國務院副總理李克強，日前出席「全國發展和改革工作座談會」，一堆八股，當中提到，要「優化投資結構」，「支持民間投資進入鐵路、市政、能源、社會事業等領域」，話音未落，衰咗成年的鐵路基建股反彈幾十個價位。
小強８月訪港挺港，６招３６式，當中就有一段，支持港鐵（０６６）北上發展．．．
近來內地唔少聲音，包括發改委及部分城市，都話歡迎港鐵駛入大陸，睇睇１１月初《商報》講乜．．．
阿公在中央經濟工作會議，講明下年鐵路投資會恢復正常，ＢＵＴ，鐵道部莫財，需要市場化改革，引入民間資本，港鐵唔算係大把水，不過勝在香港幾十年納稅人的「土地津貼」下，有３條Ａ信貸光環，大把水位揹多啲債。
港鐵「被歡迎」駛入大陸，有可能成為鐵路改革的一支奇兵。
呢方面未認真訮究，不過，港鐵返大陸做乜都好，可唔可以，在香港每一個地鐵站，先整返一個公廁．．．
伸延閱讀：
1. 河蟹膠鐵（上）、（下）
2. 地主鐵路（上）、（下）
提起隻孖6，我又想請教順叔喇：
回覆刪除（1）地鐵（港鐡）係小第落火坑打新嘅第一炮，年年以股代息，實在有感情，但唔知點解上季度開始冇左呢個安排？茄薯太多定係因為周生退左休？
（2）依然期待第二批股份上巿，不過近年好似少人提左，睇黎真係望機管局上巿先好過。
（3）八達窿業務又係一隻小金蛋，就算越來越多輕拍式電子付款對手，但係八達㝫始終好用d而又有咁大先行者優勢，地鉄好似仲未使太驚；咁如果地鐵真係北上發圍,八達窿是否一個亮點？不過上面競爭看來又不少，如神數861都有搞神州卡啦，而且每個地方嘅卡都唔同，似足日本咁。
（4）睇黎孖6要再上一層樓，一定係要背靠大6，但地鐵大股東係港府，所以喺香港攞地不是太大問題，但係喺大陸是否有李總加持就通行無阻, 如果冇左地產呢樣野，盤數點頂？因為在大6價格管制嘅威力比香港尊貴議員反對嘅Power可以話係贏左條黃河。
（5）講起廁所呢個問題，真係百思不得其解。片面啲睇，一方面似是成本問題大於技術問題，除左維修同請人清潔，仲要犧牲可以出租嘅地方。但另一方面，最近去過馬鐡啲toilet, 就算有人清潔下，以大家咁粗用，已經越來越有公厠feel了。所以係咪唔起仲好?
（6）提起清潔，又要鞭一鞭我有N份之一股權嘅孖6。近來睇東森電視有關高雄捷運嘅特輯，人地每晚收車後都會裡𥚃外外抺亁凈架車，包括扶手，玻璃和坐椅等；但係今日撘地鐡見到玻璃上便啲污漬，直情差d將透明玻璃變成磨沙玻璃。港鐡除左要成為世界上少數有贏利嘅捷運外，形象也要多加注意。
純粹喃到乜寫乜，萬勿見笑。
呢兩個月公私兩忙，咁遲先覆，唔好意思．．．
刪除地鐵廁所呢個問題，順叔只係從市民日常生活角度去睇，港鐵呢隻怪獸，遲啲有新聞配合時，會再放佢上枱，希望可以解答到以上部分問題．．．
Hi there, the question on script dividend has been referred to MTRC via email. Not sure if they will answer though...
刪除