(刊於2010年12月3日am730)
上回講到，電視廣播(0511)香港有壟斷地位，不思進取，冇用盡內地市場潛力。
內容唔夠創新，老本亦唔識食。多數人講開無記奇貨可居，一係話免費電視市場壟斷地位，一係話清水灣地皮乜乜物物，其實無記開台四十幾年儲落片庫，可能先係最重要隱形資產，「節目及影片版權」，無記列作流動資產入帳，值3.7億(港元，下同)，十年前邵氏個華文電影片庫，幾百套電影，都蕒咗4億以上，無記呢嚿嘢，如果花啲心思做商業應用，其實可以釋放更大價值，對香港文化研究人嚟講，更加係無價寶。
復刻一個龐大片庫，應該需要唔少錢，影音庫存亦唔同文字館藏，做一個有效率檢索目錄(cataloging)，難度好高，亦好煩，但呢啲錢呢啲時間，值得花嘅，好簡單，蔡楓華勁哥金曲舊片，都大把人睇，做個娛樂圈當年今日，都肯定有市場有廣告啦。
不過無記近年唔少風風雨雨，同唱片公司鬧翻，絕對唔係歌星有冇豬肉獎咁簡單，關乎行業結構性分帳及巨額版稅，呢個行頭透明度唔高，暫時冇人講到對無記有乜影響，仲有幾間收費電視想搶佔免費電視市場，未來如果引入競爭法，無記仲可唔可以咁霸道，又係未知之數，咁多挑戰，要一個103歲主席，領導一間43年企業，靠創意靠拼勁再闖，根本冇可能。
無記董事局，可能係大型上市公司當中，最多閒人一個，講賣盤，由六叔九張幾講到百幾歲，真的假不了，陳志雲官司纏身，無記都搵佢番嚟開工，有本專門好認真咁報道八掛新聞嘅雜誌，早兩個星期，聲稱引述內幕消息，話志雲大師其實肩負秘密任務，為無記賣盤做中間人，因為志雲大師，同恒地(0012)大公子李家傑，兩個大男人，又係王老五，又係好朋友，特別好傾云云。
地主富豪要買間香港電視台，絕對唔出奇，但亦有理由相信，有興趣買家，唔止一個，大陸傳媒，傳咗一排上海文廣有興趣，中移動(0941)旗下附屬公司廣東移動，出得起四百億買浦發銀行股分，搞手機支付咁有創意，掟多二三百億買無記，再搵個有香港身分證人頭持牌，未必係天馬行空，年前私有化邵氏，簡化控股結構，重大交易唔使過兩個股東會咁麻煩，其實係無記賣盤最大啟示，大股東肯定想賣，問題係邊個出得起幾多錢。
等賣盤，未必個個有六叔咁長命，好在無記派息唔算失禮，假設全年派息，同09年一樣，每股1.6元不變，以星期四收市價計算，仲有4厘息，生果日報廣告收益，至9月半年，按年上升超兩成半，無記今年廣告數入，如無意外，做到相同增長幅度，冇乜難度，
簡單總結，無記作為一間電視台，內容冇乜好睇，作為一間上市公司，退可守進可攻，今日股市風高浪急，如果被焗賭，無記係最穩陣選擇。
關連文章:
1. 電視風雲（上）｜（下）
關於TVB，個人以為其過去最大的優勢在於正處於封閉且近乎沒有競爭的市場。客戶在本地的推廣並不因其質目質素下滑而太受影響。但長遠看，TVB和傳統報章面臨相近的問題，雖然是行業龍頭，但大餅正被其他媒體分薄。同樣的第一市佔率，含金量將持續下滑。
回覆刪除過去TVB的黃金時期，一方面是自身的強大，另一方面是對手未具實力，還有是互聯網未成氣候。因而TVB的節目在華人地區大受歡迎。在這情況下，TVB能夠以低薪模式留住大批演員。演員人工低，但節目受歡迎，知名度上升，有了登台廣告等甚它收入補償。
沒有競爭下，為求盈利最大化而低成本的流水作業，節目質素下降，本土市場的慣性收視雖不受影響，但華人地區的影響力正不斷下降，演員的登台廣告等額外收入大打折扣。與此同時，國內市場大了，節目制作費大增，即使當時節目質素仍比不上TVB，但人工補償下，漸有大批人材從TVB流失到國內。
時至今日，以上的情況進一步加劇。人材流失使TVB的劇集質素進一步下降，劇集於華人地區影響力加劇下滑，演員更不願意接受TVB的低薪酬。與之相反，國內節目在北上人材及資源市場等配合下，後來居上，一部紅了陳偉霆，李易峰，紅了鄧紫棋，更是紅了大人小朋友一大群人。TVB在香港看似沒有競爭，但人材都流失到了國內。相比國內既賺錢、賺知名度，又能拍好劇集，演員北上是必然選擇。
TVB要不被邊緣化，先要提升劇集質素。劇集質素差，國內開放渠道進入亦沒有用。而質素提升得吸引人材回歸，也就是要和國內對手競爭。但問題是國內的市場太大，一個受歡迎節目的廣告時段以億計，而TVB主要以香港市場為主，市場受制約下，能夠投入的資源受限。就像本地的南華，有錢也請不來球星，就是請來了也沒經濟效益和持續性。
最後便是客戶，也就是家庭觀眾，雖然未能如一眾人材北上，但互聯終、電視盒子和雲電視等令大家多了選擇。個人自有了電視盒子後，除了新聞外，已極少看TVB其它節目了。
走勢上，好像也在形成頭肩頂...
啱啱加咗張2000年6月香港孖沙訪京團的相，同2014年9月排位相比，當年邵老六行頭仲高過誠伯。
刪除望返轉頭幾年前自己寫過乜，滴晒汗... 家陣你問禾，無記霸權做乜咁巴閉，禾答案會係邵老六；無記做乜唔用盡大陸市場潛力，禾答案都會係邵老六
睇漏左順叔呢個留言~
刪除壟斷結果造成了行業失去市場競爭力。可惜了香港既演藝創意工業，成也六叔、敗也六叔。
why keep deleting my msg?
回覆刪除i didn't. Google did.
刪除OK!
刪除順叔點睇澳門股？
個人以為習近平很重視社會風氣，黃賭毒中，掃黃掃毒，雷厲風行。賭於國外雖為正當行業，但習治理下的中國或另作別論，賭業的興盛絕非習所樂見。一如新加坡本地居民進入賭場需另行付費，習治理下的澳門賭業，未來會否有相類似的措施以減少國人參與賭博？近期已有的措拖如縮短旅客逗留境內，限制銀聯咭使用及賭場內加裝天眼等。
市場中有論調為澳門股為打貪下的短期受害者，長遠來看，中場客隨著經濟發展將撐起賭業的長期性增長。這假設了習對賭業的中性取向，打貪過後，賭業將回歸正常。但從習一舉肅清東莞及網上色情(如取締快播，網盤不能上載影片)的力度看，賭業很可能被習視為社會的歪風。即使打貪過後，仍將是荊棘滿途。
供應大增，需求急降，而成本不減下，未來的盈利或仍要進一步下調。急跌的賭業股似平實貴，仍未到撈底時。
順叔認為以上的推斷如何？
2008年後地球表現最好的資產，一種只中國互聯網，一種叫澳門賭場，相同之處，就係「中美著埋同一條底褲概念」。澳門賭場，枱面可以唔理，枱底玩乜，大睇中美關係，中睇賭牌檢討，細睇富豪二代
刪除謝謝回覆！東方日報也有提及中美關係影響澳門賭業：
刪除http://orientaldaily.on.cc/cnt/news/20140418/00176_096.html
但感覺此一時彼一時，習上場後，對一些根本原則比前兩任強硬多了。
如南海、日本的領土糾紛，中東、俄烏立場等亦與美對著幹。而賭業為腐敗溫床，如同昔日鴉片問題一樣，習可能不會拿作交易籌碼。
「习近平:要疾恶如仇，对一切不正之风敢于亮剑」
http://news.sina.com.cn/c/2014-06-30/200730446002.shtml