Best Blogger Tips

2012年6月8日星期五

車天車地


與山、與海、與生俱來;車天、車地、車錯隔離...

「氵盈王月」?乜尻嘢嚟?家吓樓盤名,越嚟越難讀,圖則設計,越嚟越冇人性。

都費尻事再講乜嘢銷售資料誤導,就算係舊公屋,最底層多數都唔會用嚟做住宅,或者同馬路保持一定距離,點解「天宇海」、「天賦海灣」所謂豪宅,個則可以劃到咁核突,完全冇照顧用家的「人性需要」,最底層幾個單位,唔劃做住宅,賣少幾個單位,賺少幾百萬,唔會死人啩?

關連文章:
1. 樓花天與地
2. 僭建演義(中)

2 則留言:

  1. 話明參考法國,咁法國單車犀利嘛。

    回覆刪除
  2. 仲記得當年嗰盤麵粉有幾貴?印象中,三幅地皮、兩次賣地,樓市大好友所率財團,擺出志在必得姿態,焗住俾班行家抬高個價,唔記得叫咗幾多口,只係知好想快啲賣完收工!
    8字頭仲係伯爺話晒事的年代,旗下樓盤雖然唔講得必定最優質,但執漏功夫做到加零一,到依家仲有樓盤過10年樓齡照樣免費包執(當然這可能反證某些事實)
    當今正值交棒期,係咪新一代商業手法過於「進取」?阿仔當日有份去投地,可能見堆麵粉貴成咁,不得不發大唻做,誰不知落多咗發粉,嚿麵包座咗落地底﹒﹒﹒

    回覆刪除