2012年7月6日星期五

王子個頭(預告篇)


首先要在行文上分開李寧這位體操王子,同埋「李寧」(2331)呢間上市體育用品公司,有引號代表公司。

好耐未見過識郁的李寧,對上一次,好似已經係2008年京奧飛身點火嗰吓,今日再露面,頭髮又少咗,亦冇顯示出在運動場上的信心。

「李寧」以李寧命名,就係以中國最具代表性運動員做生招牌,但係李寧過去咁多年保持低調,低調得不乎尋常,絕對唔似一個白手興家的百億民企老闆,或者李寧本身抗拒宣傳,唔識做騷,又或者頭髮越來越少,英雄遲暮,對講求活力的體育品牌會有反效果。

不過李寧作為大股東,過去咁多年,減持「李寧」股權似乎從不惜貨,早年拍埋非凡中國(8032),借殼上市搞搞震,更好似冇擔心過會刮花自己貞節牌坊,壞孩子出豉油,王子出自己隻豬,難免令人懷疑,李寧在「李寧」,查實冇乜控制權,更似一個「人頭」

王子個頭,是理解「李寧」過去一系列動作的起點。

關連文章:
1. 王子壞孩子(上)(下)
2. 體育戰場(上)(下)

9 則留言:

  1. 回覆
    1. 所以今次行出嚟,好似林煥光做行會蕉雜人,被人用槍指住個頭咁...

      刪除
    2. 有心做如果必須揀一定係辭平機會嘅,話晒任期只剩半年。

      刪除
  2. 個樣真是好心虛咁,唔是由衷講的說話。

    回覆刪除
    回覆
    1. 巴打,呢個場人氣唔係咁旺,得閒禾會上多啲去龍鳳大茶樓吹水。

      刪除
  3. 鎖你!原來順叔係博主…

    回覆刪除
    回覆
    1. 哈哈哈,陶公大駕光臨,WELL擒WELL擒,已經加咗你個Blog落右邊的「熟客連線」,呢輪花咗好多時間砌個Facebook網頁,冇乜時間搞個Blog矣,得閒會上你個屠龍記踩場!

      刪除