Best Blogger Tips

2012年3月22日星期四

唐唐又呃人

唐唐早兩日在電台講,自己本來好口密,但係梁振英提起「疏化」呢一句說話,「撩㷫」咗,先至踢爆行政會議機密。

今日在「唐生大地震」facebook,有網友提起呢單嘢,順叔走睇返原本片段,屌,唐唐原來又講大話,睇睇當日辯辯時,自由搏擊環節最開始的UNCUT片段:


Timecode/正確時序:
0:50 梁振英主場開始
1:27 唐英年嘗試踢爆商台續牌黑幕
1:57 唐英年發言被梁振英引用主場權利打斷
2:21 梁振英「疏化論」
3:16 唐英年主場,再爆商台續牌機密

從呢個時序,可以見到,唐唐一進入互相質詢環節,已經想爆料,最開始時候,仲緊張到起痰,咩先撩者賤,又係另一句大話而矣...

當然啦,梁振英究竟有冇講過有關言論,先係重點,呢方面,順叔相信唐唐多啲。

可能兩個都係大話精,拔,事實就係,其中一個講大話講得好屎,每次開聲都係以柒告終...

9 則留言:

  1. 正是。梁可能講大話,亦可能係被屈。嗰D一口咬定佢死口唔認嘅其實好抽水。
    先撩者賤冇錯,記得報章曾列出時序,第一單黑材料係質梁嘅。
    所謂用未經證實嘅電郵下流無恥,心水清者當知邊個掛在咀邊嘅材料先係未經證實,如果我係個主持會即刻問佢咁點解個電郵係未經證實而你又冇否認呢,不過主持可能好撐佢因為佢好似好撐商台。
    不過,唐同飯民聯手日日話人好狼毒,幫人建立反派形象,好明顯好成功呢。

    回覆刪除
  2. 其實講起商台個時,兩位大哥早晚大插政府,將經濟衰退、樓市爆破、非典禽流感問題既無限怨氣放大,全部入哂當時政府,猶其是董建華度。

    個人覺得,兩位大哥唔係諷刺時敝,更似係扇風點火。於社會大局無多大益處,影響政府施政。事後睇番甚至覺得大班係咪為左幫曾將董趕下台,令其取而代之?

    以大班既學問,點會唔知當時問題主要是外在大環境問題,並非都為政府施政失誤引起?

    誇張地講,大班日日抹黑政府董生,政府若想縮短牌照期限,都係合情合理掛?

    回覆刪除
    回覆
    1. 趕緊稿,忍唔住覆一句:絕對同意。

      領匯第一次上市撻Q,係當年老董背上最後一刀,呢一刀,需要精通政府程序仲要爛熟法律知識,先識得插,大班有呢個能耐?插死我都唔信囉。

      刪除
    2. 而加發現貪曾原來同地產佬打成一片,疑團盡解。

      刪除
  3. 相比早前有電台DJ播 please die, donald tsang被革,阿董實則好寛容啦~

    回覆刪除
  4. 大家準備迎接思歪十年,拔,買多少香港地産股博冷

    回覆刪除
  5. 撤資? 一缸紅水向南流!!!

    港府今日批出的兩幅土地,分別是鴨脷洲徑與鴨脷洲海旁道交界的鴨脷洲內地段第135號的土地,以25.38億元批予金旺發展有限公司,最終發展商為中國海外(00688),平均每方呎樓面地價11,044元。

    至於西貢碧沙路的丈量約份第243約地段第1588號的土地,則以7億元批予誠邦發展有限公司,最終發展商是雅居樂(03383),平均每方呎樓面地價是21,349元,創新界每方呎樓面地價新高。

    回覆刪除
    回覆
    1. 中國海外預咗的,雅居樂呢,有啲似當日碧桂園老闆想買TVB...

      刪除
  6. 永康致信政法宣传会议要求满足民众知情权
    http://www.sina.com.cn 2012年03月22日19:31 中国新闻网

      中新社上海3月22日电 全国政法宣传工作会议22日在上海召开。中共中央政治局常委、中央政法委书记周永康致信表示,近年来,在以胡锦涛同志为总书记的党中央正确领导下,政法、宣传两条战线的同志们团结协作,创造性地做好政法宣传工作,为政法机关忠实履行法定职责创造了良好舆论环境。

      周永康强调,面对新形势,要坚持正确的舆论导向,深入宣传社会主义法治理念,统筹把握新闻传播规律和政法工作规律,统筹建设好、运用好传统媒体和新兴媒体,不断增强政法宣传工作的覆盖面和传播力,更好地满足人民群众对政法工作的知情权、参与权、表达权、监督权,为促进政法事业发展进步、维护社会和谐稳定、保障社会公平正义、推动社会主义法治国家建设作出新贡献。(完)

    -------------------------------------------
    看來康師傅被下架了~

    回覆刪除