其實，唐唐都唔係一無是處，最少身體力行，配合政府政策，包括挖地窿住，仲有，當然係刺激創意產業．．．
有冇人會搞個網上投票，整個惡搞唐唐奧斯卡．．．
伸延閱讀:
1. Facebook: 唐生大地震
2012年2月17日星期五
廣義僭建
僭建，可以係當奴屋企陽台的玻璃窗，亦可以係唐宮地底的二千呎暗室，更廣義的僭建，在香港，有兩嚿，一嚿在市區，叫「發水樓」，一嚿在新界鄉郊，叫「丁屋」．．．
好似呢類新聞，可能每一日的發生緊，有興趣的，網絡上面好多相關新聞．．．
伸延閱讀:
1. 信報論壇: 你聽說過嗎？--馬屎埔村的故事
2. 獨立媒體: 馬屎埔村相關消息
好似呢類新聞，可能每一日的發生緊，有興趣的，網絡上面好多相關新聞．．．
伸延閱讀:
1. 信報論壇: 你聽說過嗎？--馬屎埔村的故事
2. 獨立媒體: 馬屎埔村相關消息
濠賭馬交（下）
上回講到，澳門賭場的金碧輝煌，正正係背後地下秩序的相反倒影，濠賭公司簡簡單單的資產負債表，亦遮住咗同博彩中介人的錢銀往來，幾乎等如銀行的「表外」(Off-Balance Sheet)業務，局外人好難了解所涉及風險。
入到賭場，基本上有3個場可以玩：老虎機、中場、貴賓廳。最搵笨其實係中場，舉個例，銀河娛樂(0027)角子老虎機「淨贏率」，在2010年大約7%，即係100蚊投注額，賭場賺硬七八蚊，中場「淨贏率」，高達16.8%，貴賓廳反而只有2.9%。
賭場各種唔同賭枱，一項少少規則，例如圍骰通殺，影響勝負或然率0.01%，對坐長庄的賭場，分別已經好大，中場散客遊客貪得意，一兩注細細地買吓魚蝦蟹大細，對賭場嚟講，係一項穩賺成幾兩成利潤的劏客生意，金沙中國(1928)中場生意做得大，所以亦最好賺。
幫襯貴賓廳的大豪客，絕大部分只係玩廿一點或者百家樂，呢啲在數學理論上，庄閒勝負機會最均等的博彩遊戲，貴賓廳為咗吸引大客，亦可能會制定一啲冇中場咁辣的規則(例如廿一點派到尾先洗牌讓閒家數牌)，再加上入得貴賓廳，理論上在賭術及心理質素會高啲，亦解釋咗點解貴賓廳同中場「淨贏率」咁懸殊。
貴賓廳博彩亦係澳門賭場最大生意來源，賭場要靠各個中介人，即係疊馬仔，幫手拉客，賭場廳要同中介人分佣，呢度政府有上限規定，實際點做就各師各法，銀河娛樂2010年收入193億銀(港元，下同)，按年上升57%，不過「博彩業務合作伙伴的佣金及津貼」，同期增幅高達71%至76億元，仲多過向澳門政府繳交的博彩稅。
疊馬仔佣金係賭場最大經常開支，同時賭場亦會向疊馬仔或大客提供信貸，借錢俾人賭錢，有冇順手做埋大耳窿就冇人知，又係嗰句，各師各法，相關信貸風險，表面上唔會好大，幾間濠賭公司在年報都講到，有既定程序檢討中介人及客戶的信貸質素，壞帳撥備及應收帳佔資產比例亦唔高。
不過，如果將濠賭公司的資產負債表，同一間普通上市公司作比較，最大分別的一個項目，叫做「現金」。濠賭公司需要在流動資產上，保持遠高於普通公司的現金水平，而且更加有相當高的信貸風險，又用銀河娛樂做例子，2010年「現金及銀行結餘」有44億元，有36億其實唔係自己坐住，而係放咗去需要信貸評級公司評定風險的「合作伙伴」，當中又只有5億元，有「AA」級評級，可見賭場最高風險的資產，竟然就係自己的「流動現金」，賭場的「合作伙伴」會唔會爆煲，唔知，有興趣有人脈應該自己打聽吓先落注。
成日覺得，馬交埠的地下秩序，俾地面上的管治更有條理，好簡單，如果話三權分立，澳門基本上冇咗傳媒呢個「第四權」，傳理學學者，與其做民意調查，不如研究吓好似澳門咁，缺乏傳媒監察，對政治社會發展有乜影響。
舊年港澳辦主任王光亞，嚟香港馬交向左走向右走，大大聲話澳門房屋政策，出色過香港，香港政府自然幫唔落，但作為港澳頂爺講句咁嘢，令人懷疑佢係「傻的嗎」，澳門最新財政儲備，斷估冇二千都有千五億銀，而且直線增長，絕對有條件，創造一個類似新加坡咁，全民有屋住的房屋政策環境，澳門特區政府已經係第三屆，好似從來冇諗過巨額賭金收益可以點用，點樣將呢筆錢在經濟在社會再循環，抵打蘿柚就真。
中國消費者富起來，出國旅遊更多自由，更加係不可逆轉的趨勢，共產黨搞阿公分餅起家，斷估唔會永無止境咁，讓賭金收益轉化為濠賭股價值，未來點澳門博金收入，在經濟及社會中點樣再循環，包括推動周邊經濟發展，會是影響濠賭股長遠增長動力的決定性政策因素。
-- 濠賭馬交（上）
入到賭場，基本上有3個場可以玩：老虎機、中場、貴賓廳。最搵笨其實係中場，舉個例，銀河娛樂(0027)角子老虎機「淨贏率」，在2010年大約7%，即係100蚊投注額，賭場賺硬七八蚊，中場「淨贏率」，高達16.8%，貴賓廳反而只有2.9%。
賭場各種唔同賭枱，一項少少規則，例如圍骰通殺，影響勝負或然率0.01%，對坐長庄的賭場，分別已經好大，中場散客遊客貪得意，一兩注細細地買吓魚蝦蟹大細，對賭場嚟講，係一項穩賺成幾兩成利潤的劏客生意，金沙中國(1928)中場生意做得大，所以亦最好賺。
幫襯貴賓廳的大豪客，絕大部分只係玩廿一點或者百家樂，呢啲在數學理論上，庄閒勝負機會最均等的博彩遊戲，貴賓廳為咗吸引大客，亦可能會制定一啲冇中場咁辣的規則(例如廿一點派到尾先洗牌讓閒家數牌)，再加上入得貴賓廳，理論上在賭術及心理質素會高啲，亦解釋咗點解貴賓廳同中場「淨贏率」咁懸殊。
貴賓廳博彩亦係澳門賭場最大生意來源，賭場要靠各個中介人，即係疊馬仔，幫手拉客，賭場廳要同中介人分佣，呢度政府有上限規定，實際點做就各師各法，銀河娛樂2010年收入193億銀(港元，下同)，按年上升57%，不過「博彩業務合作伙伴的佣金及津貼」，同期增幅高達71%至76億元，仲多過向澳門政府繳交的博彩稅。
疊馬仔佣金係賭場最大經常開支，同時賭場亦會向疊馬仔或大客提供信貸，借錢俾人賭錢，有冇順手做埋大耳窿就冇人知，又係嗰句，各師各法，相關信貸風險，表面上唔會好大，幾間濠賭公司在年報都講到，有既定程序檢討中介人及客戶的信貸質素，壞帳撥備及應收帳佔資產比例亦唔高。
不過，如果將濠賭公司的資產負債表，同一間普通上市公司作比較，最大分別的一個項目，叫做「現金」。濠賭公司需要在流動資產上，保持遠高於普通公司的現金水平，而且更加有相當高的信貸風險，又用銀河娛樂做例子，2010年「現金及銀行結餘」有44億元，有36億其實唔係自己坐住，而係放咗去需要信貸評級公司評定風險的「合作伙伴」，當中又只有5億元，有「AA」級評級，可見賭場最高風險的資產，竟然就係自己的「流動現金」，賭場的「合作伙伴」會唔會爆煲，唔知，有興趣有人脈應該自己打聽吓先落注。
成日覺得，馬交埠的地下秩序，俾地面上的管治更有條理，好簡單，如果話三權分立，澳門基本上冇咗傳媒呢個「第四權」，傳理學學者，與其做民意調查，不如研究吓好似澳門咁，缺乏傳媒監察，對政治社會發展有乜影響。
舊年港澳辦主任王光亞，嚟香港馬交向左走向右走，大大聲話澳門房屋政策，出色過香港，香港政府自然幫唔落，但作為港澳頂爺講句咁嘢，令人懷疑佢係「傻的嗎」，澳門最新財政儲備，斷估冇二千都有千五億銀，而且直線增長，絕對有條件，創造一個類似新加坡咁，全民有屋住的房屋政策環境，澳門特區政府已經係第三屆，好似從來冇諗過巨額賭金收益可以點用，點樣將呢筆錢在經濟在社會再循環，抵打蘿柚就真。
中國消費者富起來，出國旅遊更多自由，更加係不可逆轉的趨勢，共產黨搞阿公分餅起家，斷估唔會永無止境咁，讓賭金收益轉化為濠賭股價值，未來點澳門博金收入，在經濟及社會中點樣再循環，包括推動周邊經濟發展，會是影響濠賭股長遠增長動力的決定性政策因素。
-- 濠賭馬交（上）
2012年2月16日星期四
唐伯父點收科
唐假人，字怕苦，號桃花庵主，風流傻子，暗室有暗室，缺失又缺失，誠信破產政途英年早逝．．．
香港小業主，在天台或平台，放個儲物櫃，屋宇署都可能會出ＯＲＤＥＲ，因為屋宇署會用直昇機定期在全港市區上空拍攝，仲會外判監察工作俾建築公司，捉到僭建就有生意做。
唐假人呢個可以歎酒放片又有涼沖的地下行宮，其實話俾大家知，香港好多有錢佬的獨立屋，可能都大規模向地底發展，不過因為「僭建」埋在地底，人不知官不覺，如果屋宇署嚟一次全港調查，掃一次所有獨立屋下面有冇「地底僭建」，應該好多有錢佬揩嘢，對土木工程測量專業，以至刺激香港建造業都會好有幫助．．．
唐假人為上位，先要揮慧劍斷淫根，同導致佢「感情缺失」的「暗室」一刀兩斷，而家又要拆除家中地底暗室，呢鑊名乎其實係「冚家鏟」．．． 最低限度，新界班阿凡達，應該會更加全力支持佢反對「強拆」了，萬事坐底慢慢講囉．．．
伸延閱讀:
1. GOW財茄台: 官紳同心
2. 財經茄哩啡: 新界阿凡達（上）、（中）、（下）
濠賭馬交（上）
今期開澳門，查實冇乜心得可以分享，反而想講吓，對於濠賭股及馬交埠，有啲乜嘢搲頭唔明的地方。
最唔明，當然係點解咁多人唔明長賭必輸呢個道理，賭王仲係好牙擦精靈嗰陣，都好多次同大家分享過發達心得，唔怕你精唔怕你笨，最怕你唔嚟，唔計受到全球信貸危機影響的2008年，澳門博彩收益每年保持4成以上增長，2010年勁升58%， 2011年再升多42%，去到2,678億澳門幣，用博彩收入計算的話，澳門開放賭業10年左右的時間，馬交市場已經等如拉斯維加斯4倍，唔到你唔信「好賭」真係中國人天性或劣根性之一。
澳門每年每月公布的博彩收入數字，如果貼在海關入口，等如話俾大家知，班賭客又喺賭場跌咗一千幾百億銀。長賭必輸，但係又長賭長有，同樣受惠於自由行，同樣受惠於人民幣升值所推動的內地消費者購買力，澳門博彩業收入增幅，高過香港零售業，更遠超澳門遊客數字，澳門過去5年賭金收入接近8,000億澳門幣，理論上，唔少貴賓豪客已經輸甩褲，但係越輸越多同時又越輸越有，直頭好似唔係賭自己錢長期有人埋單咁款。
咁情況，馬交賭場自然想窮都難，六張賭牌都已經在香港上市，可能家和先可以萬事興，賭王家族控制的三間公司，表現相對落後，例如有近3成最大市場佔有率的澳博(0880)，大股東各房人馬最有增持誘因，但反而最殘，計往績市盈率都係20倍鬆啲，銀河娛樂(0027)同埋一對美國過江龍，2011年預測市盈率都接近或超過30倍，6間濠賭公司加埋，市值接近6,000億港元，已經超過成個馬交埠經濟兩倍。
近年投資者口味同大陸同胞的消費品味好相似，越貴越要買，講得完基本分析，人哋已經炒完幾轉叫早抖。如果只係睇年報，望住盤數的話，濠賭股可能係全世界最「乾淨」的上市公司，好似金沙中國(1928)咁，資產負債表乾淨整齊，得幾間酒店，一堆茄殊現金，唔似得銀行咁，幾十個項目唔知講緊乜，如果真係咁簡單的話，金沙市值2,338億元，等如資產淨值7倍都好，都可以話合理。
不過賭場係偏門生意，年前香港首富曾經提過，有啲投資機會明知賺硬，但唔係「取之有道」，最後都係放棄咗，可能就係講緊賭場。賭場的金碧輝煌，可能正正係澳門地下秩序的正反倒映，政治上、金融市場甚至國際舞台上唔少離奇新聞，都到澳門銀行或者賭場扯上關係，例如早幾年美國就認定其中澳門匯業銀行，幫北韓洗黑錢；又例如金沙近年在美國惹上官非，踢咗唔少黑材料出嚟，包括公司涉嫌要求員工，包存所有入過金沙賭場博殺的澳門官員的名單。
一間澳門賭場怕且已經裝咗一萬幾千隻天眼，天羅地網，全地球大賭鬼小老千都起晒底，濠賭公司有澳門高官入賭場的紀錄，紀對唔出奇，甚至有可能，連共產黨高幹違反黨紀去澳門博殺的黑名單都有一份，隨時掌握咗一個二個爆破力極強的資料庫。
地下秩序唔見得光，局外人唯有靠估，例如舊年尾，《經濟學人》都靠個「估」字，話澳門博彩收入的瘋狂增長，同中共領導換屆執位有關，反映咗內地有銀士，在政局變天之前，特別冇安全感，所以趁未亂將啲錢搬出國外，例如經過澳門由黑變白咁話。
濠賭公司「乾乾淨淨」的資產負債表，後面收埋咗好多暗黑世界的資金運作，例如同所謂「疊馬仔」的「博彩中介人」的錢銀往來，呢一層「中介人」，三山五嶽乜人都有，有批發，亦有獨行俠，有關呢個澳門賭業最唔透明的一層，6間香港上市濠賭公司，都只係做咗極表面的披露，下回再續。
-- 豪賭馬交(下)
伸延閱讀:
1. Economist: A Window in China
2. 財經茄哩啡: 以和為貴（上）、（下）
2012年2月15日星期三
巨銀暴利（下）
上回講到，國企銀行盤生意，有七八成來自受政策保護的利息收入，翹起對手對腳，存貸利差已經做又二點六唔做又二點六。
國企銀行受政策保護兼呵護，當然唔止「利率不自由化」，同樣係國控巨企，比較吓中石油(0857)同埋工商銀行(1398)張稅單，已經知道阿公有幾偏心。
2010年，中石油稅前利潤1,893億元(人民幣，下同)，交咗385億元「所得稅」；工行稅前利潤2,154億元，交咗494億元所得稅，用師奶式數口法鑑粗咁計，工行的「利得稅率」，仲高過中石油少少，不過，中石油仲有一項超巨型的稅務開支，在損益表上，放在「稅前盈利」上面。
呢舊嘢，叫做「除所得稅外的其他稅賦」，盛惠1,842億元，按年勁升36%，當中包括521億元的「暴利稅」，或者叫「石油特別收益金」，仲有下遊賣燃油天然氣的「消費稅」，盛惠896億元，死未？仲未講完，前年開始在新彊特地方，開始「資源稅」改革，開發大西北採油抽氣，變相仲要加稅，「資源稅」舊年開始向全國更大範推廣，中石油2011年的「資源稅」開支肯 定會進一步增加。
可以咁講，唔計呢張大放血稅單的話，中石油賺錢水平在3,000億元以上，中國3間石油巨企，盈利水平可以話拍得住銀行業，不過採之於民用之於民，石油巨企擁有壟斷地位同時，亦變成阿公財富再分配的政策工具。
銀行業的行政及營運開支，唔似得一般實業咁受通脹影響，銀行壟斷國內9成以上金融資產，又唔需要交「金融資源稅」，更加冇乜人講過要抽暴利稅，自然大賺特賺。國企銀行老總，當然會大大聲咁講，銀行業競爭激烈，同石油工業不可同日而語，但係唔好忘記，根據中央電視台資料，美國有近9,000間銀行，中國唔夠3,00間，唔需要面對外國銀行的競爭，一個封閉的市場，本身已經係一個最重要的政策護身金鐘罩，當然，仲有1999年阿公埋單，將銀行超過14,000億元的爛數揹上身，等一個技術上已經破產的銀行體系，輕身上路搞市場化改革，就算係13年後的今日，萬四億銀，相信足夠希臘起身回生。
銀行服務係普羅大眾必需品，但唔係國企巨銀的最重要「服務對象」，銀行頭號任務，就係保持金融體系穩定，同時在整個經濟結構上發揮「阿公分餅」的作用，例如今年的所謂「定向寬鬆」，外面越係風大雨大，國企巨銀仲未係時候，好似中移動(0941)咁，變成「公用股」，阿公為國內銀行做大手術的可能越細，上星期針對銀行服務收費有所動作，繼續小罵大幫忙而已。
中國共產黨雖然冇搞黑貓白貓姓資姓社好耐，但係從來冇放棄過，向地球證明中國特色的社會主義的「優越性」，2008年全球信貸危機之後，銀行體系更加成為呢場意識形態大戰的主要戰場(大家睇荷李活就上畫的災難片，好炸唔炸，搵香港中銀總部炸開兩截，就聞到多少味道)，歐洲債務危機大步檻過之前，在監管者眼中，銀行體系越強健越好，甚至越賺錢越妙，。
押注落國企巨銀股票，等如押注落中國規劃全球第二大經濟的能力，甚至可以話押注落中西之間的意識形態暗戰，國企銀行資產質素唔係十平八穩，不過最大兩個債仔，一個叫鐵道部，一個叫地方債，阿公照住，中國好就大家好，剩低一條古惑仔，叫地產商，中央政府呢鋪似乎打真章要樓市「回歸合理水平」，亦係阿公交俾銀行最大一道難題。
除咗國企銀行，仲有一個行業，近年保持3成以上的增長，叫做澳門賭場，中國真正開放進步百官清廉，亦係濠賭股增長放緩之時，濠賭股資產負債表上的「資產」，絕對唔係幾楝酒店一抽現金咁簡單，表外(Off-balance sheet)的資金運轉，普通人冇辦法睇到咁解，退一萬步咁講，兩個行業增長都咁快，市盈率一個30倍，一個10倍樓下，押注國企銀行，點都安全好多咁囉。
關連文章：
|
|
|
伸延閱讀:
1. 中移動與「公」用股
訂閱：
文章 (Atom)