Best Blogger Tips

2012年3月25日星期日

唐唐哭了


這是唐唐有史以來,最好的一次公開演講。

唐唐的眼淚,可以看得出、感受到,是真的。經過今次洗禮,公子哥兒也大個仔吧?

最後一刻高舉「一國兩制」?李澤楷出嚟講「良心」?這一刻觸動人心的唐唐,現在明白當初跟香港人的距離吧?現在跌倒了的唐唐,能真正的感受到民意吧?­能真正聽到香港人的聲音吧?

跌倒了爬起身,今天起Come out of the corner fighting,真正的維護香港的價值,或許不到2017,會再見面的。

節錄唐唐的結語:「可以難過,不必悲傷,香港的前途,仍是樂觀的」。

15 則留言:

  1. 唐唐搞政變失敗...玩大左...

    蔡東豪諗住跟誠哥押注,實無死,還誇口:這些年,和誠哥對賭的,誰有好下場?對梁去到盡一盡,結果中空寶,更加公信力盡失。

    回覆刪除
  2. 我真係服能左純官,真係堅抽

    回覆刪除
  3. 唐唐算係咁嘞,起碼仲有誠哥,二百幾個選委,一招,大輝同埋太座不離不棄,撐到底,今生無悔。

    回覆刪除
  4. 凡事留一線,日後好相見,蔡東豪今次對梁的批評/抹黑實是無以復加。不過若蔡兩邊公平對待,一同批判,情況便好多了。

    可惜卻是完完全全的雙重標準。

    回覆刪除
    回覆
    1. 無名兄,呢方面禾唔係好同意,做得事事評論員,去到呢啲大場面,有既定立場,禾覺得冇問題,橫掂民情撕裂,仲要撕完再撕,邊個行出嚟講任何一句帶立場的說話,最少會被3成人屌到反肚...

      做新聞,講事實就唔同,呢個零月,作為一個哎呀傳媒人,禾好清楚咁感受到,絕對的新聞自由,在香港絕對不存在,例如R7買信報嗰兩個億,就係用在今日,咁多份中文報紙,邊份可以保持中立?只有一份:am730。

      最低限度,過去3年順叔寫乜,am730從來冇干預半句(除咗唔準講粗口,「迎賓周大福」變咗「周大福迎賓」之類),其實好難得的...

      刪除
    2. 順叔,有立場無問題呀,有理有據,理直氣壯。但捕風捉影,一味以「覺得」,「應該會」,類文革式既批判,實在令人側目。若是出自其他打手,也就算了,出於蔡則很令人失望羅,不過算吧,路遙知馬力,叫做睇到另一面。

      除am外,icable報導好像還不錯。信報則幾同垃圾,比文匯大公更加不堪。

      刪除
    3. 仲有,批梁也就算了。大力捧唐卻有違基本良心羅。咁同大行報告唱好博士蛙有咩分別?

      刪除
    4. 順叔,你要繼續保持你既風格,唔好變臉呀!!!

      刪除
    5. AM730都算係咁囉,難得從順叔口中得到證實,或者C老闆口中嘅無為而治不是空談。
      信報令我好失望,搞成大版打手文章,咩兩位消息人士,挑!

      小弟呢期每朝閞晒蘋果東方星島明報信報頭版,三個電視台新聞轉來轉去(冇有線),只係為咗唔想只得到以偏蓋全嘅資訊,不自覺被傳媒洗腦,幾咁可悲!避共產黨易得多啦!

      刪除
    6. 其實am同cable都係很好的例字,說明有地產背景唔代表一定係霸權,只顧自己的既得利益。須知道,從地產延伸出來的行業之多,確實與一地之經濟民生環環相扣,問題在於有些「人」賺得太盡,無肉血,沒有心,兼缺乏靈魂﹒﹒﹒

      換句話,有立場不等同一定係唔中肯,有理有據的立場是真正有良心的表現,是實實在在,中肯中聽的真心話。

      刪除
  5. 唯一想到的可能是蔡或想做開國功臣,撈個一官半職,甚至他日登頂也未可知。

    回覆刪除
  6. 可以難過,不必悲傷...呢句抄蔡英文既..咁快就返用...真係當其他人失憶.
    凡事太盡, 緣份早盡...

    回覆刪除
  7. 新司長鐵三角:林鄭/黃仁龍/梁高?

    回覆刪除
  8. 有同感。今次十足龜兔賽跑,兔仔應該汲取教訓啩。

    今日真係幕幕經典:先有四叔唔記得選咗邊個,再有夢熊福完世紀握手,然後家鈍不鈍踴躍站台,想唔笑都難。

    回覆刪除
    回覆
    1. 見到純官,禾諗起蕭亮:蕭李老薑攝石人...

      刪除