijingcarefree.blogspot.hk/2014/03/blog-post_21.html">孖你孖孖</a>」)、仲有大名頂頂的中信國安咁,多多少少會知道,「Tony Chok」究竟同緊乜人打工。<br />
<br />
當然啦,最可靠的消息,來自阿「Chok生」自己把口。「Chok生」睇得上眼又「欣賞」的人,唔多,包括緬甸女神昂山素姬、已拉柴的南非總統曼德拉咁。2008年所謂金融海嘯,成日唱衰不務正業上市公司的「Chok生」,失驚無神秘撈,炒燶唔知「乜Link衍生工具ELN」,精電狂蝕幾億港銀,不過「Tony Chok」近千萬港元年薪年年照袋,難怪後來接受傳媒訪問時,大大聲講,<a href="http://hk.apple.nextmedia.com/financeestate/art/20110620/15356579" target="_blank">對佢老闆的「欣賞有增無減」</a>。原來,在唔會講大話的「Tony Chok」眼中,佢老闆同昂山素姬、曼德拉都係同類人物,咁偉大,咁值得欣賞,明晒。<br />
<br />
貨乾易炒,精電股價,過去兩年大約升兩倍,瞇埋眼睇股價,分分鐘係最佳表現香港工業股,最新市值24個億港元,往績市盈率僅僅雙位數字,息率超過6厘,完美無倫,財經林峯多粉屍,形象好人緣佳,近年唔少外資投行分析員,將本來無人吼的精電,放入研究範圍,佢老闆出得年薪千萬,請「Chok生」做生招牌,博分析員寫報告,吸引芬佬圍飛入貨,公司市值增加十零廿個億,已經值回票價。好喇,既然精電表現咁好,蔡東豪哥哥貢獻又咁大,純粹從投資角度出發,散戶就要留意吓,「Tony Chok」的種種副業,對精電有唔會產生不良影響。(之前有兩個金融「兼職王」人版,一個叫范鴻齡,一個叫張震遠。)<br />
<br />
首先,斷估任何一個老闆,都唔會鐘意自己伙記太多兼職,一間正正經經做生意的上市公司,更加唔會有個行政總裁,長期兼職寫財經評論,指手劃腳,大佬,家事國事天下事日久日點評,今日得罪生意拍檔,後日得罪商場朋友的朋友,佢老闆點做生意呀?所以,如果一間上市公司的行政總裁,日日在報紙互聯網吹水唔抺咀的話,一係呢間上市公司根本冇投資價值,一喺呢位行政總裁的評論冇任何觀賞價值,是但一樣。<br />
<br />
去到呢度,Tony Chok的另一位老闆就要出場:CY Lai。眾所久知,Chok生做咗<a href="http://caijingcarefree.blogspot.hk/search/label/00282%20-%20%E5%A3%B9%E5%82%B3%E5%AA%92">壹傳媒(0282)</a>筆陣重炮多年,到2012年中左右(確實日子唔能記得,待查),蘋果日報財經B疊,開始出現一個由Chok生另一個變身丘亦生坐鎮「金融雲端」的「金融中心」專版,當時條街傳緊,CY Lai出手甚豪,一個月一百萬港紙犒賞Tony Chok,呢條亦係Chok生另一重要副業主場新聞的重要水喉(後面仲有冇其他力場、豬腸的水喉灌水,唔知),條數可能吹大咗,打個五折都有半球一個月(一年接近100萬美金),主場新聞的其他創辦人,最新透露,主場新聞的營運資金,大部分來自Chok生與CY Lai在「金融中心」的合作計劃,<a href="http://news.mingpao.com/20140727/gba1.htm" target="_blank">涉及金額每月數十萬計云云</a>,可見主場新聞後面金主之一,就係壹傳媒CY Lai也,點解精電老闆高振順,每年俾千萬港銀Chok生之餘,又會長期容忍自己夥計,同全港最惹火的傳媒老闆行埋,搞乜嘢豬腸新聞,日日燒自己後欄(精電在大陸設廠),搲頭。最近CY Lai跟班Mark Simon的個人電腦資料疑似外泄,唔少政客全職拋個身出嚟,又瞓街又絕食,都係收幾十萬(港銀,下同),Chok生做吓兼職揾人寫吓稿,個個月幾十萬,巴閉。<br />
<br />
肥佬黎在台灣被人跣鑊金變賣資產失敗之後,壹傳媒開始炒人削減開支,CY Lai對蘋果全職夥記都仲算有少少良心,一刀剢咗落主場新聞條水喉,「金融中心」專版一星期五日變一日,冇幾耐,就<a href="http://www.post852.com/%E9%84%AD%E7%B6%93%E7%BF%B0%E5%B1%A2%E9%81%AD%E6%8A%B9%E9%BB%91%E3%80%80%E5%8A%89%E7%B4%B0%E8%89%AF%E6%8B%89%E9%9A%8A%E6%90%9E%E5%8F%B0/" target="_blank">傳出主場新聞創始股東內部不和的消息</a>,是耶非耶?(股東不和傷兄弟感情,又會唔會另一個主場新聞草草收皮的原因?)<br />
<br />
公元2014年7月26日,Chok生一紙飛機文,宣佈主場新聞執粒,距離檔嘢兩歲生日只有兩日(打工仔做滿兩年先有遣散費),一個聲稱香港最多人睇的新傳媒網站,滾水淥腳拉閘封舖,全港嘩然,一邊話Chok生作為佔中「死士」之一,要為民主大業製造悲情,谷人上街革命;另一邊,天滅中共,白色恐怖,中共打壓新聞自由咁。一個腦細胞未完全死亡的人,稍為冷靜退一步諗諗,都知道兩邊講法,各有道理,同時亦將香港呢局棋過度簡單化。Chok生坐得呢種位置,點會咁簡單,就一個問題的考慮,絕對唔會係「因為XXX,所以YYY」的一條直線,三言兩語可以解釋完全,而係好似圍棋象棋高手咁,一步之外,必有各種唔同後著,一個動作,同時解決幾個問題或者幾個對手,又話者係種種得失計過度過的決定。<br />
<br />
簡單舉幾個可能因素:<br />
<br />
<b>[考慮A]</b>當然係錢,壹傳媒條水斷咗,CY Lai私人醒俾泛民的政治捐款又黃埋,本來夠圍皮,家陣要自己出錢, Chok生雖則在精電年薪千萬,不過要個個月揻幾十餅嘢出嚟維持正義,Chok生明顯肉痛。Chok生話檔嘢從來未支平衡(乜原來咁大使費),一個雞棚又要咁多錢?唔知有冇可能,Chok生幾乎壟斷創辦主場新聞的光環之餘,又撳住主場條數唔俾其他股東知道,令其他創始股東有所不滿呢?至於話主場新聞點解冇廣告,<b><span style="font-size: large;">曉</span></b>,咪玩啦,呢個不在本文討論範圍,大家試吓問香港是但一個新聞傳理系教授講師,睇吓邊個夠胆用「客觀」形容主腸新聞,就會知道答案。<br />
<br />
<b>[考慮B]</b>種種所謂互聯網新媒體,個個創辦人都話自己出錢,即係自己燒自己春袋,真係咁多傳媒老闆願意做新聞自由烈士,香港一天都光晒啦。間間網媒都捱緊,隨時有人執粒,根據近年香港傳媒的行規,做唔掂就嗌幾句「天滅中共」或者「689下台」的新興傳統,主場新聞如果遲啲執粒,俾隔離台搶先一步新聞自由烈士上身,咁就冇咁轟動冇咁型仔啦。<br />
<br />
<b>[考慮C]</b>主場新聞叫做收咗皮,不過重新開檔的成本,接近零,財經林峯夠型,轉頭揾另一班熱血中坑或青年,曉以民主大義,改變經營模式,再起爐灶,搞檔豬腸新聞又好,牛雜電台都好,分分鐘聲勢更加浩大,家陣喊苦喊忽的網民,話唔定到時唔食唔爆房都要捐錢俾Chok生東豪再起添。<br />
<br />
<b>[考慮D]</b>Tony Chok做投資銀行出身,好似順叔某網友(未得巴打同意先隱其名)所言,摺埋主場新聞只係金融佬的一套「兩面對沖」。對住大陸的米飯班主,Chok生可以大大聲講已經執咗主場新聞,繼續做精電生意;另一邊,扮晒受害人,繼續煽民,一千條豬腸新聞評論,都及唔少「香港冇主場」一單新聞咁轟動。佔中得米,Chok住Chok住出嚟攞彩,佔中冇市場,咪繼續做生意囉。<br />
<br />
<b>[考慮E]</b>2014年的香港,同2004年何其相似,十年前董建華腳痛落台之前,反對派亦成功煽動大型群眾運動,亦出現電台名咀疑似被政治打壓而輪流封咪的情況,董落曾上,戰況激烈,發動政變的時候,搵軍隊控制電台電視台,其實亦係對新聞自由的終極干預(見「<a href="http://caijingcarefree.blogspot.hk/2012/03/blog-post_23.html">次輪好戲</a>」),十年人事小門中,人臉依舊發噏風,重點係,當日「被封咪」的兩位名咀,其後不但冇被滅聲封殺,而係更加大聲,先後成為影響力更大的立法會代議士,一位擁有自己電台,一位掀起政壇新風,奇。按照同樣政治軌跡,恭喜Chok生,幾年後能量必定更大,更上層樓,大器可待。<br />
<br />
當然,中共使橫手白色恐尻怖Chok生,可能性亦都存在,但唔好忘記,阿Chok生早在舊年,已經「<a href="http://hk.apple.nextmedia.com/news/art/20140727/18813437" target="_blank"><b><span style="font-size: x-large;">決志</span></b></a>」,做「<a href="http://static.apple.nextmedia.com/images/apple-photos/apple/20130429/large/29la3p1.jpg" target="_blank"><span style="font-size: x-large;"><b>佔中十死士</b></span></a>」,重覆:係「<b><span style="font-size: x-large;">決志做死士</span></b>」嘩,頂你,財經林峯即係財經林峯,「死士」喎,型到佢!<br />
<br />
政治呢家嘢,財經茄哩啡識條春咩,只係想問一句,<b><span style="font-size: large;">蔡東豪哥哥</span></b><b><span style="font-size: large;">既</span></b><b><span style="font-size: large;">然已經有做「死士」的決心勇氣,當主場新聞面對政治壓力時,點解又會失驚無神「我恐懼」?</span></b>邊樣先真呀,呢種「死士」,兒嬉咗少少喎,吹脹。以為「無痛佔中」咁著數,咁不如試吓冇菌中出啦老友。<br />
<br />
Chok生戴住「佔中死士」個頭盔,威,在主場新聞搖旗納喊CHOK足成年,相信唔少當財經林峯係偶像的靚仔,受其正氣感染,決心投身政治運動最前線,<a href="http://youtu.be/7ws5kolq4eA?list=UUkvuXeraieGinLBSG2fPCeQ" target="_blank">黃竹坑烈士</a>就係咁嚟,好喇,家陣佔中革命一觸即發,血氣方剛者黄花崗烈士上身,扎行馬準備劈友戮敵之時,本應身先士卒的「死士」財經林峯,竟然臨門一腳同你講「我恐懼」,言下之意,唔通係:「唔好意思,我要收收皮,你哋衝先」?嘩,咁都得,你老妹都問會你仲係咪男人啦…… (<a href="http://youtu.be/_Psq5L2ChD8">呢度有Chok生決志佔中的感人片段</a>)<br />
<br />
嗱嗱嗱嗱嗱,財經茄哩啡絕對相信Chok生的人格,唔會係Chok住Chok住扮正義、煽(跣)班靚仔去衝去死、轉頭又揾師奶散戶笨實的冚家鏟古惑仔,既然決得志做「佔中死士」,一定唔會咁仆街,借啲意走數(大家記住呢位「死士」,佔中時會否蒲頭,就知道形像潔癖的財經林峯的素顏矣)。人哋白鴿何俊仁,頂住個鐵頭同大肚腩,都陪500黄竹坑烈士瞓咗一晚,你蔡東豪一句「我恐懼」就叫鬆人較腳,hea咗啲囉,好好醜醜都係「死士」,最低限度硬食一棍打穿個頭,咁先叫交戲,財經林峯先可以繼續做落去。<br />
<br />
Chok生作為精電老總,高調介入政治活動公民抗命,預咗俾差佬拉留案底,冇錯,係就係好正義,從銅臭角度去睇,就係終極的不務正業、妄顧股東利益。所以Chok生都係時候,辭去精電及其他上市公司商業職務,全程投入做全職佔中「死士」,精電股東就要小心喇,股價升咗咁多,Chok生作為精電靈魂,無論以行政總裁身份被差佬拉,定係決志劈炮唔撈,精電股價都似係向含苞散方向前進。<br />
<br />
所謂左手又係肉,手心又係肉,究竟點先可以同時滿足精電及CY Lai兩個老闆(講多次,後面仲有冇其他力場、豬腸水喉射住,唔知),財經茄哩啡一路都諗唔明,早排同<a href="http://ngohk.blogspot.hk/2012/05/blog-post_22.html" target="_blank">憤怒荷馬</a>等幾個神經經濟學家,講開佔中的經濟邏輯,忽然頓悟。<br />
<br />
真正的公民抗命,講緊以最大化的「個人成本」及最低化的「社會成本」,爭取最高化「社會利益」,當年印度甘地絕食,就係公民抗命的最佳案例(去到最極端就係自焚)。佔領中環版本的公民抗命,掉轉,講緊希望用最低的「個人成本」綑綁埋最高的「社會成本」,作為爭取「社會利益」的工具。後生仔佔中,「個人成本」未必會好低,越多人攤分,「個人成本」可能越低,除咗留下青春激情的烙印,「個人利益」肯定冇乜。<br />
<br />
人類歴史上每一場群眾政治運動,都有人鼓動熱血靚仔付出「個人成本」,以「社會利益」包裝「社會成本」,自己坐收最大化的「個人利益」,佔中運動後面有冇呢種人杰,唔知,後生仔自己感受下,最低限度,幾年後回望一下,乜人因為佔中有最大「個人利益」落袋。<br />
<br />
財經林峯摺咗主場新聞,如果再辭埋精電老總職位,就可以更加凸顯自己付出「個人成本」的高昂,可以更Chok,CY Lai都六張幾,形象太差,政治資產減值得八八九九,都係時候退休,揾個再世靈童接棒,在香港,五十歲出頭,形象好能量高,最有資格做CY Lai接班人的,有兩個,Chok生係其中之一,一個唔該,去壹傳媒打工斷估亦唔會差得去邊。<br />
<br />
條街有人傳緊,<a href="https://www.facebook.com/mingpaoinews/posts/741125035947634" target="_blank">Chok生可能過檔正式跟CY Lai打工</a>,不過呢個只係冷盤,<b><span style="font-size: large;">Chok生下一站,更熱門盤口應該係力場下面的信報</span></b>,信乎?無論佢下一步做乜,請記住,到呢一刻,Chok生都係左手收CY Lai銀兩做民主革命,右手又收精電老闆千萬年薪搞「工業革命」(再講多次,後面有冇其他力場、豬腸水喉射住,唔知)。<br />
<br />
最後的「死士」,唔會死錯人的。<br />
<br />
好多人當財經林峯神咁拜,分析精電前景,預咗俾人插,喂喂喂,西環有冇觀眾呀?五毫子稿費唔該。<br />
<br />
<b>關連文章:</b><br />
1. <a href="http://caijingcarefree.blogspot.hk/2014/03/blog-post_21.html">呃你孖孖</a><br />
2. <a href="http://caijingcarefree.blogspot.hk/2014/03/blog-post.html">文化大拍賣(下)</a><br />
3. <a href="http://caijingcarefree.blogspot.hk/2012/09/blog-post_633.html">怪獸傳媒(中)</a>|<a href="http://caijingcarefree.blogspot.hk/2012/09/blog-post_12.html">(下)</a><br />
<br />
<b>醒神閱讀:</b><br />
1. 亞洲周刊: <a href="http://winnerbank.blogspot.hk/2014/08/blog-post.html">《主場》背後的離岸公司</a><br />
2. 湯財手記:<a href="http://realblog.zkiz.com/greatsoup/107505" target="_blank">給各位關心無主孤雲的人</a><br />
3. 康樂大廈何淑茵:<a href="http://hk.apple.nextmedia.com/financeestate/art/20140728/18814021">東豪式軟飯(上)</a>|<a href="http://hk.apple.nextmedia.com/financeestate/art/20140804/18821074">(下)</a><br />
4. 蘋果日報:<a href="http://hk.apple.nextmedia.com/financeestate/first/20060619/6040044" target="_blank">管理層累散戶 踢爆精電墮落之謎</a><br />
5. Q仔:<a href="http://www.inmediahk.net/node/1024761" target="_blank">資本家就是資本家</a><br />
<br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" /><br />
<div style="text-align: center;">
<u>同場加映:</u></div>
<br />
<div style="text-align: center;">
<b><span style="font-size: large;"><u>黄竹坑烈士</u></span></b></div>
<div style="text-align: center;">
</div>
<div style="text-align: center;">
<iframe allowfullscreen="" frameborder="0" height="281" src="//www.youtube.com/embed/7ws5kolq4eA?rel=0" width="400"></iframe></div>
<br />
<div style="text-align: center;">
<b><span style="font-size: large;"><u>佔中「死士」</u></span></b></div>
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEgsWhI8dtCuIEL2i7JadJfA9xrYsHSON4tC0Q8cAPtBkWDIrWaudKrRVwXgbrtflva1RDHburdAQzE1jBAt6U94spQsbbXFAj0nQYiR2qfefJH4VuN3LpBPyrCnvXQS4gdNwuaczRAG9MFK/s1600/TONYCHOK_%E6%88%91%E8%A6%81%E6%94%B6%E6%94%B6%E7%9A%AE.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEgsWhI8dtCuIEL2i7JadJfA9xrYsHSON4tC0Q8cAPtBkWDIrWaudKrRVwXgbrtflva1RDHburdAQzE1jBAt6U94spQsbbXFAj0nQYiR2qfefJH4VuN3LpBPyrCnvXQS4gdNwuaczRAG9MFK/s1600/TONYCHOK_%E6%88%91%E8%A6%81%E6%94%B6%E6%94%B6%E7%9A%AE.jpg" height="317" width="400" /></a></div>
<div class="separator" style="clear: both; text-align: center;">
</div>
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com36tag:blogger.com,1999:blog-7099814004783064025.post-21126591003506323322014-06-19T14:14:00.002+08:002014-08-14T09:13:02.325+08:00Gathering<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEj6KIUrd9RvxYBi61cZpfoKnOXktvpKioqT8cG_Tu4yaIGdVRd_O_l14JBtiKbOamtnVREmuhC__8njrpiVfKLHayJIsQ_fp7IPX_QeWuz3CxfnakbQH5vgO29oez5dP4gX0Bg91wGISyLK/s1600/%E5%8F%88%E6%9C%89GATHERING.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEj6KIUrd9RvxYBi61cZpfoKnOXktvpKioqT8cG_Tu4yaIGdVRd_O_l14JBtiKbOamtnVREmuhC__8njrpiVfKLHayJIsQ_fp7IPX_QeWuz3CxfnakbQH5vgO29oez5dP4gX0Bg91wGISyLK/s400/%E5%8F%88%E6%9C%89GATHERING.jpg" /></a></div><br />
Gathering啫,大家唔好諗太多。<br />
<br />
<b>伸延閱讀:</b><br />
1. 巴士的報:<a href="http://www.bastillepost.com/hongkong/%E6%94%BF%E4%BA%8B/%E9%BB%8E%E6%99%BA%E8%8B%B1%E9%81%8A%E8%89%87%E5%AF%86%E6%9C%83%E7%BE%8E%E5%9C%8B%E5%89%8D%E5%89%AF%E9%98%B2%E9%95%B7">黎智英與美前副防長 遊艇密會5句鐘</a><br />
2. 巴士的報:<a href="http://www.bastillepost.com/hongkong/%E6%94%BF%E4%BA%8B/%E9%BB%8E%E6%99%BA%E8%8B%B1%E5%AF%86%E6%9C%83-%E7%BE%8E%E9%B7%B9%E6%B4%BE%E7%8C%9B%E4%BA%BA-%E8%88%87cia%E9%97%9C%E4%BF%82%E5%AF%86">黎智英密會美鷹派猛人 與CIA關係密</a><br />
2. CY LAI日報:<a href="http://hk.apple.nextmedia.com/realtime/news/20140619/52602614">密會」美前CIA要員? 黎智英:好友敘舊</a><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com0tag:blogger.com,1999:blog-7099814004783064025.post-51002873895300368982014-03-21T16:39:00.004+08:002014-08-06T14:08:23.366+08:00呃你孖孖<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEhdlA-9-GzWlAlRp0_LlEVZjwcFgsjlZ5tW8d_1QI8_dda5yVewVdq3D-OcwyGMnaangIMWJCF25R5-KFBtF62Au_wjb9TXrUMbxewea2e234h1uGhUuaNwKo_0IjAiWkj3iHarBKhcs0lP/s1600/%E8%91%A3%E5%B9%B3_%E8%94%A1%E6%9D%B1%E8%B1%AA.jpg" imageanchor="1" style="margin-left: auto; margin-right: auto;"><img border="0" src="https://blogger.googleusercontent.com/img/b/R29vZ2xl/AVvXsEhdlA-9-GzWlAlRp0_LlEVZjwcFgsjlZ5tW8d_1QI8_dda5yVewVdq3D-OcwyGMnaangIMWJCF25R5-KFBtF62Au_wjb9TXrUMbxewea2e234h1uGhUuaNwKo_0IjAiWkj3iHarBKhcs0lP/s1600/%E8%91%A3%E5%B9%B3_%E8%94%A1%E6%9D%B1%E8%B1%AA.jpg" height="640" width="433" /></a></td></tr>
<tr><td class="tr-caption" style="text-align: center;"><b><u><span style="font-size: small;">當</span><span style="font-size: large;">「文化商人」</span><span style="font-size: small;">遇上</span><span style="font-size: large;">「以為自己是文化人的企管人」</span></u></b></td></tr>
</tbody></table><br />
今期開<a href="http://caijingcarefree.blogspot.hk/search/label/01060%20-%20%E6%96%87%E5%8C%96%E4%B8%AD%E5%9C%8B">文化中國 (1060)</a>。<br />
<br />
公元2014年3月12日,天方夜談,文化中國溝阿里巴巴,諗住變變變,芝麻開門,一嘢變咗呃你媽媽,幾毫子炒上幾蚊,文化中國市值一度炒到超過700億(港銀,下同),跟手一路派貨,越派越有,全日55億成交,撲入散戶非死即重傷,全城坐艇,媽媽有聲。<br />
<br />
搭個棚、作個故仔、再剥師奶條底褲的股壇大龍鳳,每日上演,講緊做得有幾過份,食到有幾盡咁解。文化中國一場大茶飯,聽講有大戶賺咗十個億計,不過盲衝衝高位接貨,家陣蟹綁在文化中國的游資,大大話話亦有十幾廿億,殺孽咁重,搞到唔少細價股炒股都冇啖好食,累街坊。聽講唔少中環古惑仔,㷫過火屎,四出刮料,好想知道文化中國呢舖大茶飯背後,是何方神仙過路,竟爾寸草不生。<br />
<br />
文化嘅嘢,財經茄哩啡識條春咩,不過,有一位財技高手,乃「文化人」加 投資銀行家再喪搭事事評論員的混合體,深諳文化中國管理層的思路套路,講到品評呢場文化大龍鳳的資格,掉佢其誰,呢位財技高手就係... 就係...<br />
<br />
登登登登!各--位--觀--眾:<a href="http://caijingcarefree.blogspot.hk/search/label/00710%20-%20%E7%B2%BE%E9%9B%BB">精電(0710)</a>行政總裁,<b><span style="font-size: x-large;">蔡東豪</span></b>哥哥!<br />
<br />
Yeah。<br />
<br />
是咁的,文化中國主席,叫董平,阿董生好威,堅威。如果將大陸電影分為國營同民營兩邊,國家隊的大佬叫韓三平 (啱啱被退休),另一邊的教父式人物,就係董平,冇在董平的電影出現過,都唔好叫自己做大導或者一線,董生的杰作包括《臥虎藏龍》、《讓子彈飛》,仲有同周星馳爺爺合作的《西遊》咁。有人叫董平做「中國民營電影教父」,不過董生好謙,只係將自己定位做「文化商人」。<br />
<br />
大陸電影商業化,唔夠廿年,文化喪溝股票,經驗更青澀,十年前唔係咁多人識玩。將文化工業同資本市場結合,打破意識形態禁忌,董平乃第一代推手,帶呢位「文化商人」登陸香港股市,授以搭棚秘術、財資技法的,正正就係蔡東豪哥哥。<br />
<br />
話說2004年底,阿蔡生去咗<a href="http://caijingcarefree.blogspot.hk/search/label/00419%20-%20%E8%8F%AF%E5%84%84%E5%82%B3%E5%AA%92">友利(0419)</a>呢隻經典殼股做董事總經理,月薪一皮,打破香港上市公司最低工資記錄,才子賤價下海,全城跌碎眼鏡。原來東豪BB忍辱負重,重要任務幫董平間華億,借殻上市。於是「友利」變身「華億新媒體」,蔡東豪哥哥作為財技高手的金身罕有閃現,領銜演出財經大戲,單嘢幾個月搞掂,2005初東豪BB收返埋個金身,閃咗去佢老闆的另一隻殼精電做行政總裁,犒賞人工暴跳到10球一年。呢場十年前蔡東豪哥哥一手策劃的文化大龍鳯,仲有董平同<a href="http://caijingcarefree.blogspot.hk/search/label/003636%20%EF%B9%A3%20%E4%BF%9D%E5%88%A9%E6%96%87%E5%8C%96">保利文化(3636)</a>的瓜葛,早排<a href="http://caijingcarefree.blogspot.hk/2014/03/blog-post.html">「文化大拍賣(下)」</a>已經寫過,唔重覆。<br />
<br />
阿蔡生去咗精電搞工業革命,佢在「華億新媒體」董事會,一直保留非執行董事的職務,直至2008年初,「華億新媒體」隻殼搞完一輪後,再賣俾另一個文化界財資高手,前網通CEO兼中國寬帶產業基金創辦人田溯寜,「華億新媒體」再變身「華億傳媒」,<a href="http://www.hkexnews.hk/listedco/listconews/SEHK/2008/0111/LTN20080111319_C.pdf">蔡東豪哥哥同董平一齊撤出華億董事會</a>。<br />
<br />
一個人有兩塊臉,唔出奇,蔡東豪哥哥做財經評論員,都警訓過小投資者,上市公司股價經常失驚無神大起大落,而董事會又次次同你講「不明股價升跌原因」,多數有古怪,唔知點解,蔡東豪及董平,在「華億新媒體」董事會,共渡近兩年零八個月歲月,期間在港交所發出的「不明股價及成交波動原因」通告,又足足發咗20次;同樣,眾所久知,阿蔡生好痛恨大陸大鱷混水漠魚,破壞香港「核心價值」,不過又可以同董平合作無間,教曉「文化商人」股市的藝術,社會主義中國的文化藝術界,從此染滿資本主義香港的銅臭,呢啲咪叫一國兩制囉。歷史上的財經「<a href="http://evchk.wikia.com/wiki/Hi_(%E7%B2%97%E5%8F%A3Filter)" target="_blank">Hi</a>」story會記住,當「文化商人」遇上「以為自己是文化人的企管人」時拼發的火花。<br />
<br />
學滿師的董平,玩完「華億新媒體」後,好快揾到另一隻殼,叫做「上聯水泥」,亦即係今日的文化中國,幾年來股價彈吓插吓,同樣搞完一輪再揾科網猛人(今次係馬雲)落搭,金蟬脫殼,套路似足十年前華億場戲。文化中國在2013年7月,<a href="http://www.hkexnews.hk/listedco/listconews/SEHK/2013/0717/LTN20130717008_C.pdf">透過高盛射咗批貨出街</a>,價值約2.7個億,每股成本唔使5毛,當高盛收半個佣,做呢單刁都係賺得百零萬,一球佣竟然請得郁高盛,當有仙人指路,大雞唔啄細米,原來大大大茶飯在後頭,不過高章到冇人識睇咁解。<br />
<br />
如果在蔡東豪哥哥檔主場新聞,用「阿里巴巴」做關鍵字搜索,新聞加評論冇一千條都有幾百,今次阿里巴巴收購文化中國搞到全城炒仔坐艇,David Webb都叫證監去查,平時好配合股壇長毛發功的蔡東豪哥哥,竟然又一粒字都冇提過,咁大個位都唔入,留手咗啲囉,阿蔡生將佢十年前同董平合作的經驗,拎返出嚟同投資者分享吓就好喇。<br />
<br />
好多人都問緊,文化中國大龍鳳,究竟係咪<a href="http://caijingcarefree.blogspot.hk/search/label/00700%20-%20%E9%A8%B0%E8%A8%8A">騰訊(0700)</a>及阿里巴巴的孖孖「馬馬」呃你媽媽?呢個問題,全香港最有資格評論的,只有蔡東豪哥哥了,聽講阿蔡生及董平,兩位文化人的辦公室,都在香港金融中心的一座土豪色寫字樓,蔡生撞到故人的時候,唔知會唔會順便幫香港散戶八掛吓呢?又唔知蔡東豪哥哥會唔會繼續監察大陸大鱷的風格,出嚟主持正義,帶蟹民出苦海呢?<br />
<br />
好緊張,好緊張,好緊張呀!<br />
<br />
<b>關連文章:</b><br />
1. <a href="http://caijingcarefree.blogspot.hk/2014/07/blog-post.html">財經林峯</a><br />
2. <a href="http://caijingcarefree.blogspot.hk/2014/03/blog-post.html" target="_blank">文化大拍賣(下)</a><br />
<br />
<b>伸延閱讀:</b><br />
1. 信報:<a href="http://www.chinavision.hk/News.aspx?Fid=41&ClassId=46&NewsId=109">中國電影幕後推手</a><br />
2. 財富人生:<a href="http://117.34.102.40:8080/wfvideo/newPlay.action?sid=SC100109323&classCode_lm=">文化商人的資本遊戲</a><br />
3. MediaInfo: <a href="http://winnerbank.blogspot.com/2005/06/meet-boss-johnson-ko.html">Meet the boss!Johnson Ko</a> <br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" /><br />
<div style="text-align: center;"><u>同場加映:</u></div><div style="text-align: center;"><b><span style="font-size: large;">同一屋簷下</span></b></div><div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEjo16XSa4soEbl_87uwpA_0ttPoNg5mlpx1qDwidjzXvcrzcoV8E0E-SiXc9n5gNpqBhfSTod6an_BJ8n2CghS0eqwC8RTyOKxMM2bZAUeCMk9znDlzpGvvi8CJzjdYjMQElL37ZUxB1sEk/s1600/000_%E5%90%8C%E4%B8%80%E5%B1%8B%E7%B0%B7%E4%B8%8B.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEjo16XSa4soEbl_87uwpA_0ttPoNg5mlpx1qDwidjzXvcrzcoV8E0E-SiXc9n5gNpqBhfSTod6an_BJ8n2CghS0eqwC8RTyOKxMM2bZAUeCMk9znDlzpGvvi8CJzjdYjMQElL37ZUxB1sEk/s400/000_%E5%90%8C%E4%B8%80%E5%B1%8B%E7%B0%B7%E4%B8%8B.jpg" /></a></div><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com22tag:blogger.com,1999:blog-7099814004783064025.post-36529653188720877312014-03-15T11:50:00.002+08:002014-08-14T09:13:23.789+08:00縱壞的阿伯<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEiecFvCD0wwAtLjnNPjNOUiK6SQfk9sQZVRXkr8tOR2jlX-XWU7MjdfABDkbs5d8lWkh2MGFS4h6AqbbTK-zHjq5ulL25bYdJnCAQxFXn0_tTH-qBOIsRcMnjagkZH2XVLK2g_GPPLhQG0F/s1600/Crony_HK.jpg" imageanchor="1" style="margin-left: auto; margin-right: auto;"><img border="0" src="https://blogger.googleusercontent.com/img/b/R29vZ2xl/AVvXsEiecFvCD0wwAtLjnNPjNOUiK6SQfk9sQZVRXkr8tOR2jlX-XWU7MjdfABDkbs5d8lWkh2MGFS4h6AqbbTK-zHjq5ulL25bYdJnCAQxFXn0_tTH-qBOIsRcMnjagkZH2XVLK2g_GPPLhQG0F/s400/Crony_HK.jpg" /></a></td></tr>
<tr><td class="tr-caption" style="text-align: center;"><b><span style="font-size: small;"><u>香港「干燶你」全球第一</u></span></b></td></tr>
</tbody></table><br />
小孩不壞,阿伯最變態。<br />
<br />
早排變態超人阿誠伯,又接受大陸《財新》傳媒訪問,講到香港好似個「縱壞的小孩」,「1997年時香港的GDP跟新加坡一樣,但今天新加坡高於香港最少三分之一。香港一定要提高競爭力。香港若真的走上民粹主義之路,就會像野馬易放難收」云云。誠伯係財經茄哩啡的嘔像,睇完訪問之後,一路喺度諗,究竟香港點解會搞成咁,最新一期《經濟學人》,又講「Crony Capitalism」,令順叔茅廁個塞頓開。<br />
<br />
經濟學人整咗個「Crony-capitalism Index」,即係反映大孖沙「Rent Seeking」有幾嚴重的「圍威喂指數」,排名越高,大孖沙越容易㩒住政府搶錢,干燶你班小市民,結果香港勇冠地球,執返個世界第一,仲拋離第二位的俄羅斯幾條街,威。李氏力場地產霸權天下無敵,名不虛傳耶,此之謂「營商環境」也。<br />
<br />
香港經濟之所以可以咁「干燶你」,皆因壟斷行業(香港主要係地產)的大孖沙身家,同GDP的比例,高達接近60% ,相對之下,新加坡唔夠10%,嗱嗱嗱,呢啲就係香港同新加坡「競爭力」最大的分別喇,近十幾年新加坡經濟發展,遠遠超越香港,而家大家明白乜嘢係真正的原因啦,究竟香港係個「縱壞了的小孩」,定係衰在有個(班)「縱壞了的阿伯」呢?<br />
<br />
<br />
<b>關連文章:</b><br />
1. <a href="http://caijingcarefree.blogspot.hk/2013/07/blog-post.html">變態超人(上)</a>|<a href="http://caijingcarefree.blogspot.hk/2013/07/blog-post_22.html">(中)</a>|<a href="http://caijingcarefree.blogspot.hk/2013/07/blog-post_25.html">(下)</a><br />
2. <a href="http://caijingcarefree.blogspot.hk/2012/08/blog-post_5.html" target="_blank">買褲送褲袋(上)</a>|<a href="http://caijingcarefree.blogspot.hk/2012/08/blog-post_7.html" target="_blank">(下)</a><br />
<br />
<b>伸延閱讀:</b><br />
1. 財新:<a href="http://winnerbank.blogspot.hk/2014/03/blog-post.html">李嘉誠伯伯談香港</a><br />
2. 經濟學人: <a href="http://www.economist.com/news/international/21599041-countries-where-politically-connected-businessmen-are-most-likely-prosper-planet">Planet Plutocrat: Our crony-capitalism index</a><br />
<br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" /><br />
<div style="text-align: center;"><u>同場加映:</u></div><br />
<div style="text-align: center;"><b><span style="font-size: large;">誠伯: 有朋友做軍火生意</span></b></div><div style="text-align: center;"></div><div style="text-align: center;"><iframe allowfullscreen="" frameborder="0" height="281" src="//www.youtube.com/embed/_aBX0cflnm8" width="400"></iframe></div><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com3tag:blogger.com,1999:blog-7099814004783064025.post-57978039476648086862014-03-04T13:11:00.000+08:002014-03-21T22:20:47.862+08:00文化大拍賣(下)<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEhNOluNUYYMsGBh_0X2ACW_tnQwLrUFXjX6uUv-A7FTO7meJs7Z5w8inPt-8bVxTO8LSNQRLoiibIFzKYfUgr2ZcI8TybJsmreRsVkPVC50vHReXoqRqHrabwXd8Z1tDb7M9bGlfSiA7H7_/s1600/Sotheby_KingNewClothes.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEhNOluNUYYMsGBh_0X2ACW_tnQwLrUFXjX6uUv-A7FTO7meJs7Z5w8inPt-8bVxTO8LSNQRLoiibIFzKYfUgr2ZcI8TybJsmreRsVkPVC50vHReXoqRqHrabwXd8Z1tDb7M9bGlfSiA7H7_/s1600/Sotheby_KingNewClothes.jpg" height="270" width="400" /></a></div>
<br />
<a href="http://caijingcarefree.blogspot.hk/2014/02/blog-post_27.html">上回講到</a>,用藝術品優雅地賄賂政府官員,同埋洗錢活動,成為中國藝術品拍賣市場快高長大的動要推動力,甚至好似股票圈貨打庄搭棚咁,炒起某藝術家或藝術概念,一邊「造神」一邊「造市」。<br />
<br />
一個市場只要夠旺場,自然多人幫襯,最緊要有錢賺,理得佢黑黑白白啦,所以個大陸個藝墟亦有唔少來自企業及金融機構的投資活動。<br />
<br />
最醒目的投資者,晨早已經聞到中國藝術大牛市陣味,2004年華人置業(0127)有單刁,幾億銀向管理層出售香港物業,交易包括一批藝術品資產,即係原本用作裝飾公司的中國陶瓷、家具及國畫,作價近1個億港銀(<a href="http://www.hkexnews.hk/listedco/listconews/SEHK/2004/0830/LTN20040830036_C.doc">相關港交所通告</a>),單刁出街之後,香港傳媒仲掘過一輪,邊間上市公司收埋收埋古玩古董。<br />
<br />
呢家嘢今日在大陸上市公司應該已經非常流行,邊條土豪邊間公司想在鬼佬面前出吓風頭,莫如在富貴拍賣會買返一兩件嘢,例如有「中國首富」之稱的王健林間萬達,舊年底在紐約拍賣會豪掟1.72億銀(人仔,下同),買咗阿畢卡索的名畫《兩條細路》,據大陸藝術機構評估,企業的藝術品收藏,有成450億銀咁話,分分鐘唔少上市公司的資產負債表,原來收埋收埋唔少價值連城的國寶古玩。不過都係嗰句,邊個大聲啲,邊個可以決定藝術幾錢斤,例如有「新疆首富」之稱的孫廣信,<a href="http://finance.sina.com.cn/stock/t/20130220/015814587809.shtml">舊年初以70幅字畫作價35億</a>,注入自己間公司廣匯集團作為註冊資本。 藝術品的價值可以咁飄忽,香港民主黨都會中伏,揾幅假嘢嚟籌旗,諗落都情有可原。<br />
<br />
個別散戶玩唔起億億聲的藝術品,又可以夾錢齊齊炒,所以投資藝術的理財產品、信托公司基金,通街都係,<a href="http://caijingcarefree.blogspot.hk/search/label/003636%20%EF%B9%A3%20%E4%BF%9D%E5%88%A9%E6%96%87%E5%8C%96" target="_blank">保利文化(3636)</a>亦撈埋一份,為「投資型」及「融資型」的藝術信托產品,提供顧問服務。簡單嚟講,前者屬於真金白銀炒賣藝術品的基金,後者即是司空見慣的影子銀行活動,公司A以藝術品作為抵押,透過信托公司向投資者借錢,從事其他商業活動(例如地產),冇事冇幹到期就還錢俾利息,出咗事債權人都有批藝術品揸手。保利文化做顧問的信托基金規模,2010年只有1.88億銀,去到2013年10月已經滾到7.5億元,呢組數字,話你知藝術投資基金的增長幅度,同時亦可能係大量藝術品,由大戶轉入散戶手中的先兆。<br />
<br />
四大壞帳收買佬之一的東方資產,舊年8月出咗份「<a href="http://www.coamc.com.cn/yjfx/dqbg/201309/P020130917509767031287.pdf">2013:中國金融不良資產市場調查報告</a>」,提到藝術品、煤炭同埋房地產,屬於信托業最易爆煲的三大地雷區,近排唔少又煤又炭的金融產品出現違約風險,如果燒埋一個半個藝術品信托就大吉利是,呢個傳火棒遊戲可唔可以玩落去,其中一個指標,可能係最疊水的銀行會唔會玩埋一份(<a href="http://art.people.com.cn/BIG5/n/2014/0224/c206244-24448508.html">南方日報:藝術品抵押融資在探路</a>),當中民生銀行(1988)做得比較高調,可以留意吓呢間嘢在大陸藝墟的動向(<a href="http://news.artron.net/20131212/n545938.html">民生银行艺术之路</a>)。<br />
<br />
在中國,唔會有好多種生意,增長快得嚟冇過度擴張的風險,同時又唔涉及偏門灰色地帶,吓吓用黑白是非對錯嚟睇某公司某行業,好可能會變成良心投資道德花崗岩基金。好似保利文化盤拍賣行生意咁,假如阿公真係針對「雅賄」現象狂打,大官小官排隊掟晒所有藝術古玩出街,拍賣行成交金額,分分鐘創新高。<br />
<br />
在國資委樓下116間央企當中,保利文化個老母,即係保利集團(下稱保利 ),唔算最大,2012年底資產約4,000個億,排25,不過呢,可能係最能巴閉的其中一間。保利前身叫做「保利科技公司」,1984年鄧小平親自拍板成立,由解放軍總參謀部裝備部同埋中信集團出錢成立,即係解放軍做軍火進出口生意的窗口公司,到今日都仲做緊軍火生意,舊年初佢老美國務院聲稱,為咗防止武器流入伊朗北韓等國家,將十幾廿間外國公司放入制裁名單,保利就榜上有名,為咗上市,保利於是將保利文化32﹪股權左手交右手,無償轉去保利南方,亦即係保利香港 (0119)及保利地產(600048)等大路生意的控股公司。<br />
<br />
1992年老鄧南巡之後,所有黨政軍機關攞正牌做生意,乜七乜九都做,全盛時期,保利生咗3百幾個囝囝囡囡公司,由地產、衛星、通信,到做鞋、養豬、訓練大象,應有盡有,唔應該有都有埋。經過97年亞洲金融風暴,仲有朱鎔基年代的國企改革,大型國企開始出現多少分工,按本身優勢整合主業,保利在總經理賀平(老鄧女婿)推動下,開始集中發展5大主業,包括地產喪搭文化。(<a href="http://www.talentsmag.com/article.aspx/5537" target="_blank">英才雜誌:保利潛行</a>)<br />
<br />
眾所久知,文化藝術交流,亦係間諜特務最易隱身其中的領域。軍方背景的保利,最初只係搞吓俄羅斯珠寶展、倫敦歌劇院演出咁,1999年開始籌建博物館,2000年正式成立保利文化。上文已經講過,在老外拍賣場掃返一兩件貴貨,又或者整返一件半件國寶返大陸,好易在大陸藝墟省靚招牌,保利文化響朵之作,都係行呢條路。<br />
<br />
話說在2000年,保利本來想在香港的拍賣會,執返一兩張名畫嚟投資,「撞啱」佳士得(Christie’s)刮到140年前英法聯軍在園明園老笠的兩個銅獸頭,牛首虎首,突然之間,民族情仇百年屈辱炒埋一碟,<a href="http://std.stheadline.com/archive/fullstory.asp?andor=or&year1=2000&month1=4&day1=30&year2=2000&month2=4&day2=30&category=all&id=20000430a02&keyword1=&keyword2=">國家文物局發表聲明要求停止拍賣賊贓</a>,哈,又咁啱,「撞啱」佳士得對家蘇富比(Sotheby’s),又括到另一隻圓明院虎頭,結果賀平親自拍板,保利文化用3,000萬價錢,掃咗三個獸頭回國。<br />
<br />
保利做咗民族英雄, 帶晒埋賣樓生意,買家見保利大拿拿幾千萬買幾隻獸頭,視之為財力保證,樓盤唔會爛尾,保利在樓盤展銷處做埋國寶展覧,一次吸引萬幾壽頭參觀,帶來幾多錢廣告都複制唔到的宣傳效果,帶旺埋地產業務。保利驚覺做文化咁有得諗,保利文化亦開始越做越大﹐除咗出版,幾乎乜都撈過,都2005年左右,確立咗目前拍賣、演出及劇院管理、影院投資三大業務。<br />
<br />
文化呢家嘢,「以為自己是文化人的財經茄哩啡」,只係識條春,文藝表演溝電影,更加係連條春都唔識,只係知道,好多大型地產公司,例如萬達同埋華潤,近年都打包撈埋電影院,萬達同埋保利,更加拍埋電影,萬達院線講緊排緊隊上市,呢場文化大龍鳳似乎有排玩。<br />
<br />
電影圈同藝術拍賣場一樣,望落去表面上耀眼輝煌,背後唔少撈家揾飯食,圍繞大陸影視產業的股壇大龍鳳,近年上演唔少,可歌可泣,絕大部分過眼燒煙,冚家富貴如浮雲,但有幾幕涉及香港正牌財經演員忘我演出的,令人印象深刻,不妨拎出嚟重温一吓,等大家可以了解吓呢個大千世界多少少。<br />
<br />
話說在2003年,中國最紅(亦號稱最大)的影視製作公司,叫做北大華億,公司總裁叫董平(香港散戶而家應該好熟悉呢位大哥),因為有份投資拍《臥虎藏龍》,出晒名。本來保利已經搞咗檔保利博納,玩吓電影發行,忍唔住手豪掟4億人仔,入股北大華億5成股權,公司改名做「保利華億」,據內地傳媒報道,保利當時仲諗住將保利華億變做保利文化的上市主打平台,呢單刁,乃影業國企民企互溝第一案例,當時被稱為<a href="http://finance.sina.com.cn/b/20031217/1554565886.shtml" target="_blank">「中國文化產業最大併購案」</a>,非常振撼,餘震震到嚟香港,唔少上市公司都興奮到尻震震,想拍住保利華億,坐順風車變身「文化概念股」。<br />
<br />
叫得做中國影視文化第一紅人,等閒古惑仔又點會埋到身,有一間香港上市公司,當時叫做<a href="http://caijingcarefree.blogspot.hk/search/label/00419%20-%20%E8%8F%AF%E5%84%84%E5%82%B3%E5%AA%92" target="_blank">「友利」(0419)</a>,成功拍住保利華億,食咗餐大茶飯。<br />
<br />
呢個故仔要從十年前,香港商業電台一個風電飄搖的晚上開始講起,當時發生疑似香港名咀封咪慘劇,時任商台營運總裁的蔡東豪,黯然離開五台山,功力深厚的演員唔會冇人揾佢拍戲,2004年10月,<a href="http://www.hkexnews.hk/listedco/listconews/SEHK/2004/1012/LTN20041012084_C.pdf" target="_blank">友利宣佈委任蔡東豪做執行總裁兼董事總經理</a>,但係,人工只有月薪1萬港元,重覆,冇寫錯,係1萬港元,應該創下咗香港上市公司執董級打工仔的最低工資記錄。當然啦,一雞嘢又點會引到守身如玉的蔡生搲爛塊臉拋個金身出嚟,友利好快有大龍鳳上演,2005年2月,宣布<a href="http://www.hkexnews.hk/listedco/listconews/SEHK/2005/0203/LTN20050203023_C.pdf" target="_blank">印公仔紙作價5億幾港銀入股保利華億旗下一抽垃雜資產5成股權</a>,交易涉及的資產,包括海南電視台合營的旅遊衛星頻道,當時內地傳媒21世紀經濟報道,曾經<a href="http://tech.sina.com.cn/me/media/gc/2003-12-17/1739269776.shtml" target="_blank">質疑友利及保利華億的交易疑點甚多</a>,不過單刁透過友利主席高振順向董平進行收購,即係唔需要友利小股東通過,賣方可以先套取現金,當時阿蔡生亦有同香港傳媒講,內地媒體發展機會好大,係理想時機進軍內地傳媒云云。<br />
<br />
都話天地有正氣,只要夠正義,曉,大賊可以叫做羅賓漢。阿蔡生當時已經係港交所上市委員會成員,多年嚟強調企業管治小股東權益形象深入民心,人綠好形象佳,單刁無驚無險衝過終點,友利股價仲一度爆升一倍,信者得救,益埋小股東。阿蔡生亦好快將個金身收返埋,2005年3月<a href="https://www.blogger.com/http%E2%80%AD://%E2%80%ACwww.hkexnews.hk/listedco/listconews/SEHK/2005/0314%E2%80%AD/%E2%80%ACLTN20050314154%E2%80%AD_%E2%80%ACC.pdf" target="_blank">辭任友利董事總經理職務</a>,同時加入佢老闆高生另一隻啱啱收返來隻殼,<a href="http://caijingcarefree.blogspot.hk/search/label/00710%20-%20%E7%B2%BE%E9%9B%BB" target="_blank">精電(0710)</a>,做吓行政總裁搞吓工業革命咁,後來金身再度閃現,精電失驚無神秘撈副業,炒燶唔知「I Kill You Later」定「乜Link衍生工具」,此乃後話,不表。<br />
<br />
有錢佬大孖沙,好多時會養埋一堆特異功能人士,平時可能飲茶食飯,有需要的時候幫老闆做一兩單大嘢,或者解決一兩個問題,已經值回票價。友利做咗保利華億單大茶飯,阿蔡生功成身退,人工從友利年代的1萬銀1個月,跳到精電的10球1年。十年人事,友利變身「華億新媒體」再變身「華億傳媒」再變身到而家的「中國9號」,股本一拆再拆,幾經溝淡的最新股價,唔值5毛,2005年初衝咗入去買保利華億文化概念的散戶,要等股價反彈百幾二百倍先可以返家鄉。另一邊廂的保利華億,亦唔好得去邊,保利後來拆咗隻保利博納去美國上市,藝術品拍賣越做越大,今日做埋上市集資主打資產,據保利文化中文招股書第203頁資料顯示,保利文化同華億系統,仲有官司未擺平。<br />
<br />
最近有謠言話,<a href="http://finance.sina.com.hk/news/-3-6437640/1.html" target="_blank">董平捲入大陸大老虎大案,相關上市公司已經發通告否認咗</a>,真真假假,或多或少顯示,在大陸投資電影,搞文化,絕對唔係零風險生意。十年前,作為友利董事總經理的蔡東豪,都算係保利文化半個交易對手,可以話係香港最有資格抽秤保利文化的事事評論員,作為一個文化人,阿蔡生近年對中國模式亦好有意見,瓣瓣都開到正,如果唔寫吓保利文化盤文化大龍鳳,指點吓香港散戶就有少少可惜喇。<br />
<br />
大陸官場家陣整風掃貪,三亞掃地下賭場,陸豐掃冰毒村,東莞掃雞竇,黄賭毒齊齊掃,打老虎打烏蠅打到班古惑仔冇啖好食,有乜風草吹動,多數會扯上周永康乜乜物物,或者姓周嗰個阿濱咁。保利文化董事長陳洪生,本來亦係保利集團的黨委書記,即係大大佬,1月中被揻柴,<a href="http://news.163.com/14/0115/16/9IL629QB00014JB5.html" target="_blank">缷任保利黨團所有高層職務</a>,開邊辦就唔知,不過今次保利文化在香港上市,俾人感覺都幾滾水淥腳,冇揾到基石投資者圍飛,由中信證券 ( 6030)及CLSA自己友圍威喂,另一個比較正面的解讀,可能係所謂文化概念股,好多排住隊上市,例如萬達花咗唔少銀兩堆砌的萬達院線,所以保利文化喳喳臨搶食頭啖湯。<br />
<br />
保利文化今次只係拎幾億港銀貨仔出街賣,假設上限定價,行使埋超額配股權,市值都係81億港元,相對保利的規模,仲有乜都可以文化一餐的創作炒作條件,好似大笨象踢足球,想踢幾遠都得(不過,一個唔小心亦好易踩爆)。<br />
<br />
唔計非控股權益,保利文化 2012年賺得2億幾銀人仔,咪玩啦,講緊咁大盤拍賣行生意,又咁多人鐘意炒中國藝術品,係咪意濕吓手,炒一兩幅字畫書法,已經唔止呢個數。保利文化的資產,有一項「存貨」,即係古董珍玩油畫雕塑咁,最新入數估值大約8個億,轉個頭,發現原來有條楊貴妃的肚兜,又同你講估值幾多幾多,一樣得。是但啦,保利文化往績市盈率,大約34倍,如果真係要同蘇富比呢間上市老牌老外拍賣行比較,可以叫做貴,不過唔好唔記得,蘇富比股價2013年都升咗60%,當中好大情度,亦係反映咗中國土豪對所謂藝術品的購買力。<br />
<br />
有啲西人評論,講到保利做軍火出身,藝術識條春,人哋蘇富比的管理層,唔係收藏家就係名牌大學讀Art屎,邊有得比云云。<br />
<br />
<b><span style="font-size: x-large;">曉</span></b>。<br />
<br />
藝術冇國界,你估西人個藝墟,蘇富比佳士得的拍賣場,又高尚過保利文化幾多?只要閣下唔選擇性失明,中國藝墟的種種問題, 在西人地方一樣普遍,一樣咁污糟邋遢。<br />
<br />
西人拍賣行唔會賣假嘢?查實好多西人經手的藝術品,一樣充滿爭議,有關貨色真假的官司經常出現,舊年底中國藏家劉益謙在紐約蘇富比拍賣會上,近900萬美金買咗所謂蘇軾的《功甫帖》,<a href="http://blogs.wsj.com/scene/2013/12/23/8-2-million-chinese-scroll-accused-of-being-fake/">就被質疑為偽本</a>。就算係圓明園的獸頭, 有人話當年鑄造精銅器,通常會一式兩份,成龍當日拍《十二生肖》,都整咗套高度仿真的12獸首,又有邊個可以百分百擔保,所謂國寶唔係流嘢?<br />
<br />
同中國一樣,拍品真偽衍生出的最大問題,就係買家唔找數,情況在西人拍賣場一樣咁普通,老千唔會少得過股市 (<a href="http://opinionator.blogs.nytimes.com/2010/08/19/a-bull-market-in-sketchy-art/">WSJ: A Bull Market in Sketchy Art</a>),一樣大把藝術撈家揾水魚著數(<a href="http://www.newyorker.com/reporting/2013/12/02/131202fa_fact_paumgarten?currentPage=all">New Yorker: Why are so many people paying so much money for art?</a>),博物館變成文化大拍賣的混帳之地(<a href="https://www.youtube.com/watch?v=JANhr4n4bac">The Mona Lisa Curse</a>),至於你話洗黑錢,呢個就更加係公開的秘密(<a href="http://www.nytimes.com/2013/05/13/arts/design/art-proves-attractive-refuge-for-money-launderers.html?pagewanted=all">NYT: Valuable as Art, but Priceless as a Tool to Launder Money</a>)。<br />
<br />
如果同你講,西人的藝墟特別正義,從來冇人圈貨搭棚,將某藝術家或藝術概念炒高,造神造市,你又信唔信?通常一個畫家死Q咗,作品先會值錢,好簡單,死無對證,真假難分,好似股市做庄咁,貨源歸邊特別易炒,圈貨搭棚更加方便,例如Andy窩河的所謂「Pop Art」,順叔橫睇直睇,是但揾個改圖組高手都Photoshop到出嚟的效果,真係唔明白點可以賣到億億聲<br />
<br />
一條女索唔索, 望兩眼就可以決定吊唔吊得過,唔使人教,如果有條女話你知佢好靚,不過要閣下讀幾年書,訓練吓自己的藝術細胞先識欣賞,俾你做法官大人,你都唔屌。<br />
<br />
同樣道理,一首流行曲好唔好聽、一套電影好唔好睇,鐘意就鐘意,唔鐘意就唔鐘意,之所以係「Pop Culture」,乃普通大眾無需訓練就可以簡單感受享受的物事,藝術最膠的地方,係乜能嘢「現代藝術」、「Pop Art」,竟然又要久經特訓先懂得「欣賞」。明明係個尿兜,打橫放喺度就話係「Modern Art」,求能其畫幾條線加個圓圈,又話係「抽象派」,你話佢唔係藝術,佢就同你講你唔能識欣賞。順叔親眼見識過,幾張白紙揾個框釘起, 吊高佢,咁就係藝術,呢啲咪係傳說中的 「唔撚係掛」囉。<br />
<br />
蘇富比呢類拍賣行,最初只係賣吓過世名人或貴族的私人藏書,但古董唔會無限量供應,要做生意,就要製造綽頭,歷史名畫供不應求,咪炒起一啲新興「藝術」概念,扮晒識貨咁,話你知呢啲先係靚, 乜嘢Andy窩河、畢卡索呢啲天價畫家,分分鐘都係 「造神造市」過程中的產品,只不過冇細路仔跳出嚟踼爆國王的新衣而已。<br />
<br />
不過地球上最有能量「造神造市」的藝術庄家,唔係蘇富比佳士得,而係有「美國文化部」美譽的美國中情局( CIA)。呢個講法,已經唔係陰謀論,有證有據有政府文件記錄,好多人研究過呢個命題,當中比較出位的,有條英國女記者,叫做Frances Stonor Saunders,條友研究藝術及歷史多年,1995年已經在英國拍記錄片,披露在冷戰期間,美國中情局點樣透過財政資助,同埋美國二戰後的影響力,<a href="http://www.independent.co.uk/news/world/modern-art-was-cia-weapon-1578808.html">生安白做咗「Abstract Expressionism」呢個新概念出嚟</a>,仲捧紅咗幾個藝術家,令一堆冇乜人識欣賞的「藝術品」,變得有價有市,1999年條女仲出咗本書,叫做<a href="http://www.amazon.co.uk/Who-Paid-Piper-Cultural-Cold/dp/1862073279">《Who Paid the Piper?: CIA and the Cultural Cold War》</a>(在美國出版時叫《The Cultural Cold War: The CIA and the World of Arts and Letters》),踢爆佢老美「文化局」點樣在世界藝墟造神造市。(New Yorker: <a href="http://winnerbank.blogspot.hk/2005/10/unpopular-front-american-art-and-cold.html">Unpopular Front: American art and the Cold War</a>)<br />
<br />
順叔一直喺度諗,假如有權有銀,有心有力,可以憑空砌幾件劃時代藝術家出嚟,咁文藝復興又會唔會,只係人類歷史上最生安白做的一場造神大龍鳳?查實只要好簡單咁諗吓,當年達聞西呢類「文藝復興人」,又係畫家又係雕刻家又係醫學家又係科學家,周身刀,而且張張都咁利,是但一件作品,講緊一個天才都要窮畢生精力先可以達到的景界,有條友竟然瓣瓣都得,有冇可能?<br />
<br />
簡單咁講,就算所謂「歷史」,「History」,都只不過係好「<b><span style="font-size: x-large;"><a href="http://evchk.wikia.com/wiki/Hi_(%E7%B2%97%E5%8F%A3Filter)" target="_blank">Hi</a></span></b>」的「<b><span style="font-size: x-large;">Story</span></b>」,唔可以照單全收,大千世界,乜人都有,表面上係垃圾,其實係藝術,表面上係文化人,甚實係財經演員,表面上係賊,其實係羅賓漢,一件二件國王的新衣﹐最緊要,唔好人哋話你知乜嘢係「靚」、乜嘢係「正義」,你就信到十足十﹐收工。<br />
<br />
<b>關連文章:</b><br />
1. <a href="http://caijingcarefree.blogspot.hk/2014/02/blog-post_27.html">文化大拍賣(上)</a>|<a href="http://caijingcarefree.blogspot.hk/2014/03/blog-post.html">(下)</a><br />
<br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" /><br />
<div style="text-align: center;">
<u>同場加映:</u></div>
<div style="text-align: center;">
<b><span style="font-size: large;">傳說中的《唔撚係掛》</span></b></div>
<br />
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEhhwNYZRMRsGZ4L-Lq1MfDA-mZFB_KL13GG4S4doxrDk0xgZJaUkCXyLqLBeXP9ZYwjNUbXENWO3JY4F8CyVz8-3lHm9LGHqu9tKmkzTa8kFhSGCgYBYYTerKiYDqv4gKfeksh5bf8Wo_Bb/s1600/BULSHIT_ART.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEhhwNYZRMRsGZ4L-Lq1MfDA-mZFB_KL13GG4S4doxrDk0xgZJaUkCXyLqLBeXP9ZYwjNUbXENWO3JY4F8CyVz8-3lHm9LGHqu9tKmkzTa8kFhSGCgYBYYTerKiYDqv4gKfeksh5bf8Wo_Bb/s1600/BULSHIT_ART.jpg" height="300" width="400" /></a></div>
<br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com14tag:blogger.com,1999:blog-7099814004783064025.post-66463443636287201852014-02-27T16:20:00.000+08:002014-03-21T22:21:40.577+08:00文化大拍賣(上)<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEiqXf3o4TGe5LinlPAFN3vZJfjzufllyAeQ59PvSZD1ImFfSKRo9etcIV86E2iS3QQpHq4nxSH1V9y0k3qiTqd3hdr9Z7HC3gmudaU5mW9VvaCs91KFFSMrNqqJQQMhLkjtsAeRml2hoZO1/s1600/%E4%BF%9D%E5%88%A9%E6%98%A5%E6%8B%8D_%E5%B0%8F%E9%9B%9E%E5%90%83%E7%B1%B3%E5%9C%96.jpg" imageanchor="1" style="margin-left: auto; margin-right: auto;"><img border="0" src="https://blogger.googleusercontent.com/img/b/R29vZ2xl/AVvXsEiqXf3o4TGe5LinlPAFN3vZJfjzufllyAeQ59PvSZD1ImFfSKRo9etcIV86E2iS3QQpHq4nxSH1V9y0k3qiTqd3hdr9Z7HC3gmudaU5mW9VvaCs91KFFSMrNqqJQQMhLkjtsAeRml2hoZO1/s1600/%E4%BF%9D%E5%88%A9%E6%98%A5%E6%8B%8D_%E5%B0%8F%E9%9B%9E%E5%90%83%E7%B1%B3%E5%9C%96.jpg" height="275" width="400" /></a></td></tr>
<tr><td class="tr-caption" style="text-align: center;">原圖: (1) <b><a href="http://www.google.com/imgres?sa=X&biw=1405&bih=693&tbm=isch&tbnid=qliApdvvaiuaOM%3A&imgrefurl=http%3A%2F%2Fwww.staru.net%2Fpost-41.html&docid=W8Mr8sMCPxiNKM&imgurl=http%3A%2F%2Fr.photo.store.qq.com%2Fpsb%253F%2FV13Pktfk3nk8mE%2FSfyH6bMQDywHxupU4oJwA3hArJNx5*p0Zw6Ry6R.zqY!%2Fr%2FdDOmO.22AwAA%2526bo%253DsgKtAQAAAAABADs!%2526rf%253Dphotolist.png&w=690&h=429&ei=FcoOU5i9N4GVkAXhuIDwDg&zoom=1&ved=0CFcQhBwwAQ&iact=rc&dur=913&page=1&start=0&ndsp=17" target="_blank">小雞啄米圖</a></b> (2) <b><a href="http://art.china.cn/market/2010-06/03/content_3544804.htm" target="_blank">藝術中國</a></b></td></tr>
</tbody></table>
<br />
今期附庸風雅,趁住<a href="http://caijingcarefree.blogspot.hk/search/label/003636%20%EF%B9%A3%20%E4%BF%9D%E5%88%A9%E6%96%87%E5%8C%96" target="_blank">保利文化(3636)</a>上市,開文化,學人扮個「以為自己是文化人的財經茄哩啡」,不過唔係講新股抽唔抽,而係睇睇藝術幾錢斤,更正確咁講,係邊個話你知藝術幾錢斤。<br />
<br />
講到文化藝術呢家嘢,首先要介紹出場的,就係有「中國十大收藏家」之稱的<a href="http://hm.baidu.com.cn/view/1332617.htm" target="_blank">趙泰來</a>。雖則唔知另外「九大收藏家」係邊幾位,不過大家如果有興趣,在網上摷兩嘢就會揾到唔少關於呢位阿叔的資料。<br />
<br />
話說生於1954年的泰來哥,乃清末民初外交家、香港首位華人立法會議員伍延芳的外曾孫,1969年嚟香港投靠大姨媽(即係伍延芳個孫女),呢位大姨媽好索,不過唔知點解,成世疏起唔嫁,1979年去世之前,終於將一個大秘密爆咗口俾趙泰來知,原來生於大時代、成世人冇日時得閒的伍延芳,唔知點解,收收埋埋好叉多文物古玩,仲放在英國。礙於外嫁女唔可以繼承寶物(曾外孫又得?),終身不嫁的大姨媽,臨死前先將藏寶圖交俾趙泰來,跟住就係離奇過奪寶奇兵的情節,泰來哥去到倫敦某古老大屋,揾到個足球場咁大的地下室,裡面裝滿文物古董。<br />
<br />
天降無價寶,仲要一次過十幾萬件,泰來哥不喜反驚,仲驚連累老婆被人標心,於是瞞住太座10年,獨自在英國清理記錄所有寶物(相信唔少男人都想請教,用咩藉口可以氹掂老婆俾佢放洋倫敦十年),門牙撞甩幾隻,包膠都花咗近百萬英鎊之後,趙泰來先整理好近十萬件一級國寶,過程當中,自己亦成為咗文明鑑賞專家。<br />
<br />
今日中國藝術文物炒賣咁熾熱,泰來哥唔做中國首富都應該富甲十大,不過佢冇獨吞,賣咗幾楝阿姨留落嚟的別墅,自資將近文物運返中國,更加將其中6萬件捐贈俾大陸各大博物館,澳門賭王將件圓明園狗頭買返祖國,已經成為國寶回國的大英雄,泰來哥一炮過捐幾萬件國寶,仲得了,當堂成為大大大文化英雄,中央電視台專輯都上咗幾次,兩次成為「世界傑出華人」。(<a href="http://www.youtube.com/watch?v=Udm0ji_YdG8" target="_blank">國寶檔案:香港文物收藏家趙泰來(上)</a>、<a href="http://www.youtube.com/watch?v=k5zEvfcJFu0" target="_blank">(下)</a>)<br />
<br />
一個人紅咗,自然有話語權,話你知邊件文物係堅料,乜嘢畫作係老作,好似泰來哥咁,出咗唔少書,包括文物古玩字畫的圖錄及專輯,頂住慈善家、收藏家、畫家、文物鑑賞專家等一大抽光環,在越嚟越瘋狂的中國藝術市場投資市場行走。<br />
<br />
2005年,「以為自己是文化人的財經茄哩啡」第一次聽泰來哥的故事,一度感動咗一嘢,不過當同一故事,在中港不同傳媒重重覆覆、聽過無數次,而同一故事在細節又有多少出入的時候,開始有啲新體會。<br />
<br />
有冇人留意,舊年2月左右,在鑽石山荷里活廣場,<a href="http://www.inztyle.hk/content.php?catdetid=764" target="_blank">有一個畫展</a>,展出咗趙泰來私人收藏的十五幅傅抱石畫作,冇幾耐,傅抱石的外孫女傅蕾蕾在微博爆響口,話十五幅所謂傅抱石真跡,全部係流嘢,轟動一時,<a href="http://hk.apple.nextmedia.com/news/art/20130209/18161345" target="_blank">趙泰來後來發表聲明</a>,強調藏品全屬真品,並已經採取法律行動以保自己清譽。<br />
<br />
又有冇人留意,舊年7月,大陸博客寫咗篇「<a href="http://blog.sina.com.cn/s/blog_561ee4750101cdr3.html" target="_blank">少年Ma的奇幻歷史漂流之旅</a>」,踢爆國家3A級景點、河北冀寶齋博物館裡面,近4萬件所謂文物,可能絕大部份係不知所謂的贋品,部份展品甚至印有現代卡通人物,單嘢揚咗之後,廣州日報好快跟進,踢爆在番禺寶墨園的趙泰來藝術宮文物館(收藏咗幾千件趙泰來捐贈回國的文物),好似唔好得冀寶齋好多(<a href="http://gzdaily.dayoo.com/html/2013-07/23/content_2328643.htm" target="_blank">廣州日報:番禺也有冀寶齋?</a>),商周戰國到元明清的各朝國寶都有,金縷玉衣都有兩大副,奇就奇喇,只係唔知有幾珍。(更奇者,冀寶齋被踢爆之後,冇耐個館長就瓜埋……)<br />
<br />
即係咁講,如果有條老千,有大批孖精平酒想出手,可以佈個局,首先真金白銀買幾箱靚酒,甚至在拍賣會高價拍幾枝天價酒返來,開個大派對,請晒啲酒迷酒痴,當水咁飲,到條老千出咗名,人人都信佢係專家,就有機會將啲孖精當上品咁賣。講到尾,如果有條友話你知,有批拿破崙私人珍藏的紅酒,橫掂今日地球冇乜人飲過,專家話好飲就好飲喇。呢條橋,可能唔少人仲用緊,有興趣可以查吓一條叫「<a href="http://www.npr.org/blogs/thesalt/2013/12/18/255241685/the-man-who-duped-millionaires-into-paying-big-bucks-for-fake-wine" target="_blank">Rudy Kurniawan</a>」的友仔,睇睇條友點樣由出晒名的名酒收藏家,變成被人告到甩褲的奇幻過程。<br />
<br />
講咗咁多,查實想話,要了解保利文化呢盤生意,首先要了解藝術文化呢個咁高雅的投資市場,究竟有幾唔清唔楚污糟邋遢,同埋藝術品作為一項投資工具的性質。<br />
<br />
舉個例,黄金,最純正穩定的元素,幾乎人人都見過摸過,有幾重,咩色澤,普通人拎上手大概有個底,作為流通全球的商品,普通老千,好難話囤積奇貨式咁將個價炒上炒落。藝術品呢好唔同,一件嘢值幾錢斤,基本上有兩大決定因素:第一,所謂「權威」話你知值唔值錢;第二,類似貨色之前的成交價,一間好似保利文化的大型拍賣行,基本上掌握咗兩大定價的話事權。<br />
<br />
又舉個例,阿叻如果想將《唐伯虎點秋香》 電影中的《小雞啄米圖》,拎出嚟拍賣,首先就要揾間拍賣行,鑑證咗係阿叻真跡,好喇,拎到去春拍秋拍,有條友出一百萬買咗幅《小雞啄米圖》,就會肯定咗阿叻作為一位畫家的身價,之後無論佢再畫《小學雞啄米圖》定係《金雞啄米圖》,好可能就以一百萬做底價。如果阿叻已經死Q咗,事情可能更加好辦,求其揾幾個「專家」、「權威」,將一堆「雞圖」鑑定為阿叻真跡,扲去拍賣,又可以賣到雞飛狗走。<br />
<br />
絕對唔係講笑,大陸有位幾出位的畫家,叫<a href="http://yeyongqing.artron.net/" target="_blank">葉永青</a>,出名畫「鳥」,呢位人兄的「<a href="http://yeyongqing.artron.net/works" target="_blank">鳥畫</a>」,聽講分分鐘賣到幾十萬一幅,坦白講,順叔對藝術真係識個鳥,有幾幅畫得幾靚又真係似隻雀的,順叔唔介意掛在自己屋企,不過幾十萬一幅值唔值(<a href="http://www.infzm.com/content/77562">葉永青:逞匹夫之勇</a>),真係唔知,放幾幅《鳥》喺呢度,等各位品評吓:<br />
<br />
<div style="text-align: center;">
</div>
<table border="0" cellpadding="2" cellspacing="0" style="margin-left: auto; margin-right: auto; text-align: left; width: 550px;"><tbody>
<tr> <td valign="top" width="275"><br />
<div align="center">
<div class="separator" style="clear: both; text-align: center;">
</div>
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEj6JXMNzTCckfKIs9IrXdMUQe-pGk8j2NSjGQKV4c3KwkLxTk8tgtOxn8ocsECDRbgPLbnXVhUe9jebeKDHdkqKkMjEMmvEuCWeK1wza1nO08GXK2vczDDwkFn6xG2oyDjs6l9In-k1ai4j/s1600/%E9%B3%A5.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEj6JXMNzTCckfKIs9IrXdMUQe-pGk8j2NSjGQKV4c3KwkLxTk8tgtOxn8ocsECDRbgPLbnXVhUe9jebeKDHdkqKkMjEMmvEuCWeK1wza1nO08GXK2vczDDwkFn6xG2oyDjs6l9In-k1ai4j/s1600/%E9%B3%A5.jpg" height="193" width="200" /></a></div>
<b><u><a href="http://yeyongqing.artron.net/works_detail_brt000629700021" target="_blank">大鳥</a></u></b></div>
</td> <td valign="top" width="275"><br />
<div align="center">
<div class="separator" style="clear: both; text-align: center;">
</div>
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEh7ZgL8plIo2XY1JnWcji5HVrkVA4RLgBF07OUdVWdPolSN0RrjLwN6gCuUPBcvY5GS9EUr6J8ONRtl6MM3rWfqPcQdOS6PSvsIJM_95CoMFUIPZVFeZ1Cgilo89Okaw6BGIg5-MD-2bmEl/s1600/%E9%B3%A5%EF%BC%BF%E7%8D%A8%E8%A1%8C.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEh7ZgL8plIo2XY1JnWcji5HVrkVA4RLgBF07OUdVWdPolSN0RrjLwN6gCuUPBcvY5GS9EUr6J8ONRtl6MM3rWfqPcQdOS6PSvsIJM_95CoMFUIPZVFeZ1Cgilo89Okaw6BGIg5-MD-2bmEl/s1600/%E9%B3%A5%EF%BC%BF%E7%8D%A8%E8%A1%8C.jpg" height="193" width="200" /></a></div>
<u><b style="text-align: left;"><a href="http://yeyongqing.artron.net/works_detail_BRT000000024498" target="_blank">獨行</a></b></u></div>
</td></tr>
</tbody></table>
<div style="text-align: center;">
</div>
<br />
保利文化作為拍賣行,食飯靠抽佣,有人願打有人願捱,有成交就有生意。保利文化招股書數字顯示,中國(含香港)的藝術品成拍賣成交總額,2003年只係得 24億(人仔,下同),2011年超過850億,超越美國成為全地球第一。仲有,全地球拍賣場賣得最高身價的畫家,去到2008年,中國畫家影都冇,齊白石的作品在2009年第一次擠身十大(排第三,僅次於畢卡索及Warhol),去到2011年,地球十大當中,有6個係中國畫家。<br />
<br />
一個人有銀咗,自然會追求一啲物質以外的享受,最簡單就係買幾件藝術品裝飾吓屋企,扮吓上等人文化人咁,理論上,中國最識欣賞中國藝術品,唔買中國畫家,唔通走去幫襯日本藝術咩,齊白石張大千等作品炒得起,一啲都唔出奇。中國幾千年文化,係全地球唯一未終斷過的古老文明,真係地大物博,藝術文化品一大抽,市場供應自然夠深夠闊,加上股市唔爭氣,炒藝術可能更保值,所以拍賣市場成長好快,亦一啲都唔出奇。<br />
<br />
查實最驚人的,係中國藝術品成交轉手的速度。通常一啲所謂名家名畫,唔會成日有貨出售變賣,好多更加係私人成交,冇需要俾拍賣行賺佣,中國市場好唔同,聽過剩係齊白石的大作,過去20年,已經在拍賣場成交超過27,000次。咁驚人的轉手速度,當然有古怪,例如當中好多成交係假貨,甚至係假成交,即係出天價買咗,造高咗個價之後,唔找數,拍賣行亦冇佣收,呢個風險因素,保利招股書都有提及。<br />
<br />
有關中國藝術市場的種種怪現象,紐約時報舊年底整咗三篇好詳細的報道,老外睇中國,戴住有色眼鏡唔會走雞,不過幾篇嘢的確做咗唔少資料搜集,當中包括保利文化盤拍賣行生意,值得花時間睇睇。(NYT: 1. <a href="http://www.nytimes.com/projects/2013/china-art-fraud/" target="_blank">Forging an Art Market</a>; 2. <a href="http://www.nytimes.com/projects/2013/china-poly-auction/" target="_blank">An Art Power's Rises</a>;3. <a href="http://www.nytimes.com/projects/2013/the-new-collectors/" target="_blank">The New Collectors</a>) 幾篇嘢出嘢街之後,保利即刻彈出嚟反擊,有興趣亦可以睇吓。(<a href="http://collection.sina.com.cn/auction/zjgd/20131220/1659137761.shtml" target="_blank">紐約時報為什麼抹黑北京保利</a>)<br />
<br />
中國藝術品市場可以發展得咁快,成交轉手速度咁高,一個好重要的原因,亦係保利文化招股書唔會話你知的原因,就係唔好政府官員都好呢味嘢,講白啲,套用內地的術語,叫做「雅賄」,當中涉及的行賄金額,內地傳媒話已經超越送樓送房。<br />
<br />
舊年底,王岐山檔中紀委,唔嚴格嚟講即係共產黨的黨鞭,樓下份中國紀檢觀察報,特別為「雅賄」呢個現象,整咗篇詳細報道,主角係已經落馬的前安徽省副省長倪發科,好詳細咁披露咗阿倪生點樣癖迷玉石,當地地產商又點樣投其所好,行賄以玉,篇嘢仲有倪發科的第一身感受,講到玉石字畫物小價高,「披上愛好的外衣」,易增值易保管,即使被人發現,「玉石無價,無法認定」,「懂的人知道係有這愛好,不懂的人也不知道什麼價錢」。(<a href="http://csr.mos.gov.cn/mos/cms/html/122/401/201312/38686.html">紀檢觀察報:玉之過?慾之禍!</a>)<br />
<br />
呢種優雅式貪污唔係新鮮事物,近年大陸傳媒報道過N次,包括最高檢察院樓下的方圓雜誌,早兩年已經講過幾個好詳盡的案例,令人大開眼界,包括已經著草的前福建工商局局長周金伙,據報近30年福州出土的壽山石名品,三份一落咗周生個袋,聽講條友臨著草之前,仲留低咗張字條:「不用費勁找我」。(<a href="http://news.jcrb.com/jxsw/201007/t20100705_382022.html">方圓:雅賄江湖</a>)<br />
<br />
大陸藝術市場出名多流嘢,咁送咗A貨俾人咪好大鑊?問題係,真真假假,其實唔係咁重要,最緊要買買賣賣,有人肯接貨,呢度又講到,另一個推動藝術品成交的重要因素:洗(黑)錢。<br />
<br />
利用藝術品嚟洗錢,方法層出不窮,假又得真又得,例如商人A揾自己個女畫幅小雞啄米圖,送咗俾官員B,官員B將幅嘢拎去拍賣,商人A揾人用一百萬買起,咁就將一百萬漂白送落官員B個袋。遊戲掉轉玩亦可以,某相熟「權威」做梅,將珍品鑑定為A貨,賤價賣俾要賄賂的官員。<br />
<br />
當然仲有更高級同埋複雜的手法,例如好似股票做庄咁,揾人Corner起畫家C的作品,一班友在拍賣場左手交右手,畫家C死咗,可以滲入大量假貨,畫家C如果仲在生,亦可以好似股票揾打手唱好咁,揾相熟「權威」寫評論,一輪搭棚之後,打造當紅藝術家甚至概念,如果庄家自己做埋拍賣行生意,咁就更加容易「造神」同埋「造市」。(<a href="http://biz.21cbh.com/2014/case_217/1066852.html">21世紀:揭秘中國貪官文化產業洗錢6大手法</a>)<br />
<br />
下回再續。<br />
<br />
<div class="separator" style="clear: both; text-align: center;">
</div>
<b>關連文章:</b><br />
1. <a href="http://caijingcarefree.blogspot.hk/2014/02/blog-post_27.html">文化大拍賣(上)</a>|<a href="http://caijingcarefree.blogspot.hk/2014/03/blog-post.html">(下)</a><br />
<br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" /><br />
<div style="text-align: center;">
<u>同場加映:</u></div>
<div style="text-align: center;">
<b><span style="font-size: large;">《神鳥圖》制作過程</span></b></div>
<div style="text-align: center;">
<iframe allowfullscreen="" frameborder="0" height="281" src="//www.youtube.com/embed/uFmYj6rkxRc" width="400"></iframe><br /></div>
<br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com3tag:blogger.com,1999:blog-7099814004783064025.post-85120372208990989012014-02-04T11:30:00.000+08:002014-08-13T13:02:10.113+08:00黑盤紅盤<br />
<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEj_uz7SmuYxGmnJnwaXmaWw2dvi6hMrQ3lVXZaoGWOY5UVIaasnyUgsrVgdgqB0jk3-VPARzjCv141f-E9lpgXqzxiLmkgOKWrcrDl0KP9QiBijmIf9f5INainjoMbxdfxTQAoWwfv5Ob_r/s1600/%E9%BB%91%E7%9B%A4%EF%BC%BF20140204.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEj_uz7SmuYxGmnJnwaXmaWw2dvi6hMrQ3lVXZaoGWOY5UVIaasnyUgsrVgdgqB0jk3-VPARzjCv141f-E9lpgXqzxiLmkgOKWrcrDl0KP9QiBijmIf9f5INainjoMbxdfxTQAoWwfv5Ob_r/s320/%E9%BB%91%E7%9B%A4%EF%BC%BF20140204.jpg" height="277" width="400" /></a></div><br />
新春開市,行過報紙檔,見到某報頭版頭條,火都嚟埋,究竟乜能嘢叫「黑盤」呢? 忍唔能住,摷返順叔舊年新年在<a href="http://realforum.zkiz.com/thread.php?page=1&tid=44861" target="_blank">REALFORUM龍鳳大茶樓</a>寫過的一段嘢,冷飯翻炒多一次,開年。<br />
<br />
<div style="-moz-background-clip: border; -moz-background-inline-policy: continuous; -moz-background-origin: padding; background: rgb(255, 248, 229) none repeat scroll 0% 0%; padding: 5px 8px;"><br />
......<br />
<br />
先講「紅盤」,呢個典故,唔係順叔考證返來,而係一位老前輩講的掌故,加上順叔小小的想像推敲。<br />
<br />
股市「紅盤」之說,查實來自戰前的南北行,即係在文咸街一帶、香港最早期的華資轉口貿易商,當年習慣係在農曆年尾,用紅紙封好貨物過年,正月復市,就將紅紙開封,叫做「紅盤」,只係新年開市咁解,冇話升定跌(呢個好易查,去開咸魚欄搵個阿伯問吓,應該講到少少)。<br />
<br />
南北行公所亦係香港開埠的第一個華人商會,可以想像當年在以轉口貿易為經濟命脈的香港,文咸街(又叫南北行街)有唔少有銀士,所以亦有「香港華爾街」之稱,於是亦唔難想像,呢班做轉口貿易起家的華商,後來轉去炒金炒股,好自然咁,就將「紅盤」概念,帶入金市股市,例如在四會未合併之前、以華資經紀居多的遠東會。<br />
<br />
中國人過年講意頭,新年「紅盤」,華資大戶更樂於托市,唔會有人特登搞搞震,所以新年第一個交易日,多數升市,「紅盤高開」幾成慣例,就算跌,都係「紅盤低收」,可能「紅」同「升」概念上太易引發聯想,久而久之,「紅盤」變咗「升市」,傳媒跟住講「紅盤低收」,容易引起誤會,於是有人發明咗「黑盤」,用吓用吓,竟然變成近年股市術語之一。<br />
<br />
耶穌二千年前出世,其後有冇溝女,如果考證得到,DAN BROWN本DA VINCI CODE就唔會咁好賣;中國幾千年歷史,傳統習俗正音正字,更加好難邊個啱邊個錯(如果有人查到邊個第一個用廣東話爆句「屌你老母」,博士都有得做),有時約定俗成,大家順口順氣咪算囉,好似家吓個個生日,都大大聲話食「壽包」(聽講以前死人先食),都已經唔算大吉利是,不過新年流流,既然講意頭,無端端搞個「黑盤」出嚟,呢個「約定俗成」的「潮流」、「新風」,就無厘頭咗少少咁囉,最少順叔呢類老屎忽,認真聽唔入耳咁囉。<br />
<br />
仲未講完,「紅盤」呢類新年習俗,講到明係屈機的,升跌都係紅盤,攞個意頭,查實就係尊重傳統的表現,好似年初二去車公求籤, 都係「紅盤」啲FRIEND,攞個意頭,亦係當年英國佬在香港入鄉隨俗的表現。<br />
<br />
差唔多三十年前,有條友,叫做曾蔭權,當年只係沙田政務專員(副手應該係鬍鬚曾,識於微時),有年年初二作為港英政府代表去車公求籤,條仆街都係擢咗支下簽出嚟,聽講班鄉下佬即刻執生,話佢唔撚誠心,再求過,最後下籤升呢,唔知中籤定上籤咁。<br />
<br />
回歸前後,負責求籤的港府代表,叫做呂孝端,好似話曾經創吓連續五、六年上籤的奇蹟,吊,真係童子手咩,一係做馬,一係條友變咗熟手技工,知道點先唔會擢支下籤出嚟,03年搞乜能嘢部長制,搵咗條肥西何志平,搞咗支「諸事不吉」下籤,近年先換咗劉皇帝親自上陣。<br />
<br />
好喇,點解以前當奴求咗下籤,可以再嚟過,今時今日,又唔可以出呢招呢,查實都好易理解,應該因為好多傳媒出現,而且係好能惡的傳媒(以前年初二邊有咁多記者返工),彈弓籤的話,被人屌尻你做馬就無謂,結果今年大吉利是,又係下籤。<br />
<br />
其實車公顯靈踢爆,邊個係「內有家鬼」之「鬼」,「小人」之「人」,心中有數啦,作為一個老屎忽,過年最緊要講意頭,禾吊,劉皇帝年初二去求籤,求自己家宅算喇,千奇咪話代表香港代表禾。<br />
<br />
講多句,由「紅盤」到「下籤」,原來傳媒威力咁強,可以改變習俗傳統,不過,香港傳媒表現出嚟的紅黑之分,同車公廟的上籤下籤,都唔能知邉個可信一啲,禾只係知道,每日打開報紙或者上網,都覺得嘈亂巴閉好能煩。<br />
<br />
講完,祝各位蛇年有蛇腰,日日紅盤高開!</div><br />
祝各位馬年行大運,日日笑口常開!<br />
<br />
<b>關連市章</b>:<br />
1. <a href="http://caijingcarefree.blogspot.hk/2011/11/blog-post_3538.html">歐債百家樂</a><br />
<br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" /><br />
<div style="text-align: center;"><u>同場加映:</u></div><br />
<div style="text-align: center;"><b><span style="font-size: x-large;">內有家鬼</span></b></div><div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEhsIEh4yof_uHPnQTB5aTAC-Fa9U0pLWgftE2wc_AiQqTEnYDycQe-eyN-Bu-Q7RnaJgbi6Eb1hwWdhcpH2dZqn5ZEfGbDGSM612HGfbCJcqO2fg1I26wAi-rnQBNvlV4SVaFxeYr5CaO6A/s1600/DONALD.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEhsIEh4yof_uHPnQTB5aTAC-Fa9U0pLWgftE2wc_AiQqTEnYDycQe-eyN-Bu-Q7RnaJgbi6Eb1hwWdhcpH2dZqn5ZEfGbDGSM612HGfbCJcqO2fg1I26wAi-rnQBNvlV4SVaFxeYr5CaO6A/s1600/DONALD.jpg" height="225" width="400" /></a></div><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com1tag:blogger.com,1999:blog-7099814004783064025.post-60409716642486202872013-12-31T23:04:00.000+08:002014-01-05T10:05:20.001+08:00Cinda-rella<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEgUNJHYLKzSSP-8G8exJAdzj5suuYZDRqCQYShP-ldRaTXpQddcdKR_FGLA8xzx48eNJv2Y1zuyvsHHPrch0Ya5V1zR5_1hBudLpp26J5rpcNkD0G0NYsoKPqYfaDsbyqyFZY0n33SFgYlf/s1600/CINDARELLA.V2.jpg" imageanchor="1" style="margin-left: 1em; margin-right: 1em;"><img border="0" height="320" src="https://blogger.googleusercontent.com/img/b/R29vZ2xl/AVvXsEgUNJHYLKzSSP-8G8exJAdzj5suuYZDRqCQYShP-ldRaTXpQddcdKR_FGLA8xzx48eNJv2Y1zuyvsHHPrch0Ya5V1zR5_1hBudLpp26J5rpcNkD0G0NYsoKPqYfaDsbyqyFZY0n33SFgYlf/s320/CINDARELLA.V2.jpg" width="299" /></a></div>
<br />
今期開Cinda,<a href="http://caijingcarefree.blogspot.hk/search/label/001359%20-%20%E4%BF%A1%E9%81%94" target="_blank">中國信達資產(1359)</a>。<br />
<br />
「連信達做什麼生意也不知道」就落注的,大有人在,不過「<a href="http://realblog.zkiz.com/greatsoup38/86262" target="_blank">連信達做什麼生意也不知道</a>」就跟白頂紅唱黑的正義屎士,亦都唔少。本來財經茄哩啡已經改正歸邪,冇寫「IPO-1000 Focus」好耐,近排睇咗唔少西人西語,忍唔住手痕寫幾句,指教吓。<br />
<br />
先睇睇幾份西洋大報的標題。南華早報,8月已經開始唱衰大行動,大字標題「資不抵債的有毒廢料收集站」(<a href="http://www.scmp.com/business/china-business/article/1297653/chinas-insolvent-toxic-waste-dump-cinda-sale" target="_blank">China’s insolvent toxic-waste dump</a>);Economist,將中國四大資產管理公司(AMC)稱為「搽在豬咀的唇膏」(<a href="http://www.economist.com/news/finance-and-economics/21584021-china-still-dealing-mess-left-previous-bank-bail-outs-lipstick" target="_blank">Lipstick on a pig</a>);Forbes,質疑信達係中國有史以來最揾笨的新股(<a href="http://www.forbes.com/sites/gordonchang/2013/11/03/is-this-chinas-worst-ipo-ever/" target="_blank">Is this China’s Worst IPO ever ?</a>)<br />
<br />
從西本位出發唱淡信達的主流(主觀)論據,來來去去嗰幾飛,其一係中國AMC為阿公掃垃圾,冇納稅人埋單,信達已經爆煲十次;其二係跳掣式的條件反射反應,中國金融系統、國有銀行既然係垃圾,講多無謂,作為垃圾筒的信達,肯定更加垃圾。<br />
<br />
查實西洋鏡背後,只是一般的洋相故事:好耐好耐以前,有個小姑娘,叫做Cinda-rella,佢有兩個好尻肉酸的家姐,一個叫RTC(Resolution Trust Corporation),一個叫TARP(Troubled Asset Relief Program)…<br />
<br />
冇錯,「銀行 – 壞銀行 = 好銀行」呢條神奇公式,亦即係成立國控AMC為金融體系啜毒呢條橋,中國只係向佢老美偷師。80年代美國近千間吸存款放樓貸的機構(savings and loan associations),爆到一褲都係,RTC就係為咗處理系統風險而生的「壞銀行」,從1989年到1995年,RTC最少重組咗747間儲貸機構,納稅人直接間接埋單的金額,一樣以幾千億美元計。2008年金融核爆之後成立的TARP,故技重施,不過阿TARP呢隻肥西,比RTC豬扒千倍而已。(題外話,佢老美日唱夜唱中國地方債風險,帶頭爆煲唔能還錢的,曉,之唔係底特律?!)<br />
<br />
呢度唔係話中國金融系統冇問題,之不過一百步笑五十步,會笑大個口的。Bad debts tell good stories,順叔早月寫《<a href="http://caijingcarefree.blogspot.hk/2013/07/blog-post.html" target="_blank">變態超人</a>》,講到<a href="http://caijingcarefree.blogspot.hk/search/label/00001%20-%20%E9%95%B7%E5%AF%A6" rel="nofollow" target="_blank">長實(0001)</a>阿誠伯90年代初準備殺入美國,第一單刁,就係收購RTC掟出街的其中一個垃圾債券30億美元組合,據當時<a href="http://caijingcarefree.blogspot.hk/search/label/00013%20-%20%E5%92%8C%E9%BB%83" target="_blank">和黃(0013)</a>大班馬世民所講,買呢堆垃圾債券的最重要考慮,就係為咗「<a href="https://www.google.com/url?sa=t&rct=j&q=&esrc=s&source=web&cd=2&cad=rja&ved=0CDAQFjAB&url=http%3A%2F%2Fwww.nytimes.com%2F1990%2F10%2F08%2Fbusiness%2Fhong-kong-empire-s-junk-tactic.html%3Fpagewanted%3Dall%26src%3Dpm&ei=oefCUunwMaGuiAeW64DADA&usg=AFQjCNH0toO4R0mKpfLpUqRTR8XWlVU9yg&sig2=C3Z9LjZiTsjdzJVAtKamqg&bvm=bv.58187178,d.aGc" target="_blank">a periscope into corporate America</a>」,可以即時掌握到近300間美國公司的信用資料。同樣道理,信達上市的最大價值,查實係提供咗一個了解中國金融體系的新功具,唔買都應該埋嚟睇吓,跳掣式唱衰,同瞇埋眼炒新股,差無幾。<br />
<br />
先睇歷史大背景,中國AMC誔於1999年,當時中國準備入WTO,由計劃經濟向市場經濟急劇轉型,大量國企仲未學識食自己,簡單掃一掃《朱鎔基講話實錄》在1999年前後的政治經濟問題,就知道十煲粥七隻蓋有幾杰,深層次矛盾集中反映在金融領域,只係在金融系統掃場,幾年間已經查處咗超過4萬友,好死唔死,撞正亞洲金融風暴,銀行體系累積大量壞帳,1999年訪問北京的格林斯潘,都話中國學美國,成立「壞銀行」為「好銀行」買時間,係「非常有益」的方法。<br />
<br />
即係AMC生出嚟就係為咗幫阿公做嘢,肩負「政策性」任務,四間AMC各自為四大國企銀行啜毒,信達可以話揹咗最厭惡性工作,因為對口單位係<a href="http://caijingcarefree.blogspot.hk/search/label/00939%20-%20%E5%BB%BA%E8%A8%AD%E9%8A%80%E8%A1%8C" target="_blank">建行(0939)</a> 喪搭國家開發銀行,1999年4月財政部注資100億(人民幣,下同)做註冊資本成立信達,幾個月後間嘢已經技術性破產,因為哽咗建行2,500億不良貸款,仲有國開行的1,000億筍嘢(合共3,500億)。<br />
<br />
更大鑊者,在呢個信達稱為「政策性業務階段」(1999年至2003年)所收購的「政策性不良資產」,四大AMC要按銀行帳面值原價收購,冇任何折扣,硬食,融資方法主要透過向人民銀行借錢,仲有發行債券,而債券竟然又係由四大銀行買返!例如信達在1999年硬食建行2,500億壞帳,只係出咗30億現金,另外2,470億發行10年期、2.25厘的債券(下稱「歷史債券」)俾建行。<br />
<br />
到咗2005年,建行已經夠靚仔上市,但係Cinda-rella仍然爛口爛臉,為咗消除投資者對建行所持「歷史債券」的疑慮,財政部拍心口支持有關欠款的信用;到咗2010年,本金加利息2千幾3千億「歷史債券」更由信達帳簿剔除,成為(資產負債)「表外資產」,信達同老母財政部成立「共管基金」,延期10年,信達用所得稅還本金,財政部用一般預算還利息,並且繼續提供信用保證。<br />
<br />
換句話講,Cinda-rella挨義氣啜毒,只不過將大量不良資產,在阿公的資產負債表搬嚟搬去,並冇完全消化排出體外,呢個亦係一般老外睇淡信達處理不良資產能力的主要理由。至2010年底,信達累計硬食咗3,963億「政策性不良資產」,望落好似好大,不過扣除3,500億在1999年從建行及國開行購買的最大抽壞帳後,過去十幾年,Cinda-rella為阿公硬食的垃圾其實唔多,而且據信達招股書所講,呢批最垃圾的資產,已經唔再表列於帳簿(冇披露原因及細節,有可能只係冇再分開表列)。<br />
<br />
去到2012年底,信達累計收購咗11,061億元不良資產(原值,信達冇透露用咗幾多錢買返來),累計回收現金2,769億,以Cash recovery rate計,一蚊雞爛數回收現金25仙,不過呢條數,未包括處置過程中獲得的實物資產及股權,包括一大嚿所謂「債轉股」(Debt-to-equity swap)資產。<br />
<br />
Cinda-rella幫銀行買壞帳,變身多間國企的債主,收爛數的時候,銀債股償,呢嚿「債轉股」資產,有幾百間上市及非上市公司的股權,最大上市資產包括5.9%中國鋁業(2600)、7.3%青海鹽湖;未上市類包括42%神華准格爾、30%大同煤礦等。呢嚿嘢在信達的帳簿帳面值只有276億元,根據獨立估值報告(非IFRS),總值623億。<br />
<br />
信達「債轉股」組合的公平值有冇被低估,睇下閣下點睇,驟眼望落去,超過60%資產,來自近一年最仆街的國企行業:煤碳,另外25%來自同類仆街的化工及金屬行業。換個角度睇,現價買入信達,變相撈底押注煤碳股,2007年的時候,呢抽嘢好值錢,問題係信達唔可以隨便將大量國企的主要股權亂掟,信達可能係最熟悉煤碳國企財務狀況的公司,做「債轉股」公司的大耳窿本身已經係一盤大生意,萬一未來煤碳化工行業真係出現過剩產能的整合,又或放寬民企外資入股相關國企的限制,信達可以係重組併購的重要玩家。<br />
<br />
唔少西人評論,話信達披露不足,公司冇解釋具體業務,投資者落注只係靠個「信」字云云。查實就算唔計招股書資料披露水平,信達咁多年嚟,提供咗唔少資料,問題係論者有冇做功課,或者選擇性失明。<br />
<br />
Cinda-rella幫阿公掃銀行垃圾多年,手上掌握超過50萬間公司的信貸記錄,本身就係一個極有價值的資料庫,好多人冇留意,信達本身亦幫阿公做智庫,研究壞帳成因及銀行體系風險,旗下有個「信達金融風險研究中心」,近幾年就有關議題做咗唔少公開報告,輯錄信達本身的案例,都已經出咗5本書,當然好多內容其實隱短揚長,不過或多或少可以了解信達的實戰攻防,例如當年三九集團(三九胃泰老母)的重組,仲有新疆天然氣開發公司以股抵債的案例,都提供唔少新聞傳媒以外的金融史料。<br />
<br />
亦有部分相對深入的評論,例如Financial Times (<span style="text-align: justify;"><a href="http://www.ft.com/intl/cms/s/3/ef2f2956-559f-11e3-b6e7-00144feabdc0.html?ftcamp=published_links%2Frss%2Flex%2Ffeed%2F%2Fproduct&utm_source=dlvr.it&utm_medium=twitter#axzz2p4HUMvjH" target="_blank">Cinda:Making riches from rags</a></span>)及Wall Street Journal(<a href="https://www.google.com/url?sa=t&rct=j&q=&esrc=s&source=web&cd=1&cad=rja&ved=0CCoQFjAA&url=http%3A%2F%2Fonline.wsj.com%2Fnews%2Farticles%2FSB10001424052702304355104579235074170344110&ei=-ubCUo7VKMyViAeP1oHQDg&usg=AFQjCNFuxinZizfpeDPzp2_t-gAzpD3lkA&sig2=SFFEfazM_ngb4CQDfXhFfA&bvm=bv.58187178,d.aGc" target="_blank">Pricey play on China’s bad debts</a>),指住信達手上的「不良資產」,有62%來自房地產,話呢個係信達最高險所在,呢個論據基本上成立,但引用資料錯到離罩。信達作為一間「壞銀行」,同一間現代銀行一樣,問題在於資產同負債好難簡單歸類劃分。所謂6成「不良資產」來自房地產市場,講緊信達近年增長最快的業務,亦可能係最大的風險因素。<br />
<br />
信達在2010年完成股改,同年進入所謂「全面商業化業務階段」,呢一年最重要的突破,係攞正牌收買非金融類不良資產,亦係目前四大AMC唯一一間。在信達合併損益表的Top line,有項收入叫做「應收款項類不良債權資產收入」,2010年收入係「零」,2013年頭半年增加到42億,佔總收入22%;在合併帳簿,產生呢個爆炸性增長收入的資產,叫「應收款項類投資」,總額亦由2010年的「零」,狂升到2013年6月的804億,呢個增長新引擎的資產,有62%來自主要係地產市場的「非金融機構購入應收帳款」(並唔係FT及WSJ所講,信達超過6成「不良資產」來自地產市場)。<br />
<br />
簡單嚟講,如果地產公司A揾咗建築公司B起樓,有筆1億銀尾數,6個月要找,地產公司A周轉有問題,信達會向建築公司B買咗呢筆應收帳,通常會有少少折讓,例如9,800萬咁(2%),跟住同地產公司A講數,將還錢期限延長,例如18個月,期間收地產公司A貴利。假設信達向銀行借一年錢拉均融資成本6%,又假設地產公司A要俾信達13%利息(中型地產商在香港發點心債,息口閒閒地雙位數字),調整2%收購折讓、3%壞帳率及其他使費,信達呢盤「應收款項類投資」投資,隨時有5至6厘回報,咁又解釋咗,點解信達帳簿上「借款」一項,會由2010年的78億,狂升至2013年6月的1,041億。<br />
<br />
世界上又點會有低風險高回報的金融生意,呢盤高風險生意,銀行一直在大做特做,不過收收埋埋,出咗事就撥去做「表外資產」,信達上市前董事長侯建杭(見上圖)接受香港傳媒訪問,爆咗句陰毒,叫投資者睇睇銀行的「出表率」(將不良資產撥出資產負債表)的變化,就知道信達未來的增長空間。北京近年矢言打破銀行壟斷,銀監人行等監管機構,近排開始日日講住「去槓杆化」,民營銀行亦已經提上議程,在在顯示監管機構已經開始為銀行體系放氣,中國超過9成金融資產放在銀行體系,比例在未來數年好可能會大幅降低,將更多資產轉移到AMC及證券公司等金融機構。<br />
<br />
講到呢度,唔難睇到,對風險胃納較高的投資者嚟講, Cinda-rella係「壞銀行」及「影子銀行」的混合體(可參考<a href="http://junkrandom.wordpress.com/" target="_blank">黃元山</a>有關<a href="http://junkrandom.wordpress.com/tag/%E5%BD%B1%E5%AD%90%E9%8A%80%E8%A1%8C/" target="_blank">信達影子銀行角色</a>的的短評),Cinda-rella上市,亦係投資者第一次可以透過大型上市國企,押注中國的影子銀行。<br />
<br />
呢個「灰姑娘」屌唔屌得過,又可以咁睇,Cinda-rella除咗引咗策略投資者UBS及<a href="http://caijingcarefree.blogspot.hk/search/label/02888%20-%20%E6%B8%A3%E6%89%93%E9%8A%80%E8%A1%8C" target="_blank">渣打(2888)</a>上釣,仲有一抽基礎投資者,當中包括想揾Cinda-rella做盲公竹入大陸的垃圾債券專家(仲有準備在深圳前海大搞的神秘基金融通資本),聽講另一間AMC華融,已經開始傾緊外國策略投資者。入咗股,唔代表呢班友絕對睇好信達(半年Lockup過咗之後會有一定分曉),不過最少可以反映老外投資者對中國金融垃圾市場的濃厚興趣。<br />
<br />
外國投資者(包括H股)持有的內地銀行股票市值,超過1萬億,飽飽滯滯,帳面1倍多少少都冇乜人吼,作為爛帳收買佬,信達屬於中國金融的「逆周期」奇貨,銀行越大鑊,信達越快樂,某程度上,睇好「壞銀行」即係睇淡內銀,呢個論點順叔基本上同意,不過增長放緩甚至倒退一件事,會唔會爆發系統性危機又係另一件事,如果話信達同內銀管理係「自相矛盾的故事」,就流於西人西語的硬膠理論,曉,歐美唔少垃圾債券基金非常成功,咁唔通又話西方金融市場係垃圾咩屌你。<br />
<br />
呀,BTW,Happy New Year!<br />
<br />
<b>伸延閱讀:</b><br />
<br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" /><br />
<div style="text-align: center;">
<u>同場加映:</u></div>
<div style="text-align: center;">
<b><span style="font-size: x-large;">Rella</span></b></div>
<div style="text-align: center;">
</div>
<div style="text-align: center;">
<iframe allowfullscreen="" frameborder="0" height="281" src="//www.youtube.com/embed/fN-xq7t6pKw" width="400"></iframe></div>
<br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com3tag:blogger.com,1999:blog-7099814004783064025.post-91572971105526908182013-12-20T16:15:00.000+08:002014-08-16T16:06:13.428+08:00老美二五仔(下)<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEgbne-Vh47ivXNpmmUZLTNtoAgIFQ36Y07qy3fOQk22uGD1ykwqcGOUXbKsie7hkMK-7khUHv7HUDPZNi00IJx0W7Vow7XxdpKjBdg7JMszLJgSQpo-nery4LBud_FUkx-CP9xzjX8BVLGf/s1600/Yam.%E4%B8%80%E8%95%89.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEgbne-Vh47ivXNpmmUZLTNtoAgIFQ36Y07qy3fOQk22uGD1ykwqcGOUXbKsie7hkMK-7khUHv7HUDPZNi00IJx0W7Vow7XxdpKjBdg7JMszLJgSQpo-nery4LBud_FUkx-CP9xzjX8BVLGf/s320/Yam.%E4%B8%80%E8%95%89.jpg" height="400" width="300" /></a></div><br />
<a href="http://caijingcarefree.blogspot.hk/2013/08/blog-post.html">上回講到</a>,美國二五仔大兵曼寧,將佢老美駐全球各領事館的超卨25萬份情報電文,泄咗俾維基解密,爆到全球都係,結果曼寧被判坐監35碌,如果真心支持資訊自由平等人權,對曼寧表達支持的最好方法,就係唔好浪費佢一番心血,閒時重温吓佢爆俾維基解密的內容,包括大約950份由香港老美領事館發出的情報電文。<br />
<br />
香港政商高人當中,最經常出出入入花園道老美領事館、兼且最大口的,大家又估吓係邊個?苦瓜李柱銘?錯。多銀教主陳日君?錯錯。民主阿婆陳四萬?又錯。大話精CY (Lai)?都錯。<br />
<br />
冇錯,頂頭張相查實已開估,答案係任志剛呢條「香港第一拎」。下文引述咗部分維基解密有關任一蕉同美國使館人員的會晤內容,各Reference ID後的Hyperlinks,就係任一蕉在花園道的一條條腳毛。<br />
<br />
普通人去老美領事館,通常都會媽媽聲,又打手指模又排隊,任一蕉當日作為香港金管局行政總裁,全球人工最高的所謂「中央銀行家」,工作只有一樣,就係含住聯繫匯率條拎(Link),佢摸上老美領事館,好似普通人返阿媽屋企食飯咁平常如入冇人之境,例如有次去開搞護照,都會特登走去同老美領事打吓招呼嗲幾句。(Ref ID: <a href="http://cablegatesearch.wikileaks.org/cable.php?id=08HONGKONG1746">08HONGKONG1746</a>)<br />
<br />
眾所久知,任一蕉仲話得事的時候,堅持唔肯改革香港聯匯,不過對住美國佬講起大陸的匯率,條友又會雙重標準,兼且好鐘意阿吱阿咗,例如在2006年3月,有幾件老美參議員,訪華兼順便訪港,作為常客,任一蕉例牌衝去花園道打招呼,同人哋講人仔匯率改革步伐「不幸地緩慢」(Unfortunately slow),當年人仔匯率係中美關係熱點,任一蕉作為香港金融要員,鼓勵美國參議員,繼續向中國施加政治壓力(the U.S. should by all means continue to put political pressure on China),唔知算唔算手指拗出唔拗入?(Ref ID: <a href="http://wikileaks.org/cable/2006/03/06HONGKONG1285.html">06HONGKONG1285</a>)<br />
<br />
咁都未算,同一場合,任一蕉更加在老美參議員面前,大口點評北京領導人,明示暗示,在人仔匯率改革問題,當時的總理溫家寶太保守阻頭阻勢,人行行長周小川面對太多官僚掣肘,如果周小川話得事,人仔改革晨早掂咁話。(If it was just Zhou, you'd be there)當年的副總理鐵娘子吳儀,在老美圈內評價甚過,任一蕉仲提醒美國朋友,由金融改革的職責到認識,吳儀其實只係一知半解。(her responsibilities and knowledge with regard to reform of the financial system are limited)<br />
<br />
查實2005年7月匯改之後,人仔一直在上升軌跡,2006年3月的時候,兌美元已經開始衝「八算」,換句話講,港元咬住「7.8」,人仔兌港元好快見「一算」壓力(2007年1月人仔兌港元突破Parity一兌一),阿水都見到,內地同胞嚟香港買樓掃名牌,折扣越嚟越大,任一蕉堅持聯匯對香港冇構成通脹壓力,唔知呃邊個。佢老味,呢班友仔對住美國佬又係另一套講法。2006年4月一份外交電文顯示(Ref ID: <a href="http://wikileaks.org/cable/2006/04/06HONGKONG1383.html">06HONGKONG1383</a>),有條坐喺香港政府某委員會的二五,同美國駐港領事館爆料,話有關聯繫匯率廢存問題的內部討論,查實已經展開!(One financial contact told us that the conversation about the future of the peg has already begun within a Hong Kong Government advisory committee that he sits on)夠資格為匯率向港府提供意見的委員會,唔會有好多個,最大嫌疑,就係嚟自金管局樓下的外匯基金諮詢委員會,呢條二五仔係邊個,呼之欲出啦。<br />
<br />
當然,唔排除有人提供流料跣尻佢老美的,不過如果閣下在未來五至十年退休,強積金、保險等以美元計價,閣下又相信假如脫鈎之後港元兌陰司紙可能升值的話,就要諗諗自己份防老儲備會唔會唔見一截。(順叔近年買的保單,已經全部轉買港元,因為預咗在香港退休)<br />
<br />
公道講句,港元既然拎咗陰司紙,作為金管局阿頭,任一蕉同佢老美保持緊密聯繫,了解美國金融政策變化,可以話係職責一部份,不過,任一蕉同佢老美係未行得太埋,唔同人可以有唔同判斷。例如在2009年3月,任一蕉上京之前,預先拜會花園道,爆響口話中國即將容許幾百間公司作為人仔貿易結算的試點。(REF ID: <a href="http://wikileaks.org/cable/2009/03/09HONGKONG559.html">09HONGKONG559</a>)<br />
<br />
又例如在2009年10 月,任一蕉同美國金融情報官Stuart Levey工作午宴,條美國佬提出北韓利用香港銀行進行核計劃相關的財務交易,點晒名(姓名、公司同埋銀行都有)要任一蕉幫手,任一蕉就拍心口話金管局在香港擁有「高度自主」(high degree of autonomy),不過有關北韓資金的問題,佢會透過「私底下、非正式的對話」(private, non-official conversations with local banks on UNSCR-related issues)向香港銀行提出溫馨提示咁話。(REF ID: <a href="http://wikileaks.org/cable/2009/07/09HONGKONG1266.html">09HONGKONG1266</a>)<br />
<br />
可以試吓想像,如果任一蕉同老美咁熟,同當年捧佢上神枱的英國阿蛇,關係又點會疏遠,去得花園道出出入入,又點會唔順便行過正義道探吓英國駐港領事館?事實上,任一蕉向英國前老闆提供的情報,細緻到包括北京領導人的飲食習慣! 根據2009年6月在北京美國領事館發出的電文,引述咗英國駐北京使館官員Tamsin Rees所透露、有關中英經貿對話的細節,條女提到,任一蕉聲稱同中國副總理王岐山好老友,經常一齊飲酒 (the former head of the Hong Kong Monetary Authority had said he used to go drinking together with Wang),點知跌尻咗英國阿蛇一鑊金,話說2009年王岐山訪問英國,英國人於是根據任一蕉提供的情報,準備咗盛大的「Whisky dinner」,點知王岐山話自己「酒精敏感」,滴酒不沾,搞到成件事變咗「bloody disaster」。(REF ID: <a href="http://wikileaks.org/cable/2009/06/09BEIJING1582.html">09BEIJING1582</a>)<br />
<br />
北京自己都養埋一大堆大陸密探零零柒,應該已經建立自己人事檔案,邊個係花園道正義道常客,應該心裡有數,老美電文亦唔涉及乜嘢高級別的機密,對來自大陸的「有心」讀者嚟講,涉及香港人和事的老美電文,最有睇頭的,反而係香港目標人物在美國佬面前、非公開場合的意態:邊位人兄講咗乜嘢、人前人後表現有冇唔同。當25萬份電文,透過維基解密爆到通街都係之後,在2009年5月底,就爆出任一蕉唔會再冧莊金管局總裁的消息,唔知通佢老美電文的內容,有冇影響到任一蕉的仕途呢?既然任一招係千年難得一見的能吏,值千九幾萬港銀一年,點解退休之後,在大陸金融體系乜嘢顧問角色都冇?唔通北京覺得呢條友養唔熟?<br />
<br />
眾所久知,英國契媽的殖民年代,香港在國際財經事務上,屁都唔會放一個,毫無角色,在後過渡期,出現180度大轉變,「香港」開始出席(出現)世界貿易組織、APEC、世界航空、航海協議、設立駐華盛頓及倫敦「專員」等。好簡單,如果香港呢隻當年會生金蛋的鴨,唔可以再為契媽服務,97回歸之後,對英國最有利的發展,就係香港在國際財經事務上,保持高度獨立自主,根據前港英政治部Agent羅亞所講,呢招叫做「己所不欲盡施於中國」。(見《香港絕密檔密》第121-123頁)<br />
<br />
在「高度自主」的香港,最「高度自主」的財金系統,唔使問阿桂,莫過於金管局,而任一蕉在位咁多年,有眼睇,力保金管局「獨立王國」地位不遺餘力,舉個例,又係維基解密,在2008年10月,任一蕉向老美使館講,希望香港在討論國際金融危機的Financial Stability Forum,擁有獨立一席位,(REF ID: <a href="http://wikileaks.org/cable/2008/10/08HONGKONG1984.html">08HONGKONG1984</a>)暗示唔想只係作為G20成員中國代表團的成員之一,任一蕉甚至講到出面,呢個問題佢唔好意思開聲,最好由佢老美代勞(Yam replied that it would be difficult unless someone outside of Hong Kong raised it with Beijing),到咗2009年3月,Financial Stability Forum議決取消香港席位,任一蕉又即刻跑上花園道喊苦喊忽,話呢個係忽視香港重要金融中心地位的嚴重錯誤云云。(REF ID: <a href="http://wikileaks.org/cable/2009/03/09HONGKONG530.html">09HONGKONG530</a>)<br />
<br />
有人話國際城市的獨特地位,係保持競爭力的重要元素,呢個講法,唔會有太多人反對,不過呢,如果同一班友仔同你講,又要擔心香港被上海新加坡超越的話,就屬於硬膠性的自相矛盾。假如一黨專政的上海、一家專政的新加坡,都有條件成為國際金融中心,咁香港經濟體系向大陸靠攏,又點會影響競爭力?<br />
<br />
當然啦,最能將香港阻隔於大陸經濟,同陰司紙體系緊緊綁埋一齊的,就係聯繫匯率呢條冚家拎,而最出力捍衛呢條冚家拎的,之唔係就係任一蕉。任一蕉執掌金管局呢個獨立王國16年,咬住七點八唔放,拍拍屎忽走人之後,2012年又話係時候檢討聯匯,邊度有人咁屎忽架,可以好公道咁講句,全香港最冇資格講檢討聯匯的,就係任一蕉。<br />
<br />
講到呢度,近排陰毛上腦的順叔,忍唔住要引述羅亞有關98年亞洲金融風暴的陰謀論(見《香港絕密檔密》第90頁):<br />
<br />
<blockquote class="tr_bq">「<b style="text-align: justify;"><span lang="ZH-TW" style="font-family: DFKai-SB;">九八年來政局氣象,似乎也因應過渡後而趨新,陰謀論者以為前港英政府開始發動其隠藏殺著,出手狠毒,招招針對要害,向本港命脈痛下殺手。局內人以為過去港英運作百年,香港成功因素己是公開秘密,前朝鷹犬如肥彭之流,「俸祿」仍舊照支,未致貽害特區,但若能泄漏玄機,把本港賴以謀生的金融經濟要害公諸西方財閥,利用本港自由銀行體系弱點,投下賭注一舉而攻下香港。</span></b><br />
<b style="text-align: justify;"><span lang="ZH-TW" style="font-family: DFKai-SB;"><br />
</span></b><b><span lang="ZH-TW" style="font-family: DFKai-SB;">深諳前朝歷史讀者,當會知道過去最少英裔官員控馭的部門,正是金融銀證經貿機關,全數任用華人忠貞分子,為港英最早實驗「本地化」計劃之所。此批前高官技藝招式有限,份屬英式流派,此時任由其施展所長,全部不出對手所料。國際投機打手如索羅斯之輩,早己獲前朝傳授絕招解拆,只懂一式半招的特區高官,早在敵方掌握之中。</span></b><br />
<b><span lang="ZH-TW" style="font-family: DFKai-SB; font-size: 11.0pt; line-height: 115%; mso-ansi-language: EN-US; mso-bidi-font-family: "Times New Roman"; mso-bidi-language: AR-SA; mso-fareast-language: ZH-TW;"><br />
</span></b><b><span lang="ZH-TW" style="font-family: DFKai-SB; font-size: 11.0pt; line-height: 115%; mso-ansi-language: EN-US; mso-bidi-font-family: "Times New Roman"; mso-bidi-language: AR-SA; mso-fareast-language: ZH-TW;">事有湊巧,過渡後港府屢遭考驗,特區危機此起彼落,最早有禽流感事件,經而有港元遭受衝擊脫鈎可能,近日發展金融體系更受創,港府官員笨拙手法,一一表現無遺</span></b><span style="font-family: Calibri, sans-serif; font-size: 11pt; line-height: 115%;">…</span>」</blockquote><br />
話時話,98年三英戰大鱷,氣吞天下的當奴,臨退休幾乎過唔到世,肥龍當然亦一身蟻,唯獨任一蕉繼續風騷人間。查實,任一蕉都有鋪癮買Penthouse的,近的唔使講,真金白銀買落IFC頂樓的金融雲端,幫外匯基金增值唔少,跑馬地蔚雲閣頂層複式單嘢,唔知又有幾多人記得?<br />
<br />
<b>關連文章:</b><br />
1. <a href="http://caijingcarefree.blogspot.hk/2013/08/blog-post.html">老美二五仔(上)</a>|<a href="http://caijingcarefree.blogspot.hk/2013/12/blog-post.html">(下)</a><br />
2. <a href="http://caijingcarefree.blogspot.hk/2012/06/blog-post_18.html">抽水兩條拎(上)</a>|<a href="http://caijingcarefree.blogspot.hk/2012/06/blog-post_21.html">(下)</a><br />
3. <a href="http://caijingcarefree.blogspot.hk/2012/06/blog-post_3207.html">脫鈎任尻噏</a><br />
<br />
<b>伸延閱讀:</b><br />
1. 羅亞:<a href="http://winnerbank.blogspot.hk/1995/06/blog-post.html">《香港絕密檔密》第121-123頁</a><br />
2. 羅亞: <a href="http://winnerbank.blogspot.hk/1998/01/blog-post.html">《香港絕密檔密》第89-90頁</a><br />
3. 壹周刊:<a href="http://winnerbank.blogspot.hk/2001/06/blog-post.html">任志剛的不尋常交易</a><br />
4. 星島日報:<a href="http://std.stheadline.com/archive/fullstory.asp?andor=or&year1=2001&month1=6&day1=15&year2=2001&month2=6&day2=15&category=all&id=20010615a04&keyword1=&keyword2=">任總自爆20年買樓詳情</a> <br />
5. 林本利:<a href="http://lampunlee.blogspot.hk/2012/04/blog-post_12.html">新地優質品牌的背後</a><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" /><br />
<div style="text-align: center;"><u>同場加映:</u></div><div style="text-align: center;"></div><div style="text-align: center;"><iframe allowfullscreen="" frameborder="0" height="281" src="//www.youtube.com/embed/FaTLu42cI0E" width="400"></iframe><br />
</div><br />
<div style="text-align: center;"><u>同場再加映:</u></div><div style="text-align: center;"></div><div style="text-align: center;"><iframe allowfullscreen="" frameborder="0" height="281" src="//www.youtube.com/embed/ikKbTZVuRrM" width="400"></iframe><br />
</div><img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com3tag:blogger.com,1999:blog-7099814004783064025.post-11149841407809894682013-08-29T17:34:00.002+08:002013-12-21T21:16:46.352+08:00老美二五仔(上)<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEhOh5gJD1Hqtid3EsjMA7Pg00qkx1JX5dKob8_S9VdPMMDvVlIVDJ3E0xTRHGN2zGXdkIqPnApS55hO9yT52ptL-vYpDIV8DR-AuxIOeQljYmu6HWX8WQfzqJzV-mWSYZ4K1g2_GBswlRXI/s1600/Chelsea.Manning.jpg" imageanchor="1" style="margin-left: 1em; margin-right: 1em;"><img border="0" height="249" src="https://blogger.googleusercontent.com/img/b/R29vZ2xl/AVvXsEhOh5gJD1Hqtid3EsjMA7Pg00qkx1JX5dKob8_S9VdPMMDvVlIVDJ3E0xTRHGN2zGXdkIqPnApS55hO9yT52ptL-vYpDIV8DR-AuxIOeQljYmu6HWX8WQfzqJzV-mWSYZ4K1g2_GBswlRXI/s320/Chelsea.Manning.jpg" width="320" /></a></div><br />
<br />
今期,如題,開二五仔。<br />
<br />
所謂二五仔,查實睇吓閣下企邊面,有美國人選擇同老美作對,亦有唔少香港人成身老美味。代史上跣老美最大劑的二五仔(Whistleblowers),包括啱啱被判35碌的大兵曼寧 (Bradley Manning,見左圖),特別要提吓呢位「哥」仔,因為順叔真心覺得佢做咗一件大好事。<br />
<br />
曼寧當年派駐伊拉克負責情報分析工作,因利成便,爆入老美機密資料庫,存取大量資料,後來仲泄埋俾維基解密(Wikileaks)。經曼寧爆出嚟的猛料,包括老美在伊拉克及阿富汗的近50萬份軍事報告,有聲有片(例如轟炸阿富汗Granai時冧咗百九幾個平民的大屠殺),仲有超過25萬份老美外交電文。結果,曼寧被老友黑客篤背脊,被老美周咗,上星期被判35碌,廿六歲人,慘。<br />
<br />
到今時今日,好多人寧願信維基百科,都唔相信維基解密,無他的,相信唔少人跟本冇親眼睇過維基解密內容(或者唔識用),同埋唔知呢個爆料網站開邊辨,凡係有人提及,往往會條件反射式的大腦自動閉塞。<br />
<br />
維基解密係咪可信,查實有兩個重要佐證,第一,被爆大鑊之人,由老美自己到香港的政商大腕,從來冇人夠膽話純熟流料;第二,睇睇維基解密創辦人阿桑奇(Julian Assange)而家幾折墮。<br />
<br />
如果袋裡面冇番幾粒核彈(例如普京、金正恩),公開同老美作對,通當常冇乜好收場(例如薩達姆、查韋斯),維基解密大爆曼寧提供的機密資料之後,老美唔單止煮死曼寧,仲要徹底收阿桑奇皮。如果阿桑奇只係撒播吓無傷大雅的惡搞流言,又點會因為扑嘢變成「性罪行」成為國際通緝犯咁大劑?<br />
<br />
同另一位老美二五仔斯諾登(Edward Snowden)相比,曼寧真心膠味更重,最新動向係要求「變性」,以「女人」身份服刑,仲叫傳媒稱呼佢做「Chelsea Elizabeth Manning」(見右圖)添。<br />
<br />
咁多年嚟,唔同人向維基解密爆料,可能有唔同政治目的,亦有唔同手法,好似斯諾登咁,明顯就係好有部署,爆極都仲有嘢爆(可能有曼寧前科,仲好識保護自己)。曼寧就好唔同,幾十萬份文件,一次過隊晒俾維基解密,大家可以想像,50萬份軍事報告,加埋25萬條外交電文(來自全球各國),曼寧冇可能全部睇晒、消化完再選擇性爆料,換句話講,有關資料更加可信,動機亦更純正(曼寧自稱睇唔過眼老美在伊拉克所作所為),順叔話真心佩服曼寧,就係咁解,就算唔俾諾貝爾和平獎,乜嘢新聞自由大獎,都應該頒返幾個俾佢。<br />
<br />
維基解密上251,287條老米外交電文,最初並唔公開,以TORRENT形式流傳,仲要有PASSWORD先睇到,當時維基解密同部份英美傳媒合作,確保電文提及大口仔二五仔身份獲保密或人身安全之後,先會在公眾傳媒公開,具體情況順叔都唔係好掌握到,聽講後來PASSWORD被GUARDIAN爆大咗,阿桑奇又被老美趕得太絕,結果在2011年9月初,將廿幾萬條電文,一次過全部公開,冇遮冇掩。<br />
<br />
掀開舊報紙,可以發現,2011年9月開始,香港傳媒開始大量引述美國駐香港領事館的電文,爆吓呢樣爆吓嗰樣,冇錯,所有相關資料,就在曼寧彈俾維基解密的25萬條外交電文當中,換句話講,香港人之所以得知有乜二五仔同老美有乜關係,都係多得曼寧。<br />
<br />
曼寧家陣被判35碌,斷估唔需要坐足,但十年八載都唔會走雞,出到嚟已經係一個中坑,為咗表示對曼寧的支持及同情,唯一可以做的,就係唔好浪費佢一番苦心,將老美電文裡面,有關香港的資料,抽幾份歷久常新,但又冇乜人講過的細節,分享一吓。<br />
<br />
由於電文內容,幾乎全部最係閂埋門傾偈,可以發現,唔少香港政商人事,在老美前鏡頭後,同平時的表現談吐有好大分別。邊啲人好鍾意行入老美領事館阿吱阿咗,在乜嘢場合以乜嘢形式同邊個美國官員放料,好多嘢可以睇。除咗記錄邊個講咗乜嘢,電文對放料人士講嘢時的態度,亦有相當詳盡的描述,甚至評價,查實更加精彩。有心機細心睇吓,對了解香港的政經互動,肯定有用過睇報紙千百倍,退一萬步,望吓有關埃及、敍利亞的電文,亦肯定好過睇經濟學人,可能更加明白,點解茉莉花之後,埃及敍利亞點解會咁仆街,老美又做咗乜嘢好事正義事。<br />
<br />
言歸正傳,維基解密披露涉及香港的電文,大約950份,絕大部分在2005年至2008年發出,即係美國駐香港總領事郭明瀚(James Cunningham)、2008 年至2009 年的總領事唐若文(Joseph Donovan Jr.)期間的香港情治報告。<br />
<br />
如果邊位有興趣自己睇,可以Click入去下面呢條Link:<br />
<a href="http://wikileaks.org/origin/243_1.html" target="_blank"><b><span style="font-size: large;">Secret US Embassy Cables: Browse by Consulate Hong Kong</span></b></a><br />
<br />
另一個使用方法,就係用文字做關鍵詞搜索,可以Click入去下面呢條Link:<br />
<a href="http://cablegatesearch.wikileaks.org/" target="_blank"><b><span style="font-size: large;">Secret US Embassy Cables: Full-text search everything</span></b></a><br />
<br />
舉個例,如果想知道,「CY LAI」係咪老美二五仔,可以用「JIMMY LAI」做關鍵詞,摷返生果肥西在花園道26號留低咗幾多腳毛;腸實阿誠伯有冇做過二五仔,就可以用「LI KA-SHING」做關鍵詞,搜索一吓(記住用開關引號刮住佢,例如" JIMMY LAI "、"LI KA-SHING"咁)。<br />
<br />
下回再續。<br />
<br />
<b>關連文章:</b><br />
1. <a href="http://caijingcarefree.blogspot.hk/2013/08/blog-post.html">老美二五仔(上)</a>|<a href="http://caijingcarefree.blogspot.hk/2013/12/blog-post.html">(下)</a><br />
<br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" /><br />
<div style="text-align: center;"><u>同場加映:</u></div><div style="text-align: center;"><b><span style="font-size: x-large;">I am Bradley Manning</span></b></div><div style="text-align: center;"></div><div style="text-align: center;"><iframe allowfullscreen="" frameborder="0" height="281" src="//www.youtube.com/embed/UFFkcCh-pCc" width="400"></iframe><br />
</div><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com10tag:blogger.com,1999:blog-7099814004783064025.post-20130221346168304882013-07-25T16:25:00.000+08:002014-08-13T13:05:54.353+08:00變態超人(下)<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEjj_z5M-FIf-dubH5MG4Sff1uzpFxd4wewO8vX-uyp1pzeWLLHgLyLO2DZTmK9C-ozpp4TuTgWseyfIBYM6c52fd3ZY-Oj6h_TCl2830w9OdITgQHZYSR_RjTEPBtzDWyMau3QpIOuuNRzZ/s1600/PK.%E8%AE%8A%E6%85%8B%E8%B6%85%E4%BA%BA.%E5%85%AC%E4%BB%94.%E6%B1%95%E9%A0%AD%E5%A4%A7%E5%AD%B8.jpg" imageanchor="1" style="margin-left: auto; margin-right: auto;"><img border="0" height="400" src="https://blogger.googleusercontent.com/img/b/R29vZ2xl/AVvXsEjj_z5M-FIf-dubH5MG4Sff1uzpFxd4wewO8vX-uyp1pzeWLLHgLyLO2DZTmK9C-ozpp4TuTgWseyfIBYM6c52fd3ZY-Oj6h_TCl2830w9OdITgQHZYSR_RjTEPBtzDWyMau3QpIOuuNRzZ/s400/PK.%E8%AE%8A%E6%85%8B%E8%B6%85%E4%BA%BA.%E5%85%AC%E4%BB%94.%E6%B1%95%E9%A0%AD%E5%A4%A7%E5%AD%B8.jpg" width="232" /></a></td></tr>
<tr><td class="tr-caption" style="text-align: center;"><span style="font-size: small;"><b>(原圖: <a href="http://www.lksf.org/image/media/press/20130628_8.jpg" target="_black">誠伯基金會</a>)</b></span></td></tr>
</tbody></table><br />
上回講到,<a href="http://caijingcarefree.blogspot.hk/search/label/00001%20-%20%E9%95%B7%E5%AF%A6">長實(0001)</a>阿誠伯要將含咗幾十年的「雞肋」百佳「舌累」返出嚟,本來最有胃口即瀬的,就係華潤樓下間大士多<a href="http://caijingcarefree.blogspot.hk/search/label/00291%20-%20%E8%8F%AF%E5%89%B5">華創(0291)</a>,不過呢間帶住老毛大號(毛公「潤」之)的「黨企」,最近一身屎,誠伯呢個時候拎間PK出嚟,叫賓架四圍撲買家,唔買都嚟睇吓,時機上,似乎唔係咁想同華潤做生意,爆個好次泰國正大的馬六甲僑資媽沙出嚟接貨,未必冇可能。<br />
<br />
誠伯一話賣PK,Xianggang即刻起哄,講得最多,又係嗰幾飛,乜嘢撤資、仇富鬥地主影響投資環境咁。誠伯「撤資」呢個話題,大大話話講咗二三十年,有乜冬瓜豆腐,又拎出嚟揚兩吓,由20世紀「撤」到21世紀,撒嚟撒去都仲撒緊,煩唔煩膠嘅啫。<br />
<br />
回帶到1986年,當日誠伯在香港的資產,佔成個集團超過9成,<a href="http://caijingcarefree.blogspot.hk/search/label/00013%20-%20%E5%92%8C%E9%BB%83">和黃(0013)</a>食埋<a href="http://caijingcarefree.blogspot.hk/search/label/00006%20-%20%E9%9B%BB%E8%83%BD%E5%9C%8B%E9%9A%9B">港燈(0006)</a>之後各間上市同時已經佔香港股市的15%,誠伯開始部署國際化,主要殺去加拿大,佢接受當地Maclean's雜誌訪問時,已經話唔可以再在香港繼續「放題」,Husky就係當年買落,仲有唔少其他地產項目,包括令太子柒具「名震溫哥華」的「Regatta Court」(呢單嘢有機會再講)。<br />
<br />
去到90年代初,誠伯撤定唔能撤,又成為熱門話題,當日誠伯同政府搞到好薑,導火線之一,哈,又係咁啱,又係同香港的電視市場有關,當日<a href="http://caijingcarefree.blogspot.hk/search/label/00004%20-%20%E4%B9%9D%E5%80%89">九倉(0004)</a>伯爺仲未大去,但接近油盡燈枯,九倉想搞有線電視,誠伯就有件衛星電視(同北京中信扯晒天地線),不過港英政府卡能住咗誠伯,唔俾衛視放廣東話,單嘢撐到好行,誠伯在91年的華東水災籌款,公開講到如果政府唔俾衛視播廣東話,佢旗下公司不排除採取「激烈行動」,仲話希望政府唔好迫佢做一啲「唔想做的事情」咁。(最後嚿豬頭骨由英國佬搵咗梅鐸鐸叔高價收購,算唔算揞口費?)<br />
<br />
討論誠伯撤定唔撤,查實根本冇意思。首先,屌,晨久早撒咗啦,到今時今日,Xianggang資產佔腸實禾米唔夠20%;第二,個個都可以撤,就係誠伯唔撤得,點解咁講,過去二、三十年,誠伯唔少大刁,例如引到P&G上釣拍住入大陸,都係因為誠伯同北京有偈傾,如果誠伯做出一啲動作,俾人覺得佢在北京已經斷晒線,即係話枱面上冇咗最重要的談判籌碼。<br />
<br />
所以,估乳有暈,廢話,切條撚咩。<br />
<br />
誠伯的發達之道,根據佢自己所講,就係「唔會賺到盡」,做生意留一線,留啲剩菜殘碴俾對家食吓,咁其他人先會信得過佢,生意日後自己找上門(有興趣,可以睇睇呢個<a href="http://youtu.be/Kh_RinR2pks" target="_blank">誠伯訪問視頻</a>)。<br />
<br />
將呢個「唔會賺到盡」的做刁技巧,反轉嚟睇的話,其實可以發現,誠伯發達之道,就係在某一領域,建立類壟斷的優勢,大啖大啖狂啅一輪快錢,到形勢改變,或者自己策略調整的時候,將剩餘價值「舌累」返出嚟,做好人,換取更大利益,又大啖大啖的狂啅,呢本生意經,萬變不離其宗。<br />
<br />
最經典例子:九倉。誠伯係第一個睇中九倉的華資孖沙,仲平價打咗口釘,消息爆出街之後,九倉股價炒起咗,船王包SIR又話想「棄舟奔陸」,結果誠哥放低到口的肥肉,聽<a href="http://caijingcarefree.blogspot.hk/search/label/00005%20-%20%E6%BB%99%E6%8E%A7">滙豐(0005)</a>大班沈弼話,將收購九倉的機會「讓」俾包蛇(等佢同怡和硬撼),呢單嘢誠伯除咗買賣九倉股權賺大錢,仲可以交換之後滙豐半賣半送(兼低息借錢)和黃控股權俾長實。<br />
<br />
再遠少少,誠伯痴膠花起家,到1973年時候,已經疊埋心水搞地產,哈,唔知點解,又閹埋好多膠料,當年石油危機爆發塑膠原料價格爆漲,好多膠花廠嗌救命,誠伯聯合同業直接入口原料撓起中間人,同時將長江膠花廠的存貨半價分配俾痴膠花商會的同行,結果個個讚誠伯信得過靠得住。誠伯放棄咗自己的夕陽本業,換返來的,查實係地皮,仲要係免費,腸實早期唔少地皮,就係同廠佬合作發展,最後有幾多廠佬簽咗約但等唔切項目收成已經執咗粒或死能咗,咁就唔知道了。<br />
<br />
從呢個角度出發,腸實PK呢盤生意,價值及經營環境都開始轉變,零息年代令PK的現金流冇乜大著數,競爭法及商品說明條例等政策轉變又令超市生意難做,橫掂入唔能到大陸,誠伯而家趁PK仲有剩餘價值的時候,拎出街賣,除咗可以套現大嚿現金(傳緊叫價三、四十倍PE… 喎),更應該睇吓誠伯想同邊個交換禮物、想交換啲乜嘢返來。<br />
<br />
同樣道理,將成個局拉大拉長嚟睇,李氏力場壟斷香港幾十年,啅足幾十年大錢,家陣形勢改變,李啅人都可以化身碼頭風雲主角馬龍白蘭道,假如而家嘔返出嚟,誠伯又想換啲乜嘢返來,同邊個換,同老共換,定係同以前殖民宗主事頭婆換?從近年腸實禾米的部署,查實已經睇到一定脈絡,如果重點係搵大BUTT裂顛英女皇,幾乎可以斷定,腸實禾米未來發展,俾盡佢,就好似留在Xianggang的太古(0019)咁,專打「九0一」穩守突擊,只會守,難進攻,發展爆發力有限。<br />
<br />
誠伯早月去咗汕頭,主持汕大新醫學院大樓啟動儀式,獲學生贈送超人首辦模型(見上面改圖的原圖),出席畢業禮時,自傷自憐憂國憂港,話「華人首富」呢個封號,令佢百般滋味咁話。(<a href="http://www.lksf.org/zh-hk/media/press/20130628">誠伯演辭辭節錄</a>)<br />
<br />
死鬼羅德承好鐘意講一個關於<a href="http://caijingcarefree.blogspot.hk/search/label/00012%20-%20%E6%81%92%E5%9C%B0">恒地(0012)</a>四叔的笑話。話說好多人問四叔,點先可以發達,四叔就話,好簡單,日日起身就諗點發大達,最終就會發,再問:「咁咪好易痴尻線?」四叔好坦白咁講:「梗係啦,你睇吓我就知道。」(呢個故仔可以在《羅德丞政海浮沉錄》搵到)<br />
<br />
即係咁講,一個人要發達,仲要係大發特發嗰種,先決條件,對「錢」的概念,一定要同世界上99.99999%的人唔同,先可以晉身0.00001巴仙的大富大貴,同時要對錢,有一種近乎怪癖、變態的追求及迷戀,就好似HK變態超人咁,一見到底褲,就難以自己,即刻想老笠。<br />
<br />
好多大富人家,都有呢種特質,好似誠伯二仔阿碌柒咁,當年食咗數碼港地皮,已經係全港所有地產大孖沙恨之忽得的肥肉,點知只係一場更大龍鳳的前戲,蛇吞象食咗香港電訊變成今的的<a href="http://caijingcarefree.blogspot.hk/search/label/00008%20-%20%E9%9B%BB%E7%9B%88">電盈(0008)</a>,當年的「八號仔」,已經變成「老八」,香港千千萬萬小股民輸到底褲都甩咗。<br />
<br />
又好似誠伯阿大仔柒佢咁,起樓認真取之有道,多年嚟唔少杰出住宅單位代表作,某某「平台層」單位,個睡房幾乎隊出碼路(見<a href="http://caijingcarefree.blogspot.hk/2012/02/blog-post_21.html">「僭建演義」</a>);某某「窗台房」,本來無一物,買樓何事送窗台(見<a href="http://caijingcarefree.blogspot.hk/2012/08/blog-post_5.html">「見買褲送褲袋」</a>);仲有某某「<a href="http://youtu.be/evs_reu6vEI" target="_blank">連天台單位</a>」…… 又係賺盡樓市買家每一條底褲,呢啲唔叫「賺到盡」,唔通叫富貴浮雲?(仲未計<a href="http://caijingcarefree.blogspot.hk/2012/03/blog-post_09.html">冇你咁長命</a>搞寶藥啅廿個億單嘢...)<br />
<br />
誠伯仲有個好動人的故事,話說有日佢跌咗個兩蚊落車底,佢想執返,有個食蕉見到,幫佢手執咗,誠伯收返兩蚊落袋,再打賞一嚿水貼士,誠伯講呢個故事(<a href="http://youtu.be/cx3JUrNbC8g" target="_blank">故事視頻</a>),正本係想講「用之有道」,又係反轉嚟睇,「跌咗兩蚊都要執返」,先真正反映超級巨富對錢的態度。<br />
<br />
做得大孖沙,知心冇幾人(梅鐸老婆都阿Wendy釘姐姐都被人話係老共間諜),外人睇誠伯,更加只能透過傳媒,斷估外界對佢有唔少誤解,誠伯覺得委屈,可以理解,不過「賺到盡」呢家嘢,就冇可能係老屈囉。<br />
<br />
誠伯條女阿海豚姐姐,2002年曾經無端端搵咗信報及信報月刋做訪問(應該想買信報好耐),問足六粒鐘,查實絕大部分係廢話口水,例如叫人睇下本冷門到佢老妹都唔認得的《Einstein’s Wife》咁,當日啱啱<a href="http://caijingcarefree.blogspot.hk/search/label/02383%20-%20tom%E9%9B%86%E5%9C%98">Tom佬(2383)</a>收購ATV被<a href="http://caijingcarefree.blogspot.hk/search/label/02008%20-%20%E9%B3%AF%E5%87%B0%E8%A1%9E%E8%A6%96">山雞電視(2008)</a>個流腸樂截咗糊,條街有人傳緊誠伯要將海豚姐姐雪入冷宮,叫人去了解吓愛恩思坦個老婆的委屈,唉,旋妹真係用心良苦,斷估呢個訪問的主要目的觀眾,唔會係一般財經茄哩啡囉。<br />
<br />
訪問裡面,最精彩爆料,有兩條,一條係東方廣場單嘢(即係今日<a href="http://caijingcarefree.blogspot.hk/search/label/87001%20-%20%E5%8C%AF%E8%B3%A2">匯賢信佢就托(87001)</a>),1995年陳希同落馬收皮之後,新任北京市委書記尉健行,特登邊請誠伯上京,當面宣讀一封信,澄清誠伯及陳希同冇任何特殊關係咁話。(<a href="http://winnerbank.blogspot.hk/2002/09/blog-post.html" target="_blank">海豚姐姐細說東方廣場</a>)<br />
<br />
另一條料,八卦少少,周旋於董建華及誠伯兩大政商巨擘的海豚姐姐,講到董伯伯及誠伯的性格,話兩人同時具備「內向及外向」的性格,但誠伯激烈好多,「李生的性格是兩邊都極端的,所以他內在的張力很大。」<br />
<br />
嗱,海豚姐姐講誠伯性格,信得過喇卦,咩叫做「兩邊都極端」、「內在的張力很大」呢,唔通講緊誠伯生意之道,總想留一線餘地,但係有時見到跌咗兩蚊、路邊有條底褲,又唔能忍住要執返啅埋?定係講緊,誠伯對錢的執著,本來可以啅更多,但已經好忍手?<br />
<br />
由1979年時代雜誌的Superman,到今日皇后大道中的大頭魔鬼改圖,誠伯形象的轉變,唔會吓吓全香港人老屈你的。今時今日的香港,何嘗唔係「內在的張力很大」,各種矛盾打晒死結,真係超人先可以解得甩,作為香港主權過渡世紀大刁大茶飯的最大得益者,誠伯望住今時今日的香港,如果以「受害者」的角色出現,咪玩啦,不如入場睇《HK變態超人》好過。<br />
<br />
誠哥、超人,你喺邊度?<br />
<br />
<b>關連文章:</b><br />
1. <a href="http://caijingcarefree.blogspot.hk/2013/07/blog-post.html">變態超人(上)</a>|<a href="http://caijingcarefree.blogspot.hk/2013/07/blog-post_22.html">(中)</a>|<a href="http://caijingcarefree.blogspot.hk/2013/07/blog-post_25.html">(下)</a><br />
<br />
<b>伸延閱讀:</b><br />
1. 評台:<a href="http://www.pentoy.hk/%E6%96%87%E5%8C%96%E7%94%9F%E6%B4%BB/%E6%96%87%E5%8C%96%E8%A7%80%E5%AF%9F/l182/2013/07/26/%E9%99%B8%E7%A9%8E%E6%81%A9%EF%BC%9A%E5%A6%82%E6%9E%9C%E8%AE%8A%E6%85%8B%E8%B6%85%E4%BA%BA%E5%9C%A8%E7%8F%BE%E5%AF%A6%E4%B8%96%E7%95%8C%EF%BC%8C%E4%BB%96%E7%9A%84%E6%95%B5%E4%BA%BA%E6%98%AF/">如果變態超人在現實世界,他的敵人是… ?</a><br />
2. <a href="http://realblog.zkiz.com/lgaim/68004">有道德搶劫--味皇:(惡搞)超油切</a><br />
3. 投資一周:<a href="http://hk.apple.nextmedia.com/financeestate/art/20130724/18346435">和黃差過新地</a><br />
<br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" /><br />
<div style="text-align: center;"><u>同場加映:</u></div><br />
<div style="text-align: center;"><b><span style="font-size: x-large;">變態超人主題曲</span></b></div><div style="text-align: center;"></div><div style="text-align: center;">阿伯第一的秘密,英國阿SIR腸實,</div><div style="text-align: center;">變態朋友,底褲絲襪,一見就老笠。</div><div style="text-align: center;">肚滿腸塞,點著襪,將港人重罰,</div><div style="text-align: center;">信佢朋友,往往輸凸,底褲全部輸甩。</div><div style="text-align: center;">送你柒具,起樓有道,隊尻出馬路;</div><div style="text-align: center;">喪搭擇雞,閪私有,啅夠扮逃走。</div><div style="text-align: center;">仲未夠!仲未夠!</div><div style="text-align: center;">東一刮,西一刮;</div><div style="text-align: center;">東一擸,西一擸,一蚊都擸...</div><div style="text-align: center;">飽上耳鼻喉,食夠唔撚走。<br />
(「擇雞」係潮州話,私有講緊電盈,咪諗錯隔離)</div><br />
<div style="text-align: center;"></div><div style="text-align: center;"><iframe allowfullscreen="" frameborder="0" height="281" src="//www.youtube.com/embed/G4siUqjKF7k" width="400"></iframe><br />
</div><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com23tag:blogger.com,1999:blog-7099814004783064025.post-60424766685370138792013-07-22T21:07:00.000+08:002014-08-13T13:05:32.887+08:00變態超人(中)<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEgUXGJgyiFV0yCvodd6DwsUFOXi5D1S6YSeFJH6qU-5lnGo4vQDGNWljq9gGq1UDkDIBFqwkQFH24FC6Gx5mDZUjJx8Is8xo941YGoc-dF5Bs81ySBxnW0JbgBM2gix2DPydtuUxBMynAW0/s1600/PK%E8%B6%85%E4%BA%BA.jpg" imageanchor="1" style="margin-left: 1em; margin-right: 1em;"><img border="0" height="287" src="https://blogger.googleusercontent.com/img/b/R29vZ2xl/AVvXsEgUXGJgyiFV0yCvodd6DwsUFOXi5D1S6YSeFJH6qU-5lnGo4vQDGNWljq9gGq1UDkDIBFqwkQFH24FC6Gx5mDZUjJx8Is8xo941YGoc-dF5Bs81ySBxnW0JbgBM2gix2DPydtuUxBMynAW0/s400/PK%E8%B6%85%E4%BA%BA.jpg" width="400" /></a></div><br />
上回講到,日本英雄漫畫改編的真人電影《HK變態超人》今個星期公映,撞啱<a href="http://caijingcarefree.blogspot.hk/search/label/00001%20-%20%E9%95%B7%E5%AF%A6">長實(0001)</a>阿誠伯有單PK刁,財經茄哩啡唔能忍住要抽吓水寫吓財經影評。<br />
<br />
超級市場呢門生意,新對手隨時由石頭爆出,冇人冇物,政治肌肉唔夠大嚿(Walmart自2008年起單單為咗殺入印度已經花咗2,500萬美金政治游說費),好難長期保持優勢(<a href="http://youtu.be/0ftcDdFD2hI" target="_blank">葉玉卿</a>老公在加州就有間「Hong Kong Supermarket」連銷店,威過,近年好似唔係咁掂,就係例子)。<br />
<br />
香港超市,可算異數中的異數。<br />
<br />
作為超齡宅男,財經茄哩啡讀得書少出國唔多,唔知道地球上,仲有冇邊個國家或者地方,超級市場會好似香港咁集中,PK同惠康,各自半匡天下,呢個雙頭壟斷,由英治殖民時期,已經開始形成,1997年之後,行業集中度更高。<br />
<br />
超市的出現,首先趕絕大量糧油雜貨舖,例如1973年惠康推出袋裝米之後,香港人就開始改變糴米的習慣,零售米舖執粒,跟手趕絕埋小型超市。廿幾年前,香港仲有唔少地區性的超市,例如柴灣超級市場、油麻地超級市場咁,仲有過一間KK超級市場(後來被廣南收購,2001年粵海系爆煲之後執粒),根據消委會2003年一份有關超市競爭研究報告,1996年至2001年間,小型超級市場數目,大幅下降41%(就連過江龍好似廣南、仲有家樂福,都頂唔順PK惠康雙劍合璧)。<br />
<br />
控制咗最重要的零售網絡,超市自然惡過供貨商,入貨價平過人(又可以拖數),零售價又貴過人,仲成日掛住「全港至平至抵」、「大減價」等宣傳搵七人笨實,類似現象消委會多年來篤爆過無數次,於是一件「睇見就眼冤」的「雞肋」,變成幫誠伯「日日賺」、「賺到盡」的霸權超市。<br />
<br />
真正掌握「唔會賺到盡」之術,查實係香港「大BUTT裂顛」殖民時期的英國佬。當年<a href="http://caijingcarefree.blogspot.hk/search/label/00005%20-%20%E6%BB%99%E6%8E%A7">滙控(0005)</a>食<a href="http://caijingcarefree.blogspot.hk/search/label/00011%20-%20%E6%81%92%E7%94%9F%E9%8A%80%E8%A1%8C">恒生(0011)</a>、置地(牛奶公司)食美心,都只係食一半留一半,啅咗控股權,留返一半利益以及經營權俾華資,等佢哋幫英國佬搵銀(順叔到今日都認定恒生擠提一役係「大BUTT裂顛」陰謀),容許誠伯在超市、電力等市場,同傳統英資對分利益,異曲同工。<br />
<br />
要真正了解李氏力場,就要明白呢套將英國利益,同華資財團捆綁埋一齊的金權政治。<br />
<br />
1997年香港主權移交,係中英之間的一場世紀大刁,誠伯作為香港首席孖沙,誠伯唔會只係代表華資利益,同時亦要代表英國佬的利益,中英雙方都默許認可,先可以由97前發到97後,好似超市及電力市場,雙頭壟斷在英治時期形成,97後繼續發揚光大,PK發即係惠康發,<a href="http://caijingcarefree.blogspot.hk/search/label/00006%20-%20%E9%9B%BB%E8%83%BD%E5%9C%8B%E9%9A%9B">港燈(0006)</a>發即係<a href="http://caijingcarefree.blogspot.hk/search/label/00002%20-%20%E4%B8%AD%E9%9B%BB">中電(0002)</a>發,任何影響到PK惠康競爭力的政策威脅,例如競爭法、商品說明條例咁,唔知點解,總係諸多阻滯,誠伯發功即係幫嘉道理拖,變相做咗半個英資利益代言人。<br />
<br />
叉遠少少講,當年滙控同怡和等英資大班對著幹,支持誠伯及<a href="http://caijingcarefree.blogspot.hk/search/label/00004%20-%20%E4%B9%9D%E5%80%89">九倉(0004)</a>伯爺包蛇,都係做緊同一個捆綁動作,俾你做英國佬,明知97大限要撤退,英資遲早要含撚,最高招就係養大一兩件華資孖沙,在某程度上會代表吓英國利益。舉個例,1997年7月1日香港財政儲備(連埋土地基金), 3,500億港紙,英國佬唔可以搬返去「大BUTT裂顛」,有乜好得過養肥一兩個相對信得過的華資孖沙,將在香港賺返來的錢,搬去英國投資。大家可以計吓條數,誠伯近十年在英國歐洲的投資,少唔少得過3,500個億?<br />
<br />
言歸正傳,差啲唔記得今期講PK。<br />
<br />
如果香港的超市霸權,只因為誠伯商業眼光高超,同政治肌肉冇關的話,PK應該在中國好能巴閉啦,PK早在1994年成為第一家登陸上海灘的外資超市,門店一度有廿幾間,但擴張野心被大陸的資本限制卡能住咗,到2000年執剩一間咁大把,2006年學Walmart搞Superstore唔掂,之後再扮上菜搞高檔超市Taste又唔能掂,舊年全線PK收皮,如果真係咁能英明神武,又點會三進三出上海灘,搞嚟搞去得個吉。<br />
<br />
好喇,而家香港政府終於的起心肝搞競爭法,啱啱執行的的商品說明條例,又搞到馬經講「全港最準」都唔得,又有想加入共產黨不得其門的阿信屋(0759,疑似)呢類新形勢新對手,誠伯終於同大家講,唔想「日日賺」,可能將件含咗幾十年的「雞肋」舌累返出嚟,PK可能賣盤。<br />
<br />
牛頭角順嫂都知道,如果PK賣盤,最有興趣接手,又最可以因為本身業務發掘百佳潛力的,就係華潤樓下隻零售綜企<a href="http://caijingcarefree.blogspot.hk/search/label/00291%20-%20%E8%8F%AF%E5%89%B5">華創(0291)</a>。<br />
<br />
1949年共產黨上台之前,成立過好多公司,呢類在地下陣線的商業機構,已經全部收皮,碩果僅存的只有一間華潤集團,可以話係最紅的一間「黨企」,可以想像,唔少老共派嚟香港的的情治人員,都係在華潤掛單,多年來擔任唔少秘密任務,包括協助誠伯的老友老鄉莊世平成立南洋商業銀行(解釋咗呢間銀號點解唔合併入中銀集團),仲有60年代大躍進冇得食年代都要供應香港的「三趟快車」。<br />
<br />
誠伯同華潤合作,更加歷史悠久,華潤第一個地產項目,就係同誠伯合作,在1979年,買起成個天水圍(冇錯,係成個天水圍5,200萬平方呎土地),項目涉及投資百億計,更步定橫跨97大限,土地問題成為英國搵中國傾香港主權問題的缺口,天水圍亦成為香港前途信心的代名詞。<br />
<br />
誠伯同華潤咁有淵源,如果真係要賣PK,姣婆撞正姣仔,仲要係熟人,應該一拍即合,即刁至係,不過上個星期,外電傳出PK可能賣盤的時機,有好似唔係咁對路。<br />
<br />
上星期有個新華社樓下報紙的記者,實名「踼爆」<a href="http://caijingcarefree.blogspot.hk/search/label/00836%20-%20%E8%8F%AF%E6%BD%A4%E9%9B%BB%E5%8A%9B">華潤電力 (0836)</a>早幾年百億貴價買爛煤,呢單嘢,查實已經傳咗年幾兩年,今年兩會期間,有條友已經「實名舉報」過,仲在網上四圍貼一封俾華潤老大宋林的公開信,乜料都爆晒,不過好快被河蟹,封公開信順叔留咗底,有興趣可以跟住呢條Link(<a href="http://winnerbank.blogspot.hk/2013/03/123.html" target="_blank">123億天價併購案,華潤欠股民及國民一個交代</a>),溫故知新,新華社記者只係執人口水尾,最重要訊號,只係間接證實咗要隊呢間「黨企」的力量,就係來自黨內。<br />
<br />
華潤雖則話有幾個月時間做危機處理,不過今次涉及國際投資者利益,一身蟻,華電係香港藍籌,宋林係港府經濟發展委員會成員,北京好信得過的梁愛詩仲要係花樽董事,「黎CY」呢類輿情特攻,又點會放過呢個機會,梗係大唱特唱,呢個時候傳出PK要賣盤,好似有陣想整鬼華潤的味道(當然大前提係華創真係想買PK)。<br />
<br />
當然啦,呢個世界,老共要做嘢,未必吓吓要搵黨企國企,好多人可以幫手,例如早排滙控賣<a href="http://caijingcarefree.blogspot.hk/search/label/02318%20-%20%E5%B9%B3%E5%AE%89%E4%BF%9D%E9%9A%AA">平保(2318)</a>兩成H股的辣手煎堆,就爆咗個泰國正大出嚟,唔知去邊度撲咁多銀,百億美金接咗滙控手平保之後,早前個月仲有六十幾億美金食埋泰國零售批發商萬客隆(Siam Makro);那些香港足球班霸精工老闆黃創山家族,近排好似咸魚翻生,間Bangkok Skytrain好似越做越有。<br />
<br />
呢堆馬六甲華僑幾多斤兩,生意做得大同老共有冇關係,唔知,不過近年香港超市既然大把泰國貨,突然殺個正大卜蜂出嚟,接咗誠伯間PK,唔係冇可能的,老共在許家屯年代的香港鬥地主方針,叫做「拖住英資、穩定華資、爭取外資、團結僑資、台資,壯大中資」,家陣在香港做嘢,中資太敏感,英資太含撚,華資又未必穩,連兩間電視台都搵咗台資,PK賣盤爆間僑資接貨,唔會太出奇。(呢個觀點,部分來自<a href="http://realforum.zkiz.com/thread.php?tid=60269" target="_blank">REALFORUM</a>的網友)<br />
<br />
下回再續。<br />
<br />
<b>關連文章:</b><br />
1. <a href="http://caijingcarefree.blogspot.hk/2013/07/blog-post.html">變態超人(上)</a>|<a href="http://caijingcarefree.blogspot.hk/2013/07/blog-post_22.html">(中)</a>|<a href="http://caijingcarefree.blogspot.hk/2013/07/blog-post_25.html">(下)</a><br />
<br />
<b>伸延閱讀</b>:<br />
1. 消委會: <a href="http://www.consumer.org.hk/website/ws_chi/competition_issues/competition_studies/20030811supermkt.html">食品及家居日用品零售市場的競爭研究報告(2003年)</a><br />
2. 中國經營報: <a href="http://winnerbank.blogspot.hk/2012/05/blog-post_21.html">李嘉誠麾下超市三度折戟上海灘</a><br />
3. 華潤雜誌: <a href="http://www.crcmagazine.com/2012/201205/14.htm">香港天水圍這片土地,這片領土</a><br />
4. 中華人民共和國公民李建軍: <a href="http://winnerbank.blogspot.hk/2013/03/123.html">給華潤集團董事長宋林先生的公開信</a><br />
5. WSJ Blog: <a href="http://blogs.wsj.com/moneybeat/2013/07/22/investment-bankers-seek-shoppers-for-li-ka-shings-sale/">Investment bankers seek shoppers to PK</a><br />
6. 朱泙漫屠龍記: <a href="http://johnchrysostom.blogspot.hk/2013/07/2014.html">2014高達渣古的終極決戰</a><br />
<br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" /><br />
<div style="text-align: center;"><u>同場加映:</u></div><div style="text-align: center;"><b><span style="font-size: x-large;">變態女超人</span></b></div><div style="text-align: center;"></div><div style="text-align: center;"><iframe allowfullscreen="" frameborder="0" height="281" src="//www.youtube.com/embed/Ohon8J94NUw" width="400"></iframe></div><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com2tag:blogger.com,1999:blog-7099814004783064025.post-23327608132006197602013-07-21T21:27:00.002+08:002014-08-13T13:09:15.492+08:00變態超人(上)<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEhMY40hCqsyqTOVrQ6ZoOO68H1Poq4xU4g_0JkqaR8CSf1lueJrYVwk5CfSiBjmj2_g9Ezp4PxIWggevuBxWl1sq8woJuVJlBu5Vo1y_Oc-Z1pG9G5T7PT7lYAy38utrvsgutlAIWZp9wn3/s1600/PK.HK%E8%AE%8A%E6%85%8B%E8%B6%85%E4%BA%BA.%E9%9B%BB%E5%BD%B1%E6%B5%B7%E5%A0%B1.V1.jpg" imageanchor="1" style="margin-left: 1em; margin-right: 1em;"><img border="0" height="281" src="https://blogger.googleusercontent.com/img/b/R29vZ2xl/AVvXsEhMY40hCqsyqTOVrQ6ZoOO68H1Poq4xU4g_0JkqaR8CSf1lueJrYVwk5CfSiBjmj2_g9Ezp4PxIWggevuBxWl1sq8woJuVJlBu5Vo1y_Oc-Z1pG9G5T7PT7lYAy38utrvsgutlAIWZp9wn3/s400/PK.HK%E8%AE%8A%E6%85%8B%E8%B6%85%E4%BA%BA.%E9%9B%BB%E5%BD%B1%E6%B5%B7%E5%A0%B1.V1.jpg" width="400" /></a></div><br />
今期開超人,のPK。<br />
<br />
先嚟一個同場加映,廿年前出版的日本漫畫《變態超人》搬上大銀幕,笠上女人底褲變超人、一身肌肉著絲襪的反傳統變態英雄,今個星期香港公映,正。<br />
<br />
原著日文漢語,叫做《究極!! 變態仮面》,有唔少中文譯名包括《變態假面》及《瘋狂假面》咁;日文英語“Hentai Kamen",簡寫就係“HK",所以有啲電影海報,譯做《HK變態超人》,呢個時勢在香港公映,實在究極應景。<br />
<br />
本來唔想抽水,不過撞正百佳可能賣盤,財經茄哩啡唔能忍住要寫吓影評。冇錯,香港人究極熟悉的超人,當然<a href="http://caijingcarefree.blogspot.hk/search/label/00001%20-%20%E9%95%B7%E5%AF%A6">長實(0001)</a><a href="http://caijingcarefree.blogspot.hk/search/label/00013%20-%20%E5%92%8C%E9%BB%83">和黃(0013)</a>的主席阿誠伯。<br />
<br />
誠伯「超人」呢個朵點嚟,斷估出現於1979年,<a href="http://caijingcarefree.blogspot.hk/search/label/00005%20-%20%E6%BB%99%E6%8E%A7">滙豐(0005)</a>半賣半送(兼低息借錢)和黃控股權俾長實蛇吞象一役之後。當年香港人,包括華資商家佬,日久日受咗英國人氣,誠伯呢類可以同英資大班拗手瓜的中國人,好自然被視為華人之光,大受吹捧,當中吹得最大力的,就係半個潮汕同鄉的信報林伯,「曹仁超」的筆名,掉轉頭就係「超人曹」。仁超捧超人,林伯吹誠伯,超人大號不脛而走(亦有人話,超人盛名,來自當年某報紙佬的對聯「高人高手高招,超人超智超福」,木宰羊…),去到九十年代,連鬼佬傳媒都知道超人大名,誠伯大頭相加「SUPERMAN」的標題,不時成為封面,幾威。<br />
<br />
廿年河西,當年港人個個景仰的超人,家陣幾乎變咗頭號公敵,早排碼頭風雲鬥地主,<a href="https://blogger.googleusercontent.com/img/b/R29vZ2xl/AVvXsEjKfyaFgdVdb3ZdidwlX7Ew56LFeqSC0MxdztsSlqnAMEjzas3xp7YHV5pdC61OzPk3-9ek4fDH0PpixohhQ7tGqf-PAdDv2FxZAz3bMndjzT-V5JBPQeNiHwwthYCs9O71C154k8ls_TQ/s1600/PK.%E8%B6%85%E4%BA%BA.%E9%AD%94%E9%AC%BC.%E8%90%AC%E8%83%BDKEY.jpg">超人超大頭被妖魔化</a>放在皇后大道中,呢種場面,七、八十年代難以想像。誠伯慣咗被神化多年,臨老被插,難免究極谷氣,自己明明「愛國愛港」,被人狂踩「李氏力場」;明明「取之有道」,又被人唱「地產霸權」;明明做生意必定「留有一手」,香港人又話佢吓吓「賺到盡」。<br />
<br />
超人眼界所及、誠伯口中所言,同在香港的普通地球人所見所能感受,好究極唔同囉,落差好究極大囉。唔通一個人要大發特發,對搵錢就要有近乎怪癖的追求,好似變態超人咁,一聞到女人條底褲味,就會失去自控能力笠上頭,欲罷不能?<br />
<br />
好似PK咁,總有一間喺左近,幾乎香港地球人個個都要幫襯,不過誠伯就成日為PK喊冤,話PK毛利率其實好削,山大斬埋唔夠2%孖展咁話,誠伯頭號跟班阿CANNING,更加講過PK屬於雞肋業務,「睇到都眼冤」添。<br />
<br />
在香港做超市,冇錯,毛利率未必好高,增長空間可能有限,收銀連送貨養住一萬幾千人,好容易俾工會「做世界」,拔,挑,如果真係咁食之冇味,丟之又點會可惜,晨撚早賣尻咗啦,閹住隻雞翼尖托咩。<br />
<br />
一盤生意,視乎老闆有乜其他嘢搞,可以帶嚟唔同的附加價值。<br />
<br />
好似誠伯做咁,1986年衝出世界的第一刁,有冇人記得,其實係擁有Financial Times的Pearson集團5%股權,代價大約係8千萬美金,當年唔少人對誠伯呢單刁搲晒雀,唔知佢開邊辨,諗返轉頭,呢步棋其中一個考慮,可能係等FT班友落筆寫誠伯時,可以小心啲或者鬆手啲,如果誠伯想起邊個外國商家佬個底,摷FT個DATABASE都容易啲啦(當年資訊冇咁電子化);同樣道理,誠伯同期進軍美國第一刁,係細仔理柒李介紹的一堆JUNK BONDS,除咗買平貨,當然亦因為掌握到大量信貸資料同佢老美金融的陰私,為殺入美國試水。<br />
<br />
做實業一樣,例如做碼頭,可以掌握到全球經濟起伏最重要的溫度計,甚至係國家軍事機密;做超級市場,冇咁巴閉,不過可以知道消費市場最新變化,又可以同供應商打關係,美國P& G當年搵誠伯做盲公竹,合營寶潔中國,誠伯幾乎連豉油都唔使出,已經拎咗廿個巴仙(2005年賣肉沽出套現20個億,美金),除咗話誠伯在內地的人脈,斷估P& G就係被誠伯的PK及屈臣氏等零售網絡吸引,以為可以在大陸複製PK在香港的成功經驗。<br />
<br />
仲有,從供應商角度出發,如果大陸各大超市的貨架,最究極搶眼位置放晒出前一丁或卡樂B,康師傳及旺仔產品塞埋一角,<a href="http://caijingcarefree.blogspot.hk/search/label/00322%20-%20%E5%BA%B7%E5%B8%AB%E5%82%85">康師傳(0322)</a>及<a href="http://caijingcarefree.blogspot.hk/search/label/00151%20-%20%E6%97%BA%E6%97%BA">旺旺(0151)</a>有冇咁容易做得成藍籌?有時甚至可以透過向供貨商施壓,隊瓜競爭對手,香港的超市霸權有冇咁做,唔知,不過可以問吓當年搞蘋果速銷幾乎破產的「黎CY」囉。<br />
<br />
超級市場呢盤生意,去到細微地方,應該仲有唔少竅妙之處,財經茄哩啡只係識條毛,不過可以好肯定咁講,視乎老闆係邊個、可以做啲乜,絕對唔會係「雞肋」囉,PK「睇見就眼冤」,好可能只係有啲潛力,腸實及誠伯睇到而做唔到而已,例如在大陸複制香港的半壟斷地位,講緊PK在華南做得唔錯,但華東PK,舊年上海已經執晒粒。<br />
<br />
下回再續。 <br />
<br />
<b>關連文章:</b><br />
1. <a href="http://caijingcarefree.blogspot.hk/2013/07/blog-post.html">變態超人(上)</a>|<a href="http://caijingcarefree.blogspot.hk/2013/07/blog-post_22.html">(中)</a>|<a href="http://caijingcarefree.blogspot.hk/2013/07/blog-post_25.html">(下)</a><br />
<br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" /><br />
<div style="text-align: center;"><u>同場加映:</u></div><br />
<div style="text-align: center;"><b><span style="font-size: x-large;">HK變態超人</span></b></div><div style="text-align: center;"></div><br />
舊年腸實大少鉅鉅語出驚人,創買樓送窗台之舉,財經茄哩啡寫過兩篇<a href="http://caijingcarefree.blogspot.hk/2012/08/blog-post_5.html">買褲送褲袋</a>,當日都有用到變態超人的<a href="https://blogger.googleusercontent.com/img/b/R29vZ2xl/AVvXsEjAsqYXuKjbQmXSPFvUdZQEcj9ZynPC9gF0Db_zIze-x3MlY249V0cM5Jl_3rCbaWMvnTr2LrabtlJgFJdIWP2c5qI08m6tcj4TM_92XDYO_lHQtJw1vt-xi4P_NgkB6tyu88qWm3IUklbr/s1600/PK.%E8%AE%8A%E6%85%8B%E8%B6%85%E4%BA%BA.%E5%BA%95%E8%A4%B2%E6%9C%89%E8%A4%B2%E8%A2%8B.JPG">造型改圖</a>,不過年代久遠,冇乜人知道講乜,有興趣,買飛入場...<br />
<div style="text-align: center;"><iframe allowfullscreen="" frameborder="0" height="281" src="//www.youtube.com/embed/_-qi6kLDKZA" width="400"></iframe></div><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com13tag:blogger.com,1999:blog-7099814004783064025.post-15125838143852168182013-06-10T22:49:00.002+08:002015-01-17T10:08:09.616+08:00李氏樓刁(下)<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEhp2LSc0l7TDeiVkBOIfE5s6ynz1wDpNSjbsk-flf98L1MxtLN9-XMXEWWvhhN9h8grgDHhXw12afuJHCOoCB-ylxDDCm82v-NUiYQSQQSr90R2pW7ewzbQChVQL-mTzrBzK_I_hUy43GJy/s1600/%E9%9B%99%E6%9D%8E%E6%B1%BA%E6%88%B0.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEhp2LSc0l7TDeiVkBOIfE5s6ynz1wDpNSjbsk-flf98L1MxtLN9-XMXEWWvhhN9h8grgDHhXw12afuJHCOoCB-ylxDDCm82v-NUiYQSQQSr90R2pW7ewzbQChVQL-mTzrBzK_I_hUy43GJy/s320/%E9%9B%99%E6%9D%8E%E6%B1%BA%E6%88%B0.jpg" height="320" width="313" /></a></div><div><br />
</div><div><br />
</div>開咗個頭,已經過咗三個月,係時候埋單,HEA埋佢。<br />
<br />
兩單李氏樓刁,仲未大結局,勢估唔到,順叔幅<a href="https://blogger.googleusercontent.com/img/b/R29vZ2xl/AVvXsEgQxE-kiST76wbMPcNqNOrF-pAakgvSCp5viXcBvLwv1ihe55aYVHOycxmnh-olyGt4yiVlqsW8uCrPyJuot81kd9gOiXo7Z236mraJUnhaPkBn8djASs38T54kDhFjN7iCczBulN8UV3K8/s1600/The+Appendix+of+Apex+Horizon.jpg"><span style="font-size: x-large;" target="_blank">改圖</span></a>會批中,<a href="http://caijingcarefree.blogspot.hk/search/label/00001%20-%20%E9%95%B7%E5%AF%A6">長實(0001)</a>誠伯件雍澄軒,擺出一副摟屌姿態,結果「APEX」真係變咗「appendix」,分拆「闌尾級」酒店出售的偉大創舉,已經爛咗尾;嗰邊<a href="http://caijingcarefree.blogspot.hk/search/label/00012%20-%20%E6%81%92%E5%9C%B0">恒地(0012)</a>四叔要捐出「環尾」級農地,幫後生仔上車,不過俾你做政府地政,一嚿「環尾」豪過嚟,冇路冇配套,要又唔係唔要又唔係,拖得就拖,大東北計劃當然仲係冇突破。<br />
<br />
有心人可以計吓數,誠伯唔可以分析酒店出售,對腸實財務有乜影響;四叔私人向恒地股東購回農地,價錢係咪合理、對恒地新界農地的價值有乜影響咁。不過呢啲數字遊戲,留返俾分析員做,財經茄哩啡最有興趣的是,兩單李氏樓刁的結果,對兩位最有錢的「李」日後在香港的運程,有乜啟示。<br />
<br />
之前兩篇李氏樓刁重覆提及,誠伯及四叔兩單樓市大刁,好有弦外之音,同香港的政治變奏,絲絲入扣。<br />
<br />
四叔善心大發,放細魚鈎大魚,同一招式已經出過好多次,最經典例子,包括在1995年,<a href="http://www.zhuyinlibrary.com/category/biography/recent-chinese/type_20/pageNum_6/topic_1034/post_37559.html" target="_blank">在天津發展所謂「微利房」</a>,變相捐錢幫天津搞基層房屋福利,一年後恒基中國就上市,今次捐農地,唔使問阿桂,舊曲重彈,為咗早日推動大東北的發展,而呢個位處中港之間新市鎮的,正正係融合中港社會經濟的重要規劃項目之一。<br />
<br />
掉轉頭,誠伯分拆酒店出售,從供應角度出發,最重要弦外之音,查實就係香港市區唔少土地,用咗嚟起酒店,如果香港政府願意拆牆鬆綁,容許分拆酒店出售,即時會有大量市區住宅單位應市,不過代價就係,要放慢內地遊客自由行的步伐,換句話講,同四叔推動大東北計劃、令香港社會經濟向大陸靠攏的方向,完全相反。<br />
<br />
如果誠伯代表「兩制」,四叔代表「一國」,兩位最有錢的「李」,大唱對頭戲,成件事會變得好有意思。<br />
<br />
先講少少歷史。<br />
<br />
誠伯同埋四叔,聽講以前係老友底,廿幾年前的富豪八掛新聞,仲講到兩條友係高而富波友,同埋鋤大弟鐵腳,呢啲傳言唔知有幾真,不過可以肯定誠伯及四叔,在香港某時空曾經有重大共同利益及合作空間,前身係嘉諾撒聖心書院中學部(而家搬咗去置富)的西半山嘉兆臺,就係合腸實恒地兩大地產商之力的杰作,樓盤合都結合咗誠伯及四叔兩大孖沙大名,八十年代尾,誠伯帶隊衝出世界,去咗加拿大重建溫哥華世博會舊址項目,四叔同埋<a href="http://caijingcarefree.blogspot.hk/search/label/00017%20-%20%E6%96%B0%E4%B8%96%E7%95%8C">新世界(0017)</a>彤叔,都係中標發展商太平協和的主要股東。<br />
<br />
腸實及恒地,近廿年已經冇話有乜合作項目(查實誠伯已經好少同其他孖沙合作,西九同新地合作的「活力星」係罕有例外),早幾年四叔「亞洲股神」上身,日久日公開講股經,誠伯忍唔住向傳媒暗串四叔,可見兩位孖沙近年可能已經冇乜計傾,甚至臉阻阻。<br />
<br />
可能2007年炒股太容易賺錢,四叔可能開心過籠,「亞洲股神」一度上身,除此之外,以佢超級富豪身分,算係非常低調,不慍不火,對人和和氣氣,甚至帶少少傻戇,扮豬食老虎,好少話同人公開嗌交,四叔同誠伯,為咗商業利益公開拗手瓜,只有兩鑊,包括1993年,四叔靠人情牌,擊敗誠伯及<a href="http://caijingcarefree.blogspot.hk/search/label/00267%20-%20%E4%B8%AD%E4%BF%A1%E6%B3%B0%E5%AF%8C">中信泰富(0267)</a>紅太子榮智健,成功收購<a href="http://caijingcarefree.blogspot.hk/search/label/00071%20-%20%E7%BE%8E%E9%BA%97%E8%8F%AF%E9%85%92%E5%BA%97">美麗華酒店(0071)</a>,連首席香港大孖沙及紅色資本第一紅人都可以砌低,四叔行情看漲,1995年曾經一度超越誠伯,成為FORBES有銀榜的華人首富。如果話美麗華酒店一役,誠伯及四叔都仲係良性競爭,1995年腸實及恒地,在馬鞍山兩大樓盤對撼,同時搶客散貨,就擺到明互砌,當年壹仔的壹仔封面,大字標題二李「決戰馬鞍山」。<br />
<br />
商場上明刀明槍,已經唔係咁多,政治暗戰又有冇?<br />
<br />
唔係冇,不過冇乜痕跡,又或者好多人都唔記得。<br />
<br />
2003年港交所更改權益披露要求,持股5%的股東要公開身分,公眾赫然見到誠伯持有<a href="http://caijingcarefree.blogspot.hk/search/label/00316%20-%20%E6%9D%B1%E6%96%B9%E6%B5%B7%E5%A4%96">東方海外(0316)</a>近10%股權,披露咗誠伯早在十幾廿年前,已經押注在董建華,不過當年的董伯伯,未成為「江握手」之前,只係一隻冇乜人留意的黑馬,八十年代尾九十年代初,問鼎首任特首大熱門人,叫做羅德丞(何東外孫),本來係港英陣營重量級人物,突然倒戈幫北京做嘢。<br />
<br />
四叔向來俾人的感覺,不問政治,但當年羅德丞係恒地副主席(聽講四叔係羅德成老母契仔,即係大羅契細佬),大羅住四叔樓下(麥當奴道惠苑),大羅個「新香港聯盟」(當年梁振英係中堅份子之一)的麥當奴道會址,更加係四叔名下一口釘,友情價租俾大羅使用,雖則話四叔唔多出現「新香港聯盟」的活動,不過大家可以想像下,如果香港首任行政長官,唔係好好先生的董伯伯,而係行事霸道、深諳英國佬管治秘術兼情治陰謀的羅德丞,回歸後的香港管治,會唔會較為順暢,回歸之後,「李氏力場」又會唔會咁霸道?<br />
<br />
好喇,歷史恩怨講完,到咗今時今日,除咗今日兩單李氏樓刁,仲有邊個戲棚,見到四叔及誠伯,喺度唱緊對台戲?答案係越搞越柒的佔領中環。<br />
<br />
面對敏感的政治話題,四叔當然彩你都傻,唔會公開阿吱阿咗,不過好似當日同大羅的關係咁,唔高調出聲,唔代表冇落注。<br />
<br />
今年三月人大兩會期間,四叔大仔家杰,平時木木納納,唔好話論政,在香港絕少浦頭見記者,以政協身份去到北京開會,據傳媒報道,竟然破天荒大鬧香港後生仔,「搞對抗」、「搞唔掂就將所有責任推到政府」,更加直拆揮舞「英國旗」的人「豈有此理」,最激一句,鬥埋佔領中環的人,是「想攬住香港一齊死」,心態唔好咁話。<br />
<br />
有冇留意,由以前的港英二奶四萬陳師奶,到誠伯跟班霍建寧,以至好似四叔大仔的富二代,在香港唔多出聲,去到天子腳下,特別生猛多口水,好鍾意在北京酒店見記者?斷估班友的目標聽眾,唔係普通香港蟻民,而係北大人,北大人有心要聽的話,亦冇需要透過香港傳媒的二手料,而係直接現場原汁原味收音(偷聽),所以四叔大仔在北京的一席話,仲有四叔舊年去北京捐錢時接受香港傳媒訪問(見李氏樓刁第二集),其實已經算係交咗心。<br />
<br />
當然啦,「一國」同「兩制」之間的拉扯抗迎,又點會只係誠伯同四叔的遊戲,<a href="http://caijingcarefree.blogspot.hk/search/label/00004%20-%20%E4%B9%9D%E5%80%89">九倉(0004)</a>船王女婿吳乾淨,早日已經大大聲就佔中表咗態,近年在澳門跑到好出的<a href="http://caijingcarefree.blogspot.hk/search/label/00027%20-%20%E9%8A%80%E6%B2%B3%E5%A8%9B%E6%A8%82">銀河娛樂(0027)</a>主席呂致和,亦都公開呼籲唔好阻人搵食,新世界純官去咗扶貧,好似個個都吼住誠伯首席大孖沙個位咁。<br />
<br />
誠伯嗰邊,以前佢揸正牌做香港辦事人的時候,成日掛住咀邊一句,就係嫌香港事事太政治化,影響投資者信心、營商環境咁,無他的,「港人治港」的港人,由行政長官到港交所主席,個個都係自己友,李氏力場法力無邊,又有邊個想變,俾你都會大大聲講一國兩制港人治港係咪?<br />
<br />
早幾個月腸實禾米記者會,例牌又係誠伯答問大會,有人問到誠伯,點睇佔領中環,誠伯個答案竟然係:冇好答案!呢個「冇好答案」的答案,嗱嗱嗱,去到呢啲位,財經茄哩啡唔識分析咁多,呢度借用咗佔中嗰位戴學者的說話,<a href="http://winnerbank.blogspot.hk/2013/04/blog-post.html" target="_blank"><span style="font-size: large;">「首富李嘉誠日前無明言反對佔中是玄機所在,相信對方正採取觀望態度,一旦運動成勢,就有機會歸邊。」</span></a><br />
<br />
咁係咪即係話,佔領中環呢個遊戲,等緊誠伯歸位,等住「主場」同「力場」滙流合體呢?<br />
<br />
得閒再講。<br />
<br />
<b>關連文章:</b><br />
1. <a href="http://caijingcarefree.blogspot.hk/2013/03/blog-post.html">李氏樓刁(上)</a>|<a href="http://caijingcarefree.blogspot.hk/2013/03/blog-post_5.html">(中)</a>|<a href="http://caijingcarefree.blogspot.hk/2013/06/blog-post.html">(下)</a><br />
2. <a href="http://caijingcarefree.blogspot.hk/2012/09/blog-post_5.html">大話東北遊(下)</a><br />
<br />
<b>伸延閱讀</b>:<br />
1. <a href="http://www.singtao.com/yesterday/loc/0608ao08.html">九倉吳光正: 佔中是與中央爭權</a><br />
2. <a href="http://hk.news.yahoo.com/%E6%9D%8E%E5%AE%B6%E5%82%91%E6%96%A5%E6%8F%AE%E8%8B%B1%E6%97%97%E8%B1%88%E6%9C%89%E6%AD%A4%E7%90%86-%E6%89%B9%E4%BD%94%E9%A0%98%E4%B8%AD%E7%92%B0%E5%A6%82-%E6%94%AC%E4%BD%8F%E6%AD%BB-211746532.html">恒地李家傑: 佔中如「攬住死」</a><br />
3. <a href="http://news.hkheadline.com/dailynews/content_hk/2013/06/11/241498.asp">新世界純官: 佔中屬違法行為</a><br />
4. <a href="http://paper.wenweipo.com/2013/04/17/HK1304170023.htm">嘉華呂致和: 佔中礙繁榮不應支持</a><br />
5. <a href="http://blog.yahoo.com/_YRFRZGS27R756GS62WTKI75BI4/articles/78142">香港倒後鏡: 末代貴族羅德丞</a><br />
<br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" /><br />
<div style="text-align: center;"><u>同場加映:</u></div><div style="text-align: center;"><br />
<b><span style="font-size: large;">四叔:李家誠係我個仔</span></b></div><div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEjyyPr9QvBAEWmRjhXZJ91JEu0ZwErs1D7ZoW7T1jqw8hrdsjAIrMAshZOtfPcClxNmCZBS7fJcAq1587GcaDysMrdccQDOBNoaKaaX-2xilEjMuLj4G_t0Q_BBXCC23qY9hC_vAcRVW_9h/s1600/%E5%9B%9B%E5%8F%94%EF%BC%BF%E6%9D%8E%E5%AE%B6%E8%AA%A0%E4%BF%82%E6%88%91%E5%80%8B%E4%BB%94.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEjyyPr9QvBAEWmRjhXZJ91JEu0ZwErs1D7ZoW7T1jqw8hrdsjAIrMAshZOtfPcClxNmCZBS7fJcAq1587GcaDysMrdccQDOBNoaKaaX-2xilEjMuLj4G_t0Q_BBXCC23qY9hC_vAcRVW_9h/s1600/%E5%9B%9B%E5%8F%94%EF%BC%BF%E6%9D%8E%E5%AE%B6%E8%AA%A0%E4%BF%82%E6%88%91%E5%80%8B%E4%BB%94.jpg" height="226" width="400" /></a></div><div class="separator" style="clear: both; text-align: center;"></div><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com5tag:blogger.com,1999:blog-7099814004783064025.post-28040200164733737182013-03-05T21:27:00.002+08:002013-06-17T13:50:00.487+08:00李氏樓刁(中)<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEjZXqRpBVDeM-rTEzmQdpiemMdx-JvpBoft43eG5uZed2BvxDeJUSK4maGxQ0KANBtYOYtrxUOLc3O2TZeoKJPUUDXFXoJPbdaQcmNWJhiQ4FQnJk5dKHuT3A-zgZDZ3nuKuUs0p6xi0kaj/s1600/%E7%92%B0%E5%B0%BE%E8%B1%AA%E4%BF%BE%E4%BD%A0.V1.jpg" imageanchor="1" style="margin-left: 1em; margin-right: 1em;"><img border="0" height="225" src="https://blogger.googleusercontent.com/img/b/R29vZ2xl/AVvXsEjZXqRpBVDeM-rTEzmQdpiemMdx-JvpBoft43eG5uZed2BvxDeJUSK4maGxQ0KANBtYOYtrxUOLc3O2TZeoKJPUUDXFXoJPbdaQcmNWJhiQ4FQnJk5dKHuT3A-zgZDZ3nuKuUs0p6xi0kaj/s320/%E7%92%B0%E5%B0%BE%E8%B1%AA%E4%BF%BE%E4%BD%A0.V1.jpg" width="320" /></a></div>
<div>
<br /></div>
<div>
<br /></div>
上回講到,<a href="http://caijingcarefree.blogspot.hk/search/label/00001%20-%20%E9%95%B7%E5%AF%A6">長實(0001)</a>誠伯及<a href="http://caijingcarefree.blogspot.hk/search/label/00012%20-%20%E6%81%92%E5%9C%B0">恒地(0012)</a>四叔,最近不約而同拋出兩單樓市大刁,一個破天荒拆售「闌尾級」酒店,一個可能將新界「環尾級」農地捐獻俾納稅人。兩個最有錢的李,兩單樓刁,一個摟屌,一個賣俏,可能代表咗「一國」及「兩制」之間你推我拉的兩股重要力量。<br />
<br />
政府同腸實就拆售酒店單嘢開晒大拖之際,日月報忽然爆單大嘢,引述「接近李兆基消息人士」報道,四叔已經在農曆新年前,向政府建議在「環頭環尾」大搞面積300平方呎、樓價約100萬的上車盤,政府即時提出反建議,叫四叔不如將農地捐出,由政府興建廉價私樓咁話,「據悉四叔對捐地建議並不抗拒」,不過「堅持要以年輕人為協助對象」。<br />
<br />
自從天匯單嘢之後,日月報同恒地關係有幾好,眾所久知,呢單捐地獻環尾的消息,十居其九係政府爆料,恒地發言人據報證實咗消息,近日更有傳媒報道,四叔已經整好份「捐地表」,俾政府任揀添,更妙者,隔離<a href="http://caijingcarefree.blogspot.com/search/label/00017%20-%20%E6%96%B0%E4%B8%96%E7%95%8C">新世界發展(0017)</a>亦表示,會「睇四叔頭」,決定未來係咪將部分囤積多年的新界農地嘔返出嚟。<br />
<br />
所謂好人有好報, XIANGGANG大孖沙做善事,好少死錯人的,大家睇吓舊年特首換屆之後,新世界「SOLUTION」走咗去「扶貧」就知道乜事,又例如七十年代尾中國改革開放之始,誠伯一直唔肯在大陸大舉投資,不過捐錢就從未手軟。假如未來坐館要氹你心口,作為一個古惑仔,就算肉痛都要舉起五肢支持係咪?那些年中國共產黨要全方位同香港大資本家埋堆,唔少統戰動作聯誼活動,都由「善舉」而起。<br />
<br />
舉個例,四叔最為人津津樂道的善舉,出現在1978年。話說現時跑馬地樂活道比華利山豪宅,當年叫做「簡氏別墅」,亦係培僑中學的舊校址所在,恒地買咗地皮重新發展,同時向政府投得天后廟道地皮,幫培僑中學重建新校,地價連建築費,恒地拍心口負責70%,等如捐咗二千萬幾萬港銀,當年長實一年純利都係1.3個億,可以想像,四叔「義助」培僑中學拆遷的「善舉」,有幾大手筆。<br />
<br />
培僑中學校長何許人也,叫做吳康民, 2012年香港特首選舉之前,總理溫家寶突然親自召見康民叔,之後康民叔就發表咗特區政府新班子的「鐵三角論」,可見康民叔在中共的地位。據康民叔自己所講,在1978年的時候,佢親自多次同四叔講數,更加多次進言,大陸在中共十一大三中全會老鄧坐正兼正式啟動改革開放路線之後,「內地與香港均有美好前景,投資地產肯定有前途」,成功打動四叔「善舉」。(不過當時的新華社香港分社統戰部部長何銘思,亦即係後來霍英東身邊的紅人,對康民叔大發雷霆,話佢成日纏住四叔,「破壞他們所做的統戰工作」)呢個比華利山的動人故事,在康民叔及四叔的口爆自傳都有記錄,可以見到,為咗完成香港回歸祖國的統一大業,當年中共統戰陣線全方位向香港大孖沙傾斜,你有你統我有我統,齊齊善舉愛心爆棚。<br />
<br />
四叔第一次擲出「環尾」農地起上車盤的建議,查實已經係舊年5月的事,當時梁振英隊冧唐唐成功上住做特首冇耐,哈,又係咪啱,四叔又係做善事,仲飛到北京咁遠,出席自己30年前創辦的「培華基金」的一個卡啦蘇捐錢活動。八十幾歲人飛嚟飛去,你估好玩咩,四叔在北京自咗邊個就唔知道喇,不過即時罕有咁接受咗香港兩三份財經報章的專訪,更罕有地就樓市政策指手劃腳,提出可以幫助香港人置業的三招政策,當時四叔的「開價」,係政府免農地補地價,等發展商起上車盤幫年青人置業,當時冇乜人留意,去到舊年底,四叔個農地免地價方案,公開又講得具體咗,300呎一個,每個100萬,唔少人先驚覺四叔想請大家食大茶飯,好喇,到政府同誠伯為咗酒店拆骨出售單嘢打晒拖,四叔叫價好似忽然大降,由免補地價,變咗捐獻農地。<br />
<br />
以前港英政府要在新界發展新市鎮,你估先行部隊係乜?當然唔係寮仔部,而係政治部,搵人去新界收料放水,隻眼開隻眼閉,總之班鄉紳搞得搞班父老,最緊要冇人武裝起義(可以睇返羅亞本「政治部回憶錄」),今時今日政治部解散咗,老共有冇搵人做同一件事,唔知,不過政府今日要大搞新界大東北,唔通真係怕咗班香港八十後或者環保團體咩,最重要阻力,就係要講得掂大東北的大地主四叔。<br />
<br />
就大東北計劃,政府而家話仲未決定,由政府收地發展,定係同發展商合作發展,查實早在舊年6月(即係四叔忽然訪京善舉後冇耐),當時仲做緊發展局局長的政務司司長林鄭月娥,曾經在立法會講講,預留400億元在大東北收地,取代公私營合作的模式。(政府收回大地主手上的農地自己發展新市鎮,有個極具爭議先例,見「<a href="http://caijingcarefree.blogspot.hk/2012/09/blog-post_5.html">大話東北遊(下)</a>」)<br />
<br />
四叔閹住大抽農地幾十年,就係等呢一舖,又點會咁易放過你,可能佢老人家聽到400個億都呆咗:咁少?!<br />
<br />
計條簡單的婆毑數,恒地在新界東北有510萬呎農地,即係大東北計劃(2,852萬呎)的五份一左右,政府用400個億收地,恒地只係收返80個億。<br />
<br />
好喇,如果按照四叔最開頭建議,免補地價由地產商發展,當佢3倍地積比率,510萬呎農地可以起到1,530萬呎樓面,300呎的單位,可以起到51,000個,每個賣100萬,可以收返510億。<br />
<br />
當然啦,婆毑數還婆毑數,發展成本、市場轉角風險、政府收地拗數金額,樣樣都係變數,但係兩個唔同發展模式,邊個著數啲,好易睇得到。<br />
<br />
下回再續。<br />
<br />
<b>關連文章:</b><br />
1. <a href="http://caijingcarefree.blogspot.hk/2013/03/blog-post.html">李氏樓刁(上)</a>|<a href="http://caijingcarefree.blogspot.hk/2013/03/blog-post_5.html">(中)</a>|<a href="http://caijingcarefree.blogspot.hk/2013/06/blog-post.html">(下)</a><br />
2. <a href="http://caijingcarefree.blogspot.hk/2012/09/blog-post_5.html">大話東北遊(下)</a><br />
<br />
<b>伸延閱讀</b>:<br />
1. <a href="http://winnerbank.blogspot.hk/2012/05/blog-post.html">李兆基:向政府獻計三招助港人置業</a><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com10tag:blogger.com,1999:blog-7099814004783064025.post-77701352684092426322013-03-01T19:41:00.002+08:002013-06-10T22:50:43.756+08:00李氏樓刁(上)<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEgQxE-kiST76wbMPcNqNOrF-pAakgvSCp5viXcBvLwv1ihe55aYVHOycxmnh-olyGt4yiVlqsW8uCrPyJuot81kd9gOiXo7Z236mraJUnhaPkBn8djASs38T54kDhFjN7iCczBulN8UV3K8/s1600/The+Appendix+of+Apex+Horizon.jpg" imageanchor="1" style="margin-left: auto; margin-right: auto;"><img border="0" height="260" src="https://blogger.googleusercontent.com/img/b/R29vZ2xl/AVvXsEgQxE-kiST76wbMPcNqNOrF-pAakgvSCp5viXcBvLwv1ihe55aYVHOycxmnh-olyGt4yiVlqsW8uCrPyJuot81kd9gOiXo7Z236mraJUnhaPkBn8djASs38T54kDhFjN7iCczBulN8UV3K8/s400/The+Appendix+of+Apex+Horizon.jpg" width="400" /></a></td></tr>
<tr><td class="tr-caption" style="text-align: center;"><b><span style="font-size: large;">The Appendix of Apex</span></b> (按圖放大)</td></tr>
</tbody></table>
<br />
牙痕,講幾句。<br />
<br />
香港大孖沙界,唔少已經七張幾八張,新世界彤叔同埋澳門賭王,最近已經鮮有露臉少問世事,不過仲有一對活寶,仲好精靈,最近兩個星期,仲不約而同搞咗單大新聞添。<br />
<br />
呢邊長實誠伯,失驚無神將間「闌尾級」的酒店分拆出售,擺明同政府挑機;嗰邊恒地(0012)四叔,你估佢唔到,慈善家上身,閹埋幾十年的農地,都話要捐啲「環頭環尾」出嚟,幫年青人上車咁。<br />
<br />
兩個最有銀的「李」,兩單樓刁,一個摟屌,一個賣俏,放埋一齊睇,香港成個局,當堂立體咗唔少。<br />
<br />
先講誠伯單刁。<br />
<br />
長實間雍澄軒,三星級都唔知入唔入流,就算在腸實唔係咁出色的磚頭組合中,都只可以話屬於「闌尾級」的三四線物業,連改個無厘頭英文名「APEX」,都好有「APPENDIX」的味道,件嘢如果只係睇外表,唔講仲以為係「腸乾屎頓凸」又一發水住宅杰作,一個酒店則搞成咁,一望就知有古怪,查實早在2004年,長實曾經向地政總署申請預售樓花(<a href="http://hk.apple.nextmedia.com/financeestate/art/20041008/4358657">當日新聞報道</a>),不過即時俾人屌到開巷,最後拆骨出售計劃無痴而終(到前年申請埋分契,政府冇理由唔知誠伯想做乜)。<br />
<br />
誠伯乖咗唔夠幾年,早兩個星期超人硬上弓,將件嘢拎出嚟賣。當日銀行可以成功老滾散戶「迷債」係「債」,不過香港人炒磚頭大半個世紀,你同佢哋講「酒店」係「住宅」,就唔係個個接受到,樓刁出街,主動摟屌,誠伯腸實自然被人屌到反肚。<br />
<br />
通常涉及誠伯的新聞,又在香港炒到好大件事的話,鬼佬傳媒多數會跟進,不過呢單嘢香港炒到打使咁,國際傳媒幾乎冇提及,在鬼佬眼中,可能覺得明明一個好普通又合法的商業動作,唔明白點解香港人會炒到咁大鑊。將酒店分拆出售,無論係「公寓式酒店」又好,「酒店式公寓」都好,在外國都普遍過普遍,普遍到2006年,DONALD TRUMP喺佢個電目THE APPRENTICE裡面,<a href="http://www.youtube.com/watch?v=INe_2FaBVA0">宣布自己公司TRUMP SOHO的計劃</a>(最後項目幾乎爛尾,有買家更加以「銷售誤導」為由,將DONALD TRUMP公司告上法庭,此乃後話)。<br />
<br />
好喇,既然分拆酒店出售咁普遍,香港人點解又覺得腸實條APEX咁大碌?<br />
<br />
好簡單咁講,磚頭市場作為香港經濟支持幾十年,香港(及內地)投資者,又係出咗名鐘意炒磚頭,但係香港房地產市場的創意,近乎零。講條春咩,俾你做地產商,撓起兩隻手可以年復一年咁賺到底褲都著唔落、肥到屙尿睇唔到條撚,仲要肥田冇人爭冇競爭,又點使搲爆頭諗吓類似「TIMESHARE」、「CROWD-FUNDING」的另類物業發展模式,所有創意,咪去晒起發水樓賣縮水樓,點樣「賣樓送窗台」咁,香港人咪一路以為酒店就係酒店,住宅就係住宅,未見識過中間其實有好多「CROSSOVER」的彈性囉,所以今次誠伯查實用心良苦,做緊一場香港地政界好耐冇人肯做的投資者教育。<br />
<br />
唔少人話腸實向政府挑機、宣戰,以特首梁振英(測量師行老闆)及政務司司長林鄭月娥(前發展局局長)最熟悉的題目,兜巴刮返政府一二號人物,不過誠伯呢鋪牌最高章之處,查實係打咗張表面好毒但查實又好正的牌,令下家都唔知上唔上佢好。<br />
<br />
而家政府唔係冇錢,而係日九日呻冇地起樓,搞到要填海開山鑽地洞,撚嚟撚去都話幾年後先有土地供應,好喇,誠伯在腸實求其扯條「闌尾」級酒店出嚟,已經有幾百個單位,聽講腸實擁有類似地契條款的酒店單位(冇規定唔可以拆骨出售),超過四千個,全香港加埋(一路冇人問政府有幾多個類似酒店項目、有幾多單位),分分鐘有十萬八萬個,如果政府肯接受呢個「酒店」及「住宅」中間的灰色地帶,隻眼開隻眼閉,即時有大量住宅單位供應,土地用途用「酒店」變成「住宅」,發展商當然賺到笑,但可以解決到冇地起樓的燃眉之急,發展局膠波局長亦唔需要咁頭痕。<br />
<br />
當然啦,如果出現呢個咁政策轉向,間間酒店變晒「酒店公寓」或「公寓酒店」,班自由行住邊先?財經茄哩啡忽發奇想,誠伯出得呢一招,用心良苦,潛台辭唔通係希望香港政府反思一下,自由行實施十年,係咪時候剎吓車?講得白啲,誠伯呢單樓刁,查實話俾大家知,如果唔係自由行,唔會咁多市區土地變咗酒店,市區土地供應亦唔會咁緊張;講大一啲,就係香港同中國關係,唔通,誠伯對於中港融合的大趨勢及速度,好有意見,咁願摟屌,亦要借呢單樓刁帶起香港人的討論?<br />
<br />
所謂「中港融合」,查實亦有好多其他辭彙,例如「同化」、「兩制變一國」咁,最多香港人最易理解,最易感受到磨擦衝突的政策,一個叫自由行,一個叫新界東北,講到呢度,就係四叔出場的時候,四叔的樓刁,同誠伯單嘢,朝完全唔同的方向推進,下回再續。<br />
<br />
<b>關連文章:</b><br />
1. <a href="http://caijingcarefree.blogspot.hk/2013/03/blog-post.html">李氏樓刁(上)</a>|<a href="http://caijingcarefree.blogspot.hk/2013/03/blog-post_5.html">(中)</a>|<a href="http://caijingcarefree.blogspot.hk/2013/06/blog-post.html">(下)</a><br />
2. <a href="http://caijingcarefree.blogspot.hk/2012/08/blog-post_5.html">買褲送褲袋(上)</a>|<a href="http://caijingcarefree.blogspot.hk/2012/08/blog-post_7.html">(下)</a><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com16tag:blogger.com,1999:blog-7099814004783064025.post-14131178982361940582012-10-31T07:30:00.000+08:002012-11-01T11:52:22.186+08:00財經茄哩啡(完)<div style="text-align: right;">(刊於2012年10月31日<b><i>am730</i></b>)</div><br />
<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEiFtpRitCT-Bh1cUiHxd36o3LHZ0JVlptfV-tUvY9sDKrCpN35-lgepZESXhBurgkAGyiqSUsOmeW_p8DwW7nZCX50yfJRQj6xDwTI-4tk87_Pu0WuPqINMRD8DyruNQxUA8FegBUUeqXU/s1600/%E8%B2%A1%E7%B6%93%E8%8C%84%E5%93%A9%E5%95%A1.%E5%AE%8C.JPG" imageanchor="1" style="margin-left: auto; margin-right: auto;"><img border="0" height="221" src="https://blogger.googleusercontent.com/img/b/R29vZ2xl/AVvXsEiFtpRitCT-Bh1cUiHxd36o3LHZ0JVlptfV-tUvY9sDKrCpN35-lgepZESXhBurgkAGyiqSUsOmeW_p8DwW7nZCX50yfJRQj6xDwTI-4tk87_Pu0WuPqINMRD8DyruNQxUA8FegBUUeqXU/s320/%E8%B2%A1%E7%B6%93%E8%8C%84%E5%93%A9%E5%95%A1.%E5%AE%8C.JPG" width="320" /></a></td></tr>
<tr><td class="tr-caption" style="text-align: center;"><b><u><span style="font-size: small;">今年今日</span></u></b></td></tr>
</tbody></table><div class="separator" style="clear: both; text-align: center;"></div><br />
今期唔知開乜好,口淡淡,講吓女人未必係阿媽的投資方法。<br />
<br />
如果將全地球投資者放埋一齊,多數會形成一個「常態分佈」(Normal Distribution),最右邊,總會有一兩個巴菲特李嘉誠,靠投資眼光賺到變首富,最左邊,又必定有人輸突幾十副身家。<br />
<br />
如果市場資訊對稱,人人知道咁多,公平競爭鬥眼光鬥心理質素,這個常態分佈的投資表現平均數,應該係「零」,有人賺就有人蝕,不過金融市場的零和遊戲,當然唔會咁公平,因為資訊永遠唔對稱,多數係小部份人贏大錢,大多數人輸底褲。<br />
<br />
股神巴菲特出晒名鐘意睇年報,聲稱2003年全世界唔睇好中國巨型國企之時,每股個幾港元投資中石油(0857)一役,就係睇年報睇返來,長實(0001)主席李嘉誠亦講過,以前鐘意睇年報睇吓入點做生意,睇咗幾千億上市資產回來,自己仲有千幾二千億私己錢分身家俾細仔,反而股神成份身家在冇派息的巴郡,餐餐隊漢堡包唔係冇道理的。<br />
<br />
幾十年前新聞財經新聞唔多條,搵本年報望吓都難,搵到年報又識好寶的,可能已經掌握到大量人冇我有的市場資訊,今時今日年報呢類基本資訊已經普及,於是投行賓架呢類正牌財經演員,就會搞到通街結構產品衍生工具,有咁複雜得咁複雜,金融市場的進化,永遠有需要將絕大部投資者排除於真相之外,咁先可以確保,將大部分人,推向投資表現常態分佈的負數區域, 1978年的誠哥穿越時空來到2012年的香港,未必睇得明和黃(0013)長建(1038)本年報。<br />
<br />
惠理集團(0806)擺明車馬靠投資搵飯食,年報內第一頁,通常會大大隻數字放幾個亮點認屎認屁,當中真係有意思的,只有兩項,第一個係過去19年「至少經歷七次地區性及全球性金融危機」(而仲未爆煲),第二項就係「每年造訪公司2,500」次(好勤力咁收集情報),講緊惠理40名全職芬佬的工作,就係全年頻頻密密咁去訪問上市公司,直接觀察公司業務同時面對面觀察管理層,令自己在資訊不對稱的市場處於強勢一方。<br />
<br />
不過市場資訊相對最平衡對稱的一刻,往往就係金融大災難的時候,因為大部分衰嘢都會現晒形,所以「別人恐懼時貪婪,別人貪婪時恐懼」呢句唔記得咗邊個講的說話,係順叔咁多年所見,散戶最有機會賺錢的投資方法。<br />
<br />
睇財經評論、大行報告、股神天書,唔係唔得,不過應該當係刺激思維的方法,跟住人哋貼士追揸沽,就肯定錯晒,不如得閒去圖書館蒲吓,香港天綫、八九六四如果太湮遠,搵返1998年、2008年大股災時的舊報紙,睇睇報紙頭版講乜,「重溫」、Relive一吓當日的市場氣氛,關關難過關關過,乜嘢股市海嘯金融核爆,地球咪一樣咁轉,到再有類似境頭出現的時候,問吓自己有冇勇氣將呢個阿媽係女人,但又最難實行的投資理論付諸行動。<br />
<br />
香港人太多投資的衝動,太少理財的觀念,投資同儲蓄查實可以雙線進行,唔係叫你死怪死抵做度叔,而係當係鍛練自己的理財紀律,當係儲「股災基金」都好,點解股災殺到嚟的時候,咁多人零彈藥?<br />
<br />
臨尾講多句,寫財經評論,本身是一項搵自己笨的投資,講錯嘢被人鬧到豬頭,唔覺意講啱,亦好快冇晒市場價值,你睇是但一本金鏞小說,已經在大陸翻拍N加9次,電影電視遊戲機版權收到手軟,就知道寫評論不如寫咸故。<br />
<br />
唔經唔覺,在這裡起壇已經三年,實不相暪,順叔表面上係個財經茄哩啡,事實上,真係一個財經茄哩啡,寫專欄只係副業興趣,最初一星期一篇500字,到舊年今日餐餐開飯,已經思窮想盡,體力腦力不勝負荷,係時候收爐,今次係財經茄哩啡最後一期。<br />
<br />
望返之前的墨汁口水,滴晒汗,幫襯開的熟客應該知道,睇順叔寫嘢唔會發達的,因為得啖笑,唔係妄自菲薄,而係順叔天生鐘意搞笑多過寫財經,未來某日,社會楝樑又好牛頭角順嫂又好,如果有人同順叔真人講開,某年某日睇財經茄哩啡笑到咔咔聲,順叔都會笑到見牙唔見眼的。<br />
<br />
祝各位笑口常開。<br />
<br />
友綠再會。<br />
<br />
<b>關連文章:</b><br />
1. <a href="http://caijingcarefree.blogspot.com/2011/10/blog-post_31.html">順叔自道</a><br />
2. <a href="http://caijingcarefree.blogspot.com/2009/11/blog-post_06.html">財演與財茄</a><br />
<br />
<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEi96vEcu_4w49cw0W5cORvd3jDAyjdn6bhYEzN49QRo0zftsdDVUAQuyCjMpix3bIVsgPJj3KdVn-NWBkiV1SRckYlEoRzWK9g7PmJbApBuPRk_JXwvculXOKGPMXrj7uNI95eEe3GCMQg/s1600/%E9%A0%86%E5%8F%94%E8%87%AA%E9%81%93.NoHeader.jpg" imageanchor="1" style="margin-left: auto; margin-right: auto;"><img border="0" height="179" src="https://blogger.googleusercontent.com/img/b/R29vZ2xl/AVvXsEi96vEcu_4w49cw0W5cORvd3jDAyjdn6bhYEzN49QRo0zftsdDVUAQuyCjMpix3bIVsgPJj3KdVn-NWBkiV1SRckYlEoRzWK9g7PmJbApBuPRk_JXwvculXOKGPMXrj7uNI95eEe3GCMQg/s320/%E9%A0%86%E5%8F%94%E8%87%AA%E9%81%93.NoHeader.jpg" width="320" /></a></td></tr>
<tr><td class="tr-caption" style="text-align: center;"><b><span style="font-size: small;"><u>舊年今日</u></span></b></td></tr>
</tbody></table><br />
喪搭財經茄哩啡老感點唱,即係「老點」。<br />
<br />
投資,聽講不外乎順流逆流,做人何嘗唔能係,不過順叔淨識得玩逆流,所以到而家都係戇尻尻。HEHEHE,祝大家逆流又賺,順流又賺,時時都咁「順」!<br />
<br />
<div style="text-align: center;"><iframe allowfullscreen="allowfullscreen" frameborder="0" height="200" src="http://www.youtube.com/embed/_la7Fu_v8zY" width="320"></iframe><br />
</div><div style="text-align: center;"><b><u><span style="font-size: large;">順流逆流:越大鑊越快樂</span></u></b></div><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com30tag:blogger.com,1999:blog-7099814004783064025.post-25072432489744673192012-10-30T09:38:00.001+08:002014-08-13T13:14:10.225+08:00別論樓市(下)<div style="text-align: right;">(刊於2012年10月30日<b><i>am730</i></b>)</div><br />
<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEjeMuMuAhI1rUaCFyyPfVYalWWgd2zW8ogIuy6kyO7TO-Bp_gOPLUMwCUJDlLKvhu9hOM2890lPEVvzYxHohUkUScbz_cx5GfmFFg3x4QDJgpJAYGgihzU_9Z_dFhqoCT0roUsJyLw_4DE/s1600/%E6%9E%97%EE%83%9F%E5%BC%B7.%E9%AB%98%E7%99%BB50.GOLDEN50.%E9%87%91%E7%BF%85%E4%BB%86%E8%A1%97%E9%B3%A5.JPG" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEjeMuMuAhI1rUaCFyyPfVYalWWgd2zW8ogIuy6kyO7TO-Bp_gOPLUMwCUJDlLKvhu9hOM2890lPEVvzYxHohUkUScbz_cx5GfmFFg3x4QDJgpJAYGgihzU_9Z_dFhqoCT0roUsJyLw_4DE/s320/%E6%9E%97%EE%83%9F%E5%BC%B7.%E9%AB%98%E7%99%BB50.GOLDEN50.%E9%87%91%E7%BF%85%E4%BB%86%E8%A1%97%E9%B3%A5.JPG" height="266" width="400" /></a></div><br />
大陸同胞投資香港樓的「需求」雖然旺盛,但係都要有人通渠搭路,所以香港地產商近年成日北上推銷搵客,部分樓盤的市場推廣工作,甚至百分百針面對大陸,在大陸的地產網或者影片分享網站,好多香港地產公司高層落力推銷香港樓盤的精彩片段,唔排除部分地產商賣樓俾大陸客,分分鐘送埋法律服務財務貼士,點樣在香港開公司搞信託,避開額外印花稅甚至最新的買家印花稅,無聲無息的「走資避稅」。<br />
<br />
如果內地資金係一個水溏,香港樓市相對只係一個熱水壺,之所以咁快對接,就要多謝香港大孖沙及工商界人大政協代表,多年來不遺餘力的推動中港融合,食咗咁多年大茶飯唔肯起身,而家反枱講唔掂數,唔玩一國玩兩制,所以呢,香港大孖沙一個二個代言人講「香港核心價值」,同乜都代表中國共產黨講「社會主義優越性」,一樣咁柒。<br />
<br />
近半年有部分本來在大陸搵食的地產商,例如<a href="http://caijingcarefree.blogspot.com/search/label/00688%20-%20%E4%B8%AD%E5%9C%8B%E6%B5%B7%E5%A4%96">中國海外(0688)</a>、<a href="http://caijingcarefree.blogspot.hk/search/label/03383%20-%20%E9%9B%85%E5%B1%85%E6%A8%82">雅居樂(3383)</a>咁,無神神在香港買塊地起吓樓,傳統四大內地發展商「萬保招金」,又個個在香港借殼上市,於是有人話新時代大陸資金大舉南下,在肥田冇人爭的香港地產市場,加入競爭,打破所謂地產霸權咁話。<br />
<br />
咪咁天真,住。<br />
<br />
萬科講到明有意開拓美國地產市場,有間在美國上市的「鑫苑置業」,最新更加投咗塊紐約市中心靚地開發,香港地產商叻甩邊,咁多年做大陸住宅冇話特別出色,外面更加風大雨大,中國地產商咁夠薑殺入香港衝去美國,「底氣」只有一樣,就係呢啲樓盤,根本冇需要擔心「需求」。大陸地產商近幾年嚟,肯定已經掌握咗一大班客仔的資料,知道佢哋好有「需求」,將資金由內地搬到海外,最佳方法,就係直接在香港或美國,買地起樓俾自己的客仔投資。<br />
<br />
蛇有蛇路鼠有鼠路,熱錢要搵窿捐入大陸,又話者中國有銀士要搬錢出國,梗有門路,規模有幾大,全世界包括人行行長周小川都只能夠估估吓。<br />
<br />
理論上,中國外匯儲備的變化,主要來自貿易及直接投資,以前美國佬玩QE同QE2,外匯儲備增長,高過貿易順差及外國直接投資,於是大家估估吓有幾多百億美金熱錢流入中國,而家美國上演<a href="http://caijingcarefree.blogspot.hk/2012/09/blog-post_15.html">《強姦3》</a>第三輪量化寬鬆,今年頭3季,中國竟然出現熱錢倒流的現象,資本及金融項目逆差854億美元,唔使問阿季,大陸有大量有銀士走資搬錢。<br />
<br />
外管局日前嗱嗱聲出聲明,否認「兩三千億美元資本外逃」的傳言,更顯得欲蓋彌彰,如果外管局夠膽認,成班外管局炒得啦。近排由國家主席熱門人選習近平,到總理溫家寶,都成為老美傳媒踢黑目標,話中共領導人的姨媽姑姐老婆細舅二奶朋友,在香港美國等地方,身家幾多幾多十億美金,老美傳媒踢呢類消息,未必可以盡信,不過如果話十八大改朝換代前後,唔係個個趕住搬錢出國,順叔又打死唔信囉。搬錢出國,邊度方便得過香港呢個大銀袋,又邊度穩陣得過投資香港物業,呢個正正係香港樓市重要的「需求」來源。<br />
<br />
2002年的11月,香港講緊要搞陸路離境稅,免得北上消費趨勢繼續衝擊本地零售業,連續6年通縮,擔正做房策地政救火大隊長的孫明掦,掟出「孫9招」停建居屋,港府連土地供應的決定權都放棄埋,十年時間,邊個會諗到,2012年11月的今日,香港會講緊買樓印花稅,2022年11月的香港又係乜嘢世界?十年前的太古城,平均呎價3千銀左右,今日過萬,未來十年,總唔會再升2倍3萬銀一呎啩。<br />
<br />
預測樓市升跌,總難免有人會鬧,或者不久將來被人鬧,不過臨收場忍唔住講多幾句,而家是但搵間香港樓,望吓個價,結論只有一個:唔值。人生其實有好多個十年,睇吓閣下點投資,講緊投資自己的時間,將自己未來的十年綁在這一刻的香港樓市,更加唔值囉。<br />
<br />
<b>關連文章:</b><br />
1. <a href="http://caijingcarefree.blogspot.hk/2012/10/blog-post_29.html">別論樓市(上)</a>|<a href="http://caijingcarefree.blogspot.hk/2012/10/blog-post_30.html">(下)</a><br />
2. <a href="http://caijingcarefree.blogspot.com/2010/02/blog-post.html">肥田冇人爭</a><br />
3. <a href="http://caijingcarefree.blogspot.hk/2011/10/blog-post_13.html">當奴作首(上)</a>|<a href="http://caijingcarefree.blogspot.hk/2011/10/blog-post_14.html">(下)</a><br />
4. <a href="http://caijingcarefree.blogspot.com/2012/05/blog-post_17.html">萬保招金(上)</a>|<a href="http://caijingcarefree.blogspot.com/2012/05/blog-post_18.html">(下)</a><br />
<br />
<b>伸延閱讀:</b><br />
1. 新報: <a href="http://www.hkdailynews.com.hk/news.php?id=258552">林奮强自辯無偷步售樓</a><br />
2. The Economist: <a href="http://winnerbank.blogspot.hk/2012/10/capital-outflows-flight-of-renminbi.html">Capital Outflows - The flight of the renminbi</a><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com4tag:blogger.com,1999:blog-7099814004783064025.post-19531991364089483482012-10-29T10:40:00.001+08:002014-08-13T13:14:32.928+08:00別論樓市(上)<div style="text-align: right;">(刊於2012年10月29日<b><i>am730</i></b>)</div><br />
<div style="text-align: center;"><iframe allowfullscreen="allowfullscreen" frameborder="0" height="200" src="http://www.youtube.com/embed/Y_gkasVmpfg" width="320"></iframe><br />
</div><div style="text-align: center;"><b><u>回看2010年11月</u></b></div><br />
今期又講吓樓,一個對香港人嚟講,可能越來越陌生的題目。<br />
<br />
2009年底,呢度寫過一篇<a href="http://caijingcarefree.blogspot.com/2010/02/blog-post.html">《最好賺但最冇競爭的生意》</a>,講到在香港起樓呢個行業,肥田冇人爭,政府係唯一有實力加入住宅市場,同大地產商拗手瓜兼左右市場方向的玩家,臨尾講咗句,買樓「風險高於機會」,結果過去3年樓市大幅跑贏股市債市,馬後炮分析的話,錯在嚴重低估香港樓市的「需求」。<br />
<br />
上星期政府又再出招,增加樓市額外印花稅的年期及稅率,適用年期最長由2年加至3年,即係買樓最少要承擔3年市場風險,期內賣出最少要俾10%至20多額外印花稅。另外打擊「炒風」的重藥,除咗本地永久居民,境外人士或任何以公司名義買樓,即要交15%買家印花稅。<br />
<br />
假設一個物業的成交「面價」,唔涉及買賣雙方就分擔稅款的折數,一個內地客買一楝1,000萬銀(港元,下同)香港樓,人仔兌港元已經破八,只需要780萬人仔,150萬元特別印花稅等如117萬人仔,加埋都係897萬人仔,即係話內地買家仍然有9折優惠,因為匯率造成的購買力優勢並未完全消失,更重要一點,內地客買香港樓當年長線投資的話,仲可以博港元同美金脫鈎,到時又可以賺多一筆。<br />
<br />
最無辜係少數有實際需要買香港樓的老外,香港政府可以放低少少「自由市場」的怪癖,不過礙於政治現實,唔夠膽只係針對拎住人仔買樓的中國居民,不過有實際需要在香港置業的老外,不過據順叔所接觸的在香港生活的外國朋友,基乎冇人睇好香港長遠樓市,錯手被殺的良民應該為數不多。講開買家身份又講,用公司名義買樓,除咗令買家身份唔容易曝光,其他考慮幾乎百分百為咗避稅逃稅,又增加交易對手的律師費,如果政府真係想透過短期稅務措施控制樓市,用公司名義買樓,稅花稅係咪應該大抽特抽?<br />
<br />
政府出招之後,打開過去幾日的報紙,幾乎所有評論都話,樓市「急涷」難免,不過已經唔係咁多人夠膽預測3年後額外印花稅「解涷」之後樓市會係點,處於目前人類金融歷史上最唔尋常的年代,聯儲局都話零息年代可能去到2015年,將時鐘回撥到2010年11月,當時港府第一次實施額外印花稅,當時已經話係「重藥」,打開當日的報紙,仲有地產代理話擔心落藥過重,好多中小型經紀行會執粒,結果之後兩年樓價再升三、四成。<br />
<br />
今次香港政府推出埋針對非永久居民的買家印花稅,同時公布咗一個好驚人的數字,今年以來,購買一手樓的買家,高達19.5%唔係香港身份證持有人,每5個新單位,就有1個唔係香港居民,有實際買樓需要的香港人,可以負擔的住宅面積已經越嚟越細,如果將樓市再細分,例如500萬元以上的新樓,非本地居民的買樓比例,可能遠遠高於兩成,順叔好有興趣知道吓,有關數字的比例,仲有過去幾年的變化,兩年前的曾蔭權政府,成日話密切監察樓市變動的情況,究竟有冇「打好呢份工」。<br />
<br />
兩年前的額外印花稅,買樓一年後兩年內稅率都要5%,結果焗住樓市買家坐兩年,連二手樓供應都少咗,結果樓市「乾升」,令次如果再歷史重演,香港都會變得幾恐怖。經過過去兩年的經驗,亦可以總結一個幾安全的結論,就係咁多內地人嚟香港買樓的「需求」,唔似得97年上一個香港樓瘋,唔係人人掛住短炒,而係有實力有耐性的長線投資,例如唔想成副身家放在內地要「走資」到有法治保議的自由香港,又例如要配合「雙非」子女在香港讀書咁,換句話講,近年來自內地的樓 市購買力,源於實實在在的「需求」,人哋都唔喺度炒樓,香港政府壓抑「炒風」,壓條菜咩。<br />
<br />
下回再續。<br />
<br />
<b>關連文章:</b><br />
1. <a href="http://caijingcarefree.blogspot.hk/2012/10/blog-post_29.html">別論樓市(上)</a>|<a href="http://caijingcarefree.blogspot.hk/2012/10/blog-post_30.html">(下)</a><br />
2. <a href="http://caijingcarefree.blogspot.com/2010/02/blog-post.html">肥田冇人爭</a><br />
3. <a href="http://caijingcarefree.blogspot.hk/2011/10/blog-post_13.html">當奴作首(上)</a>|<a href="http://caijingcarefree.blogspot.hk/2011/10/blog-post_14.html">(下)</a><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com12tag:blogger.com,1999:blog-7099814004783064025.post-67385186377333428292012-10-26T10:56:00.000+08:002014-08-13T13:17:24.785+08:00天下貸評<div style="text-align: right;">(刊於2012年10月26日<b><i>am730</i></b>)</div><br />
<div style="text-align: center;"></div><table border="0" cellpadding="2" cellspacing="0" style="margin-left: auto; margin-right: auto; text-align: left; width: 550px;"><tbody>
<tr> <td valign="top" width="275"><br />
<div align="center"><div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEgCngBcR_iP_PSiri2wY_3vT4XrKk8N1BClsw-HDlZ0L21Ir-OEG3zGy8At9YkiEvY_2PRsi23z9ZPRwOWjK3kypS0efb9QyHtSypBuv-xsHizinj5LxVzXhimAz7LnAil9XvJ18f-46pA/s1600/MOODYS.%E5%A4%A9%E4%B8%8B%E8%B2%B8%E8%A9%95.JPG" imageanchor="1" style="margin-left: 1em; margin-right: 1em;"><img border="0" height="150" src="https://blogger.googleusercontent.com/img/b/R29vZ2xl/AVvXsEgCngBcR_iP_PSiri2wY_3vT4XrKk8N1BClsw-HDlZ0L21Ir-OEG3zGy8At9YkiEvY_2PRsi23z9ZPRwOWjK3kypS0efb9QyHtSypBuv-xsHizinj5LxVzXhimAz7LnAil9XvJ18f-46pA/s320/MOODYS.%E5%A4%A9%E4%B8%8B%E8%B2%B8%E8%A9%95.JPG" width="250" /></a></div><b><u>MOODY'S</u></b></div></td> <td valign="top" width="275"><br />
<div align="center"><div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEg_wDSfBcTCTxaFLbZUc-xk8COb1HGIbQAYE6Tv3M4l8Pn3KWWSaRT2RemMMVfxP5QpLWDib8S5IX0xDXRLC0Ob9kji3eQPL0zaJYrMd2iPXEDtq6kw63bd0fdzAtpjUg4DTs6HsrniT6E/s1600/moodyz.%E5%90%AB%E6%88%90%E4%BA%BA.JPG" imageanchor="1" style="margin-left: 1em; margin-right: 1em;"><img border="0" height="150" src="https://blogger.googleusercontent.com/img/b/R29vZ2xl/AVvXsEg_wDSfBcTCTxaFLbZUc-xk8COb1HGIbQAYE6Tv3M4l8Pn3KWWSaRT2RemMMVfxP5QpLWDib8S5IX0xDXRLC0Ob9kji3eQPL0zaJYrMd2iPXEDtq6kw63bd0fdzAtpjUg4DTs6HsrniT6E/s200/moodyz.%E5%90%AB%E6%88%90%E4%BA%BA.JPG" width="250" /></a></div><u><b style="text-align: left;">MOODYZ</b></u></div></td></tr>
</tbody></table><div style="text-align: center;"></div><br />
今期開債券。<br />
<br />
大家記唔記得,2009年11月財經茄哩啡在呢個欄起壇的時候講過,為咗搵Bank cheque,財經金融界個個都係演員,真正的「財經演員」,唔係口水講股佬,而係有本事策劃財富大轉移食大茶飯,將大部分人的底褲轉化成小撮人褲袋內銀兩的人;大家又記唔記得,舊年順叔寫《貸評清剿》及《貸評之亂》時講過,將市場規模加埋評級影響力一齊比較,標普及穆迪可以話係金融歷史上最出色的「財經演員」。<br />
<br />
財經茄哩啡看天下,美國佬過去百年國運越隆,最重要原因有兩個,第一,橫渡太平洋大西洋全面參加第二次世界大戰,兼且打贏;第二,成功將標普穆迪兩間美國信貸評級機構,變成全球金融建制主導性的組成部分。以前開片打仗靠發行War Bond融資,結合拳頭硬實力同埋發債集資軟實力,楊基佬當然天下無敵,冷戰的時候,有冇人會借錢俾蘇聯?<br />
<br />
經濟學家成日鐘意乜嘢「效率市場」,查實拗嚟都嘥氣,剩係望吓地球金融及信貸評級的種種混帳,而經講能完,如果加埋惠譽的三間歐美評級公司真係咁掂,1998年唔會有亞洲金融風暴,2000年唔會有安然Worldcom,2008年唔會有地球金融海嘯,呢兩三年唔會日九日講住歐債危機啦。<br />
<br />
信貸評級明明混吉,垃圾公司要發債借錢,都話要搵錢評級公司買Rating,送錢俾人顏射,唔知點解好似香港強積金呢啲寃大頭,硬係要跟住乜嘢3條A、9條J被人老點,又唔明香港政府點解成日對標普穆迪的廢話咁著緊。<br />
<br />
除咗楊基佬拳頭大可以狂發債之外,在債市的入場券,好搞笑,查實係要有錢,越有錢,借錢越平,香港坐住幾千億外匯儲備財政儲備,呢幾年咁低息唔走去大借特借發展債市,掛住個好睇唔好使的Debt-free光環,戇尻尻坐住一屁股美債,到第二時唔想玩掛鈎,全香港退休基金大部份係美元資產都唔知點算,邊有人咁蠢。<br />
<br />
經過呢幾年種種貸評之亂之後,全地球開始明白,要天下太平,首先要擺平美國的信貸評級霸權,開始做嘢,有單新聞香港人唔係好留意,中國的國產評級公司大公國際,同俄羅斯的RusRating,及美國的Egan-Jones Ratings,合作成立一個新的獨立評級機構,叫做「世界信用評級集團」(Universal Credit Rating Group),講到明現有的國際評級體系已經喪失提供公正評級的能力,需要有新國際評級機構加入,聽講總部仲會設在香港。<br />
<br />
查實中國同歐洲、歐洲自己、以至亞洲各國本身,都講緊要搞新的信貸評級公司或者機制,十劃未有半撇,今次中國另起爐灶,歐洲得個俄羅斯,就知道中歐之間互信合作基礎仍然好弱,Egan-Jones Ratings在美國,更加係一個營養不良、啞叉冇支又要單挑三個歌利亞的小大衛,被標普穆迪圍剿之餘,又被美國證監告到甩褲,呢個中俄美斷腸人組合,要挑戰信貸評級的百年霸業,長路漫漫,不過無論點都好,而家就算澳門大飛馬報開始搞信貸評級報告,順叔都會覺得可信性高於標普穆迪咁囉。<br />
<br />
全球絕大部分已發展的金融市場,都係一個正金字塔,債市資產佔大多數,上面的股市規模反而好細,因為正常又成熟的投資群體,資產分配會偏重較穩陣的債市。順叔冇數據在手,不過香港市場同大陸一樣,唔計銀行貸款,應該都係一個倒金字塔,香港政府話搞零售債券市場,搞嚟搞去得個吉,iBond當抽新股咁,咪玩啦。<br />
<br />
聽講睇財經茄哩啡呢個雞棚的,以後生仔居多,臨尾順叔都想講幾句唔係咁啱聽的說話,散戶在股市日日夜夜出出入入牛牛熊熊,最後賺到錢的唔會有幾多個,唔係叫大家而家衝去買債,而係最少要認識吓有啲乜嘢債券的投資渠道,可以俾自己的理財計劃多一個選擇同埋彈性,當香港報紙唔係通街股評,而係有人講吓貸評,又唔使聽標普穆迪老點,金融市場可能會更加天下太平。<br />
<br />
<b>關連文章:</b><br />
1. <a href="http://caijingcarefree.blogspot.com/2011/08/blog-post_11.html">貸評之亂(上)</a>|<a href="http://caijingcarefree.blogspot.hk/2011/08/blog-post_12.html">(下)</a><br />
2. <a href="http://caijingcarefree.blogspot.hk/2011/07/blog-post_14.html">貸評清剿(上)</a>|<a href="http://caijingcarefree.blogspot.hk/2011/07/blog-post_15.html">(下)</a><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com2tag:blogger.com,1999:blog-7099814004783064025.post-74809057929010247942012-10-25T09:36:00.000+08:002014-08-13T13:16:18.888+08:00時裝大茶飯(下)<div style="text-align: right;">
(刊於2012年10月25日<b><i>am730</i></b>)</div>
<br />
<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEglhhpeO8nVVamOSBRkDoaL5aKJuvj7nLOdGVYtLj7_Ym0qKGXPOJZuaNzSIwO-8zimFVGJFhpFF8K_VUmBqxx4myI78XfCNOZfUW4u2YfB3u6p2Prt02BhIGjauFyGWEx4eq2HtwdPy90/s1600/%E4%B8%80%E5%B9%B4%E4%B8%80%E6%8A%98.JPG" imageanchor="1" style="margin-left: auto; margin-right: auto;"><img border="0" src="https://blogger.googleusercontent.com/img/b/R29vZ2xl/AVvXsEglhhpeO8nVVamOSBRkDoaL5aKJuvj7nLOdGVYtLj7_Ym0qKGXPOJZuaNzSIwO-8zimFVGJFhpFF8K_VUmBqxx4myI78XfCNOZfUW4u2YfB3u6p2Prt02BhIGjauFyGWEx4eq2HtwdPy90/s320/%E4%B8%80%E5%B9%B4%E4%B8%80%E6%8A%98.JPG" height="192" width="400" /></a></td></tr>
<tr><td class="tr-caption" style="text-align: center;"><b><span style="font-size: small;"><u>衫屎必裂 三年大計 一年一折</u></span></b></td></tr>
</tbody></table>
<br />
上回講到今天下半年開始,據中央結算資料,<a href="http://caijingcarefree.blogspot.hk/search/label/00665%20-%20%E6%B5%B7%E9%80%9A%E5%9C%8B%E9%9A%9B">海通國際(0665)</a>及中南證券兩間證券行,過去半年大手吸納<a href="http://caijingcarefree.blogspot.hk/search/label/00330%20-%20%E6%80%9D%E6%8D%B7">思捷(0330)</a>股份,講緊十幾億銀(港元,下同)貨,跟住就嚟單50億供股。<br />
<br />
海通國際前身係周大福證券,聽講中南證券又同<a href="http://caijingcarefree.blogspot.hk/search/label/00017%20-%20%E6%96%B0%E4%B8%96%E7%95%8C">新世界發展(0017)</a>榮譽主席鄭裕彤食過好多大茶飯,一年前今日的新世界又用過供股呢招,唔少人自然會無限聯想,彤叔或者新世界班大帝,可能對思捷都有興趣。<br />
<br />
例如今年6月,即係海通中南手影曝光之前,思捷主席同埋荷蘭靚佬行政總裁齊齊劈炮,又搵前<a href="http://caijingcarefree.blogspot.hk/search/label/00011%20-%20%E6%81%92%E7%94%9F%E9%8A%80%E8%A1%8C">恒生(0011)</a>大班兼坐咗思捷董事局15年的柯清輝做主席,柯大俠當日被傳媒扑咪,問佢思捷點算的地方,就係中環新世界中心,當時亦有報紙的八卦財經欄猜度過,柯大俠在新世界中心有個私竇,唔知係咪趁股價超殘,搵緊彤叔買起思捷咁話。<br />
<br />
思捷今次供股,同新世界舊年手法好似,都係海嘯價二供一,仲有消息公布後3個交易日之後就除權,有心街外人想買多啲,又或者小股東想睇清楚啲,都冇咁多時間做嘢。求其搵間最近供過股的香港上市公司,例如<a href="http://caijingcarefree.blogspot.hk/search/label/03813%20-%20%E5%AF%B6%E5%8B%9D">寶勝(3813)</a>,9月21日宣布供股,按連權基準買賣股份的最後日期在10月4日,都叫做有兩個星期10個交易日俾市場反應,思捷今次快刀斬亂麻,同新世界手法咁似,又唔怪得咁多人將兩間公司連埋一齊講。<br />
<br />
柯大俠在思捷董事局坐足十幾年,遊輪坐到變大眼雞個個跳晒船,佢老人家都處變不驚,引用柯大俠自己講法,「我肯坐落去梗有我的原因」,換個角度諗,既然柯大俠係思捷資歷最長的董事,萬一思捷爆煲升仙,甚至出現大大劑醜聞,等如刮花佢老人家貞節牌坊,要令「思捷女士」吊住條氣,甚至死屍翻生,最好方法就係搵返個疊水大股東射住鎮場。<br />
<br />
彤叔對時裝零售又好似好有興趣,舊年中突然爆出彤叔的私人投資旗艦周大福,買咗十幾巴仙<a href="http://caijingcarefree.blogspot.hk/search/label/00709%20-%20%E4%BD%90%E4%B8%B9%E5%A5%B4">佐丹奴(0709)</a>股份,過去一年越掃越多,最新持股已經超過25%,仲搵埋個乖孫入董事局,即係真係對呢間公司堅有有興趣 ,成件事變得更加有故仔講,十幾廿億銀控制到佐丹奴的亞洲零售網絡,幾十個億控制埋思捷全球萬幾個網點,或者更有得諗,最低限度,如果今日日本Uniqlo再打佐丹奴主義,彤叔已經打咗口大釘,奇貨可居。<br />
<br />
至於佐丹奴加思捷,又或者時裝溝周大福有乜協同效應,阿水都知道,協同效應呢家嘢,係投資銀行賓架氹財主落疊的必殺技,講乜都得,只要有人信,例如思捷加<a href="http://caijingcarefree.blogspot.hk/search/label/00825%20-%20%E6%96%B0%E4%B8%96%E7%95%8C%E7%99%BE%E8%B2%A8">新世界百貨(0825)</a>,即時幫一個國際品牌打通中國消費市場的任督二脈;又或者橫掂思捷啲衫都賣唔去,索性大搞時尚零售,賣吓鐘錶玉石咁,可以幫<a href="http://caijingcarefree.blogspot.hk/search/label/01929%20-%20%E5%91%A8%E5%A4%A7%E7%A6%8F%E7%8F%A0%E5%AF%B6">周大福珠寶(1929)</a>打開全球零售或批發的新渠道。更何況,新世界周大福系,出咗名雜食,如果唔係,唔會搞到成間公司咁「綜合」,橫掂巴士地產碼頭電訊酒店乜都有,開多辨時裝零售更加冇問題。<br />
<br />
當然啦,新世界長年咁大管理層折讓,正正因為由管理層私人投資對上市公司業務,太過雜食,樣樣有,樣樣管理得唔係咁好,彤叔子孫滿堂,係咪代表家族管理一個咁綜合的業務系統更加有效,仍然係最大疑問,新世界要收窄管理層折讓,最應該係減肥減嘢,唔係食多幾餐大茶飯谷到間公司越嚟越雜。<br />
<br />
香港股民鐘意跟「明星效應」,一間九唔搭八的公司,只要有位城中富豪入股,硬係鐘意坐貴風車跟住炒,所以邊個大孖沙入股邊間公司,股價即時炒上即時封蝕本門,講到尾都係嗰句,俗語有云,衫屎必裂,人哋食緊大茶飯,街外人又幾時會知道人哋想做乜,當係智渾焗飯呢類飲食吹水節目咁睇囉。<br />
<br />
<b>關連文章:</b><br />
1. <a href="http://caijingcarefree.blogspot.hk/2012/10/blog-post_24.html">時裝大茶飯(上)</a>|<a href="http://caijingcarefree.blogspot.hk/2012/10/blog-post_25.html">(下)</a><br />
2. <a href="http://caijingcarefree.blogspot.com/2011/11/blog-post_3385.html">大餅變紅衫</a><br />
3. <a href="http://caijingcarefree.blogspot.hk/2012/06/blog-post_8132.html">思捷女屍(續集)</a><br />
<br />
<b>伸延閱讀:</b><br />
1. 立論: <a href="http://realforum.zkiz.com/thread.php?tid=41563">思捷抽水博翻身方向錯晒 </a><br />
2. 樂香園:<a href="http://hk.apple.nextmedia.com/financeestate/art/20120625/16455988">柯清輝幫彤叔買起思捷?</a> <br />
3. <a href="http://stock.appledaily.com/News/Detail?articleId=15309669&issueId=20110603">鄭家純回應收購佐丹奴: 「做嘢前唔可以講出嚟」</a><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com2tag:blogger.com,1999:blog-7099814004783064025.post-54162114732554693712012-10-24T12:04:00.000+08:002014-08-13T13:16:38.713+08:00時裝大茶飯(上)<div style="text-align: right;">(刊於2012年10月24日<b><i>am730</i></b>)</div><br />
<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEj7OPtJAYe_IbVuD1c04w5_0dRZW7IyBYZ8rkVaZ8BuESLquV1FOZtbpFqzW7-34JkJdK9q80j2rq5nN0AU7L8eXDxExFsU5A_bqAe5-P_RKtGdjac26aBebbDObn77X54JpIe6Q5vkyRI/s1600/%E5%8F%B2%E6%B3%B0%E9%BE%8D.%E5%BF%BD%E5%BF%85%E7%83%88.JPG" imageanchor="1" style="margin-left: auto; margin-right: auto;"><img border="0" src="https://blogger.googleusercontent.com/img/b/R29vZ2xl/AVvXsEj7OPtJAYe_IbVuD1c04w5_0dRZW7IyBYZ8rkVaZ8BuESLquV1FOZtbpFqzW7-34JkJdK9q80j2rq5nN0AU7L8eXDxExFsU5A_bqAe5-P_RKtGdjac26aBebbDObn77X54JpIe6Q5vkyRI/s320/%E5%8F%B2%E6%B3%B0%E9%BE%8D.%E5%BF%BD%E5%BF%85%E7%83%88.JPG" height="197" width="400" /></a></td></tr>
<tr><td class="tr-caption" style="text-align: center;"><br />
</td></tr>
</tbody></table>今期開時裝零售,香港上市最大嗰兩間,一間叫<a href="http://caijingcarefree.blogspot.hk/search/label/00330%20-%20%E6%80%9D%E6%8D%B7">思捷(0330)</a>,一間叫<a href="http://caijingcarefree.blogspot.hk/search/label/00709%20-%20%E4%BD%90%E4%B8%B9%E5%A5%B4">佐丹奴(0709)</a>,近年不約而同,周不時傳出,同<a href="http://caijingcarefree.blogspot.hk/search/label/00017%20-%20%E6%96%B0%E4%B8%96%E7%95%8C">新世界發展(0017)</a>大股東鄭氏家族的股權變動消息,奇奇怪怪,今期將各種傳聞新聞,抄抄埋埋炒埋一碟,嚟過拼圖遊戲。<br />
<br />
思捷近年同全地球講要轉型,諗住毫掟185個億(港元,下同),掟醒沉睡中的「思捷女士」(Esprit Lady),不過好似冇乜邊個有胃口咀呢條睡美人,轉型大計出師未捷,由CFO到CEO已經跳船走人,堂堂藍籌,股價大上大落好玩過仙股,唔知道恒指服務公司容忍呢個俾面派對玩到幾時。<br />
<br />
荷蘭靚佬CEO走人之後,思捷搵咗作新行政總裁,股價例牌又炒上一輪,後續指定動作,當然就係抽水,管理層選擇破天荒供股,二供一,供股價8蚊,較最後交易價折讓36%,最多抽水52個億,思捷話籌集資金主要用嚟做市場營銷,目標係短期內提高銷量,提升思捷的商業價值,即係話,抽水之後50個億,主要用嚟燒,賣廣告。<br />
<br />
消息公布後,思捷美國預託證券股價狂插,原因之一係市場對「突然抽水大感震驚」云云。查實史書上記載得好清楚,有史泰龍就有忽必烈,既然「思捷女士」已經揈晒頭,股價舞上之後跟手抽水,嚟嚟去去都係嗰幾飛,都唔明有乜好震驚,你幾時見<a href="http://caijingcarefree.blogspot.hk/search/label/00235%20-%20%E4%B8%AD%E7%AD%96">中策(0235)</a>同埋<a href="http://caijingcarefree.blogspot.hk/search/label/01051%20-%20%E5%9C%8B%E9%9A%9B%E8%B3%87%E6%BA%90">國際資源(1051)</a>呢類公司需要問銀行借錢,資本市場操作,操嚟操去已經搞掂。<br />
<br />
唔想俾盤數銀行大耳窿睇,可以選擇批股或者供股抽水,一間公司大股東,正常嚟講,唔會咁隨會批股溝淡自己手貨,掉轉頭,好似思捷呢類股權賣到散晒的上市公司,除非明知條街冇乜人肯接貨,正常嚟講,批股係比較合理的選擇,因為成村股東唔知有幾多個肯齊心供股。<br />
<br />
閣下要對某公司有一定了解,先會做某公司的股東係咪?所以供股呢個抽水動作,查實圍威喂,比較現有股東的眼光、比較對公司的了解,而一間公司夠竟值幾多錢,又有幾多個可以諗贏公司大股東,所以供股好多時係大股東平價增持溝淡散戶持股的最好工具。有時信者得救,新世界舊年今日,又係二供一供股,供股價6蚊唔夠,當日大手掃咗供股權供股的,而家已經賺咗一個開,之後彤叔等大股東持股有乜實質變化,順叔已經冇跟進。<br />
<br />
「市場」永遠都要有唔對稱唔平衝的資訊,咁先造就到一少撮人贏大錢絕大部人輸底褲的零和遊戲,好似幾十年前搵本上市公司年報都難的年代,李嘉誠同埋巴菲特可以睇年報掌握市場脈搏轉化成為發達秘笈,到咗而家基本財經資訊普及咗,硬係就有成村投資銀行賓架,日久日整埋晒啲類似雷曼迷債、「ABS」或「C叉O」的結構產品,搞到全世界一頭霧水,遮住普通投資者對眼。<br />
<br />
又好似一間上市公司的股權結構變化咁,以前大家估估吓,2003年開始叫做有進步,持股5%已上的長倉要公布,不過聯交所的權益披露只係皮毛,大戶手影你估真係咁易捉。<br />
<br />
舉個例,聯交所中央結算資料顯示,今年下半年開始,亦即係思捷荷蘭靚佬CEO跳船股價大插之後,<a href="http://caijingcarefree.blogspot.hk/search/label/00665%20-%20%E6%B5%B7%E9%80%9A%E5%9C%8B%E9%9A%9B">海通國際(0665)</a>及中南證券在思捷的持股量大幅增加,講緊十幾個億貨,海通證券前世叫做大福證券,變盤之前係新世界阿彤叔旗下的證券公司,唔需要多講,中南證券大股東聽講叫做莊友堅,由之前<a href="http://caijingcarefree.blogspot.hk/search/label/00008%20-%20%E9%9B%BB%E7%9B%88">電盈(0008)</a>的撻Q私有化,到中策收購台灣南山人壽等大茶飯,都見到佢身影。<br />
<br />
順叔從來唔留意大戶手影,所以呢單嘢冇留意,所有資料都係報紙上睇到再抄過來。中央結算資料顯示的證券行倉位,多數唔知邊個先係實益人,只可以估估吓。<br />
<br />
下回再續。<br />
<br />
<b>關連文章:</b><br />
1. <a href="http://caijingcarefree.blogspot.hk/2012/10/blog-post_24.html">時裝大茶飯(上)</a>|<a href="http://caijingcarefree.blogspot.hk/2012/10/blog-post_25.html">(下)</a><br />
2. <a href="http://caijingcarefree.blogspot.com/2011/11/blog-post_3385.html">大餅變紅衫</a><br />
3. <a href="http://caijingcarefree.blogspot.hk/2012/06/blog-post_8132.html">思捷女屍(續集)</a><br />
<br />
<b>伸延閱讀:</b><br />
1. 蘋果日報: <a href="http://www.zkiz.com/news.php?id=41402">海通、中南密吸思捷 </a><br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com4tag:blogger.com,1999:blog-7099814004783064025.post-79225530617706518442012-10-22T09:47:00.001+08:002014-08-13T13:17:01.910+08:00三一再睇<div style="text-align: right;">(刊於2012年10月22日<b><i>am730</i></b>)</div><br />
<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEhqtwkmNt2sx9LdZGdNWejXohVVNKrjdcO5ZFfvX14sOLUlr2LSH2mY8zzuV7noBPDxtjPJzmyO3MccFOpgfb4UhuiLxOv-2fzBuATQTC8c94VpZmEFgGE0pWux6O0L1x_se_5wO2eoxLg/s1600/%E4%B8%89%E4%B8%80.%E5%A5%A7%E5%B7%B4%E9%A6%AC.%E7%9C%8B%E4%B8%8D%E6%87%82%E7%9A%84%E7%B8%BD%E7%B5%B1%E4%BB%A4.jpg" imageanchor="1" style="margin-left: 1em; margin-right: 1em;"><img border="0" height="194" src="https://blogger.googleusercontent.com/img/b/R29vZ2xl/AVvXsEhqtwkmNt2sx9LdZGdNWejXohVVNKrjdcO5ZFfvX14sOLUlr2LSH2mY8zzuV7noBPDxtjPJzmyO3MccFOpgfb4UhuiLxOv-2fzBuATQTC8c94VpZmEFgGE0pWux6O0L1x_se_5wO2eoxLg/s320/%E4%B8%89%E4%B8%80.%E5%A5%A7%E5%B7%B4%E9%A6%AC.%E7%9C%8B%E4%B8%8D%E6%87%82%E7%9A%84%E7%B8%BD%E7%B5%B1%E4%BB%A4.jpg" width="320" /></a></div><br />
<br />
今期再睇睇<a href="http://caijingcarefree.blogspot.com/search/label/600031%20-%20%E4%B8%89%E4%B8%80%E9%87%8D%E5%B7%A5">三一重工(600031)</a>呢隻最巨型民企A股。<br />
<br />
外國人去美國投資買嘢,楊基佬通常舉晒四至五肢歡迎,不過只限於兩樣嘢,第一樣係越買越殘的美債,第二樣係好似次按CDO的劇毒結構產品,仲有當年IBM都諗住掉落垃圾桶的個人電腦,除此以外,在美國做企業併購可能係全地球最多阻滯的地方。<br />
<br />
中國已經取代前蘇聯成為美國佬的最大假想敵,華資要去美國買嘢或者做生意,難上加難,由廿幾年前中國航空技術進出口公司買飛機零件製造商,到早十年中海油(0883)買Unicoal、華為買3Leaf,都因為政治阻力受挫,今年美國總統大選年,針對中國的動作更加空前絕後。<br />
<br />
中興通訊(0763)及華為,在美國有好大大嚿業務,過去一年被人當監犯咁審,早輪被指住塊臉老屈做間碟,都只係忍係忍氣吞聲;好似渣打(2888)的歐洲銀行,呢幾年因為同被美國單方面視為「邪惡軸心」的伊朗有生意往來,罰埋罰埋都有一百幾十億美金,都乖乖交佬地費;三一集團其中一間外國聯營公司在美國一個豆腐潤咁大風力場項目,被美國封殺,竟然第一個嗱起刀仔反抗,狀告美國總統奧巴馬。<br />
<br />
用簡單常識諗吓就知道,美國佬就算真係咁司法獨位,有冇咁好死咁容易俾個美國總統仔告,就算對美國司法認識得如零,都可以百分百推斷,唔好話勝訴,獲受理機會都唔大。<br />
<br />
一間美國大型公司,例如Google,在中國拓展生意有拗撬,例如敏感字眼要被審查,查實亦隨時可以搵班專家摷勻中國的憲法或法例,開個記者會,話要將中國國家主席兼中共總書記胡錦濤告上法庭,問題係玩串派對之後,從今次後在中國就會冇啖好食,三一集團今次高調反抗,唔係挑戰美國總統的決定,而係直接將美國總統擺上枱,幾乎可以斷定,三一的風力場項目本來就只係試水動作,而家短期內都唔使諗在美國發大嚟搞,華為中興可能仲會嫌佢累街坊。<br />
<br />
當然啦,三一作為第一間將美國總統告上法庭的中國企業,簡簡單單擺個Pose,已經謀殺大量菲林,呢單嘢變成國際新聞,免費國際宣傳,「Sany」呢個招牌,全球知名度突然暴升,三一集團成為反抗美國打壓的商界李小龍,後續公關工作做得好的話,在外國人眼中,可能升呢成為「最具代表性」的中國企業,三一重工早排在德國買咗件Putzmeister,拓展歐洲等海外市場或者好有幫助,亦唔好忘記,三一重工主要收入在仍然係中國,第一個出頭幫中國企業打爛仔交,話唔埋三一產品在本地市場突然大受歡迎。<br />
<br />
中國企業話美國佬連串針對動作,因為在總統選舉年,要做吓騷,查實三一重工老闆梁穩根,本身亦可能正參與緊一項選舉大龍鳳。呢位一兩年前的「中國首富」,可能已經唔係最有錢的中國人,不過應該係最米的共產黨員,下個月舉行的中共十八大,梁穩根已經成功當選做2,270個黨代表之一,舊年底曾經唱到好勁,話梁穩根已經通過中共組織部的政治審查,有望在十八大成為中共中央委員之一。<br />
<br />
五年一度的全國黨代表大會透過差額選舉選中央委員,聽講係共產黨代最體現「黨內民主」的一個選舉環節,十七大有204個中央委員,仲有167個後補委員,十八大有幾多件就唔知道,梁穩根唔單止係資本家,仲要係最有銀嗰幾件,如果成功晉身呢個中共權力核心就有故講。<br />
<br />
順叔對中國共產黨的認識只係停留在BB班階段,不過今次三一將美國總統告上法庭,做到咁高調,純粹用直覺靠估的話,梁穩根十八大再上一層樓的機會睇落甚微,做到後補委員可能已經係爆大冷。<br />
<br />
俾你揀,你會想繼續做中國首富,定係中國共產黨權力核心的資本家花樽,三一告奧巴馬呢場大戲之後,三一國際H股上市應該好快會捲土重來了。<br />
<br />
<b>關連文章:</b><br />
1. <a href="http://caijingcarefree.blogspot.com/2012/02/blog-post_09.html">三一兩睇(上)</a>|<a href="http://caijingcarefree.blogspot.com/2012/02/blog-post_10.html">(下)</a><br />
2. <a href="http://caijingcarefree.blogspot.hk/2012/10/bb.html">老共BB班(上)</a>|<a href="http://caijingcarefree.blogspot.hk/2012/10/bb_17.html">(中)</a>|<a href="http://caijingcarefree.blogspot.hk/2012/10/bb_18.html">(下)</a><br />
<br />
<b>伸延閱讀:</b><br />
1. 中國經營報: <a href="http://finance.ifeng.com/stock/special/syqsabm/20121020/7175300.shtml">三一告奧巴馬案件背後或另有目標所指</a> <br />
<img border="0" class="noborder" src="https://blogger.googleusercontent.com/img/b/R29vZ2xl/AVvXsEhF4bJAEE72kt3aj2PiGnUvtOmTmbo9dRGUsLnsLU7HDuYyH_CE9lY3br5qANzRBZGPSrt7G6bDycfSypEtjE3c9PZAsItGqX0EGJ2RhHivV0TNjfJ6EegIqCU8D2fxIrIpqe7_ze6gqXM/s1600/AAA.LINE.FOOTER.bmp" />順叔http://www.blogger.com/profile/06016399556550555412noreply@blogger.com4