2012年3月20日星期二

新地之料(外篇)

香港,原來仲有ICAC...

之前講過幾次,如果梁振英跑出,特首混戰之後,好可能輪到新地(0016)上演大戲,估唔到咁快,新地開國功臣陳鉅源,被ICAC拘留,請留意,係「拘留」,唔係飲咖啡協助調查。(新地通告

根據明報報道,呢單嘢,源於郭炳湘在2008年5月入法院控告其兩名弟弟及一眾新地董事所披露的質疑,即新地以高於賣家叫價買入一幅位於大圍香粉寮的地皮,賣家由執董陳鉅源介紹。

廉政專員湯顯明,作為特區政府「主要官員」之一,上次知道老廉有可能要調查老闆曾蔭權,第一時間話識得黃楚標,精過鬼,將自己排除於政治漩渦之後,同朋友打吓哥爾夫就唔使做嘢,下次要搵個只係識上網的宅男做廉政專員了,一個毫無大將之風的廉政專員,選擇在呢個時候,忽然回勇,拘留大藍籌高層,呢份吉屎,唔知邊度嚟。

敲山震虎,老廉要郁陳鉅源,點解唔可以等多一個星期,3月25日之後先做嘢?老廉呢個時候出手,挺唐的地產大孖沙,仲有班鄉下佬,聽到呢單嘢,斷估唔少人會震騰騰。

如此看來,阿公已經正式吹雞了...

伸延閱讀:
1. 財經茄哩啡: 另起爐灶(可以只係睇最後兩段...)
2. 財經茄哩啡: 新地之料(上)(中)(下)(可以只係幫襯上篇幅改圖,同埋下篇最後幾段...)

4 則留言:

  1. 其實拉左佢同選特首有咩關係? 可否解釋下

    回覆刪除
    回覆
    1. HMMM,好難再講落去了,或者咁講,老廉今次出手的TIMING,實在「太唔明」,有關呢方面的任何陰謀論,都有一個前設,就係老廉在香港管治系統,一直起到「西廠」的震攝功能...

      班鄉下佬今日唔係蒲出嚟講,同梁營已經「冰釋前嫌」咩?

      刪除
    2. 黑社會一戲,阿大D哥想做坐館都要掟個人落山。

      刪除
  2. 講到TIMING,爆出當奴上渝船的時間,正值西九利申風暴逼近,唐宮僭建差不多退潮之時,一樣「太唔明」,家陣舊江派喺重慶清理新江派,京城又傳怪聲怪車怪事,三月未過已入秋,氣候先係最大因數﹒﹒﹒

    回覆刪除