Best Blogger Tips

2012年7月30日星期一

那副眼鏡


葉詩文以破世績記錄贏得女子個人400米混合泳後,英國BBC主持人Clare Balding(上圖右),向嘉賓主持、英國奧運選手Mark Foster提出以下一個問題:

“How many questions will there be, Mark, about somebody who can suddenly swim so much faster than she has never swum before?”

呢位阿姑的問題,在網上被狂TWEET,肯定係有關今屆奧運會暫時最熱門被廣傳的題材,意見兩極化,有人狂插Clare Balding戴住有色眼鏡睇中國選手,當然,亦唔少人又話食藥乜乜物物,引起咁大爭議,唔在於BBC主持所提出的問題本身,仲有佢所流露的自然反應,令人覺得佢載住有色眼鏡睇中國運動員。

葉詩文破世界記錄查實冇乜特別,最引入注意一點,係呢位16歲小妹妹,最後50米自由泳的時間,仲快過男子個人400米混合泳金牌得主美國Ryan Lochte,不過又冇人比較吓,Ryan Lochte最後一個堂的Split time,係咪近年頂級比賽最慢的時間之一。

大部分老外傳媒,提到葉詩文的成績,都特登講返一項數據,話中國泳隊在90年代,接近40個泳手未能通過藥檢,又冇人比較吓,同一時期美國運動員的藥檢記錄(甚可能更差)。

點解中國運動員在田競游泳項目有好成績,就係食藥,其他國家就係天經地義?Michael Phelps一屆掃八金(加埋預賽條友08年京奧8日游咗幾多場?)就係千年一遇的水怪,葉詩文就係紅色女機械人?看這問題時那副眼鏡的顏色,同近期香港的情緒,有冇似曾相識的感覺?

染紅漂白當然恐怖,那副眼鏡的顏色卻不可怕?

16歲的小妹妹,同「進步無私團結的執政集團」,唔可以相提並論,順叔只係想講一句,有真憑實據之前,放過小妹妹啦。

伸延閱讀:
1. Daily Mail: Clare Balding's astonishment and questions
2. Daily Telegraph: Swimming still in shock over Ye's extraordinary world record
3. Swimming World: Doubts Surrounding Ye Shiwen a Sad State of Affairs
4. Guardian: Ye's world record swim 'disturbing', says top US coach

10 則留言:

  1. 同意順叔,十六歲點都系小朋友,唔系貪官霸權。

    但一個運動員突然快咁多一定有人唔信。你次次都咁快就話,突然比平時個人快左5秒,好多窩。主持人話有人會問點解者,都系老實問題(我中國人都會問啦)。

    好似美國NASCAR主持人講豐田車隊壞話,話日本人炸珍珠港,就太過分左的應該炒。

    回覆刪除
    回覆
    1. 熊貓熊巴打,禾呢輪嚴重唔夠瞓,寫到有一句冇一句。

      禾查實想講,老外睇強國運動員的成就,同埋今日部分香港有識之士對國民教育的評論,所載住的那副眼鏡,有唔少相似的地方...

      刪除
    2. "但一個運動員突然快咁多一定有人唔信。你次次都咁快就話,突然比平時個人快左5秒,好多窩。主持人話有人會問點解者,都系老實問題"

      認同,不過問題係點解會係食藥?突然快左可以有好多可能。可以係訓練方法,可以係力量突然大左,又或者只不過係突然開竅,係一個十六歲既泳手身上唔出奇。如果佢係 26 歲,以前十幾年成績麻麻就話 jei, 而且乜唔係全部金牌都要過藥檢既咩?

      刪除
    3. 就算有食咩野補藥又點呢,其實所有國家都各師各法,能過藥檢就OK啦。

      刪除
    4. 順叔,這就是為何阿爺話『人心未回歸』同『逢中必反』。其實以經好聽左,老實的講是崇(東西)洋和歧視。我估泛民因為有好多反共選民(不一定是泛民政客)的態度而失去了基層新移民的票。

      匿名、蝸牛兄,鬼佬也是有互相指責對手食藥的。不過人地有比較好的形象工程,所以好多人反正就信了。再講,香港人也不會關心如美國棒球手宣誓作假證話自己不知自己有用藥(不是澄清自己無用藥)而被留案底和取消參賽資格等新聞。

      法國單車賽也有大會的法國員工爆料偷發美國Lance Armstrong的血液化驗結果,被法國傳媒大量報道加油添醋,但被Lance Armstrong罵有故意污染證據抹黑。

      我意思系,不論自己是哪個民族國家,都會話自己被歧視同其他國家違規。。。

      刪除
    5. 熊貓熊巴打,呢啲嘢,已經遠遠超出咗禾的分析及表達能力,好似劉翔單嘢咁,香港及內地大把人質疑佢做戲,老外反而冇乜。如果純粹講禾自己,禾會覺得有兩樣嘢冇得假,第一,劉翔之前十幾年的努力,講緊單一項目重重覆覆的機械式訓練,唔會假;第二,最後一屆奧運,甚至可能最後一次比賽,條友單腳跳過終點再咀個欄,就算係場戲,將心比心,呢場戲點都有幾分真情...

      刪除
    6. 仲有兩點, 若果真係輸唔起, 大可決賽先唻做呢場戲, 勢必更能博取同情, 此其一
      其二係, 有冇留意佢喺賽道上熱身的表情? 唔再係以前自恃的劉翔, 沒了胸有成竹, 反見得輕鬆自在, 流露的笑容係「我好慶幸自己仲有得落場跑!」

      刪除
  2. 林書豪係美國都遇到相同情況。

    回覆刪除