冤冤相報何時了，政事知多少，真係冇乜心機睇香港的新聞．．．
2012年7月13日星期五
文化富士康: 讀者甲的來信
一位署名「讀者甲」的朋友，就《文化富士康》的電郵來信，供各位參考。
關連文章:
1. 文化富士康（上）、（下）
順叔：
如果你唔熟果範就不如唔好寫，你似乎對收購 TVB 單 deal 唔多熟。
1. 王雪紅財團唔係直接收購TVB，係收購「邵氏兄弟（香港）」，邵兄有26% TVB股權，同大半塊清水灣地皮（整個清水灣影城舊址，有部份係屬於嘉利，當年收購 TVE 得來既 ）。
2. 財團冇買邵氏基金另外持有既6%股權，呢6%股權亦都已經捐左畀香港各間大學，所以成個deal唔駛避全面收購。
3. 地皮在邵兄手，所以你又點會見到TVB年報會有清水灣地皮？
4. 清水灣地皮已經分拆出財團，「邵氏兄弟（香港）有限公司」已改名做 Clear Water Bay Land Company Limited，TVB股份已轉到「邵氏兄弟有限公司」。
5. 邵氏兄弟（香港）另一幅有份既地皮「新邵氏影城」，已經將業權完全賣返畀邵逸夫。
6. 所以成單 deal 其實係咪 80 億？實際上已經唔係，除返開其實殼王畀得起有餘。
7. 加上成個財團得殼王係香港人，法例規定電視台香港人話事，所以殼王有51%具投票權股份，但實際權益就唔係最大股東。
8. 以上都係公眾可以睇到既資料，唔係得一張「短過公司memo既通告」，唔係乜野神秘消息，你冇搵遮。
9. TVB 劇係內地冇乜競爭力？其實 TVB 劇大陸一樣好 hit ，你個圈子冇人其實唔代冇人睇，近排《回到三國》、《心戰》一樣係網絡 Top 10 之列。
10. TVB 大陸搞唔起的確係因為無辦法直接入大陸廣告市場，主要係靠賣片。
11. 賣片一集平均不過數千美金，對電視台來的確唔係大利潤，加上大陸近兩年，唔畀境外劇集上黃金時段，經營賣片係好困難，TVB講既絕對係實況。
12. TVB 已經諗住到同上海佬搞合營公司拍劇，希望打破「境外劇集唔畀上黃金時段」既限制，但合拍劇多數係四不像，又想取悅大陸觀眾，又要顧香港市場，往績一般。
13. 最後，郭台銘同王雪紅都已經唔係台灣首富，你d資料係舊年既。
讀者甲
如果你唔熟果範就不如唔好寫，你似乎對收購 TVB 單 deal 唔多熟。
1. 王雪紅財團唔係直接收購TVB，係收購「邵氏兄弟（香港）」，邵兄有26% TVB股權，同大半塊清水灣地皮（整個清水灣影城舊址，有部份係屬於嘉利，當年收購 TVE 得來既 ）。
2. 財團冇買邵氏基金另外持有既6%股權，呢6%股權亦都已經捐左畀香港各間大學，所以成個deal唔駛避全面收購。
3. 地皮在邵兄手，所以你又點會見到TVB年報會有清水灣地皮？
4. 清水灣地皮已經分拆出財團，「邵氏兄弟（香港）有限公司」已改名做 Clear Water Bay Land Company Limited，TVB股份已轉到「邵氏兄弟有限公司」。
5. 邵氏兄弟（香港）另一幅有份既地皮「新邵氏影城」，已經將業權完全賣返畀邵逸夫。
6. 所以成單 deal 其實係咪 80 億？實際上已經唔係，除返開其實殼王畀得起有餘。
7. 加上成個財團得殼王係香港人，法例規定電視台香港人話事，所以殼王有51%具投票權股份，但實際權益就唔係最大股東。
8. 以上都係公眾可以睇到既資料，唔係得一張「短過公司memo既通告」，唔係乜野神秘消息，你冇搵遮。
9. TVB 劇係內地冇乜競爭力？其實 TVB 劇大陸一樣好 hit ，你個圈子冇人其實唔代冇人睇，近排《回到三國》、《心戰》一樣係網絡 Top 10 之列。
10. TVB 大陸搞唔起的確係因為無辦法直接入大陸廣告市場，主要係靠賣片。
11. 賣片一集平均不過數千美金，對電視台來的確唔係大利潤，加上大陸近兩年，唔畀境外劇集上黃金時段，經營賣片係好困難，TVB講既絕對係實況。
12. TVB 已經諗住到同上海佬搞合營公司拍劇，希望打破「境外劇集唔畀上黃金時段」既限制，但合拍劇多數係四不像，又想取悅大陸觀眾，又要顧香港市場，往績一般。
13. 最後，郭台銘同王雪紅都已經唔係台灣首富，你d資料係舊年既。
讀者甲
關連文章:
1. 文化富士康（上）、（下）
文化富士康（下）
上回講到，電視廣播(0511)控制權去年初宣布易手，落入香港爆棚哥陳國強牽頭的財團手上，不過交易細節神神秘秘，香港最大的免費電視台，大股東係邊個都唔知。
無記呢嚿資產，政治上商業上，仍然奇貨可居，唔係有錢就食得落，唔知點解，望住TVB呢舖大茶飯總係諗起長實(0001)主席李嘉誠嗰句，分身家私己錢資助細仔、電盈(0008)主席李澤楷買佢鐘意的玩具，千億併購搓圓撳扁，唔知會砌咗個乜嘢變型金剛出嚟。
香港兩間免費電視台，近年先後引入台灣資金，亞視有個旺旺(0151)老闆蔡衍明，今日TVB亦有個王雪紅，王雪紅已經取代富士康(2038)老闆郭台銘，成為台灣首富，寶島巨富點解對香港電視台咁有興趣，香港最敏感的資產又點解咁歡迎台資，順叔到而家都諗唔明，希望有高人指點吓。
呢場戲太高層次，普通茄哩啡可能永遠唔知道真相，無謂扯太遠，扯返來TVB電視城呢個娛樂文化血汗工廠，電視節目做到工業生產咁，年復一年倒模覆製，唔係代表TVB模式成功，只係證實咗冇競爭冇進步呢個咁簡單的道理，早幾年檢討免費電視市場，幾場公眾諮詢，由普通觀界到所謂「文化人」到各大小商業機構，表達咗各種各樣的民意同埋業界意見，唔知道政府聽唔聽到，仲有好似城市電訊(1137)咁破釜沈舟的投資者準備大搞，諗唔到唔發新牌的理由，免費電視講緊影響全香港觀眾，唔知點解背後瓜葛硬係要咁神神秘秘。
電視廣播執行董事李寶安，早前話反對發牌，原因係香港電視廣告市場，近十幾年個餅冇大到，呢個論點已經大把人督爆，唔加把咀，不過可以留意一點，電視廣播去年營業額及純利，同創歷史新高，淨賺超過15個億(港元，下同)，香港免費電視盈利貢獻都超過12億元，個餅冇大到？
電視廣播純利創新高，唔係話管理層開發新收入特別有創見，好多人忽略咗，東南亞及台灣等新興市場，近年經濟好咗，對華語電視內容需求大咗，亦係近年地球上，少數冇受到歐洲債務危機影響的一盤生意，無記節目發行及分銷等國際業務，2011年收入再增長15%，去到超過9億元，呢舊嘢成本唔高，盈利貢獻接近6個億，呢度仲未計台灣TVBS連續兩年廣告收入創新高的近3億元利潤。
無記嚿國際業務雖然靚仔，查實仲係食緊老本，內地市場近年競爭大咗，舊年劇集製作數量創新高，無記已經叫晒救命，成績不進反退，又賴政府收緊文廣控制，令無記多年「努力得來的成果打折扣」，查實同你講，TVB呢間娛樂工廠，在大陸市場查實冇乜競爭力，香港文化，以前在中港磨合的過程中長處強勢，而家出現有逆轉之勢，呢個亦係一國兩制最強防火牆的最大裂縫。
經過去年的升勢，電視廣播股價創埋新高，最新市值大約250個億，相對於2010年底，已經冇咁吸引，但係呢嚿奇貨可居的資產，近年似係政治籌碼多過商業投資，最少30年冇出現過一個有活力又有長遠控股決心的大股東俾心機去搞，管理層至創作人員，隔離台無競爭就用盡時間勾必鬥角，應有價值未被釋放，好簡單咁講，一個小朋友剪條「當周星馳聽到林峰CHOK得金曲金獎之後」的惡搞片，在Youtube都有過百萬點擊，坐住全地球最巨型華文片庫及珍貴史料片段的TVB，資產負債表上節目及影片版權的價值，實在唔應該只得3.36億元，互聯網業務，唔應該只係得一年幾百萬收入囉。
香港人已經冇啖好食，普通人打開電視機，只係想多少少選擇，點知都係咁難，咩霸權乜乜物物，老實講，財經茄哩啡唔係咁上心，只係想講句，就算北京唔想放手香港傳媒的控制，唔該最少搵個有多啲錢又有心搞的有銀士，咪再好似亞視咁，搵兩條友講微博，仲要一日重播四次吖大佬。
關連文章:
1. 文化富士康（上）、（下）
2. 電視風雲（上）、（下）
伸延閱讀:
1. 讀者甲的來信
無記呢嚿資產，政治上商業上，仍然奇貨可居，唔係有錢就食得落，唔知點解，望住TVB呢舖大茶飯總係諗起長實(0001)主席李嘉誠嗰句，分身家私己錢資助細仔、電盈(0008)主席李澤楷買佢鐘意的玩具，千億併購搓圓撳扁，唔知會砌咗個乜嘢變型金剛出嚟。
香港兩間免費電視台，近年先後引入台灣資金，亞視有個旺旺(0151)老闆蔡衍明，今日TVB亦有個王雪紅，王雪紅已經取代富士康(2038)老闆郭台銘，成為台灣首富，寶島巨富點解對香港電視台咁有興趣，香港最敏感的資產又點解咁歡迎台資，順叔到而家都諗唔明，希望有高人指點吓。
呢場戲太高層次，普通茄哩啡可能永遠唔知道真相，無謂扯太遠，扯返來TVB電視城呢個娛樂文化血汗工廠，電視節目做到工業生產咁，年復一年倒模覆製，唔係代表TVB模式成功，只係證實咗冇競爭冇進步呢個咁簡單的道理，早幾年檢討免費電視市場，幾場公眾諮詢，由普通觀界到所謂「文化人」到各大小商業機構，表達咗各種各樣的民意同埋業界意見，唔知道政府聽唔聽到，仲有好似城市電訊(1137)咁破釜沈舟的投資者準備大搞，諗唔到唔發新牌的理由，免費電視講緊影響全香港觀眾，唔知點解背後瓜葛硬係要咁神神秘秘。
電視廣播執行董事李寶安，早前話反對發牌，原因係香港電視廣告市場，近十幾年個餅冇大到，呢個論點已經大把人督爆，唔加把咀，不過可以留意一點，電視廣播去年營業額及純利，同創歷史新高，淨賺超過15個億(港元，下同)，香港免費電視盈利貢獻都超過12億元，個餅冇大到？
電視廣播純利創新高，唔係話管理層開發新收入特別有創見，好多人忽略咗，東南亞及台灣等新興市場，近年經濟好咗，對華語電視內容需求大咗，亦係近年地球上，少數冇受到歐洲債務危機影響的一盤生意，無記節目發行及分銷等國際業務，2011年收入再增長15%，去到超過9億元，呢舊嘢成本唔高，盈利貢獻接近6個億，呢度仲未計台灣TVBS連續兩年廣告收入創新高的近3億元利潤。
無記嚿國際業務雖然靚仔，查實仲係食緊老本，內地市場近年競爭大咗，舊年劇集製作數量創新高，無記已經叫晒救命，成績不進反退，又賴政府收緊文廣控制，令無記多年「努力得來的成果打折扣」，查實同你講，TVB呢間娛樂工廠，在大陸市場查實冇乜競爭力，香港文化，以前在中港磨合的過程中長處強勢，而家出現有逆轉之勢，呢個亦係一國兩制最強防火牆的最大裂縫。
經過去年的升勢，電視廣播股價創埋新高，最新市值大約250個億，相對於2010年底，已經冇咁吸引，但係呢嚿奇貨可居的資產，近年似係政治籌碼多過商業投資，最少30年冇出現過一個有活力又有長遠控股決心的大股東俾心機去搞，管理層至創作人員，隔離台無競爭就用盡時間勾必鬥角，應有價值未被釋放，好簡單咁講，一個小朋友剪條「當周星馳聽到林峰CHOK得金曲金獎之後」的惡搞片，在Youtube都有過百萬點擊，坐住全地球最巨型華文片庫及珍貴史料片段的TVB，資產負債表上節目及影片版權的價值，實在唔應該只得3.36億元，互聯網業務，唔應該只係得一年幾百萬收入囉。
香港人已經冇啖好食，普通人打開電視機，只係想多少少選擇，點知都係咁難，咩霸權乜乜物物，老實講，財經茄哩啡唔係咁上心，只係想講句，就算北京唔想放手香港傳媒的控制，唔該最少搵個有多啲錢又有心搞的有銀士，咪再好似亞視咁，搵兩條友講微博，仲要一日重播四次吖大佬。
關連文章:
1. 文化富士康（上）、（下）
2. 電視風雲（上）、（下）
伸延閱讀:
1. 讀者甲的來信
2012年7月12日星期四
鬥快辭職（上）
咬住長糧，做埋部長，上船坐正，本來幾十餅一個月，福兮禍兮，屌，糧都未出就被人收皮．．．
家吓老廉啲「快佬」幾呎厚，沖咖啡都沖唔切，如果而家個局係兩條水互劈，唔會只係一邊見血，都係關心吓世界局勢算了。希臘新任財政部長，獲委任後，又係好似被人用鎗指住個頭，又胃痛又眼疾，一個星禮拜唔夠就辭職鬆人，你話經濟又點會唔仆街吖．．．
好彩，香港政治亂局，最少好過希臘財政亂局2倍．．．
關連文章:
1. Greece's Got Talent
文化富士康（上）
今期唔係開富士康(2388)，而係講電視廣播(0511)，香港一間慘不忍睹的娛樂文化血汗工廠。
TVB雖然係夢工場，而家大部分華語片巨星，都係在TVB木人巷打拼出嚟，但係又冇幾多個華仔可以變身華叔，就算係當家小生花旦、一線配角大茄，日拍夜拍乜都殘，周不是睇到新聞話藝員或藝員家人在微博狂鬧無記無人性，唔計知名度同埋其他隱性職業福利，可能衰過砌iPhone零件的工廠女工。
藝員受罪，受眾亦唔好過，有少少叫坐力的演員，好多都北上搵人仔，小生花旦買少見少，嚟嚟去去都係嗰幾件，近年仲唱埋歌添，大佬，仙女下凡西施再世除埋衫你睇，都會睇厭，更攞胆係套套劇集都一樣，同工廠啤機冇分別，法證先鋒拍過N次，換上古裝做大宋提刑官又炒多N鑊，唔好話觀眾中晒劇毒變得呆呆滯滯，創作人員都冇癮，如果無記已經係香港娛樂文化的少林寺，唔怪得香港創意活力谷晒去網上惡搞。
TVB節目內容冇乜好睇，但係作為上市公司，電視廣播股票又大有睇頭，呢樣嘢前年寫過篇《電視風雲》已經講過，電視廣播有併購概念，派息亦唔失禮，進可攻退可守，今日電視廣播控制權已經易手，併購概念似係告一段落，但係第二樣賣點仍然存在，尤其係投資者近排鐘情防守性股份，連衰咗五、六年的中國電力股都炒起埋，電視廣播股價，日前創咗10年新高，最高見過60元(港元，下同)。
電視廣播話賣盤，講咗十年八年，舊年一月終於成事，牌面上，由有爆棚哥陳國強，拍住台灣新首富王雪紅，仲有個私募基金，買咗六叔邵逸夫手上的26%股權，不過通告節單過公司MEMO，交易細節同同隔離台亞視幾次的股權易手一樣，神神秘秘，好似總係有啲嘢要收埋唔講得出嚟，而香港政府同交易所又容許呢件事發生。
唔好話TVB只此一家，影響力在香港咁大，一間普通上市公司控股權易手，就算買家擺明想避過全面收購，小股東都想知道，新大股東心目中，公司的合理價錢係幾多，根據後來的交易所資料披露，26%電視廣播股權，每股作價55蚊，代價62億元，即係話當時的三方財團入股時，電視廣播估值約238億，同今日最新市值相約。
陳國強之後又同傳媒披露，成項收購代價約80個億，包括西貢清水灣的邵氏片場舊址地皮，財經茄哩啡唔得閒搵資料，證實唔到有關地皮權益屬於電視廣播上市資產，定係六叔私人持有，不過據電視廣播最新年報顯示，土地及物業固定資產未有太大變動，對呢隻嘢有興趣就要留意吓清水灣地皮究竟邊個擁有，順叔搞清楚之後會在網誌上面寫兩句。
TVB近乎壟斷香港的免費電視市場，但係由香港市民到電視廣播股東，都而家查實都唔知邊個係大股東，涉及港資台資外資的三方財團，邊份大邊份細，大家都係估估吓，或者靠爆棚哥間唔中透露的一兩句。老實講，唔係睇少爆棚哥，收購亦好可能有銀行借錢，唔係睇少爆棚哥，坐擁幾十個億身家好味，陳國強就算幾爆，絕對唔似會一掟成副、或者大半副身家，押落一嚿自己冇絕對控制權的敏感資產囉。
爆棚哥早年已經幫襯過電視廣播的收費電視業務，明知蝕章都肯制，今日終於食舖爆棚，鈎到TVB呢條好多富豪都有興趣但又買唔到的大魚，咁有人脈去佈一個局，咁有耐性去鈎一條魚，亦唔似爆棚哥作風，呢類做生意的手法，地球上唔多，香港更少，按照劇情發展，電視廣播賣盤呢局牌，好可能只係打到一半，仲有幾圈未打完。
下回再續。
關連文章:
1. 文化富士康（上）、（下）
2. 電視風雲（上）、（下）
2012年7月11日星期三
王子個頭（下）
上回講到，李寧有限公司(2331，下稱「李寧公司」)上星期宣布人事大變動，老臣子行政總裁張志勇退下火線，主要股東私募基金TPG放咗條高層落去睇數，仲要創辦人兼主席李寧多啲蒲頭，專注管理「對外事務和關係。
除咗人事變動，李寧公司仲提出，分三個階段的策略調整，今年剩低6個月，就係第一階段的短期措施，劈頭第一句，亦是新管理層一再重覆強調的一句，就係清理存貨，即係去貨要錢，跟住就係改善銷售渠道。
TPG入股半年，已經忍唔住出手，而且仲要係大動作，唔係求其放個二打六入董事局做線眼，而係用個高層擔任近乎全職的工作，更提出救火式的改革，可見李寧公司盤數真係唔太掂，下半年大劈價去貨，甚至捐去賑災，今年條數可能會幾核突，舊年純利唔夠4億元(人民幣，下同)，換句話講，李寧公司最差的財務數字，可能仲未完全反映。
香港上市的幾個中國體育服飾品牌，就算係「老」大哥李寧公司，都只不過廿幾年貨仔， 好多成功中國企業，例如騰訊(0700)，查實係老翻外國成功模式，不過外國互聯網公司入唔到大陸，李寧公司就要同Nike等外國一流品牌在自己地頭拗手瓜，講緊中國消費者，查實唔係太愛國，唔係咁鍾情國貨，對唔少國產消費品更充滿戒心。
Nike的招牌，已經響亮到，一間體育用品店或百貨公司，唔放一堆鐮刀牌產品，顧客會覺得奇怪，即係話Nike可以真正以批發形式散貨，唔雖要依靠大量的加盟店，甚至連專門店都唔使開咁多間，中國競爭對手仍處於靠舖頭開到全國都係嚟做品牌宣傳，李寧公司去到舊年底，特許經營店及自營店，仍然高達九一之比，存貨賣唔去，都係自己捉蟲，唔想見到大量加盟店消失破壞本身的零售網絡，唯有回購存貨。除咗李寧公司，斷估採用類似管理模式的思捷(0330)，如果盤數冇花冇假，應該亦受同樣問題困擾。
李寧公司知道唔掂，大刀濶斧改革，未來計劃幾行字講晒，核心訊息清清楚楚，相對之下，思捷「批發」業務出現問題後，搵條冇乜人識的靚佬，鑊鑊同你遊花園講品牌概念，乜嘢「喚醒睡美人之吻」，一年貨仔自己都跳埋船，兩間公司拍埋一齊，李寧公司的救亡行動實際好多囉。
李寧公司而家有兩大機構投資者睇住盤數，可以出古惑的空間應該好細，摷返李寧出嚟做投資者關係，亦係正路做法，雖然唔知體操王子過去廿年發生咗乜事，但比起同國際資源(1051)、中策(0235)等扯上千絲萬縷關係的思捷新任主席柯清輝，李寧似乎靠得住好多囉。
如果話LV對Prada(1913)，大家仲可以講吓品牌價值，而家中國體育用品股跌到咁殘，查實係時候暫時唔睇品牌，望住幾間公司的救亡方法，判斷吓各自的企業價值。
大家可以諗吓，就算國產品牌幾老土冇創意，係咪每一間都唔識進步，中國消費市場，又會唔會一間土炮都裝唔落。李寧公司最新市值，50個億都唔夠，唔計品牌乜乜物物，講緊一盤可以滿足近萬個服飾銷售點的生產力，清除存貨壓力，執一執盤數及管理，一年賺幾個億唔係太過份要求。
連生意都唔講，TPG手上的李寧公司的換股價，接近8蚊港元，扣埋4年4厘息，當佢望住6、7 蚊價位，TPG放個人落去李寧公司全職打工咁滯，冇理由只係為咗4厘息，目標4年後是要貨唔要錢。
市場往往向相反極端揈得太遠，幾年前李寧公司30倍市盈率都大把人追，相對之下，大家亦可以諗諗市場對呢個行業睇得太淡，大佬，財經茄哩啡就唔相信13億人冇人做運動，個個只會幫襯休閒時裝。
關連文章:
2. 王子壞孩子（上）、（下）
3. 體育戰場（上）、（下）
伸延閱讀:
1. 土豆網《武尊少林》片段: 李寧誤窺郭藹明全相
2. 土豆網《武尊少林》片段: 李寧送佛珠請郭藹明食檸檬
2012年7月10日星期二
王子個頭（中）
 |
| 人頭: 好似 |
上回講到，李寧有限公司(2331，下稱「李寧公司」)主席李寧，作為中國民族品牌的民企老闆，多年來對外事務低調得不乎尋常，冇好好利用本身的知名度，爭取投資者對公司的信任。
一個白手興家的民企大款，好多時會流露出自信爆棚、甚至財大氣粗的意態，可能同個人作風及當年的刻苦鍛有關，呢種氣質幾乎在體操王子身上搵唔到，將李寧同其他稍為知名的民企老闆拍埋一齊，好容易睇到極大分別。
民企老闆多數落手落腳參與管理，唔會有幾多間，好似李寧公司咁，在創辦人仍當盛年之時，已經將主席及行政總裁位置分開；如果話李寧深知自己非企管之才，願意放權放手予手下辦事，仲講得通，更奇怪一點，李寧好似連公司控股權都唔係咁著緊，多年來減持套現絕不惜售惜貨，2004年香港上市之時，李寧及其關連人士，透過幾間控股公司，持有李寧公司46%股權，去到舊年底，減持到3成，今年初獲得私幕基金TPG及新加波政府投資公司GIC注資後，5年期可換股債全部行使的話，李寧持股量可能進一步攤薄至約22%，上市8年，持股量降低超過一半，唔係咁多民企老闆，對管理權及控制權都視若浮雲，講緊李寧公司金漆招牌上，仲刻住體操王子的鼎鼎大名。
民企老闆在中國搵食，好多要錢唔要臉，李寧唔同，作為公司生招牌，理論上應該係全中國最著緊自己形象的企業家，財經茄哩啡早兩年寫篇《王子壞孩子》講過，李寧失驚無神同香港股壇「壞孩子」馮永祥行埋，反向收購非凡中國(8032)，借體育之名行地產之實，其實係攞自己名譽教非，人哋搞完「中山愛迪生」就搞中國體操王子，最多輸隻殼，壞孩子哋出豉油，王子要出自己隻豬(舊年年中，更一度傳出李寧有意成立「李寧娛樂公司」進軍娛樂圈)，李寧好似完全唔擔心會刮花自己貞節牌坊。
成功運動員背後，總有多年的刻苦堅毅，李寧在08年京奧開幕前狂操吊威吔淩波微步，顯示體操王子仍保留這一點特質，一個如此成功的運動員，以自己之名創立一個如此規模的商業王國，應該見慣風浪氣度不凡，但今日李寧行出來，沉穩有餘，自信不足，雖然不染常見的股壇古惑仔的邪氣，但總似帶著一絲身不由己的矛盾，樣樣嘢加埋一齊，如果有人話李寧之在李寧公司，只是一個掛名的「人頭」，並無控制大權，財經茄哩啡會相信。
背後有乜故事，無謂作大多猜測，不過可以肯定，刮花李寧的貞節牌坊以致李寧公司呢個民族品牌，除咗競爭對手之外冇乜邊個有著數， TPG及GIC入股注資，條件擺明係股權又要管理權都要，搵人執正盤數，解決目前燃眉之急，短期內各戶面應該利益一致。
李寧公司上星期宣布人事大變動，繼首席產品官、首席品牌官等相繼離去後，廿年老臣、行政總裁張志勇都要起身，而且係未有繼任人選之下即日宣布即日離任，TPG合伙人金珍君獲委為執行副主席及執行董事，變相全力幫李寧公司打公三年，李寧公司同時宣布體操王子的「回歸」，擴大執行主席的角色及責任，以前低調得不乎尋常的李寧，將會專注管理「對外事務和關係」，基本年薪增加近3成至370萬人仔，即係要真真正正落手落腳打工，如無意外，李寧日後會多啲出嚟見人，最少做生招牌，挽回投資者對「李寧牌」的信心，大家有機會多啲了解呢位那些年的體操王子。
下回再續，睇睇李寧公司同埋思捷(0330)，分別受管理高層震動影響，兩間公司處理危機上有乜唔同。
關連文章:
2. 王子壞孩子（上）、（下）
3. 體育戰場（上）、（下）
伸延閱讀:
1. 土豆網《武尊少林》片段: 李寧誤窺郭藹明全相
2. 土豆網《武尊少林》片段: 李寧送佛珠請郭藹明食檸檬
2012年7月8日星期日
王子個頭（上）
今期開李寧有限公司(2331)，下文用「李寧公司」代表呢隻上市體育用品股，「李寧」代表公司創辦人兼那些年的中國體操王子。
提起李寧，一係講佢運動場的威水史，一係講佢在商場的成就，唔少人更指住李寧近年越見稀疏的額髮，英雄遲暮乜乜物物，李寧剃光頭，一髮不留做大茄哩啡一幕，反而唔係咁多人記得。
王子個頭，正正是分析李寧公司過去一系列高難度動作的起點。
跟據史書記載，李寧在88年奧運「兵敗漢城」(當年真正兵敗的其實是金牌數目排在蘇聯及東德之後的美國)，89年退役從商，提出「李寧牌」概念，鏡頭一轉，已經係李寧公司上市成為中國最大體育用品股的風光時刻，查實在九十年代初期，李寧一度有意挾知名道進運娛樂圈，客串過幾部電影，更加參演過香港電視劇《武尊少林》，飾演少林俗家高手，落山搵洗髓經，撞到當年卜卜脆的港姐冠軍郭藹明，出世入塵之間徘徊。
當年的李寧，廣東話口音唔係太純正，飾演身懷絕技但木木獨獨的角色，查實度身訂造，演技雖然相當幼嫩，但去到落髮為僧拒絕郭藹明一刻，剃光個頭在鏡頭前出現一幕，李寧所表現出的身不由己的掙扎，竟然好似做緊自己，幾交到戲(相關視頻上載到順叔網誌，不過好快會剷走)。
92年巴塞隆拿奧運，李寧牌被選為中國代表隊指定體育用品，可以話係李寧公司業務發展突破性一刻，呢個時候作為公司生招牌，拍吓戲增加曝光率，無可厚非，但李寧在自己風華最茂之時，竟然曾表現出棄商從影的取向，諗返轉頭，耐人尋味。
內地重點培訓的運動員，退休前全力投入，應該冇乜時間讀吓書見吓世面，財經茄哩啡作為李寧當年的粉絲，好想問吓佢，呢廿幾年究竟發生咗乜事，今日的李寧同當日的體操王子又有乜唔同，最重要係，想問吓佢點解咁少展現笑容。
上幾代中國人集體回憶中的李寧，是八十年代初期威振世界的體操王子，改革開放之初，中國國力及經濟條件有限，體育場上的國際成就等別難得，好似中國女排咁，在幾代國人心中建立不可替代的地位，2008年京奧由李寧做最後一棒火炬手，代表中國運動員吊威吔鳥巢升天點火，就係咁解。
今日的李寧，成為矚目民企老闆，公司招牌仲揹住自己姓名，不過相信唔少投資者眼中，對在中國商海打滾超過廿載的李寧，反而覺得面目模糊，因為李寧自公司在2004年上市後，多數時候保持低調，業績記者會股東會甚少親自露面，亦甚少接受傳媒專訪。
早幾日，李寧罕有咁現身香港見人，為公司管理層變動及未來計劃解畫，鏡頭所見，相對4年前鳥巢上空的李寧，額髮更少，雙鬢更白，唔好話搵唔到1984年的自信，亦唔似一個縱橫商場廿幾年的民企老闆，好似平機會主席林煥光做行政會議召售人，好似唔知俾邊個用鎗指住個頭咁，眉宇間帶住一絲萬分的不情願。
李寧公司以李寧命名，就係以中國最具代表性的運動員做生招牌，李寧早年有冇拍廣告做代言人，已經唔記得搵唔到資料(當年中國怕且都未冇「代言人」呢個概念)，體操王子歲月催人，對講求活力形象的體育品牌可能有反效果，李寧唔再以運動健將形象示人，情有可願，但體操王子個朵咁響，新一代基金經理分析員，就算未親眼見過「李寧交叉」的雄風，亦應該聽過李寧的大名，知道佢在中國的地位，李寧在公司對外事務上的低調，就低調得不乎尋常。
下回再續，睇睇李寧作為中國第一體育服飾企業的創辦人，同其他白手興家的民企老闆有乜唔同。
關連文章:
2. 王子壞孩子（上）、（下）
3. 體育戰場（上）、（下）
伸延閱讀:
1. 土豆網《武尊少林》片段: 李寧誤窺郭藹明全相
2. 土豆網《武尊少林》片段: 李寧送佛珠請郭藹明食檸檬
訂閱：
文章 (Atom)