私子生下？

呢條片，係越睇越好笑的。

ＣＣＴＶＢ訪問唐唐(視頻)尋日質問唐唐有冇私生子，呢個ＹＥＳ／ＮＯ問題，唐唐竟然冇否認，幾乎可以肯定係「缺失」一部分。當日智渾大師請唐唐焗飯，臨尾送禮，趁佢毫無防避，陰尻唐唐，用呢個敏感問題「擢」唐唐的即時反應，高！唔怪得明明話去遊學，商台都搵佢返來在晴朗的一天再　-- 向左走向右走了．．．

大師得道高層，天眼通地眼通，堂堂ＣＳ接受訪問，仲要對住鏡頭，點會無端端問人，你有冇婚外情私生子咁唐突，亦即係話，在２００７年５月呢段焗飯出街時，肯定香港某階層人士，好多人已經索到料，大師呢排ＴＶＢｕｄｄｙ，絕對唔係俾茄哩啡睇的，可能佢想話俾唐唐聽：「我知道你籠嘢老友！」；又或者，佢只不過想賣弄聰明，在毫無斧鑿痕跡下，同唐唐開個「無傷大雅」的玩笑，無論如何，當時唐唐應該收到警號，拔，一心諗住黃袍加身的太子，竟然一直冇拆彈，唐唐要做特首，付出的「努力」，未免太少了．．．

聽吓呢一句，可能係梁振英行入「廚房」以嚟，最真心的一句說話: 行到幾遠，視乎你肯投入幾多．．．

近排見到唐唐，成個人老晒，順叔都有少少側隱之心，拔，ＳＯＲＲＹ，能力及誠信，留俾第二個講，順叔只不過係質疑你唔夠努力啫．．．

Presented by

That Guy Who've Seen