最初剪呢條片(第一段是剪接惡搞之作)，只係即興，順便引大家望吓，滙豐前大班艾爾敦，在自己個ＢＬＯＧ點睇唐英年及香港政治，點知竟然有十幾萬ＣＬＩＣＫＳ，可以想像，唐唐在年青人心目中，真係好唔受歡迎．．．
陳克勤「搓Ｏｕｒ Ｂｒｅａｓｔ」之後，聽講都識得苦練英文，唐唐從政廿年，入政府９年，到而家講嘢都一嚿嚿，淨識飲紅酒，可見呢位得到多名大富豪押注的公子哥兒，咁多年嚟，唔單止冇為政途兇險做防彈措施，同時冇好好鍛煉自己，呢樣嘢抵打屎忽。
ＣＹ自己一早話「第Ｎ屆」都唔選，９７年以嚟，做咗十幾年行會召集人，特區政府咁多大鑊嘢，除咗「紫盧」，一單嘢都冇上身，八萬五老董揹晒，可見呢條友真係好識走位，奸到出汗，面對一個精心部署十幾廿年的全職政客(甚至係集團)，溫室長大的，唔怪得毫無還架之力了．．．
伸延閱讀：
1. GOW財茄台: 一蚊樓？
2. 蘋果日報: 中門大開之「潛伏」
Presented by
可能CY 真係好低調呢..去睇下
回覆刪除http://url.cn/3IwC3A
利申, 同cy 3唔識7..
哈哈，如果唔係有「利申」兩個字，順叔仲以為ＣＹ找人來踩場了．．．
刪除講正經的，ＣＹ呢個人，暫時唔係咁多人睇得通，落結論之前，可以分享少少觀察。
港大民意調查計劃，有一個ＲＵＮＮＩＮＧ ＰＯＬＬ，叫市民為主要官員及行會成會俾分，１００分滿分，５０以下等如肥佬，大家可以查可舊資料，ＣＹ的「得分」，應該一直肥佬，甚至可能低於唐唐，點解，因為佢一路俾人印象，親建制、親商界，甚至係左派中堅人物．．．
最低工資同競爭法，被香港工商界視為兩大宗罪，回歸後講咗十幾年，如果大家翻查資料，ＣＹ就呢個題目，幾乎從來冇公開表態，就算有，都係模稜兩可．．．
２００８年３、４月左右，ＣＹ出席一場在屋邨商場舉行的「全民開講」，唔單止舉腳支持最低工資，仲拍心口叫「廁所事務員」英姐打電話搵佢幫手，呢一個ＭＯＭＥＮＴ，其實就係ＣＹ正式露底，顯示出問鼎特首野心的一刻，從此努力洗底，建立「親基層」的形象．．．（面對一個咁攻心計的對手，呢個時候的唐唐，仲顧住填補感情缺失，唔單止冇為政途兇險做防彈措施，仲開始在現實世界、自己屋企搞另一個巨型僭建．．．）
好喇，特首選舉入閘，民意調查，開始唔係叫公眾評分，而係直接將ＣＹ同唐唐放埋一齊，問市民支持邊個，呢個時候，大孖沙、寶ＢＡＢＹ、星爺呢類人，齊齊跳出嚟攬住唐唐，對ＣＹ嚟講，其實正中下壞，令呢個在２００８年前，政途上從來冇半分草根味道的專業人士兼專業政客，忽然成為香港「反霸權」的唯一選擇，甚至係唯一「基層代言人」．．．
ＣＹ要攞第６０１票，而家有兩個選擇，一係同大孖沙拆掂數；一係收編白鴿黨等非建制力量，攬住齊齊過渡２０１７。前者，代表現有政經利益集團延續壟斷優勢，後者，代表回歸以來最激烈的一次利益再分配。
暫時睇唔通，有機會再講吓．．．
講多句，今日生果「添馬男」，寫咗段ＣＹ，有興趣可以望望．．．
刪除http://hk.apple.nextmedia.com/template/apple/art_main.php?iss_id=20120305&sec_id=15307&subsec_id=15320&art_id=16126335&cat_id=15523461&coln_id=15523465
謝謝分享!3個揀一個, 應該都別無他選了.我估佢應該都好大機會做特首.
回覆刪除作為無票之人, 只可以放長雙眼, 睇下呢幾年會點了.